ထွက်မှာ သေချာပြီလား။
ခြေထောက်ကိုက်တာက ဖြစ်လေ့ဖြစ်ထ ရှိတဲ့ ကျန်းမာရေး ပြဿနာ ဆိုပေမယ့် နေရထိုင်ရ အတော်လေး ခက်ပါတယ်။ ခြေထောက်ကိုက်တဲ့အခါ နေ့စဉ် လှုပ်ရှားမှုတွေကို လုပ်ဆောင်ဖို့ ခက်သလို အနားယူ အိပ်စက်ချိန်မှာတောင် ကောင်းကောင်း အိပ်ပျော်ဖို့ ခက်ပါတယ်။ ဒီတစ်ခေါက်တော့ ခြေထောက်ကိုက်တာကို သက်သာစေမယ့် အိမ်တွင်းကုထုံးများ အကြောင်း နည်းနည်းလောက် ပြောပြပေးပါမယ်။
ခြေထောက်ကိုက်တာက လူကြီးတွေမှာ အဖြစ်များပေမယ့် လူငယ်တွေရော အသက်အရွယ်တိုင်းမှာ ဖြစ်နိုင်ပါတယ်။ ခြေထောက်ထဲက နာကျင်နေတာပါ။ အသက်အရွယ် ကြီးရင့်နေတဲ့ ဘိုးဘိုးဘွားဘွားတွေမှာတော့ အဖြစ်များပါတယ်။
ခြေထောက်ကိုက်တာက ခဏတာအတွင်း သက်သာသွားတာ ရှိသလို ရက်သတ္တပတ် အတော်ကြာတဲ့အထိ မပျောက်တာ၊ လချီပြီ ကိုက်နေတာ၊ နှစ်ရှည်လများ ခြေထောက်ကိုက်တာလိုမျိုး နာတာရှည် ကျန်းမာရေး အခြေအနေတွေလည်း ရှိနိုင်ပါတယ်။
ခြေထောက်ကိုက်စေတဲ့ အကြောင်းအရင်းတွေကတော့ တစ်ခု မကပါဘူး။
ခြေထောက်ကိုက်ပြီဆိုရင်
နေရာလေး တစ်ခုထဲက ကွက်ပြီး တင်းတင်းကြပ်ကြပ် နာနေတာမျိုး ခံစားရနိုင်သလို ခြေထောက် တစ်ခုလုံးမှာ နာကျင်နေတာမျိုးလည်း ခံစားရနိုင်ပါတယ်။
ခြေထောက်ကိုက်တာကို သက်သာစေမယ့် အိမ်တွင်းကုထုံးများ က ဘာတွေများ ဖြစ်မလဲဆိုတာ အတူတူ ကြည့်လိုက်ရအောင်နော်။
ပန်းသီးရှာလကာရည်ကို အသက်အရွယ်တိုင်းအတွက် အသုံးပြုပေးလို့ ရပါတယ်။ ကိုက်ခံနေတဲ့အခါမျိုးမှာ အရေပြားပေါ်မှာ လိမ်းပေးတာမျိုး လုပ်ပေးလို့ ရသလို ရေနွေးနဲ့ ရောပြီး ချိုးပေးတာ၊ ရေနဲ့ရောပြီး သောက်ပေးတာမျိုး လုပ်ပေးလို့ ရပါတယ်။
နာကျင်မှုကို လျော့ပါး သက်သာစေနိုင်မှာပါ။ ရေနွေးထဲ ပန်းသီးရှာလကာရည် ထည့်လို့ ခြေထောက်စိမ်ပေးလို့လည်း ရပါတယ်။
နနွင်းက အရောင်ကျစေနိုင်သလို အဆစ်ရောင်တာကိုလည်း သက်သာစေနိုင်ပါတယ်။ အရိုးအကြောပြဿနာတွေအတွက်လည်း အသုံးပြုပေးလို့ ရပါတယ်။
နနွင်းကို စားပေးလို့ ရသလို ရေနဲ့ ခပ်ပျစ်ပျစ်ဖျော်ပြီး နာကျင်ကိုက်ခဲနေတဲ့ နေရာမှာ လိမ်းပေးလို့လည်း ရပါတယ်။
ချင်း/ ဂျင်း ကိုလည်း ခြေထောက်ကိုက်တာတွေ သက်သာစေဖို့ အသုံးပြုပေးလို့ ရပါတယ်။ ချင်း/ ဂျင်း အဆီကို လိမ်းပေးလို့ ရပါတယ်။ အရောင်ကျစေနိုင်ပြီး ကိုက်ခဲတာကို သက်သာစေနိုင်ပါတယ်။ ထောင်းလို့ရတဲ့ အရည်ကို လိမ်းပေးတာကလည်း နည်းလမ်းကောင်း တစ်ရပ်ပါ။
လာဗင်ဒါဆီက ကျန်းမာရေးအတွက် အကျိုးများသလို ကိုက်ခဲနာကျင်တာတွေကိုလည်း သက်သာစေနိုင်ပါတယ်။ လာဗင်ဒါဆီကို အဆီ တစ်မျိုးမျိုးနဲ့ ရောစပ်ပြီး ကိုက်ခဲနာကျင်တဲ့ နေရာမှာ လိမ်းပေးလို့ ရပါတယ်။ အရောင်ကျစေနိုင်သလို ကိုက်တာခဲတာကိုလည်း သက်သာစေနိုင်မှာပါ။
ကြက်သွန်ဖြူမှာ bioactive ဒြပ်ပေါင်း တစ်မျိုး ဖြစ်တဲ့ allicin ပါဝင်နေတာကြောင့် ကိုက်ခဲတာကို သက်သာစေနိုင်ပါတယ်။ အဆစ်တွေ နာကျင်တာကို သက်သာစေနိုင်ပါတယ်။ ကိုက်ခဲတဲ့အခါ ကြိတ်ရည်ကို လိမ်းပေးလို့ ရသလို အဆီကိုလည်း အသုံးပြုပေးလို့ ရပါတယ်။ စားပေးလို့လည်း ရပါတယ်။
ခြေထောက်ကိုက်နေတဲ့အခါ ခြေထောက်ကို တင်းပါးထက် မြင့်နေအောင် ထားပေးတဲ့ အနေအထားမျိုးမှာ ထားပြီး သက်သောင့်သက်သာ အနားယူပေးတာကလည်း ခြေထောက်ကိုက်တာကို သက်သာစေမယ့် နည်းလမ်းကောင်းပါပဲ။
ခြေထောက်တွေ အရမ်းကိုက်တဲ့အခါ ရေခဲကပ်ပေးတာကလည်း ခြေထောက်ကိုက်တာကို သက်သာစေနိုင်ပါတယ်။ ရေခဲကို အဝတ်စ မထူမပါးထဲမှာ ထည့်လို့ ၁၅ မိနစ်ကြာအောင် ကပ်ပြီးတိုင်း ၁၀ မိနစ် ကနေ ၁၅ မိနစ်လောက် နားပေးပါ။
ခြေထောက်ကိုက်တာက အခုလို အခြေအနေတွေ ဖြစ်လာပြီဆိုရင်တော့ ဆရာဝန် ပြဖို့ လိုပါမယ်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
How to Stop Muscle Cramps https://www.emedicinehealth.com/muscle_cramps/article_em.htm Accessed Date 25 May 2022
7 natural remedies to get rid of muscle cramps https://www.thehealthsite.com/diseases-conditions/natural-remedies-for-muscle-cramps-bj0215-266921/ Accessed Date 25 May 2022
How to Prevent Leg Cramps and Treat Them at Home https://health.clevelandclinic.org/how-to-prevent-leg-cramps-and-treat-them-at-home/ Accessed Date 25 May 2022
Muscle cramp https://www.mayoclinic.org/diseases-conditions/muscle-cramp/diagnosis-treatment/drc-20350825 Accessed Date 25 May 2022
Natural Home Remedies: Muscle Cramps https://www.besthealthmag.ca/article/muscle-cramps/ Accessed Date 25 May 2022
