သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

အိမ်မှာ ဖုန်ထူနေရင် လူကို အဆီပိုတက်စေနိုင်

    အိမ်မှာ ဖုန်ထူနေရင် လူကို အဆီပိုတက်စေနိုင်

    အိမ်သုံးပစ္စည်းတွေမှာကပ်ငြိနေတဲ့ ဖုန်မှုန့်တွေဟာ အဆီဆဲလ်တွေဖြစ်တည်မှုကို အရှိန်မြှင့်တင်ပေးနိုင်တဲ့ ဓါတုပစ္စည်းပေါင်းများစွာရဲ့ခိုအောင်းရာဖြစ်နေနိုင်တယ်လို့ သုတေသနပညာရှင်တွေကဖော်ပြလာပါတယ်။ ဒီတော့ ဖုန်တလူးလူးနဲ့ အိမ်မရှင်းဘဲနေကြတဲ့ အစ်ကိုအစ်မတို့ ပိုဝလာဖို့ လမ်းကြောင်းမြင်နေပါတယ်နော်။

    မကြာသေးခင်နှစ်တွေတည်းကendocrineဟော်မုန်းရဲ့လုပ်ဆောင်ချက်ကို အနှောင့်အယှက်ဖြစ်စေနိုင်တဲ့ ဓါတုပစ္စည်းတွေရဲ့သက်ရောက်မှုအကြောင်းကို သုတေသီတွေက စိုးရိမ်ခဲ့ကြပါတယ်။

    ဒီဓါတ်ပစ္စည်းတွေက တစ်ခါတလေ အိမ်သန့်ရှင်းရေးပစ္စည်းတွေမှာပါဝင်တတ်ပြီးနေ့စဉ်သုံးနေကျအရာတွေမှာတောင် ရှိနေတတ်ပါတယ်။ ပလတ်စတစ်ပစ္စည်းအများစုမှာက ခုနလိုendocrine-disruptingဟော်မုန်းတွေဖြစ်တဲ့phthalatesတွေပါလေ့ရှိပါတယ်။

    ဒီဓါတုပစ္စည်းတွေက သန္ဓေမရနိုင်ခြင်း၊ အသည်းရောဂါ၊ ကင်ဆာနဲ့ ကလေးအဝလွန်ခြင်းတွေနဲ့ဆက်နွှယ်နေတယ်လု့ိလေ့လာတွေ့ရှိခဲ့ပြီးနောက်ပိုင်း သူတို့ကို လူ့ကျန်းမာရေးအန္တရာယ်တွေအဖြစ်နဲ့ သုတေသီတွေက သတိပေးခဲ့ပါတယ်။

    အခုသုတေသနမှာတော့Duke University ရဲ့Nicholas School of the Environmentမှ ပါရဂူဘွဲ့ရChristopher Kassotisအဖွဲ့ကလေ့လာတွေ့ရှိခဲ့တာပါ။ အိမ်ထဲကဖုန်တွေကြောင့် အဆီဆဲလ်တွေပိုဖြစ်လာစေတာ ဘာကြောင့်လဲဆိုတော့ အဲဒီဖုန်တွေမှာendocrine-disrupting ဓါတုပစ္စည်းတွေပါနေလို့ပါပဲ။

    သုတေသနမှာမြောက်ကယ်ရိုလိုင်းနားရှိနေအိမ် ၁၉၄ လုံးဆီက ဖုန်မှုန့်နမူနာတွေကို စုဆောင်းခဲ့ပြီး လူ့ကျန်းမာရေးအပေါ် ဖုန်မှုန့်တွေရဲ့ဓါတုသက်ရောက်မှုတွေကိုလေ့လာခဲ့ပါတယ်။ အဲဒီဖုန်မှုန့်တွေထဲက ဓါတ်ပစ္စည်းတွေရဲ့အာနိသင်ကိုစမ်းသပ်ခဲ့ပြီး အဆီဆဲလ်တွေအပေါ်သက်ရောက်မှုကို ဦးစားပေးလေ့လာဆန်းစစ်ခဲ့ပါတယ်။

    ဒီဖုန်မှုန့်တွေထဲမှာပါဝင်တဲ့ ဓါတုပစ္စည်းက ပမာဏအရမ်းနည်းနေရင်တောင် အဆီဆဲလ်တွေဖြစ်ပေါ်မှုကိုမြှင့်တင်ပေးနိုင်တယ်လို့လေ့လာမှုရလဒ်တွေကဖော်ပြနေပါတယ်။

    သုတေသနအတွင်းမှာ အိမ်တွင်းဖုန်မှုန့်နမူနာတွေမှာပါရှိတဲ့ ဓါတုပစ္စည်းအမျိုးပေါင်း ၁၀၀ကျော်မှာ ၇၀လောက်က အဆီဆဲလ်တွေကို အားပေးနေတာတွေ့ရပါတယ်။

    ဒါ့အပြင် ကိုယ်အလေးချိန်များနေတဲ့ သို့မဟုတ် အဝလွန်နေတဲ့ ကလေးတွေရှိတဲ့အိမ်တွေဆီက ဖုန်မှုန့်တွေမှာ အဆီဆဲလ်ဖြစ်ပေါ်မှုအားပေးတဲ့ ဓါတုပစ္စည်းတွေများနေတာတွေ့ရတယ်လို့ သုတေသီတွေကပြောပါတယ်။

    လက်ရှိမှာတော့Kassotis နဲ့အဖွဲ့က ကနဦးလေ့လာတွေ့ရှိချက်ကို ဆက်ပြီးလေ့လာဖို့နဲ့ အိမ်သုံးပစ္စည်းမှာပါဝင်တဲ့ဓါတ်ပစ္စည်းတွေနဲ့ ကိုယ်တွင်းဇီဝဖြစ်စဉ်တွေကြား ဆက်နွှယ်မှုကို ပိုတိကျခိုင်မာအောင်လေ့လာနိုင်ဖို့ ကြိုးစားနေတယ်လို့ ဆိုပါတယ်။

    Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ
    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: