BMR ဆိုတာ basal metabolic rate ဖြစ်ပြီး RMR ကတော့ resting metabolic rateပါ။ ဒီနှစ်ခုက တူသလိုလို ရှိပေမယ့် အနည်းငယ်ကွာခြားပါတယ်။

BMR က နေ့စဉ်အသက်ရှင်ဖို့ လုပ်ရတဲ့ အခြခံလုပ်ငန်းတွေအတွက် ကယ်လိုရီ ‘လိုအပ်ချက်’ကို ဆိုလိုတာဖြစ်ပါတယ်။ RMR ကတော့ သာမန်အချိန်၊ နားနေချိန်မှာ ခန္ဓာကိုယ်က ကယ်လိုရီ ဘယ်လောက် ‘လောင်ကျွမ်း’ နေလဲဆိုတာကို တိုင်းတာတာဖြစ်ပါတယ်။

BMR ကို တွက်ချက်ဖို့ Harris-Benedict formulaကို အသုံးများပါတယ်။

အမျိုးသမီးများအတွက်: BMR = 655 + (9.6 × ကိုယ်အလေးချိန် kg) + (1.8 × အရပ် cm) – (4.7 × အသက် နှစ်)
အမျိုးသားများအတွက်: BMR = 66 + (13.7 ×ကိုယ်အလေးချိန် kg) + (5 ×အရပ် cm) – (6.8 × အသက် နှစ်)

ဒါက ခက်တယ်ဆိုရင် Hello ဆရာဝန်က BMR တွက်ချက်ခြင်းကိရိယာနဲ့ အလွယ်တကူ တွက်ချက်လို့ ရပါတယ်။

လေ့လာချက်တွေအရ ခန္ဓာကိုယ် ကြွက်သားထုများလေလေ BMR များလေလေလို့ ဆိုပါတယ်။ ခန္ဓာကိုယ်ကတည်ဆောက်ပုံမှာ ခန္ဓာကိုယ်မှာ ရှိတဲ့ အဆီပမာဏနဲ့ ကြွက်သားနဲ့ ပါဝင်ပါတယ်။

Metabolism မြန်ချင်တယ်ဆိုရင် ခန္ဓာကိုယ်တည်ဆောက်ပုံကို ပြောင်းလဲပစ်ရပါမယ်။ ဆိုလိုတာက ကြွက်သားထုတက်အောင် လုပ်ရပါမယ်။ ဒီလိုဖြစ်စေဖို့ strength trainingလို့ခေါ်တဲ့ ကြွက်သားတက်စေမယ့် လေ့ကျင့်ခန်းတွေလုပ်တာ၊ ပရိုတင်းကြွယ်ဝတာတွေ စားတာတွေ လိုက်နာရပါမယ်။