ရှေ့ကရေးခဲ့တဲ့ “လေဖြတ်တယ်ဆိုတာ ဘာလဲ” ဆိုတဲ့ ဆောင်းပါးမှာ အကျဉ်းချုပ်လောက် ပါခဲ့တဲ့ နှလုံး သွေးကြောပိတ်ပုံပိတ်နည်းကို မှတ်မိကြမယ်ထင်ပါတယ်။ သွေးကြောချဲ့ခြင်း (angioplasty)ဆိုတာကတော့ ပိတ်နေတဲ့ သွေးလွှတ်ကြောကို ရှင်းဖို့နဲ့ နှလုံးကြွက်သားထဲ သွေးစီးဆင်းမှုကို နဂိုအတိုင်းပြန်ဖြစ်အောင် လုပ်ဖို့ ခွဲစိတ်ပိုင်းဆိုင်ရာ နည်းလမ်းတစ်ခုပါ။ အများစုက ပိုက်ထည့်ခြင်း (stenting) ဆိုပြီး သိထားကြတဲ့ နည်းပါပဲ။