– ဝမ်းဗိုက်အထက်ပိုင်း
– ပခုံး
– ကျောကုန်း
– လည်ပင်း
– သွားများ (သို့) မေးရိုး
နှလုံးထိခိုက်မှုဖြစ်ရင် လှုပ်ရှုားမှုမများလျင်လည်း ချွေး့ပြန်နေတတ်ပါတယ်။ ဒါဟာ နှလုံးထိခိုက်ခြင်းရဲ့ ရှေ့ပြေးလက္ခဏာ ဖြစ်နေနိုင်ပါတယ်။ ကျဉ်းနေတဲ့သွေးကြောတွေကို ဖြတ်သန်းပြီး သွေးများကို ညှစ်ထုတ်ထုတ်နိုင်ဖို့ နှလုံးဟာ ပိုအားစိုက်ရပါတယ်။ ဒါကြောင့် ချွေးများထွက်လာပြီး ကိုယ်ခန္ဓာလည်း အေးစက်လာတတ်ပါတယ်။ ခြေဖျားလက်ဖျားများ အေးစက်ပြီး ချွေးပြန်နေမယ်ဆိုရင်တော့ ဆရာဝန်ပြသသင့်ပါတယ်။
ပင်ပန်းပြီးနုန်းခွေခြင်းဟာလည်း နှလုံးထိခိုက်ခြင်းရဲ့ လူသိပ်မသိတဲ့ လက္ခဏာတခု ဖြစ်ပါတယ်။ နှလုံးသွေးကြောတနေရာရာမှာ ပိတ်ဆို့ရင် သွေးများကို ပိုမိုညှစ်ထုတ်ရဖို့ အားစိုက်တဲ့အတွက် နှလုံးဟာ ပိုမိုပင်ပန်းပါတယ်။ အကြောင်းအရင်း မယ်မယ်ရရမရှိဘဲ မောပန်းနေမယ်ဆိုရင် ဒီအချက်ကို သတိပြုသင့်ပါတယ်။
အမျိုးသမီးတွေဟာ အမျိုးသားတွေထက်စာရင် ပင်ပန်းနွမ်းနယ်ခြင်း၊ အသက်ရှူမဝခြင်းကို ပိုမိုခံစားရတတ်ပါတယ်။ နှလုံးထိခိုက်ခြင်းမဖြစ်ခင် လအနည်းငယ်ကတည်းက အဲဒီလက္ခဏာတွေ ကြုံရတတ်ပါတယ်။
အသက်ရှူမဝခြင်း
အသက်ရှူခြင်းနဲ့ နှလုံးကနေ သွေးကိုညှစ်ထုတ်ခြင်းဟာ ဆက်စပ်နေတဲ့ ကိစ္စတွေ ဖြစ်ပါတယ်။ နှလုံးကနေ သွေးကိုညှစ်ထုတ်တဲ့အတွက် သွေးများဟာ တစ်သျှူးများဆီရောက်သလို အဆုတ်ကနေ အောက်ဆီဂျင်ကိုလည်း ရယူလာနိုင်ပါတယ်။ နှလုံးထိခိုက်မှုကြောင့် သွေးများကို လုံလောက်စွာ ညှစ်ထုတ်ခြင်းမပြုနိုင်ရင် အောက်ဆီဂျင်ပြတ်တောက်ပြီး အသက်ရှူမဝခြင်း ဖြစ်တတ်ပါတယ်။
မူးဝေခြင်း၊ သတိလစ်ခြင်းဟာလည်း နှလုံးထိခိုက်ခြင်းရဲ့ လက္ခဏာပါပဲ။ အထူးသဖြင့် မတ်တပ်ရပ်ဖို့ ကြိုးစားချိန်၊ အားစိုက်ထုတ်လုပ်ကိုင်ချိန်တွေမှာ ဖြစ်တတ်ပါတယ်။
နှလုံးခုန်နှုန်းမြန်ပြီး တခါတရံ စည်းချက်ပါ လွဲနိုင်ပါတယ်။ သင့်ရဲ့နှလုံးခုန်စည်းချက်ဟာ ပုံမှန်စည်းချက်တခုနဲ့ ခုန်နေပြီး သွေးများကို လည်ပတ်စေတာ ဖြစ်ပါတယ်။ တကယ်လို့ နှလုံးခုန်တဲ့ စည်းချက်လွဲနေပြီဆိုရင် နှလုံးထိခိုက်ခြင်းရဲ့ ရှေ့ပြေးလက္ခဏာဖြစ်နိုင်ပါတယ်။
အထက်ပါလက္ခဏာတွေ ကြုံလာရင် ဘာလုပ်ရမလဲ
သင့်အနေနဲ့ နှလုံးထိခိုက်ခြင်း လက္ခဏာတွေပေါ်နေပြီဆိုရင် နီးစပ်ရာ အရေးပေါ်ကျန်းမာရေးဌာနမှာ ပြသရမှာ ဖြစ်ပါတယ်။ ကိုယ်တိုင်ကားမောင်းသွားခြင်းထက် လူနာတင်ကာားနဲ့ပဲ သွားသင့်ပါတယ်။ ကားမောင်းဖို့ အားစိုက်ထုတ်ချိန်မှာ ပိုမိုဆိုးရွားသွားနိုင်တာကြောင့် ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။