အာဟာရနဲ့ ဆေးဖက်ဝင်အာနိသင်များတဲ့ အာတာလွတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

အာတာလွတ်ဥလေးကိုပြုတ်၊ ဆီလေးဆားလေးနဲ့ စားရတာ အရသာဆိမ့်ဆိမ့်လေးရယ်။မြန်မာ့အစားအစာတွေထဲမှာနေရာတစ်နေရာယူထားတဲ့ အာတာလွတ်ကဆေးဖက်ဝင်တယ်လို့လည်း လူကြီးတွေပြောဖူးပါတယ်။ အာတာလွတ်မှာပါဝင်တဲ့ အာဟာရဓါတ်တွေနဲ့ ဆေးဖက်ဝင်အာနိသင်တွေကိုသိပ္ပံပညာလေ့လာမှုအထောက်အထားတွေလည်းတွေ့ရှိထားပါတယ်။

အာတာလွတ်မှာ ကာဗိုဟိုက်ဒရိတ်၊ဗီတာမင်ဘီတွေ အပြင် ကယ်လ်စီယမ်၊ပိုတက်စီယမ်၊ မဂ္ဂနီဆီယမ်၊ ဆိုဒီယမ်၊ဖော့စ်ဖရပ်စ်တို့လိုသတ္တုဓါတ်တွေကြွယ်ဝတယ်။ အမျှင်ဓါတ်နဲ့ ပရိုတင်းဓါတ်တွေလည်း ပါဝင်တော့ အာဟာရအတော်ပြည့်စုံပါတယ်။

ဆေးဖက်ဝင်အကျိုးကျေးဇူးတွေက ဘာတွေလဲ

အစာကြေတယ်

အစာခြေစနစ်မှာ အမျှင်ဓါတ်က အရေးပါဆုံးထဲပါဝင်ပါတယ်။ အမျှင်ဓါတ်က အူလမ်းကြောင်းထဲမှာ အစာတွေရွေ့လျားမှုကောင်းမွန်စေပြီး အာဟာရဓါတ်တွေစုပ်ယူနိုင်အောင်နှိုးဆွပေးပါတယ်။ သူက ဝမ်းချုပ်တာ၊ ဝမ်းလျှောတာတွေကိုပျောက်ကင်းစေပြီးသွေးတွင်းသကြားဓါတ်ကိုလည်း ထိန်းညှိပေးပါတယ်။ အမျှင်ဓါတ်ကြောင့်ပဲ ပိုလျှံနေတဲ့ ကိုလက်စထရောတွေကို ရှင်းလင်းပေးပြီး နှလုံးသွေးကြောကျန်းမာရေးကိုကောင်းမွန်စေပါတယ်။

နှလုံးကျန်းမာရေးအတွက်ကောင်းတယ်

ပိုတက်စီယမ်ပါဝင်မှုပမာဏများလို့ နှလုံးနဲ့ပတ်သက်တဲ့ရောဂါဝေဒနာတွေရန်က အကာအကွယ်ဖြစ်စေပါတယ်။ ပိုတက်စီယမ်က နှလုံးသွေးလွှတ်ကြောတွေနဲ့သွေးပြန်ကြောတွေကိုပြေလျော့စေပြီးသွေးဖိအားကိုကျစေတယ်၊ နှလုံးရောဂါနဲ့လေဖြတ်ခြင်း အန္တရာယ်ကိုလျော့နည်းစေပါတယ်။

သန္ဓေသားအတွက်ကောင်းတယ်

ဖောလိတ်ဓါတ်ပါဝင်မှုများလို့ ကိုယ်ဝန်ဆောင်တွေစားရင်မွေးလာမယ့်ကလေးမှာ ချို့ယွင်းချက်ပါလာနိုင်ခြေနည်းစေပါတယ်။ဖောလိတ်ဓါတ်က ဒီအင်န်အေဖြစ်တည်မှုနဲ့ ဆဲလ်ကျန်းမာရေးတွေမှာအရေးကြီးတဲ့ဓါတ်ဖြစ်ပြီး ဖွံ့ဖြိုးမှုကိုလည်းမြှင့်တင်ပေးပါတယ်။

ကြီးထွားဖွံ့ဖြိုးမှုကို အားပေးတယ်

အာတာလွတ်ဥမှာ ပရိုတင်းက ထိုက်သင့်သလောက်ပါရှိပါတယ်။ အသားကရတဲ့ပရိုတင်းတွေထက် အသီးအနှံ၊သစ်ဥသစ်ဖုကရတဲ့ ပရိုတင်းကို ခန္ဓါကိုယ်က စုပ်ယူချက်လုပ်ရတာပိုလွယ်တာမို့ အဆင်ပြေပါတယ်။ ဒါ့ကြောင့် ဒီလိုပရိုတင်းမျိုးစားပေးခြင်းဖြင့် ကျန်းမာတဲ့ ခန္ဓါကိုယ်ဖွံ့ဖြိုးမှုကိုရနိုင်မှာပါ။

ကိုယ်အလေးချိန်ကျစေတယ်

အာလူး၊ ပီလောပီနံ တို့လို တခြားဥတွေထက် ကယ်လိုရီနည်းတဲ့ အာတာလွတ်က diet လုပ်တဲ့နေရာမှာပိုသင့်တော်ပါတယ်။ အာဟာရဓါတ်တွေနဲ့ အမျှင်ဓါတ်ပါတဲ့ အာတာလွတ်ကိုတွဲစားရင်ပဲ ဝိတ်ချအစားလျှော့တဲ့အစီအစဉ်မှာ ပိုအကျိုးထူးနိုင်ပါတယ်။ အဆာပြေအနေနဲ့ စားလည်းရတယ်။

ဆီးလမ်းကြောင်းပိုးဝင်ခြင်းကိုကုသပေးတယ်

အာတာလွတ်ရဲ့ဆေးဖက်ဝင်အာနိသင်ကြောင့် ဆီးအိမ်ပိုးဝင်ခြင်းနဲ့ ဆီးလမ်းကြောင်းပိုးဝင်ခြင်းကို ကုသပေးနိုင်ပါတယ်။ ဆီးလမ်းကြောင်းပိုးဝင်ခြင်း မကြာခဏဖြစ်တတ်တဲ့အမျိုးသမီးတွေ အာတာလွတ်စားပေးသင့်ပါတယ်။

ကိုယ်ခံအားမြင့်စေတယ်

အာတာလွတ်မှာပါတဲ့ သတ္တုဓါတ်တွေက အားနည်းခြင်း၊ နွမ်းနယ်ခြင်းနဲ့ ဦးနှောက်ဉာဏ်ရည်ဆိုင်ရာပြဿနာတွေကို တွန်းလှန်ရာမှာ အများဆုံးအကျိုးပြုပါတယ်။ ကိုယ်တွင်းအင်္ဂါစနစ်တွေအတွင်းအောက်စီဂျင်ပေးပို့မှုပိုကောင်းစေပြီး ခွန်အားလည်းမြင့်တက်စေပါတယ်။

ဇီဝကမ္မဖြစ်စဉ်ကို ပိုကောင်းစေတယ်

ဗီတာမင်ဘီ ပါဝင်မှုမြင့်မားလို့ အင်ဇိုင်းနဲ့ဇီဝကမ္မဖြစ်စဉ်အတွက် အရေးပါလှပါတယ်။ ဗီတာမင်ဘီအုပ်စုဟာ ဟော်မုန်းတွေကအစ နှလုံးခုန်နှုန်းအထိ ခန္ဓါကိုယ်အနှံ့ လုပ်ဆောင်ချက်ဖြစ်စဉ်တွေကို ထိန်းညှိရာမှာအရမ်းကိုအရေးပါတာဖြစ်ပါတယ်။ ကယ်လ်စီယမ်ကြွယ်ဝတာကြောင့်လည်း ခန္ဓါကိုယ်ထဲက အယ်ကာလိုင်းအက်စစ်ထိန်းညှိမှုအတွက် အရေးပါပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆေးဖက်ဝင်ဂျင်ဆင်း၏ အကျိုးကျေးဇူးများ

ဂျင်ဆင်းမှာ မျိုးကွဲတွေလည်း ရှိပါတယ်။ ဂျင်ဆင်းမှာအဓိက ပါဝင်တဲ့ ginsenosides နဲ့ gintonin ကြောင့် ကျန်းမာရေးအတွက် အထောက်အကူပြုခြင်း ဖြစ်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဆေးဖက်ဝင်ကလျာဏီ (Sage) အကြောင်း

ကလျာဏီပင်ကို ဟင်းခတ်အမွှေးအကြိုင်အဖြစ်သုံးစွဲသလို ဆေးဖက်ဝင်အပင်အဖြစ်လည်းသုံးပါတယ်။လတ်လတ်ဆတ်ဆတ်ဖြစ်စေ၊ အခြောက်ခံပြီးဖြစ်စေ၊ အဆီထုတ်ပြီးဖြစ်စေ သုံးလို့ရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဆေးဖက်ဝင်တယ်ဆိုတဲ့ ရှီးပဒီး အကြောင်း သိကောင်းစရာ

ရှီးပဒီး ကိုဆေးဖက်ဝင်တဲ့တန်ဖိုးကြီးပစ္စည်းအဖြစ်လူသိများပါတယ်။ သူက အပင်လား၊သက်ရှိလား၊ဘယ်လိုတွေဆေးဖက်ဝင်တာလဲ၊ဘေးကင်းရဲ့လားဆိုတဲ့သိကောင်းစရာတွေဖော်ပြထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

ကိုယ်ဝန်ဆောင်မေမေ Detox Water သောက်လို့ရလား။

ကိုယ်ဝန်ဆောင်မေမေ Detox Water သောက်လို့ ရလား။ ကိုယ်ဝန်ဆောင်မေမေ Detox Water မသောက်ပါနဲ့လို့ ပြောရတဲ့ အကြောင်းအရင်း။ ကိုယ်ဝန်ဆောင်နဲ့Detox Water။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

မန်ကျည်းခေါက်လေးရဲ့ ဆေးဖက်ဝင်ပုံ

မန်ကျည်းခေါက်လေးရဲ့ ဆေးဖက်ဝင်ပုံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 21, 2020 . 1 min read
တန်ဆောင်မုန်းမှာ ဆေးပေါင်းခဖို့ သုပ်စားကြတဲ့ မယ်ဇလီဖူး

တန်ဆောင်မုန်းမှာ ဆေးပေါင်းခဖို့ သုပ်စားကြတဲ့ မယ်ဇလီဖူး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 7, 2020 . 2 mins read
ရာသီဥတုကြောင့်ဖြစ်တဲ့ ဓာတ်မတည့်မှု သက်သာစေဖို့ ဘာတွေစားမလဲ။

ရာသီဥတုကြောင့်ဖြစ်တဲ့ ဓာတ်မတည့်မှု သက်သာစေဖို့ ဘာတွေစားမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 11, 2020 . 1 min read
အရသာရှိရှိ ဆေးဘဲဥသုပ် စားကြရာဝယ်

အရသာရှိရှိ ဆေးဘဲဥသုပ် စားကြရာဝယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 5, 2020 . 2 mins read