ပါးစပ်နဲ့ လိင်ဆက်ဆံစဉ်မှာ ကွန်ဒုံး အသုံးပြုခြင်း

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. K Zin Thwe

သင်လုံခြုံစိတ်ချရတဲ့ လိင်မှုဘဝကိုရရှိချင်တယ်ဆိုရင် ကွန်ဒုံးတွေကိုအလွန်လိုအပ်ပါတယ်။ ကွန်ဒုံးတွေဟာကိုယ်ဝန် ရရှိခြင်းနဲ့ လိင်မှတစ်ဆင့် ကူးစက်နိုင်တဲ့ ရောဂါပိုးတွေကိုကာကွယ်ပေးပါတယ်။ သူတို့ဟာသုတ်ပိုးနဲ့ မိန်းမကိုယ်၊ စအို၊ နဲ့ ပါးစပ်တို့ကထွက်ရှိတဲ့ အရည်တွေကိုသိမ်းထားပေးတဲ့ ကြားခံအရာအဖြစ် အလုပ်လုပ်ပါတယ်။

အမျိုးသားရောအမျိုးသမီးအတွက်ပါ ကွန်ဒုံးတွေရှိပါတယ်။ နှစ်ခုလုံးကိုတစ်ကြိမ်တည်းမှာရောမသုံးဖို့ သတိရပါ။ ဘာလို့လဲဆိုတော့ သူတို့ဟာတစ်ခုနဲ့တစ်ခုကပ်ပြီးပေါက်တတ်လို့ဖြစ်ပါတယ်။

အမျိုးသားသုံးကွန်ဒုံးဆိုတာဘာကိုပြောတာလဲ။

အမျိုးသားသုံးကွန်ဒုံးဆိုတာလိင်ဆက်ဆံတဲ့အခါ အမျိုးသားရဲ့ လိင်တံပေါ်မှာဝတ်ရတဲ့ ပါးလွှာတဲ့ ပလပ်စတစ် အဖုံးတစ်ခုဖြစ်ပါတယ်။ ပုံစံအမျိုးမျိုးရှိတတ်ပါတယ်။

ပလပ်စတစ် ကွန်ဒုံးတွေကိုအသုံးပြုမယ်ဆိုရင် သင့်ကိုလိင်မှတစ်ဆင့်ကူးစက်တတ်တဲ့ ရောဂါတွေဖြစ်တဲ့ HIV၊ ရေယုန်၊ Chlamydia နဲ့ Gonorrhoea စတဲ့ ရောဂါတွေကိုကာကွယ်ပေးတဲ့အတွက် လုံခြုံစိတ်ချမှုကိုခံစားရမှာပါ။

ဒါပေမယ့် natural နဲ့ Lambskin ကွန်ဒုံးတွေကတော့ သင့်ကိုကိုယ်ဝန်ရရှိမှုကပဲကာကွယ်ပေးပြီးတော့ လိင်မှတစ်ဆင့် ကူးစက်တတ်တဲ့ ရောဂါပိုးတွေကိုကာကွယ်ပေးမှာမဟုတ်ပါဘူး။

အမျိုးသမီးသုံးကွန်ဒုံးဆိုတာဘာလဲ။

အမျိုးသမီးသုံးကွန်ဒုံးဆိုတာပျော့ပြောင်းတဲ့ ပလပ်စတစ်ပြွန်တစ်ခုပဲဖြစ်ပါတယ်။ အစွန်းတစ်ခုစီမှာအကွင်းတစ်ခုစီပါရှိပါတယ်။ ပိတ်ထားတဲ့ဘက်ကအကွင်းကိုကွန်ဒုံးကိုနေရာမရွေ့အောင် ထိန်းထားဖို့ မိန်းမကိုယ်အတွင်းပိုင်းကိုထည့်သွင်းနိုင်ပါတယ်။ ပွင့်နေတဲ့ဘက်ကအကွင်းကိုတော့ မိန်းမကိုယ်အဝရဲ့ အပြင်မှာထားရမှာပါ။

ဒီလိုကာကွယ်ခြင်းဖြင့် ကိုယ်ဝန်ရရှိမှုနဲ့ လိင်အင်္ဂါတွေမှာတွေ့ရတတ်တဲ့ ရေယုန်နဲ့ကြွက်နို့ စတဲ့ ရောဂါတွေ ရရှိပြန့်ပွားခြင်းကိုလျှော့ချပေးနိုင်ပါတယ်။

ကွန်ဒုံးတွေကိုဘယ်လိုအသုံးပြုမလဲ။

ကွန်ဒုံးတွေရဲ့ အစွမ်းထက်မှုကို မြှင့်တင်ဖို့ အောက်ဖေါ်ပြပါ အချက်အလက်တွေကိုသတိထားသင့်ပါတယ်။

  • ကွန်ဒုံးအထုတ်ကိုစဖွင့်ရင် သတိထားပါ။ အထဲကကွန်ဒုံးကိုတောင် ပြဲစေနိုင်ပါတယ်။
  • ကြွတ်ဆတ်နေရင်၊ တောင့်နေရင်၊ စီးကပ်နေရင်၊ ရက်လွန်နေရင် လွှင့်ပစ်ဖို့ လက်မတွန့်ပါနဲ့။
  • လိင်တံထောင်မတ်ပြီးနဲ့ သင့်လိင်ဆက်ဆံသူရဲ့ ဘယ်နေရာကိုမှ မထိရသေးခင်မှာတပ်ဆင်ပါ။
  • လိင်တံတစ်ခါထောင်မတ်ပြီးတိုင်းအသစ်တစ်ခုကိုအသုံးပြုပါ။
  • လိင်တံထိပ်အရေပြားကိုမဖြတ်ထားသူကအသုံးပြုမယ်ဆိုရင် ကွန်ဒုံးမဝတ်ဆင်ခင် လိင်တံထိပ်ငုံအရေပြားကိုအနောက်ကိုဆွဲပါ။
  • ကွန်ဒုံးမှာသိုလှောင်ရန် ထိပ်မပါခဲ့ရင် အဆုံးကိုသုတ်လွှတ်ပြီးသုတ်ပိုးစုဆောင်းရန်လက်မဝက်လောက်ရှိတဲ့နေရာတစ်ခုဖြစ်လာစေဖို့ဆွဲပါ။
  • ထိပ်ဖျားကိုကိုင်ထားပြီးကျန်တဲ့လက်တစ်ဘက်နဲ့ ကွန်ဒုံးကိုလိင်တံရဲ့အောက်ခြေအထိဆွဲချပါ။
  • လိင်ဆက်ဆံစဉ်မှာကွန်ဒုံးပေါက်ပြဲတယ်လို့ ခံစားရရင် ချက်ချင်းရပ်ပြီးအသစ်တစ်ခုအသုံးပြုပါ။
  • သုတ်ပိုးလွှတ်ပြီးနဲ့ လိင်တံထောင်မတ်မှု မပြီးဆုံးခင်မှာကွန်ဒုံးကိုသေချာစွာဆွဲဖယ်ပါ။
  • ကွန်ဒုံးကိုဖယ်ရှားနေစဉ်မှာသုတ်ပိုးကိုအပြင်ကိုဖိတ်မကျပါစေနဲ့။
  • နောက်ဆုံးအနေနဲ့ သင်ဟာပါးစပ်နဲ့လိင်ဆက်ဆံမှုကို ပြုလုပ်သည်ဖြစ်စေ၊ ခံရသည်ဖြစ်စေကွန်ဒုံးကိုအသုံးပြုပါ။

သင်နဲ့ သင့်ပါတနာကိုကိုယ်ဝန်ဆောင်ခြင်းနဲ့ လိင်မှတစ်ဆင့်ကူးစက်တတ်တဲ့ ရောဂါတွေကနေကာကွယ်ချင်တယ်ဆိုရင် ကွန်ဒုံးဟာအသင့်တော်ဆုံးရွေးချယ်မှုဖြစ်ပါတယ်။ အပေါ်ကအကြံပြုချက်တွေကိုမမေ့လျော့သင့်ပါဘူး။ ဒီအချက်တွေဟာရိုးစင်းပေမယ့်ကွန်ဒုံးသုံးတဲ့အခါ သင့်ကိုသေချာပေါက် ကူညီပေးပါလိမ့်မယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Read also:

Share now :

တည်းဖြတ်သည့်နေ့ ဧပြီ 1, 2019 | နောက်ဆုံးတည်းဖြတ်ခြင်း စက်တင်ဘာ 13, 2019

သင်ဒါလည်း နှစ်သက်နိုင်ပါတယ်။