နောက်ပြီး Waist Trainer ဟာ အရေပြားနဲ့ အဆီပြင်ကို ဖိထားတာအပြင် အတွင်းအင်္ဂါတွေဖြစ်တဲ့ အစာခြေစနစ်က အစာရေမျိုပြွန်၊ အစာအိမ် နဲ့အူတွေကိုပါ ဒုက္ခရောက်စေနိုင်ပါတယ်။ အဲဒီ ဖိအားက အစာအိမ် အက်စစ်တွေကို အစာရေမျိုပြွန်ထဲ ပြန်ပို့တာကြောင့် နှလုံးပူခြင်း၊ ရင်ပူခြင်းတွေ ဖြစ်စေနိုင်သလို အစာအိမ်ပြဿနာ တစ်ခုခု ရှိထားတဲ့သူဆိုရင်တော့ အခြေအနေကို ပိုဆိုးသွားစေပါတယ်။
၃။ ကိုယ်တွင်းအင်္ဂါတွေ ထိခိုက်စေနိုင်ပါတယ်။
ခန္ဓာကိုယ်အလယ်ပိုင်း တစ်ပိုင်းလုံးကို ကျစ်နေအောင် ထုပ်ထားတာကြောင့် အစာခြေစနစ်အပြင် ကျောက်ကပ်နဲ့ အသည်းတို့ကိုပါ ပုံမှန်မဟုတ်တဲ့ အနေအထားကို ရွေ့လျားသွားစေပါတယ်။ ဒီအဖြစ်က ကိုယ်တွင်းအင်္ဂါတွေဆီ သွေးလည်ပတ်မှုကို နှောင့်ယှက်ပြီး သူတို့တွေရဲ့ အလုပ်လုပ်ပုံ၊ လုပ်ဆောင်ချက်တွေကိုပါ ပျက်ယွင်းစေပါတယ်။ အချိန်ကြာလာတာနဲ့အမျှ ကိုယ်တွင်းအင်္ဂါတွေ လုံးဝ ပျက်စီးသွားတာ၊ ကြွက်သားအားမရှိတော့တာနဲ့ နံရိုးကျိုးတာတွေထိပါ ဖြစ်လာနိုင်ပါတယ်။
ဒါဆို Waist Trainer တွေ မဝတ်ရတော့ဘူးလား။ ဝတ်ချင်ရင်တော့ ဝတ်လို့ရပါတယ်။ ဒါပေမဲ့ အရမ်း ကျပ်ကျပ်ကြီး မဝတ်ပါနဲ့။ ချိတ်ကို တော်ရုံလောက်တပ်ပါ။ အသက်ရှူချောင်ပါစေ။ အမြဲမဝတ်ပါနဲ့။ လိုအပ်မှသာ ဝတ်ပါ။ အရမ်းကြီး ကျပ်မနေဘူးဆိုရင်တော့ အန္တရာယ်ကင်းမှာပါ။ တကယ်လို့ ဝတ်ထားရင်း အသက်ရှူရ ကျပ်လာတယ်၊ ခေါင်းမူးလာတယ်ဆို ချက်ချင်းချွတ်ပစ်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။