ရေများများသောက်ကြဖို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

လူသားများရဲ့ ခန္ဓာကိုယ်မှာ ရေဓာတ် ၆၀%နဲ့ ပါဝင်ဖွဲ့စည်းထားပါတယ်။ ဒါ့အပြင် ကိုယ်ခန္ဓာကနေ ရေကို တချိန်လုံး စွန့်ထုတ်နေပါတယ်။ ဆီးများ ချွေးများအနေနဲ့ ဖြစ်ပါတယ်။ ရေဓာတ်ခန်းခြောက်ခြင်းကို ကာကွယ်ဖို့အတွက် လုံလောက်တဲ့ ရေပမာဏကို သောက်သုံးဖို့ လိုအပ်ပါတယ်။ တနေ့တာ ရေပမာဏကို ဘယ်လောက်သောက်သုံးသင့်သလဲဆိုတာနဲ့ ပတ်သက်ပြီး ထင်မြင်ချက်မျိုးစုံ ရှိပါတယ်။

ပညာရှင်အများစုကတော့ တနေ့ကို ၈အောင်စဝင် ရေဖန်ခွက် ၈ ခွက်ခန့် သောက်သုံးသင့်ကြောင်း တိုက်တွန်းထားပါတယ်။ အဆိုပါပမာဏဟာ ၂လီတာ (ဒါမှမဟုတ်) ဂါလံဝက်နဲ့ ညီမျှပါတယ်။ ဒါကို ၈x၈ စည်းမျဉ်းလို့ အလွယ်မှတ်သားနိုင်ပါတယ်။ တချို့ကလည်း ရေကို တနေ့လုံး နည်းနည်းစီ စုပ်ပြီးသောက်နေသင့်ကြောင်း အကြံပြုကြပါတယ်။ အမှန်တော့ တယောက်ချင်းစီပေါ်မှာပဲ မူတည်ပြီး အပြောင်းအလဲ ရှိပါတယ်။

ဒီဆောင်းပါးမှာ ဆက်လက်ဖော်ပြမှာကတော့ တနေ့တာ ဘယ်လောက်ထိ သောက်သုံးသင့်သလဲ၊ ဘယ်လိုသောက်သုံးသင့်သလဲ ဆိုတာပါပဲ။

ရေသောက်ခြင်းဟာ ကိုယ်ခန္ဓာရဲ့ စွမ်းအင်ပမာဏနဲ့ ဦးနှောက်လုပ်ငန်းတွေကို ထိခိုက်နိုင်သလား

လူအများယုံကြည်ချက်ကြတာကတော့ ရေဓာတ်ကို ပြည့်ဝစွာ မရရင် စွမ်းအင်ကုန်ခမ်းပြီး ဦးနှောက်ရဲ့ လုပ်ငန်းတွေလည်း ထိခိုက်လာမှာပဲ ဖြစ်ပါတယ်။ ဒီအယူအဆကို ထောက်ခံမှု ပြုထားတဲ့ သုတေသနတွေလည်း ရှိပါတယ်။ သုတေသနတခုမှာဆိုရင် လေ့ကျင့်ခန်း ပြုလုပ်ပြီးချိန်မှာ ရေဓာတ် ၁.၃၆% ဆုံးရှုံးသူများဟာ စိတ်ပိုင်းဆိုင်ရာ အခြေအနေနဲ့ အာရုံစူးစိုက်နိုင်စွမ်းကို ထိခိုက်မှုဖြစ်စေပြီး ခေါင်းကိုက်လာတတ်ပါတယ်။ နောက်ထပ် လေ့လာချက်တွေအရ လေ့ကျင့်ခန်း ဒါမှမဟုတ် အပူချိန်ကြောင့် အသင့်အတင့်ရေဓာတ်ဆုံးရှုံးခြင်း (ခန္ဓာကိုယ် အလေးချိန်ရဲ့ ၁ မှ ၃ %) ဖြစ်ရင် ဦးနှောက်ရဲ့ လုပ်ဆောင်ချက်တွေကို ထိခိုက်စေတယ်လို့ ဆိုပါတယ်။ ခန္ဓာကိုယ်အလေးချိန်ရဲ့ ၁% ဆိုတာဟာ အတော်လေး သိသာတဲ့ပမာဏဖြစ်ပြီး အလွန်အမင်း ချွေးထွက်ရင် ဖြစ်တတ်ပါတယ်။

ရေသောက်ခြင်းဟာ ကိုယ်အလေးချိန်လျှော့ချရာမှာ အထောက်အကူဖြစ်သလား

ရေများများသောက်ရင် ဇီဝဖြစ်ပျက်မှုကို မြန်ဆန်စေခြင်း၊ အစားနည်းစေခြင်း စတာတွေကြောင့် ကိုယ်အလေးချိန်ကျစေတယ်လို့ ဆိုကြပါတယ်။ သုတေသနတွေအရ ရေ ၁၇အောင်စ (၅၀၀ မီလီလီတာ)ကို သောက်သုံးရင် ဇီဝဖြစ်ပျက်မှု ၂၄ ကနေ ၃၀%ထိ ယာယီ မြင့်တက်လာတယ်လို့ သိရပါတယ်။ သုတေသီများရဲ့ အဆိုအရ တနေ့တည်းမှာ ရေ ၆၈ အောင်စ (၂လီတာ) သောက်သုံးရင် ၉၆ ကယ်လိုရီ ပိုမိုလောင်ကျွမ်းစေတယ်လို့ သိရပါတယ်။ ဒါ့အပြင် ရေသောက်လိုက်တဲ့အခါ အေးမြသွားတာကြောင့် ခန္ဓာကိုယ်အပူချိန်ကို ပြန်တက်လာအောင် မြှင့်တင်ရာကနေ ကယ်လိုရီ ပိုမိုလောင်ကျွမ်းစေတယ်လို့ ဆိုပါတယ်။

ဒါ့အပြင် အစာမစားခင် နာရီဝက်လောက်ကြိုပြီး ရေသောက်ခြင်းဟာ စားသောက်ခြင်းကနေ ရလာမယ့် ကယ်လိုရီဓာတ်တွေကို လျော့နည်းစေပါတယ်။ အထူးသဖြင့် သက်ကြီးပိုင်းတွေမှာ ဖြစ်ပါတယ်။

ခြုံကြည့်မယ်ဆိုရင် ရေကို ပုံမှန်သောက်ပေးခြင်းဟာ (အထူးသဖြင့် အစားမစားမီ) ကိုယ်အလေးချိန် လျှော့ချရာမှာ အထောက်အကူပြုပါတယ်။

ရေသောက်ခြင်းကနေ ဘာအကျိုးကျေးဇူးတွေ ရသေးလဲ

ရေကိုများများသောက်ခြင်းအးဖြင့် အောက်ပါပြဿနာတွေကို ဖြေရှင်းနိုင်ပါတယ်။

ဝမ်းချုပ်ခြင်း။ ရေများများသောက်ရင် ဝမ်းချုပ်ခြင်းကို သက်သာစေပါတယ်။
– ကင်ဆာ။ သုတေသနအချို့အရ ရေများများသောက်သူများဟာ ဆီးအိမ်ကင်ဆာနဲ့ အူမကြီးကင်ဆာ ဖြစ်ပွားနိုင်ခြေ လျော့ကျတယ်လို့ ဆိုထားပါတယ်။
– ဆီးကျောက်တည်ခြင်း။ ရေများများသောက်တဲ့အခါ ကျောက်ကပ်နဲ့ ဆီးလမ်းကြောင်းမှာ ကျောက်တည်ခြင်းကို ကာကွယ်နိုင်ပါတယ်။
– ဝက်ခြံအပါအဝင် အရေပြားပြဿနာများ။ ရေသောက်တဲ့အခါ အရေပြားကို ရေဓာတ်ပြည့်ဝစေပြီး ဝက်ခြံပေါက်ခြင်းကိုလည်း လျှော့ချနိုင်ပါတယ်။

တခြားအရည်တွေကိုရော ထည့်တွက်နိုင်သလား

ခန္ဓာကိုယ်ရဲ့ တနေ့တာရေလိုအပ်ချက်ဆိုတာ ရိုးရိုးရေတမျိုးတည်းကိုပဲ ဆိုလိုတာ မဟုတ်ပါဘူး။ တခြားသော အဖျော်ယမကာများနဲ့ အစားအသောက်တွေ အားလုံး အကျုံးဝင်ပါတယ်။ အချိုရည်၊ သစ်သီးဖျော်ရည် စတာတွေအပြင် အသား၊ ငါး၊ ဥအမျိုးမျိုးနဲ့ အသီးအရွက်တွေကလည်း ရေဓာတ်ကို ပေးနိုင်ပါတယ်။

ရေကို ဘယ်လိုသောက်ရမလဲ

လူတယောက်ဟာ တနေ့တာမှာ ရေဘယ်လောက်လိုအပ်သလဲဆိုတာ အတိအကျ ပြောပြဖို့ ခက်ပါတယ်။ လူတဦးချင်းစီပေါ် မူတည်ပါတယ်။ ကောင်းတာကတော့ ရေဆာပြီ ဆိုတာနဲ့ ရေသောက်ပါ။ ရာသီဥတုပူပြင်းချိန်၊ ကိုယ်လက်လေ့ကျင့်ခန်း ပြုလုပ်နေချိန်မှာ ပိုသောက်ပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အစာအိမ်ထွက်ပေါက်ကြွက်သားပြုပြင်ခွဲစိတ်ခြင်း

အူသိမ်အဝမှာ ကျဉ်းမြောင်းပိတ်ဆို့ရင်တော့ အစာအိမ်ထွက်ပေါက်ကြွက်သားကို ပြုပြင်ခွဲစိတ်ခြင်း (pyloroplasty) နည်းလမ်းနဲ့ ကုသနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အစာအိမ်ထွက်ပေါက် (သို့မဟုတ်) အူသိမ်အ၀ ကျဉ်းမြောင်းခြင်း

အစာအိမ်ကနေ အူသိမ်ကို ဆက်သွယ်ထားတဲ့နေရာမှာ ပိုင်လောရပ်စ် pylorous လို့ခေါ်တဲ့ အဆို့ရှင်ကြွက်သား ရှိပါတယ်။ အဆိုပါ ကြွက်သားကျဉ်းမြောင်းသွားတဲ့အခြေအနေ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အနှိပ်ခံလိုက်ရသလို ခါးအညောင်းပြေစေမယ့် လေ့ကျင့်ခန်းများ

အိမ်အလုပ်တွေ၊ ရုံးအလုပ်တွေကို ဇယ်ဆက်သလို လုပ်ရလို့ ဖြစ်ဖြစ် ခါးတွေက ညောင်းနေတာပဲ။ ကိုက်ခဲနေတာပဲ။ အနှိပ်ခံ ချင်လိုက်တာဆိုသူတွေရှိလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အမျိုးအစား- ၂ ဆီးချို ဖြစ်နိုင်ခြေကို လျှော့ချဖို့ ပြောင်းလဲသင့်တဲ့ ဘဝနေထိုင်မှုပုံစံ

သွေးတွင်း သကြားဓာတ်ကို ထိန်းညှိပေးတာက ဆီးချိုကို ကာကွယ်ရာ ရောက်သလို ဆီးချိုကြောင့်ဖြစ်လာနိုင်တဲ့ နောက်ဆက်တွဲ ကျန်းမာရေးပြဿနာတွေကိုလည်း ကာကွယ်ရာရောက်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

မိုးရာသီနှင့် အောက်ခံဘောင်းဘီများ

မိုးရာသီနှင့် အောက်ခံဘောင်းဘီများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read
သုက်မထွက်အောင် ထိန်းတာ

သုက်မထွက်အောင်ထိန်းတာ အန္တရာယ်ရှိသလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
အယ်ကာလီဓာတ်များတဲ့ရေနဲ့ ကျန်းမာရေး

အယ်ကာလီဓာတ်များတဲ့ရေနဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
ဆေးပေါင်းခတဲ့ မယ်ဇလီအကြောင်း သိပ္ပံနည်းကျ သိကောင်းစရာ

ဆေးပေါင်းခတဲ့ မယ်ဇလီအကြောင်း သိပ္ပံနည်းကျ သိကောင်းစရာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 1 min read