အိမ်မှာအဖြစ်များတဲ့ မတော်တဆ ထိခိုက်ဒဏ်ရာတွေကို ဘယ်လိုကြိုတင်ကာကွယ်မလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ကျွန်မတို့နေထိုင်ရာပတ်ဝန်းကျင်မှာ ဘယ်လိုပဲကြိုးစားပြီး သတိထားပါစေ၊ ကိုယ့်အိမ်ထဲမှာတောင်နေတိုင်းလုပ်နေကျအလုပ်တွေ၊ ကိုင်တွယ်ထိတွေ့နေကျပစ္စည်းတွေနဲ့ မတော်တဆမှုတွေဖြစ်တတ်ပါတယ်။ အသေးအဖွဲပဲဖြစ်ဖြစ်၊ ကြီးကြီးမားမားဖြစ်ဖြစ် မတော်တဆ ဆိုမှတော့ ကြိုမှန်းမရနိုင်တဲ့ကိစ္စတွေပါ။ ဒါပေမယ့် အိမ်မှာက ကိုယ်ကိုယ်တိုင်အပြင် ကလေးငယ်တွေရှိမယ်၊ လူကြီးမိဘတွေရှိမယ်၊ မိသားစုတွေရှိသေးတာမို့ ဒီလို မတော်တဆတွေကို နည်းသည်ထက်နည်းအောင် အတတ်နိုင်ဆုံးကြိုးစားကာကွယ်ရပါလိမ့်မယ်။

အဖြစ်များတဲ့ အိမ်တွင်းမတော်တဆထိခိုက်မှုတွေက –

ခလုတ်တိုက်၊ချော်လဲခြင်း (ပွန်းပဲ့အနာ၊ခြေပွတ်တိုင်လည်ခြင်း) –ချော်လဲတယ်ဆိုတာ အသက်အရွယ်မရွေး မတော်တဆဖြစ်တတ်ကြပေမယ့် ကလေးငယ်တွေနဲ့ အသက်ကြီးသူတွေမှာ ပိုအဖြစ်များပါတယ်။ ကလေးချော်လဲတယ်ဆိုရင် အုံဖွလုပ်ပေးရုံလောက်နဲ့သာ နှစ်သိမ့်ပေးရုံလောက်ပဲလိုတယ်လို့ ထင်ကြပါတယ်။ အခုဘာမှမဖြစ်ရင်တောင်မှ မကြာခဏချော်လဲပြီးခေါင်းနဲ့ကျတတ်တဲ့လူတစ်ယောက်ကခေါင်းမူးတာ၊အော့အန်တာ၊ သတိလစ်တာတွေဖြစ်လာပြီဆိုရင် စိတ်ပူရပါတယ်။ အမြန်ဆုံးဆေးကုသမှုခံယူသင့်ပါတယ်။ချော်လဲလို့ ဒူးပြဲတာ၊ လက်မှာထိခိုက်တာ၊ စတဲ့ ဒဏ်ရာတွေလည်းဖြစ်လာရင် အနာကျက်စေဖို့ ဂရုစိုက်ပေးရပါတယ်။

ထိရှဒဏ်ရာများ – မီးဖိုချောင်မှာဆို အိမ်အလုပ်လုပ်ရင်းရတဲ့ ထိခိုက်အနာတရတွေပိုအဖြစ်များပါတယ်။ ထိရှဒဏ်ရာတွေ မရအောင်လို့ ဓါးကို အရမ်းထက်တာတွေမသုံးပါနဲ့။ မီးဖိုခန်းထဲမှာ ဓါးကို ဟိုနေရာယူလှီး၊ ဒီနေရာယူလှီးနဲ့ လျှောက်ယူသွားတာထက် စဉ်းတီတုံးမှာပဲသုံးသင့်ပါတယ်။ သုံးပြီးရင်လည်း သူ့နေရာနဲ့သူသေချာပြန်သိမ်းဖို့ မမေ့ပါနဲ့။

ပစ္စည်းပြုတ်ကျခြင်း– ကလေးတွေက ကိုယ်တိုင်လှုပ်ရှားသွားလာနိုင်လာပြီဆိုတာနဲ့တွေ့ကရာပစ္စည်းတွေကို ဆွဲချတာ၊ လှမ်းဆွဲတာတွေလုပ်နိုင်တဲ့အန္တရာယ်ရှိလာပါတယ်။ စားပွဲခင်းတွေဆွဲချလို့ ပန်းကန်တွေကျကွဲတာ၊ ခက်ရင်းနဲ့ထိုးမိနိုင်တာ၊ လက်လှမ်းမီလောက်တဲ့ အမြင့်ကပစ္စည်းတွေကိုဆွဲလိုက်လို့ ကလေးအပေါ်ကျလာတာ၊စတဲ့ မတော်တဆမှုတွေက ရင်ပူစရာပါ။ ကလေးတင်တော့မဟုတ်ပါဘူး။ လူကြီးတွေလည်း လက်မအားတဲ့အချိန် ပစ္စည်းတွေမနိုင်ဘဲခြေထောက်ပေါ်ပြုတ်ကျတာ၊ မမှီတာကိုလှမ်းယူရင်းပြုတ်ကျကွဲရှတာတွေရှိနိုင်ပါတယ်။

အပူလောင်ခြင်းနဲ့ မီးအန္တရာယ် – မီးလောင်ဒဏ်ရာနဲ့အပူလောင်ခြင်းတို့က မီးဖိုချောင်မှာအဖြစ်များတဲ့ပြဿနာဖြစ်သလို မီးဘေးအန္တရာယ်မတော်တဆမှုကလည်း မိသားစုအတွက် အန္တရာယ်ကြီးပါတယ်။

အဆိပ်သင့်ခြင်း –အိမ်မှာဖြစ်တတ်တဲ့ အဆိပ်သင့်ခြင်းဟာ သန့်ရှင်းရေးနဲ့အိမ်သုံးပစ္စည်းတွေ၊ တစ်ကိုယ်ရည်သုံးပစ္စည်းတွေနဲ့အလှကုန်တွေ၊ဆေးဝါးတွေ၊ အပင်တွေ၊ ခဲနဲ့ကာဗွန်ဒိုင်အောက်ဆိုက်တို့ကြောင့်ဖြစ်တတ်ပါတယ်။

ဒါတွေမဖြစ်အောင် ကြိုတင်ကာကွယ်မလဲ

  • ချော်လဲတာ၊ ခလုတ်တိုက်တာတွေ အဖြစ်နည်းစေဖို့ အိမ်ကြမ်းပြင်မှာ ပစ္စည်းတွေရှုပ်ပွမနေအောင်ရှင်းထားပါ။ ကြိုးခွေတစ်ခွေလောက်နဲ့လဲ ခလုတ်တိုက်ပြီး အကုန်ရှုပ်ထွေးသွားစေနိုင်ပါတယ်။ အလင်းရောင်ကို မမှိန်ပါစေနဲ့၊ လင်းလင်းချင်းချင်းနေပါ။ အိမ်နောက်ဖေးကျောက်ပြားမှာ မချော်လဲစေမယ့်အမျိုးအစားကိုရွေးသုံးပါ။ရေချိုးခန်းမှာ လက်ကိုင်တန်းထားပါ။
  • အိမ်ရဲ့လှေကားနဲ့ စကြံၤလမ်းတွေမှာ ပစ္စည်းတွေရှုပ်ပွမနေအောင် ဂရုစိုက်ပါ။ လှေကားမှာ ရေစိုနေရင်ချက်ချင်းသုတ်ပါ။ မီးအလင်း လုံလောက်ပါစေ။
  • အိမ်မှာကလေးရှိသူတွေ ပြတင်းပေါက်တွေကို သတိထားပါ(အထူးသဖြင့် အထပ်မြင့်တိုက်တွေမှာနေထိုင်သူတွေ)။ ပြတင်းပေါက်နဲ့ ဝရံတာမှာ သံပန်းအကာအရံလုပ်ထားတာကောင်းပါတယ်။ပြတင်းပေါက်နားမှာ ကလေးကတက်ဆော့နိုင်လောက်တဲ့ ဘီရိုအသေး၊ ခုံလေးတွေ၊ ပစ္စည်းအမြင့်တွေ မထားရှိပါနဲ့။
  • အဆိပ်အတောက်ဖြစ်စေမယ့်အရာတွေကို သတိထားပါ။ ကြွက်သတ်ဆေးလိုမျိုး အဆိပ်ရှိတဲ့အရာတွေကိုထည့်ထားတဲ့ပုလင်းနဲ့ ဘူးတိုင်းကို အမှတ်အသားထင်ထင်ရှားရှားလုပ်ထားပါ။ ကလေးမမီတဲ့နေရာမှာထားပါ။
  • ဓါးတွေနဲ့ တူ၊ သံ စတဲ့ တခြား ကိရိယာအသုံးအဆောင်တွေကို စနစ်တကျသိမ်းဆည်းပါ။ တစ်နေရာမှာချထားပြီးမေ့ခဲ့တဲ့အခါ မသိလိုက်ဘဲ တက်နင်းမိတာ၊တိုက်မိတာရှိရင် ဒဏ်ရာရနိုင်ပါတယ်။
  • ထိနိုင်ရှနိုင်တဲ့ ပစ္စည်းတွေကို သုံးနေတဲ့အခါ(ဥပမာ -သံရိုက်တာ၊ ဓါးလှီးတာ) အာရုံမများပါနဲ့။ ကလေးကိုလှမ်းကြည့်တာ၊ တီဗီသို့မဟုတ် တယ်လီဖုန်းကို လှမ်းအာရုံစိုက်တာတွေက အန္တရာယ်များစေပါတယ်။
  • ဓါးလွတ်ကျရင် လက်နဲ့လှမ်းဖမ်းဖို့ မကြိုးစားပါနဲ့။ ကိုယ်ခြေထောက်ပေါ်မကျအောင် သတိထားပြီးရှောင်ပါ။ပြီးမှပြန်ကောက်ပါ။
  • ဟင်းချက်တဲ့အခါကြော်ချက်တဲ့အခါ ဆီပူလောင်မှာကို သတိထားပါ။ အိုးကိုမ ရင် လက်နှီးဝတ်နဲ့သေချာကိုင်ပါ။
  • ရေနွေးအိုးကို မ ရင် ၊ရွှေ့ရင်မြဲမြဲကိုင်ပြီး တည်ငြိမ်စွာသယ်ယူပါ။ခြေလှမ်းငြိမ်ငြိမ်နဲ့ ခလုတ်မတိုက်နိုင်မယ့် လမ်းကလျှောက်ပါ။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အရိုးအဆစ် နဲ့ ကြွက်သားများ နာကျင်ရတဲ့ အကြောင်းရင်းများ

အရိုးအဆစ်နဲ့ ကြွက်သားနာကျင်ခြင်းက အဖြစ်များတဲ့ ပြဿနာ တစ်ခုပါ။ နာကျင်တာကို သက်သာအောင် လုပ်ရသလို နောက်ခံရောဂါကိုလည်း ရှာဖွေကုသသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ဘေဘီလေးတွေကို ဘယ်လိုသိပ်ကြမလဲ

ဘေဘီလေးတို့အိပ်စက်ဖို့ရန်အတွက် မေမေတို့တွေ ဘယ်လိုနည်းလမ်းတွေ သုံးရမှာပါလိမ့်။ ဘေဘီလေးတို့ အိပ်ပျော်စေဖို့ သတိပြုစရာလေးတွေရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

ဆီးချိုကြောင့် အာရုံကြော ထိခိုက်ခြင်း

အများစုဟာ မိမိမှာ ဆီးချိုရောဂါဖြစ်နေမှန်းမသိတာကြောင့် ဘာကြောင့် တချိန်လုံးထုံကျင်ကိုက်ခဲနေရသလဲ နားမလည်နိုင်ဖြစ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဟော်မုန်း မညီမျှခြင်းအကြောင်း

ဟော်မုန်များ သင့်ကိုယ်ခန္ဓာထဲက ဓာတုဆက်သွယ်ရေးပစ္စည်းတွေ ဖြစ်ပါတယ်။ ကိုယ်ခန္ဓာရဲ့ အရေးကြီးလုပ်ငန်းဆောင်တာတွေကို ထိန်းချုပ်ပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သင့်အတွက် ရွေးချယ်ထားသည်

ဝမ်းဗိုက်တွင်း ပြည်တည်နာ

၀မ်းဗိုက်အတွင်း ပြည်တည်နာဖြစ်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
ဆီးချိုအနာများ အကျက်မြန်စေရန်

ဆီးချိုအနာများ အကျက်မြန်စေရန်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 18, 2020 . 2 mins read
အဆစ်အတွင်း သွေးယိုခြင်း

အဆစ်အတွင်း သွေးယိုခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 18, 2020 . 2 mins read
အဖြစ်များတဲ့ အရိုးအဆစ်ပြဿနာ များ

အဖြစ်များတဲ့ အရိုးအဆစ်ပြဿနာ များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 8, 2020 . 3 mins read