အိပ်ရာခင်း အရမ်းမာတာကြောင့်လည်း အရိုးအဆစ်တွေ တောင့်တင်း နာကျင်နိုင်ပါတယ်။ ဒါကြောင့် အိပ်ရာခင်းကို အရမ်းမာလွန်းတာ၊ အရမ်းပျော့လွန်းတာမျိုး မဖြစ်စေဖို့ သတိထားစေချင်ပါတယ်။ ကြွက်သားနဲ့ အဆစ်တွေ နာကျင်မှု ကင်းစေချင်တယ်ဆိုရင်တော့ အိပ်ရာခင်းကို ဂရုစိုက်ပေးပါ။
အိပ်ရာကနေ မထခင်မှာ တစ်ကိုယ်လုံးကို ဖြည်းဖြည်းချင်း အကြောလျှော့ပေးပါ။ လက်ကလေးတွေကို ဝိုင်းပြီး လက်ကောက်ဝတ်ကို အကြောလျှော့တာမျိုး အဆစ်တွေကို ဖြည်းဖြည်းချင်း လှုပ်ရှားရင်း အကြောလျှော့တာမျိုး လုပ်ပေးပါ။ ဒီလို လုပ်ပေးတာကလည်း အဆစ်တွေ တောင့်တင်းနာကျင်တာကို သက်သာစေနိုင်ပါတယ်။
ရေနွေးနွေးလေးနဲ့ ရေချိုးပေးတာက အရိုးအဆစ်တွေနဲ့ ကြွက်သားတွေကို ပြေလျော့စေနိုင်ပါတယ်။ မနက်ခင်းမှာ စိတ်ရောကိုယ်ပါ တက်ကြွလန်းဆန်းစေနိုင်သလို နာကျင်တာတွေကိုလည်း သက်သာစေနိုင်မှာပါ။
အလှုပ်အရှား နည်းတာကလည်း အဆစ်တွေကို နာကျင်စေတဲ့ အကြောင်းအရင်းပါ။ ဒါကြောင့် လေ့ကျင့်ခန်း လုပ်တာ၊ လမ်းလျှောက်တာလိုမျိုး အဆစ်တွေနဲ့ ကြွက်သားတွေကို လှုပ်ရှားမှုဖြစ်စေမယ့် လေ့ကျင့်ခန်းလေးတွေ လုပ်ဆောင်ပေးပါ။
အချို့သော အစားအသောက်တွေက အဆစ်တွေရဲ့ ကျန်းမာရေး အပေါ်မှာ သက်ရောက်မှု ရှိနေပါတယ်။ ဒါကြောင့် အရောင်ကျစေနိုင်ပြီး အဆစ်တွေကို ကျန်းမာစေနိုင်တဲ့ အစားအစာတွေကို နေ့စဉ် စားသုံးမှုမှာ ပါဝင်အောင် စားသုံးပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။