ရာသီဥတုအေးတဲ့အခါ၊ မိုးရွာတဲ့အခါ အဆစ်အမြစ်တွေ ပိုကိုက်လာနိုင်သလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မိုးရွာတာနဲ့ ဘာလို့များ အဆစ်အမြစ်တွေ ပိုကိုက်လာရတာလဲ။ ရာသီဥတုအေးတာနဲ့ ဘာလို့များ တဆစ်ဆစ်နာကျင်လာရတာလဲ။ ကိုယ်တိုင်မဟုတ်ပေမယ့်လည်း ကိုယ့်အဖိုးအဖွားတွေ၊ အဖေအမေတွေ ရာသီဥတုကြောင့် အဆစ်အမြစ်တွေကိုက်ခဲရတာကို ပြောနေတဲ့အချိန်တိုင်း ဘာမှလည်းမဆိုင်လောက်ပါဘူး တွေးနေမိလား။

ဒါဟာ တကယ်မှဟုတ်ရဲ့လား။

အရင်တုန်းကတော့ ဒီအကြောင်းအရာတွေဟာ ဘယ်လိုမှ ဆက်စပ်မှုမရှိဘူးလို့ ထင်ခဲ့ကြတယ်။ လူတွေရဲ့ စိတ်ပိုင်းဆိုင်ရာကြောင့်သာ ဒီလိုမျိုးတွေ ဖြစ်နေတာလို့ သတ်မှတ်ခဲ့ကြတယ်။ ဒါပေမယ့် စနစ်တကျသုတေသနပြုပြီးတဲ့နောက်မှာတော့ ဒီအယူအဆတွေက မှန်သင့်သလောက် မှန်ကန်တယ်ဆိုတဲ့အကြောင်းသိလာရတယ်။

မိုးမရွာခင်မှာကို အဆစ်အမြစ်တွေစနာလာတာဖြစ်နိုင်ပါတယ်။ တချို့အဖိုးအဖွားတွေမိုးမရွာခင်ကတည်းက မိုးရွာတော့မယ်ဆိုတာကို ကြိုသိနေတာမျိုးတောင်ဖြစ်ကြပါသေးတယ်။ ဘာကြောင့်ဆိုတဲ့အကြောင်း အတိအကျကြီး သက်သေမပြနိုင်သေးပေမယ့် ဒီလိုကြိုသိမှုတွေက အမှားတွေတော့မဟုတ်ပါဘူး။

လေထုဖိအားပြောင်းလဲမှုက တရားခံ။

ဖြစ်နိုင်ခြေအရှိဆုံးသီအိုရီတစ်ခုကတော့ လေထုဖိအား ပြောင်းလဲခြင်းပါ။ အဆစ်အမြစ်တွေကို အသားတစ်ရှူးတွေက ဝန်းရံထားတယ်။ ဒီအသားတစ်ရှူးတွေကို ကျစ်ကျစ်လစ်လစ်နဲ့ သူ့အတိုင်းရှိနေအောင်၊ အဆစ်အမြစ်တွေကို သွားပြီး ဖိမိမနေအောင် ပြင်ပမှာရှိတဲ့ လေထုဖိအားက ဖိအားပေးထိန်းချုပ်ထားတယ်။ ဒါပေမယ့် ရာသီဥတုအေးတဲ့အချိန်၊ မိုးမရွာခင်အချိန်တွေမှာ ပြင်ပမှာရှိတဲ့ လေထုဖိအားက ကျဆင်းသွားတယ်။ လေထုဖိအား ကျဆင်းသွားတဲ့နောက်မှာ တစ်ရှူးတွေကို ဖိအားပေးပြီး မထိန်းထားနိုင်တော့ဘူး။ ဒီတော့ တစ်ရှူးတွေကဖောင်းလာတယ်။ အဲဒါက အဆစ်အမြစ်တွေကို ဖိသလိုဖြစ်ပြီး ကိုက်ခဲမှုတွေစဖြစ်တော့တာပဲ။

ဒီလိုလေထုအပြောင်းအလဲနဲ့ အဆစ်အမြစ်တွေအပေါ်ကို သက်ရောက်မှုက တကယ်တမ်းတော့ အရမ်းသေးငယ်ပါတယ်။ သာမန်လူတွေအတွက်ဆိုရင် ဘယ်လိုမှ မသိသာနိုင်တဲ့အရာတစ်ခုပေါ့။ ဒါပေမယ့် နဂိုအဆစ်အမြစ်ကိုက်ခဲတတ်တဲ့အခံရှိသူတွေအတွက်ကတော့ အာရုံကြောတွေက အရမ်း အာရုံခံစားမှုအားကောင်းနေတော့ ဒီအနည်းငယ်ပမာဏလေးကတောင် သိသာထင်ရှားတဲ့ နာကျင်ခံစားမှုတွေကိုဖြစ်စေပါတယ်။

ဘယ်လိုဖြေရှင်းကြမလဲ။

ပြဿနာကိုသိပြီဆိုတော့ ဖြေရှင်းတဲ့နည်းလမ်းတွေလည်းရှိရမှာပေါ့။ ရာသီဥတုအေးလို့၊ မိုးရွာလို့ အဆစ်အမြစ်ကိုက်သူတွေအတွက် ဒီနည်းလမ်းတွေကို ကျင့်သုံးကြည့်လို့ရပါတယ်။

၁။ နွေးနွေးထွေးထွေးနေပါ။

စောင်ထူထူခြုံပါ။ အဝတ်အစားထူထူဝတ်ပါ။ အိမ်မှာနွေးနွေးထွေးထွေးနေပါ။ ကိုက်တတ်တဲ့အဆစ်အမြစ်တွေကို ရေနွေးအိတ်ကပ်ပါ။

၂။ အဆစ်အမြစ်တွေရောင်ပြီး မဖောင်းလာအောင် ကြပ်စည်းထားပါ။

ရေနွေးအိတ်ကပ်တာအပြင် အဆစ်အမြစ်တွေ မရောင်လာအောင် ကြပ်စည်းထာမျိုးလည်းလုပ်နိုင်ပါတယ်။ ဒူးစွပ်၊ ခြေစွပ်၊ လက်စွပ်တွေက ဒါကို အကူအညီပေးနိုင်ပါလိမ့်မယ်။

၃။ လှုပ်လှုပ်ရှားရှားနေပါ။

မလှုပ်မရှားနေရင် အဆစ်တွေပိုပြီးတောင့်တင်းကိုက်ခဲလိမ့်မယ်။ ပိုနာကျင်ခံရခက်လိမ့်မယ်။ လှုပ်လှုပ်ရှားရှားနေပါ။

၄။ စိတ်ကြည်ကြည်လင်လင်ထားပါ။

နာတာရှည် အဆစ်အမြစ်ရောဂါရှိသူအတွက်က ရာသီဥတုအေးပြီဆိုတာနဲ့ နာလာတတ်တော့ စိတ်ဓါတ် အလွယ်တကူကျတတ်ကြတယ်။ စိတ်ဓါတ်ကျတော့ ပိုပြီးနာကျင်တာကို ခံစားလာရတတ်ပါတယ်။ ဆိုတော့ စိတ်ဓါတ်မကျဘဲ လုပ်စရာတစ်ခုခုရှိနေအာင်နေပါ။ ဒီဝေဒနာက ခဏတာပဲဆိုတာကို သိထားပါ။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ကိုဗစ်ကာလ Work From Home မှာ အလုပ်ချိန်၊ နားချိန် ခွဲတတ်စေဖို့

    ကိုဗစ်က တစ်ကျော့ပြန်လာချိန်မှာ ကူးစက်မှု ပိုမြန်လာတာ မှန်ပေမယ့် ကာကွယ်ရမယ့်နည်းလမ်းကတော့  အတူတူပါပဲ။ နားချိန် အလုပ်လုပ်ချိန် မှန်ပါစေ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    ချင်းများဖြင့် သင့်ရဲ့မနက်ခင်းလေး လှပနေပါစေ

    ချင်း မနက်ခင်း မနက်စာ ကျန်းမာရေး အာဟာရ ဗီတာမင် ဖျားနာ နှာစေးနှာပိတ် ခေါင်းကိုက် ရေနွေး ချင်းပြုတ်ရည် ရေဓာတ် သစ်သီးဖျော်ရည်

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Myo Myat

    အရိုးအဆစ် ဒီလိုဖြစ်ရင် အမြန်ဆုံးကုသသင့်ပါတယ်

    အရိုးအဆစ် ဒီလိုဖြစ်ရင် အမြန်ဆုံး ကုသမှု ခံယူသင့်ပါတယ်။ မကုသရင် နောက်ဆက်တွဲပြဿနာတွေ ဖြစ်လာနိုင်ပြီး အခန့်မသင့်ရင် အရေးပေါ် ခွဲစိတ်ကုသရနိုင်ပါတယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Yun Sandi Nan Mon

    ဘိုးဘိုး ဘွားဘွား အရွယ် အရိုးအဆစ် နာကျင်လွယ်တာ ဒါတွေကြောင့်ပါ

    ဘိုးဘိုးဘွားဘွားတွေ၊ ဖေဖေ၊မေမေ တွေရဲ့ အရိုးအဆစ် နာကျင်မှုပြဿနာကို ဖြစ်လာစေတဲ့အကြောင်းရင်း၊နေထိုင်သင့်တဲ့အနေအထား၊ပြုစုကုသပေးပုံတွေကို လေ့လာသိရှိထားသင့်ပါတယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Yun Sandi Nan Mon

    သင့်အတွက် ရွေးချယ်ထားသည်

    ဒူးနာဝေဒနာရှင်များအတွက် ဒူးဆစ်ထဲ စတီးရွိုက်ထိုးခြင်း

    ဒူးနာဝေဒနာရှင်များအတွက် ဒူးဆစ်ထဲ စတီးရွိုက်ထိုးခြင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် အောက်တိုဘာ 6, 2020 . 2 mins read
    Skincare နဲ့ ပတ်သက်တဲ့ အယူအဆ အလွဲတွေ

    Skincare နဲ့ ပတ်သက်တဲ့ အယူအဆ အလွဲတွေ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
    COVID-19 ရဲ့ နောက်ဆက်တွဲ ဘာတွေဖြစ်နိုင်သလဲ။

    COVID-19 ကြောင့် အသက်အန္တရာယ်အပြင်ဘာတွေဖြစ်နိုင်သေးလဲ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် စက်တင်ဘာ 8, 2020 . 2 mins read
    အရိုးအဆစ်ရောင်ခြင်း၏ နောက်ဆက်တွဲပြဿနာများ

    အရိုးအဆစ်ရောင်ခြင်း၏ နောက်ဆက်တွဲပြဿနာများ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr.Thant Zin
    ရေးသား ထုတ်ဝေခဲ့သည် စက်တင်ဘာ 4, 2020 . 2 mins read