home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

အစားအစာများမှ ကိုဗစ်ပိုးကူးနိုင်ခြေနည်းကြောင်း ပညာရှင်များပြောကြား

အစားအစာများမှ ကိုဗစ်ပိုးကူးနိုင်ခြေနည်းကြောင်း ပညာရှင်များပြောကြား

ပညာရှင်တွေ ပြောကြားချက်အရ ပြင်းထန်အဆုတ်ရောင် ကိုဗစ်ရောဂါ (Covid-19) ကို ဖြစ်စေတဲ့ ကိုရိုနာဗိုင်းရပ်စ်ပိုးတွေကို အစားအစာကနေ ကူးစက်နိုင်ခြေ မရှိသလောက် နည်းတယ်လို့ သိရပါတယ်။ ဒီလို ကပ်ဘေးကာလမှာ အိမ်ရဲ့ စားဝတ်နေရေးအတွက် ဝယ်ခြမ်းချက်ပြုတ်နေရတဲ့ အိမ်ထောင်ရှင် အမျိုးသမီးများအတွက်တော့ ရင်အေးစရာ သတင်းလို့ ဆိုရမှာပါပဲ။

အစားအစာတွေထဲမှာဆိုရင်

၁။ အသားစိမ်း၊ ငါးစိမ်း

ပုံမှန်ကတော့ အသားငါး အစိမ်းတွေမှာ သူ့ဟာနဲ့သူ ရောဂါပိုးတွေကတော့ ပါပြီးသားဖြစ်သလို Covid-19 ပိုးလည်း ကပ်တော့ ကပ်သွားနိုင်ပါတယ်။ ဒါပေမယ့် အပူပေးပြီး ချက်ပြုတ်ကြော်လှော်လိုက်တဲ့အခါ ပြင်းထန်တဲ့ အပူချိန်ကြောင့် ရောဂါပိုးတွေဟာ အစားအသောက်မှာ ကျန်ရစ်ခဲ့တော့မှာ မဟုတ်ပါဘူး။ ဒီအတွက် ကပ်ဘေးကာလမှာ အသားငါးတွေကို သေချာကျက်နေအောင် ချက်ပြုတ်ဖို့တော့ အရေးကြီးပါတယ်။

၂။ သစ်သီးဝလံ၊ ဟင်းသီးဟင်းရွက်

ဟင်းသီးဟင်းရွက်တွေကို အစိမ်းစားတာလည်း ရှိသလို ချက်ပြုတ်စားသောက်တာလည်း ရှိပါတယ်။ ဒီအတွက် ရေခဲသေတ္တာထဲ မထည့်ခင်နဲ့ ဟင်းမချက်ခင်မှာ သေချာရေဆေးဖို့တော့ လိုမယ်နော်။ အကောင်းဆုံးကတော့ ခုလို ကပ်ဘေးကာလမှာ ဟင်းသီးဟင်းရွက်တွေကို မိသားစုစားနိုင်ရုံလောက် နည်းနည်းစီ ချက်ပေးပြီး ပူပူနွေးနွေးစားပေးသင့်ပါတယ်။ အသီးအနှံတွေကိုလည်း တတ်နိုင်သလောက် ရေဆေးပြီးမှ အခွံနွှာစားပေးနိုင်ရင်တော့ ပိုကောင်းပါတယ်။

၃။ တခြားမုန့်ပဲသရေစာများ

အပြင်ကနေ ပလတ်စတစ်အိတ်နဲ့ လုံခြုံစွာ ထုပ်ပိုးထားတဲ့ မုန့်ပဲသရေစာတွေဆိုရင်တော့ အထဲက အစားအစာမှာ ရောဂါပိုးကပ်နိုင်စရာ အကြောင်းမရှိပါဘူး။ ဒီအတွက် ပိုသေချာသွားအောင် အပြင်က ပါကင်ထုပ်ကို ဖောက်ပြီး၊ မုန့်စားပြီးသွားပြီဆိုရင်တော့ လက်ကို ဆပ်ပြာ၊ ရေနဲ့ စနစ်တကျလေး ပြန်ဆေးပေးပါ။

၄။ စားသောက်ဆိုင်မှ ထုတ်ပိုးမှာယူ​သော အစားအစာများ

ပုံမှန်အားဖြင့် စားသောက်ဆိုင်ကနေ ကိုယ်စားချင်တဲ့ အစားအစာတွေ အော်ဒါမှာစားလိုက်တဲ့အခါ လတ်လတ်ဆတ်ဆတ် ချက်ပြုတ်ပြီးမှသာ အလုံပိတ်အိတ်ထဲ ထည့်ပြီး ပို့ပေးတာဖြစ်တဲ့အတွက် ရောဂါပိုးတွေ ကပ်နေမှာတော့ သိပ်ပြီး စိတ်ပူနေစရာမလိုပါဘူး။ အပြင်ဘက် အိတ်တွေမှာလည်း စားစရာကနေ ထွက်လာတဲ့အပူရှိန်ကြောင့် တော်ရုံရောဂါပိုးမွှားတွေ ကပ်နိုင်မှာ မဟုတ်ပါဘူး။

သတိထားသင့်တဲ့ အရာများ

အစားအစာကနေ ရောဂါပိုး ကပ်နိုင်ခြင်း အလွန်နည်းတယ်ဆိုတာမှန်ပေမယ့် ကိုယ့်ဘက်က ကြိုတင်သတိထားလို့ရတာမျိုး၊ ပြင်ဆင်ထားသင့်တာတွေ ပြင်ဆင်ထားနိုင်ရင်တော့ ပိုကောင်းပါတယ်။ အဓိက လုပ်ပေးရမှာတွေကတော့

  • စားစရာတွေကို ထုတ်ပိုးထည့်ထားတဲ့ ကြွပ်ကြွပ်အိတ်တွေကို အိမ်သားတွေနဲ့ မထိတွေ့မိစေအောင် ဝေးဝေးတစ်နေရာ သို့မဟုတ် အမှိုက်ပုံးထဲမှာ သေချာထည့်ထားပါ
  • အပြင်သွားတဲ့ ဝတ်ထားခဲ့တဲ့ Mask တွေကို ချွတ်ပြီး အလုံပိတ်အိတ်နဲ့ ထည့်ကာ အမှိုက်ပုံးထဲ ပစ်ပါ။
  • စားစရာတွေကို မကိုင်တွယ်၊ မချက်ပြုတ်ခင် လက်ကို ဆပ်ပြာ၊ ရေနဲ့ အနည်းဆုံး စက္ကန့် ၂၀ခန့် သေချာပွတ်ဆေးပေးဖို့ အလွန်အရေးကြီးပါတယ်။ ချက်ပြုတ်ပြီးသားရင်လည်း ဒီအတိုင်းပဲ လက်ကို ပြန်ဆေးပေးပါ
  • စားစရာတွေကို အမြဲ ပူပူနွေးနွေးသာ စားသုံးပါ။ ဟင်းလျာများ အေးနေပြီဆိုရင် ထမင်းမစားခင်မှာ ကြိုပြီး နွှေးတာမျိုး လုပ်ပေးပါ
  • ဟင်းချက်ပြုတ်တဲ့အခါ အစာအာဟာရ စုံလင်စွာ ပါဝင်စေဖို့ အိမ်ထောင်ရှင် မေမေတို့ သေချာဂရုပြုပေးပါ

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ ဘဝနေ့ရက်များကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ
စာရေးသူ ဓာတ်ပုံbadge
Ye Myo Myat မှ ရေးသားသည်။ 01/10/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။