အိပ်စက်ခြင်းဆိုင်ရာပြဿနာများ

တခါတခါကျ ကြုံဖူးကြလိမ့်မယ်။ မနက်မိုးလင်းရင် မထချင်ဘူး၊ တော်တော်နဲ့ အိပ်ယာထဖို့ ခက်နေတတ်တယ်၊ အမြဲပဲ အိပ်ချင်နေတယ်၊ အိပ်ယာထဲလှဲချင်နေမိတယ်။ တနေကုန် လှဲပြီးပဲနေချင်တဲ့ စိတ်ဆန္ဒမျိုးပဲ ရှိနေတာမျိုးပေါ့။ အမြဲအိပ်ရေးဝအောင် အကြာကြီးအိပ်နေပေမယ့် ကိုယ့်မှာက အိပ်ရေးမဝသလို ခံစားနေရမယ်၊ အိပ်ယာပေါ်မှာ လှဲအိပ်နေချိန်မှ စိတ်ကျေနပ်နေသလိုမျိုးခံစားနေရတာမျိုးပေါ့။ ဒီလိုစိတ်ခံစားချက်မျိုးက သဘာဝစိတ်ခံစားချက်မျိုးတော့မဟုတ်ပါဘူး။ Dysania လို့ ခေါ်တဲ့ အိပ်စက်ခြင်းဆိုင်ရာ စိတ်ဝေဒနာ အမျိုးအစားတစ်မျိုးသာဖြစ်ပါတယ်။ Clinomania လို့လည်း ခေါ်ကြပါသေးတယ်။ ဒီလိုလူတွေအတွက်တော့ မနက်ခင်းမှာ မြည်တတ်တဲ့ Alarm တွေဟာ စိတ်အနှောင့်အယှက်အပေးနိုင်ဆုံး အရာတွေဖြစ်နေပါလိမ့်မယ်။ အိပ်ယာထဲကနေ ထဖြစ်ဖို့ ၁ နာရီ ၂ နာရီလောက်အထိ အချိန်ယူတတ်ပါတယ်။ ဆရာဝန်တွေကတော့ ဒါဟာ ဂရုစိုက်သင့်တဲ့ ကျန်းမာရေးပြဿနာလို့ တိတိကျကျကို သတ်မှတ်ထားကြပါတယ်။ Dysania ဝေဒနာခံစားနေရသူတစ်ယောက်အတွက် မနက်ခင်းတွေတိုင်းဟာ စိတ်ဆင်းရဲစရာ […]

မနက်အိပ်ရာထချိန်ကနေစလို့ ညအိပ်ရာဝင်ခါနီးအထိ လန်းဆန်းမှုမရှိဘဲ တစ်ချိန်လုံး လိုလို အိပ်ချင်လိုက်တာ ခေါင်းမကြည်ဘူးဆိုပြီးခံစားနေရသူလေးတွေရှိလား။ ဒါဆိုရင် သင့်ကို တစ်ချိန်လုံး အိပ်ငိုက်တယ်လို့ ခံစားရစေတဲ့ အချက်က ဘာများလဲ တူတူကြည့်ရအောင်လား..... တစ်ချိန်လုံး အိပ်ငိုက်နေတာ ဘယ်တစ်ချက်ကြောင့်လဲ................. တစ်ချိန်လုံး အိပ်ငိုက်နေတယ်လို့ ခံစားနေရတာက သန့်စင်ထားတဲ့ ကာဗိုဟိုက်ဒရိတ်တွေ အများကြီးစားမိတာ ကာဗိုဟိုက်ဒရိတ်က ခန္ဓာကိုယ်ကို မြန်မြန်အားပြည့်စေတယ်ဆိုတာကတော့ အမှန်ပါ။ ဒါပေမယ့် စားပြီးချိန်မှာ ခန္ဓာကိုယ်က သကြားဓာတ်အဖြစ်ဖြိုခွဲလိုက်ပါတယ်။ဒါမှ လှုပ်ရှားမှုတိုင်းအတွက် အားပြည့်နေစေမှာပါ။ အားဖြစ်တာထက် ကျော်လွန်အောင် စားမိပြီဆိုရင်တော့ ထိုင်းမှိုင်းသလို ခံစားလာရပါလိမ့်မယ်။ သန့်စင်ထားတဲ့ ကာဗိုဟိုက်ဒရိတ်တွေကို အများကြီးစားမိတာက တစ်နေ့တာလုံးမှာ ပင်ပန်းပြီး အိပ်ငိုက်တယ်လို့ ခံစားရစေနိုင်ပါတယ်။ သန့်စင်ထားတဲ့ ကာဗိုဟိုက်ဒရိတ်တွေက သွေးတွင်းသကြားဓာတ်ကို အပြောင်းအလဲဖြစ်စေပြီး အိပ်ငိုက်တာမျိုးခံစားရစေနိုင်ပါတယ်။ အထိုင်များတာ လှုပ်ရှားမှုနည်းပြီး အထိုင်များတာက ကိုယ်တွင်းမှာ အားမရှိသလို ပင်ပန်းသလို ခံစားရစေပြီး သင့်ကို အိပ်ငိုက်လာရစေတဲ့ အချက်တစ်ခုပါ။ […]

အိပ်နေရင်းလမ်းထလျှောက် တာကို ကိုယ်တိုင်မကြုံဖူးရင်တောင် ရုပ်ရှင်ထဲမှာဖြစ်ဖြစ် ကိုယ့်အသိမိတ်ဆွေတွေထဲမှာဖြစ်ဖြစ် ကြားဖူးမှာပါ။ ဒါကို ဘယ်လိုနားလည်ထားလဲ။ သရဲဝင်ပူးတာလား။ သူများပြုစားတာလား။ ကျန်းမာရေးပြဿနာတစ်ခုပဲလား။ ဆက်ကြည့်ရအောင်။ အိပ်နေရင်းလမ်းထလျှောက်တာကို ဆေးပညာအရ somnambulismလို့ခေါ်ပါတယ်။ လူငယ်တွေထက်စာရင် ကလေးတွေမှာ ပိုဖြစ်ပါတယ်။ အများစုက ကြီးလာရင် သူ့အလိုလို ပျောက်သွားတတ်ပါတယ်။ တစ်ခါတလေမှ လမ်းထလျှောက်ရင်တော့ ပြဿနာမရှိပါဘူး။ ထပ်ခါထပ်ခါလျှောက်နေပြီဆိုရင်တော့ နောက်ကွယ်မှာ အိပ်စက်ခြင်းပြဿနာတစ်ခုခု ရှိနေနိုင်ပါတယ်။ လူငယ်တွေမှာ အိပ်ရင်းလမ်းထလျှောက်တာက အိပ်စက်ခြင်းပြဿနာကြောင့်ဖြစ်နိုင်သလို တခြားရောဂါတစ်ခုခုကြောင့်လည်း ဖြစ်နိုင်ပါတယ်။ လက္ခဏာများ အိပ်နေရင်းလမ်းထလျှောက်တာက ညဦးပိုင်းမှာဖြစ်တတ်ပါတယ်။ အိပ်ပျော်ပြီး ၁နာရီ ၂နာရီ အကြာမှာပေါ့။ တရေးတမော အိပ်နေချိန်မှာတော့ မဖြစ်တတ်ပါဘူး။ လမ်းတစ်ခါထလျှောက်ရင် မိနစ်အနည်းငယ်လည်း ဖြစ်နိုင်သလို ဒီထက်လည်းပိုကြာနိုင်ပါတယ်။ လက္ခဏာတွေကတော့ -အိပ်ရာကထပြီး လမ်းထလျှောက်တာ -အိပ်ရာက ထထိုင်ပြီး မျက်လုံးပွင့်နေတာ -တစ်နေရာရာကို ငေးငေးငိုင်ငိုင်ကြည့်နေတာ -သူများတွေကို စကားပြန်မပြောတာ၊ ခေါ်မရတာ -အဲ့အချိန်မှာ နှိုးရခက်တာ -နိုးသွားရင်လည်း အချိန်တစ်ခုကြာအောင် စိတ်နဲ့ ကိုယ်နဲ့ […]

ဒီဘက်ခေတ်မှာ လူငယ်တိုင်းလိုလို မိုဘိုင်းလ်ဖုန်း ကိုယ်စီသုံးစွဲနေနိုင်ပါပြီ။ ဘယ်သွားသွား လူတွေကို ကြည့်လိုက်ရင် ဖုန်းတစ်လုံး ကိုယ်စီနဲ့ အလုပ်တွေ ရှုပ်နေတတ်ကြတာ သတိထားမိမှာပါ။ ဖုန်းနဲ့ပတ်သက်ပြီး ကောင်းတဲ့အချက်တွေ၊ မကောင်းတဲ့အချက်တွေကို လူမှုရေးရှုထောင့်ကနေရော ကျန်းမာရေးရှုထောင့်ကနေပါ ပြောခဲ့ပြီးပြီဆိုတော့ ဒီနေ့ဆောင်းပါးမှာ ဖုန်းကို အိပ်ရာဘေးထားပြီး အိပ်တဲ့အကြောင်းကို ပြောပြပေးမှာ ဖြစ်ပါတယ်။ ဖုန်းကို အိပ်ရာဘေးထားပြီး အိပ်သင့်လား။ အရှင်းဆုံးအဖြေကို ပြောပါဆိုရင် မအိပ်သင့်ပါဘူး။ ဖုန်းကို ကိုယ့်အိပ်ရာဘေးထားပြီး အိပ်တာဖြစ်ဖြစ်၊ ကိုယ့်ရဲ့ အင်္ကျီ၊ ဘောင်းဘီအိတ်ကပ်တွေထဲ ထည့်ထားတာမျိုးက အစပိုင်းမှာ ဘာမှမဖြစ်ဘူးလို့ ထင်ရပေမယ့် ရေရှည်မှာတော့ ကိုယ့်ရဲ့ ကျန်းမာရေးနဲ့ အိပ်စက်ခြင်းကို ကောင်းကောင်းဒုက္ခပေးနိုင်ပါတယ်။ ဘာတွေ ဒုက္ခပေးနိုင်လဲဆိုရင် ဖုန်းရဲ့ တာဝန်က အင်တာနက်အတွက်သာမက အဝင်ဖုန်း၊ အထွက်ဖုန်းတွေကိုပါ လက်ခံပေးပါတယ်။ ဒီအတွက် ဖုန်းကနေ ရေဒီယိုလျှပ်စစ်လှိုင်းတွေ အမြဲထွက်နေတတ်ပါတယ်။ […]

ကိုယ်အလေးချိန် ချဖို့ ကြိုးစားနေကြတဲ့ သူတွေက အရင်ဆုံး တွေးမှာက အစား လျှော့မယ် ၊ ဂျင်မ် သွားမယ်၊ အဆီကျစေမယ့် ဆေး သို့မဟုတ် ကော်ဖီ သောက်မယ် ဆိုတဲ့ နည်းလမ်းတွေ ပါပဲ။ ဒီထဲက နည်းလမ်း တစ်ခုခုကို ရွေးချယ်လိုက်တယ်၊ သေချာ လိုက်နာတယ် ဆိုတာတောင် ဝိတ်က သိပ်မကျဘူး၊ ပြန်တက်တာကျ သိပ်မြန်တာပဲ ဆိုတာမျိုး ကြုံဖူးကြမှာပါ။ အဲဒါ ဘာ့ကြောင့် ဖြစ်မလဲ။ပြန်တွေးကြည့်ရအောင် ။ တကယ်ကတော့ အိပ်ချိန် မမှန်ရင် ဝိတ်ချဖို့ ဘယ်လောက် ကြိုးစားစား အောင်မြင်ဖို့ မလွယ် ဖြစ်နေတာပါ။ အိပ်ချိန်မမှန်ရင် ဝိတ်ချဖို့ ဘယ်လောက်ကြိုးစားစား အောင်မြင်ဖို့မလွယ် ဒီလို ဖြစ်စေတဲ့ နောက်ကွယ်က တရားခံဟာ အိပ်ချိန် မမှန်ခြင်းပါပဲ။ လူကိုဝစေတဲ့ အကြောင်းရင်းတွေက […]

တီဗီရှေ့ အိပ်ပျော်မသွားသင့်တဲ့ အကြောင်းရင်း တွေ ရှိပါတယ်။ ညသန်းခေါင်ကျမှ တီဗီရှေ့မှာ တရေးနိုး လာတဲ့ ဖီလင်က ဘယ်လိုမျိုးလဲ။ အိပ်ရာထဲလည်း မရောက်၊ တီဗီလည်း မပိတ်ဘဲ ဘယ်အချိန်က အိပ်ပျော်သွားမှန်း မသိလိုက်တာမျိုးက သင့်ကို ဝလာစေနိုင် ပါတယ်လို့ သုတေသနက ဖော်ပြလာပါတယ်။ ဘာလို့လဲ ဆိုတော့ ... National Institute of Health သုတေသီတွေက အသက် ၃၅ နှစ် ကနေ ၇၄ နှစ် အတွင်း အမေရိကန် အမျိုးသမီး ၄၃၇၂၂ ဦး အပေါ်လေ့လာမှု အချက်အလက်တွေကို ဆန်းစစ်ခဲ့ကြ ပါတယ်။ ညဘက် အလင်းရောင် မှိန်မှိန် ထားအိပ်တဲ့ အမျိုးသမီးတွေဟာ ကိုယ်အလေးချိန် ထိန်းနိုင်တာ တွေ့ရပြီး ညဘက် အိပ်စက်ချိန်မှာ အလင်းရောင် […]

လက်ရှိစစ်တမ်းကောက်ယူချက်အရ လုံးဝမအိပ်ဘဲ အကြာဆုံး အသက်ရှင်နိုင်တာ ၂၆၄ နာရီ တစ်နည်းအားဖြင့် ၁၁ရက် ဖြစ်တယ်လို့ တွေ့ရှိရပါတယ်။ အိပ်စက်ခြင်းဆိုတာ စိတ်နဲ့ ခန္ဓာကျန်းမာရေးကို ထိန်းချုပ်ပေးနေတဲ့ အရေးကြီးတဲ့ အရာတွေထဲက တစ်ခုပါ။ ဒီတော့ တစ်ရက်လောက် မအိပ်ဘဲနေလိုက်တာနဲ့ ကိုယ့်ရဲ့ ခန္ဓာကိုယ်လုပ်ဆောင်မှုတွေ အားလုံး တဖြည်းဖြည်းပြိုလဲလာမယ်ဆိုတာတော့ အသေအချာပါပဲ။ ခံနိုင်ရည်အားထက် ကျော်လွန်သွားတဲ့အခါ လုံးဝမအိပ်တဲ့ လူတစ်ယောက်ဟာလည်း အသက်သေဆုံးနိုင်ခြေ ရှိပါတယ်။ ၂၄ နာရီ လုံးဝမအိပ်တဲ့အခါ အလုပ်များတဲ့ လူတစ်ယောက် တစ်ရက်တစ်လေ အိပ်ဖို့ ပျက်ကွက်တတ်တာ အဖြစ်များတဲ့ ကိစ္စပါ။ ဒါပေမယ့် ဒီ တစ်ရက်ဆိုတဲ့ အချိန်မှာ မအိပ်ဘဲနေလိုက်လို့ ကြီးကြီးမားမား ပြဿနာမရှိသေးဘူးဆိုပေမဲ့ ကိုယ့်ခန္ဓာကိုယ်ရဲ့ ကျန်းမာရေးက စတင်ဆုတ်ယုတ်လာမှာကို သတိထားဖို့ လိုပါတယ်။ ဒီလိုဆုတ်ယုတ်လာတာကို ပြနေတဲ့ လက္ခဏာတွေကတော့ အိပ်ငိုက်မယ် […]

အိပ်နေတုန်း စကားပြောတတ်တာက ရောဂါတစ်ခု မဟုတ်ပေမယ့် ရေရှည်မှာ ကိုယ်မသိလိုက်ဘဲ မိသားစုကို အနှောင့်အယှက်ဖြစ်နေစေတာမျိုး ဖြစ်နိုင်ပါတယ်။ အိပ်နေချိန်မို့ မသိစိတ်က ညွှန်ကြားတဲ့အတိုင်း လုပ်ဆောင်မိတာကြောင့် ထိန်းဖို့ဆိုတာ ခက်မှာပါ။ ဒါပေမယ့် ကိုယ့်ကြောင့် မိသားစုဝင်တွေ၊ ချစ်ရသူတွေမှာ စိတ်အနှောင့်အယှက်ဖြစ်ရမှာကိုတော့ လိုလားမယ်မထင်ပါဘူး။ ဒီတော့ အိပ်ရင်းစကားပြောတတ်တဲ့ အကျင့်လေးကို ဘယ်လိုဖျောက်မလဲ။ ဆောင်းပါးလေးထဲမှာဖတ်ကြည့်ပါနော်။ အိပ်ရင်းစကားပြောတတ်တဲ့ အကျင့် အိပ်နေရင်းစကားပြောခြင်းကို ဆေးပညာအခေါ်အဝေါ်အနေနဲ့ somniloquy လို့ ခေါ်ကြပါတယ်။ အိပ်ပျော်နေစဉ်မှာ စကားပြောတတ်တာက ဖြစ်တတ်တဲ့အလေ့အထတစ်မျိုးပါ။ လူတိုင်းတော့ မဖြစ်နိုင်ပါဘူး။ အိပ်နေတုန်း စကားပြောတတ်တဲ့ အကျင့်ရှိသူတွေက သူတို့ဆီမှာ ဒီအကျင့်ရှိနေမှန်းတောင် မသိကြပါဘူး။ အိပ်နေတုန်း စကားပြောတဲ့အခါ ပုံမှန်ပြောနေကျအသံနဲ့ မတူတတ်ပါဘူး။ မသိစိတ်ရဲ့စေခိုင်းမှုအတိုင်း လုပ်မိနေတဲ့ အပြုအမူတစ်ခုပေါ့။ အိပ်နေစဉ်စကားပြောတာက REM အဆင့်မှာ ဖြစ်တာများပြီး non-REM (NREM) အဆင့်မှာ […]

ညအိပ်နေရင်း စကားပြောတတ်သူလား။ ဒါက ဖြေရခက်တယ်နော်။ သူများတွေ ညအိပ်ရင်း စကားပြောတာကို သိနိုင်ပေမယ့် ကိုယ်တိုင်ကျ ညအိပ်ရင်း စကားပြောတတ်လား ဆိုတာကိုကျ သိနိုင်ဖို့ ခက်ပါတယ်။ ဒီပြဿနာကို အဖြေ ရှာပေးနိုင်မှာက ကိုယ့်ရဲ့ မိသားစုဝင်တွေပါ။ ကိုယ်တိုင်က အိပ်နေရင်း စကားပြောတတ်သူလား ဆိုတာကို သိနိုင်ဖို့အတွက် မိသားစုဝင်တွေကို မေးကြည့်ပါ။ နောက်တစ်ခုကတော့ အိပ်နေရင်း စကားပြောတာရောဂါလား ဆိုတာကို ကြည့်လိုက်ပါနော်။ အိပ်နေရင်း စကားပြောတာရောဂါလား အိပ်နေရင်း စကားပြောတာရောဂါလား ဆိုတာကို စစ်ကြည့်လိုက်ရအောင်နော်။ အိပ်နေရင်း စကားပြောခြင်း အိပ်နေရင်း စကားပြောခြင်းကို ဆေးပညာ အခေါ်အဝေါ် အနေနဲ့ somniloquy လို့ ခေါ်ကြပါတယ်။ အိပ်ပျော်နေစဉ်မှာ စကားပြောတတ်တာက အလေ့အထ တစ်မျိုးပါ။ လူတိုင်းတော့ မဖြစ်နိုင်ပါဘူး။ အိပ်နေတုန်း စကားပြောတတ်တဲ့ အကျင့် ရှိသူတွေက သူတို့ဆီမှာ ဒီ အကျင့် […]

ညဘက်အိပ်ရေးဝတယ်၊ မဝဘူးဆိုတာ နောက်တစ်နေ့ ကိုယ့်ရဲ့ မျက်နှာအမူအရာ၊ စိတ်ခံစားချက်ပိုင်းဆိုင်ရာအပေါ် အများကြီး သက်ရောက်နိုင်ပါတယ်။ အိပ်ရေးမဝတဲ့အခါ လူက ပင်ပန်းနွမ်းနယ်ပြီး ဘာမှလုပ်ချင်၊ ကိုင်ချင်စိတ်က မရှိ၊ လုပ်သမျှအကုန်လုံး အမှားအယွင်းတွေ ဖြစ်တဲ့အခါ လူက ပိုပြီးစိတ်ဆိုးဒေါသထွက်လာတော့တာပေါ့။ ဘယ်သူတွေမှာ အဖြစ်များလဲ။ ခုခေတ်လူငယ်တော်တော်များများက ညဘက်တွေဆိုရင် မအိပ်ဘဲ အမှောင်ထဲမှာ ဖုန်းသုံးနေရင်းနဲ့ အချိန်ကုန်လို့ ကုန်မှန်းမသိ၊ အိပ်ချင်နေတာလည်း သတိမထားမိဘဲ နေတတ်ကြပါတယ်။ ကြာတာတော့ မျက်စိထိခိုက်လာမယ်၊ အိပ်ရေးပျက်မယ်၊ အိပ်ချိန်မမှန်တော့ စိတ်က ဂယောက်ဂယက်ဖြစ်လာမယ်။ ဘာကိုမှ အာရုံစိုက်လို့ မရ၊ စဉ်းစားလို့ မရဖြစ်လာမယ်။ တဖြည်းဖြည်းနဲ့ ကြာလာရင် ဒေါသကို ထိန်းချုပ်မရတော့တာ၊ စိတ်ဓါတ်ကျလာတာ၊ စိတ်ခံစားချက် အပြောင်းအလဲ အရမ်းမြန်လာတာ အစရှိတဲ့ စိတ်ကျန်းမာရေးပြဿနာတွေ ဖြစ်လာနိုင်ပါတယ်။ လူငယ်တွေအပြင် ညဘက်ကောင်းစွာ အိပ်မပျော်တဲ့ ရောဂါရှိသူတွေ၊ […]