အရိုးပွရောဂါမဖြစ်အောင် ဘယ်လို ကာကွယ်နေထိုင်ကြမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 31, 2020 . 2 mins read
Share now

သင်သိရဲ့လား ကမ္ဘာပေါ်မှာ လူပေါင်း သန်း ၂၀၀ လောက်ဟာ အရိုးနဲ့သက်ဆိုင်တဲ့ ကျန်းမာရေးပြဿနာတွေကို နှစ်စဉ်ရင်ဆိုင်နေကြရတယ်ဆိုတာကို။ အရိုးကျိုးတာ၊ အရိုးအက်တာ၊ နာကျင်တာ၊ အရိုးပွတာ စသဖြင့်ပေါ့။

အသက်အရွယ်ကြီးရင့်လာတဲ့အခါမှာ လူ့ခန္ဓာကိုယ်က အစိတ်အပိုင်းတွေဟာ ယိုယွင်းလာတယ်။ လုပ်နိုင်စွမ်း၊ တုန့်ပြန်နိုင်စွမ်းတွေကျဆင်းလာသလို မာကျောကြံ့ခိုင်မှုလည်း လျော့နည်းလာတယ်။ အရိုးတွေလည်း အတူတူပါပဲ။

အထူးသဖြင့်တော့ အမျိုးသမီးတွေပေါ့။ ရာသီသွေးဆုံးပြီးနောက်ပိုင်းမှာ အမျိုးသမီးတွေဟာ အရိုးပွရောဂါကို ခံစားရတတ်တယ်။ အမျိုးသမီးတွေရဲ့ ၃၀% လောက်အထိ ဒီပြဿနာနဲ့ ကြုံဆုံရနိုင်တာပါ။ ဒါ့အပြင် အမျိုးသမီးတွေရဲ့ ၆ ပုံ ၁ ပုံလောက်ဟာလည်း တင်ပါးဆုံရိုးကျိုးတာ၊ အက်တာမျိုးကို ခံစားရတတ်ပါသေးတယ်။

ဒီတော့ အသက် ၆၀ ကျော်လာရင် အရိုးတွေ ပုံမှန်ကျန်းမာနေဖို့က လူကြီးတိုင်းအတွက် အဓိကဦးစားပေးဖြစ်လာပါပြီ။ အရိုးမကျန်းမာရင် ရပ်တည်ဖို့တောင်ခက်ခဲနေပြီမဟုတ်လား။

ဒီပြဿနာတွေကို ကျော်လွှားနိုင်စေဖို့ဆိုရင် နည်းလမ်း ၆ သွယ်နဲ့ တားဆီးနိုင်ပါတယ်။ နည်းလမ်းတွေကတော့

၁။ လေ့ကျင့်ခန်းလုပ်ပါ

တစ်နေ့ကို မိနစ် ၃၀ လောက်လေ့ကျင့်ခန်း လုပ်ပေးတာက လူကြီးတွေရဲ့ အရိုးကျန်းမာရေးနဲ့ ကြံ့ခိုင်မှုကို အလွန်အထောက်အကူဖြစ်စေသလို အရိုးပွရောဂါမရှိသေးဘူးဆိုရင်လည်း ဖြစ်မလာအောင် တားဆီးပေးနိုင်ပါတယ်။

  • ယောဂ၊
  • လမ်းလျှောက်
  • တိုက်ချိနဲ့
  • အပေါ့စား အလေးမ လေ့ကျင့်ခန်းတွေဟာ အရိုးသန်မာစေဖို့ အထောက်အကူဖြစ်စေပါတယ်။

လေ့ကျင့်ခန်းကိုလည်း တစ်ပတ်မှာ ၅ ရက်လောက်သာပြုလုပ်သင့်ပါတယ်။ တန်ဆေးလွန်ဘေးပါနော်။

၂။ အာဟာရမျှတစွာ စားပါ

နို့ထွက်ပစ္စည်းတွေ၊ ငါးတွေ၊ အစိမ်းရောင်ရှိတဲ့ဟင်းသီးဟင်းရွက်တွေကို ပိုပြီး မှီဝဲပေးဖို့လိုအပ်ပါတယ်။ ဗီတာမင် D နဲ့ ကယ်လ်စီယမ်တို့က အရိုးသန်မာစေဖို့ အထောက်အကူပြုပါတယ်။ ဒါ့အပြင် Omega-3 fatty acids ကိုလည်း မှီဝဲပေးသင့်ပါတယ်။ ဒီဓာတ်ကတော့ ငါးတွေနဲ့ နှမ်းကြက်စေ့လိုအရာမျိုးတွေမှာ ပါရှိပါတယ်။

၃။ ဆေးဝါးမှီဝဲပါ

အသက်အရွယ်တစ်ခုရလာချိန်မှာ ခန္ဓာကိုယ်က လိုအပ်တဲ့ ခွန်အားနဲ့ အာဟာရဓာတ်တွေဖြည့်ဆည်းနိုင်ဖို့ ဆေးဝါးဓာတ်စာ ပုံမှန်မှီဝဲဖို့ လိုအပ်လာပါပြီ။ ကိုယ်နဲ့သင့်လျော်တဲ့ အားဆေးမျိုးရွေးချယ်မှီဝဲဖို့လိုအပ်သလို အရိုးကို သန်မာစေမယ့် ဖြည့်စွက်စာတွေလည်း စားပေးဖို့ လိုအပ်ပါတယ်။

၄။ ခန္ဓာကိုယ်က ဗီတာမင် D နဲ့ ကယ်လ်စီယမ်ဓာတ် လုံလောက်စွာရရှိတာ သေချာပါစေ

အာဟာရဓာတ်တွေကို ဖြည့်ဆည်းနေပေမယ့် ခန္ဓာကိုယ်က မစုပ်ယူနိုင်ရင် ပြဿနာရှိပါတယ်။ ဥပမာ ဗီတာမင် D ကို ခန္ဓာကိုယ်က စုပ်ယူနိုင်ဖို့ နေရောင်ခြည်က အထောက်အကူပြုပါတယ်။ ဒါကြောင့် အိမ်ထဲမှာချည်းနေတာမျိုးထက် နေပူဆာလှုံတာ၊ နေခြည်နွေးနွေးအောက်မှာ လမ်းလျှောက်တာမျိုးတွေလည်း ပြုလုပ်ဖို့ လိုပါတယ်။

ကျွမ်းကျင်သူတွေကတော့ နေ့စဉ် လေ့ကျင့်ခန်းပြုလုပ်မယ်ဆိုရင် နေရောင်အောက်မှာ ၁၀ မိနစ်လောက် လေ့ကျင့်ခန်းလုပ်ဖို့ တိုက်တွန်းထားကြပါတယ်။

၅။ ဆားနဲ့ ကဖင်းဓာတ်ကို ရှောင်ပါ

ဆား စားသုံးမှုကို လျှော့ချရပါမယ်။ ဆားပါဝင်တဲ့အစားအစားတွေကို တတ်နိုင်သမျှ ရှောင်ကျဉ်ဖို့ ရပါမယ်။ နောက်ပြီး ကော်ဖီကနေစလို့ ကဖင်းဓာတ်ပါဝင်တဲ့အစားစာတွေ၊ အဖျော်ယမကာတွေကိုလည်း တတ်နိုင်သမျှ မမှီဝဲဖြစ်အောင်နေဖို့ တိုက်တွန်းလိုပါတယ်။ ဒီအရာတွေက ခန္ဓာကိုယ်က ကယ်လ်ဆီယမ်ဓာတ်စုပ်ယူမှုကို ဟန့်တားတတ်တဲ့အရာတွေဖြစ်နေတာကြောင့်ပါ။

၆။ အရိုးသိပ်သည်းဆကို ပုံမှန်စစ်ဆေးပါ

ဒီလိုစစ်ဆေးမှု မပြတ်လုပ်နေမှ ကိုယ့်အရိုးရဲ့ အခြေအနေကို သိနိုင်မှာဖြစ်သလို ကိုယ့်မှာ အရိုးပွဝေဒနာ ခံစားနေရခြင်းရှိမရှိကိုလည်း သိနိုင်မှာပါ။ တကယ်လို့ ကိုယ့်ရဲ့ အရိုးက လုံလောက်တဲ့ ကြံ့ခိုင်မှုမျိုးရှိမနေတော့ဘူးဆိုရင် ဆေးဝါးကုသမှုကို ခံယူရမှာဖြစ်ပါတယ်။

အသက် ၆၅ နှစ်နဲ့အထက် အမျိုးသမီးတွေနဲ့ အသက် ၇၀ နဲ့အထက် အမျိုးသားတွေတိုင်းဟာ အရိုးသိပ်သည်းဆကို ပုံမှန်စစ်ဆေးပေးဖို့ လိုအပ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဗီတာမင် D ပြည့်ဝနေအောင် ဘယ်လိုစားသောက်ကြမလဲ

ဗီတာမင် D ဓာတ်ဟာ COVID-19 ရောဂါကာကွယ်ရေးမှာ အရေးပါနေတယ်။ လူတစ်ယောက်ဟာ ဗီတာမင် D ပြည့်ဝနေမှ ကျန်းမာတဲ့ဘဝတစ်ခုကို ပိုင်ဆိုင်နိုင်မှာလေ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အရသာရှိရှိ ဆေးဘဲဥသုပ် စားကြရာဝယ်

ဆေးဘဲဥလို့ ပြောလိုက်ရင် လူတိုင်း မြင်ဖူး စားဖူးကြမှာပါ။ အပေါ်က ထုံးလိုအရာတွေ မံထားပြီး ဒါတွေကို ထုခွဲလိုက်ရင် အတွင်းက ဘဲဥအလုံးလိုက်လေး ထွက်လာပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အီစထရိုဂျင်ဟော်မုန်းကို သဘာဝအလျောက်မြှင့်တင်ပေးနိုင်ဖို့

အမျိုးသမီးတယောက်ရဲ့ ကြင်အန်လက္ခဏာတွေ ပြည့်စုံဖို့နဲ့ မျိုးဆက်ပွားဆိုင်ရာ ကျန်းမာရေးကိစ္စတွေအတွက် အီစထရိုဂျင်က အရေးပါပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဘေဘီလေးကို ရေညှိကျွေးပေးတဲ့အခါ

ရေညှိ ထမင်းလိပ်တယ်။ ဘေဘီးက နည်းနည်းဆိုပြီး ပါးစပ်ဟတယ်။ ရေညှိကြော်လေး စားလည်း မေမေ သားသားဆိုပြီး ပါးစပ်ဟတယ်။ ဘေဘီလေးကို ရေညှိကျွေးရမလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ညဘက်ကောင်းကောင်း အိပ်ပျော် စေဖို့ ဒီအချက်တွေလိုက်နာစို့

ညဘက်ကောင်းကောင်း အိပ်ပျော် စေဖို့ ဒီအချက်တွေလိုက်နာစို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read
ကိုဗစ်ကြောင့် အိပ်မပျော်တဲ့အခါ

ကိုဗစ်ကြောင့် အိပ်မပျော်တဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read
ကိုဗစ်ကနေ ပြန်လည် သက်သာလာတဲ့အခါ

ကိုဗစ်ကနေ ပြန်လည် သက်သာလာတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
ရင်သားကင်ဆာ ကာကွယ်ပေးမယ့် အစားအစာများ

ရင်သားကင်ဆာ ကာကွယ်ပေးမယ့် အစားအစာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 15, 2020 . 2 mins read