အသက်ရှုလမ်းကြောင်း ပိုးဝင်ခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မင်္ဂလာပါ

Hello ဆရာဝန် စာမျက်နှာကနေ ကြိုဆိုပါတယ် ။ ဒီတစ်ခေါက်မှာ ဆွေးနွေးပေးမယ့် အကြောင်းအရာကတော့ ရာသီအကူးအပြောင်းနဲ့ ဆောင်းရာသီမှာ ဖြစ်တတ်တဲ့  အသက်ရှုလမ်းကြောင်း ပိုးဝင်ခြင်း ဖြစ်ပါတယ် ။ ခုခံအားနည်းလေ့ရှိတဲ့ ကလေးငယ်များ ၊ အဘိုးအဘွား သက်ကြီးရွယ်အိုများ ၊ နာတာရှည် ဝေဒနာသည်များ(နှလုံးနှင့် အဆုတ်ရောဂါ ဝေဒနာရှင်များ) နဲ့ အကြောင်းအမျိူးမျိုးကြောင့် ခုခံအားနည်းနေသူတွေမှာ အဖြစ်များလေ့ရှိပါတယ် ။

ကျွန်တော်တို့ ခန္ဓာကိုယ်မှာရှိတဲ့ အသက်ရှုလမ်းကြောင်းကို အပေါ်ပိုင်းနဲ့ အောက်ပိုင်းဆိုပြီး နှစ်ပိုင်း ခွဲခြားထားပါတယ် ။ အသက်ရှုလမ်းကြောင်း အပေါ်ပိုင်းမှာတော့ နှာခေါင်းဝကနေ အသံကြိုးအထိပါပြီး အောက်ဘက်ခြမ်းကိုတော့ အသံကြိုးကနေ အဆုတ်အထိဆိုပြီး နှစ်ပိုင်းခွဲထားပါတယ် ။

လက္ခဏာတွေက ဘာတွေလဲ

အသက်ရှုလမ်းကြောင်း ပိုးဝင်ရင်တော့ အသက်ရှုမဝခြင်း ၊ ချောင်းဆိုးခြင်းနှင့် နှာစေးခြင်း ၊ လည်ချောင်းနာခြင်း ၊ တကိုယ်လုံး ကိုက်ခဲခြင်းတွေ ဖြစ်တတ်ပါတယ် ။ ဒီလက္ခဏာတွေကတော့ အဖြစ်များလေ့ရှိတဲ့ လက္ခဏာတွေ ဖြစ်ပါတယ် ။ ဒါပေမဲ့ အဖျားကြီးခြင်း ၊ ချမ်းတုန်ခြင်း ၊ မူးဝေခြင်း ၊ သတိလစ်ခြင်းတွေ ဖြစ်လာရင်တော့ ဆရာဝန်နဲ့ အမြန်ပြသင့်ပါတယ် ။

ဘာကြောင့်ဖြစ်ရတာလဲ

အသက်ရှုလမ်းကြောင်းကို အပေါ်နဲ့အောက်ပိုင်းဆိုပြီး ၂ပိုင်း ခွဲခြားထားသလို ရောဂါပိုးဝင်ရခြင်းကိုလည်း ၂ပိုင်းခွဲထားပါတယ် ။ အသက်ရှုလမ်းကြောင်း အပေါ်ပိုင်းမှာ ဖြစ်တဲ့ရောဂါတွေကတော့   လည်ချောင်းရောင်ခြင်း ၊ နားပိုးဝင်ခြင်းနဲ့ တုပ်ကွေးမိခြင်းတို့ ဖြစ်ပါတယ် ။

အသက်ရှုလမ်းကြောင်း အောက်ပိုင်းမှာတော့ လေပြွန်ရောင်ခြင်း ၊ အဆုတ်ရောင်ခြင်း ၊ အဆုတ်ထဲမှာရှိတဲ့ လေအိတ်ငယ်များ ရောင်ရမ်းခြင်းတွေကြောင့် ဖြစ်တတ်ပါတယ် ။

ရောဂါရှာဖွေရှာမှာတော့ ရောဂါရှာဇဝင်မေးမြန်းခြင်း ၊ စမ်းသပ်ခြင်းတို့အပြင် လိုအပ်သလို ဓာတ်မှန်ရိုက်ခြင်း ၊ ကွန်ပျူတာ ဓါတ်မှန်ရိုက်ခြင်း ၊ အောက်ဆီဂျင်ဓါတ် တိုင်းတာခြင်းတွေအပြင် ရောဂါအခြေအနေအလိုက် ရှာဖွေတဲ့နည်းလမ်းတွေကို သင့်လျော်သလို ရွေးချယ်ပြီး သုံးရမှာပါ ။

ကုသခြင်းမှာလည်း ဗိုင်းရပ်စ်ပိုးကြောင့် ဖြစ်တဲ့ရောဂါတွေမှာတော့ ပိုးသတ်ဆေးသုံးစရာ မလိုဘဲ ရောဂါလက္ခဏာ သက်သာအောင် ကုသရပါတယ် ။ ဘက်တီးရီးယားပိုးလို့ ထင်ရင်တော့ သင့်လျော်တဲ့ ပိုးသတ်ဆေးအသုံးပြုရပါမယ် ။

ဒီရောဂါတွေကို သေသေချာချာ မကုသဘဲထားရင် နောက်ဆက်တွဲတွေက ဆိုးဝါးတတ်ပါတယ် ။ အသက်ရှုရပ်သွားခြင်း ၊ အသက်ရှုမရတော့ခြင်း ၊ နှလုံးပျက်စီးခြင်းတွေနဲ့ နောက်ဆုံးအသက်အန္တရာယ်ပါ ထိခိုက်တတ်ပါတယ်။

ဘယ်လိုကာကွယ်ရမလဲ

လက်ကို ‌မကြာခဏ ဆေးကြောပါ။ အထူးသဖြင့် လူသူများတဲ့ နေရာက ပြန်လာပြီးရင် လက်ကို စနစ်တကျ ဆေးကြောပါ။

‌နှာချေတဲ့‌အခါ ၊ ချောင်းဆိုးတဲ့အခါမှာ သင့်နှာခေါင်းနဲ့ ပါးစပ်ကို အုပ်ထားပါ ။ ဒါမှသာ သင်ကနေ တခြားလူဆီကို ရောဂါ မပျံ့နှံ့မှာ ဖြစ်ပါတယ်။

‌လူထူထပ်တဲ့နေရာက ပြန်လာပြီးတိုင်း လက်မဆေးဘဲ မျက်နှာ ၊ ပါးစပ်များအား ကိုယ်တွယ်ခြင်းကို တတ်နိုင်သမျှ  ရှောင်ကြဉ်ပါ။

အားလုံးကို ကျေးဇူးတင်ပါတယ်

ရေးသားသူ – ဒေါက်တာအောင်ကျော်မြင့်

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

ဒါတွေလည်းဆက်ဖတ်ပါ:

    သင်ဒါလည်း နှစ်သက်နိုင်ပါတယ်။

    ယနေ့ခေတ်မှာ prebiotics တွေ ဘာလို့ သတင်းကြီးလာတာလဲ။

    ဒီဘက်ခေတ်မှာတော့ ကလေးထွားဖို့ အားဆေးတိုက်တာ၊ ထမင်းကျွေးတာထက် ထိရောက်တဲ့ နည်းလမ်းတစ်ခု ရှိနေပါတယ်။ ဒါကတော့ သားသားမီးမီးတို့ရဲ့ တပ်မှူးလေးပေါ့။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    သားသားမီးမီးတို့ကို စိတ်ညစ်အောင်လုပ်နေကျ ဗိုက်ဗိုက်ပြဿနာတွေအကြောင်း

    သားသားမီးမီးတို့ရဲ့ ဗိုက်ဗိုက်ကလေးမှာ ဝမ်းချုပ်တာက၊ လေပွတာတွေက လူကြီးတွေမှ ဖြစ်တတ်တဲ့ ပြဿနာ မဟုတ်ပါဘူး။ သားသားမီးမီးတွေလည်း ခံစားရနိုင်ပါတယ်။ 

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    စွန့်ချင်ပါလျက်နဲ့ အောင့်ထားမိတဲ့အခါ

    တစ်ချို့အခြေအနေတွေမှာတော့ ဝမ်းသွားချင်စိတ်ကို တမင်ထိမ်းချုပ်ထားမိတတ်ပါတယ်။ ဝမ်းသွားချင်စိတ်ကို ထိမ်းချုပ်တာက မှန်ကန်တဲ့ ကိစ္စတစ်ခုတော့ မဟုတ်ပါဘူး။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Zon Aung

    ရာသီဥတု အကူးအပြောင်းမှာ ဖြစ်လာမယ့် စိတ်အပြောင်းအလဲကို ဘယ်လိုထိန်းချုပ်မလဲ

    ဒီလိုရာသီအကူးအပြောင်းတွေဟာ စိတ်ကျန်းမာရေးပြဿနာရှိသူတွေအတွက်တော့ သာမန်ထက်ပိုမိုပြီး မလွယ်ကူလှတဲ့အခြေအနေမျိုးပါ။ စိတ်အပြောင်းအလဲကို ထိန်းသိမ်းပါ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Zon Aung

    သင့်အတွက် ရွေးချယ်ထားသည်

    ဆောင်းတွင်းမှာ Scrubတိုက်လို့ရပါ့မလား။

    ဆောင်းတွင်းမှာ Scrubတိုက်လို့ရပါ့မလား။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် နိုဝင်ဘာ 23, 2020 . 2 mins read
    မနက်ခင်းမှာ လှပနေစေဖို့ ညမအိပ်ချင် ဒီလိုထိန်းသိမ်းမှုလေးတွေ လုပ်ပါ။

    မနက်ခင်းမှာ လှပနေစေဖို့ ညမအိပ်ခင် ဒီလိုထိန်းသိမ်းမှုလေးတွေ လုပ်ပါ။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 23, 2020 . 2 mins read
    ကလေးထိန်းကျောင်းမှုရဲ့ အခြေခံစည်းမျဉ်းများ

    ကလေးထိန်းကျောင်းမှုရဲ့ အခြေခံစည်းမျဉ်းများ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် နိုဝင်ဘာ 23, 2020 . 3 mins read
    COVID-19အကြောင်း တစေ့တစောင်း

    COVID-19အကြောင်း တစေ့တစောင်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် နိုဝင်ဘာ 23, 2020 . 3 mins read