Solarcaine Aloe Extra Burn Relief ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

Generic Name: Solarcaine Aloe Extra Burn Relief Brand Name(s): Generics only. No brands available.

အသုံးပြုပုံများ

Solarcaine Aloe Extra Burn Relief ကို ဘာအတွက်အသုံးပြုကြသလဲ

နေလောင်ခြင်း၊ပိုးကောင်ကိုက်ခြင်း၊poison ivy, poison oak နဲ့ poison sumac တို့ကဲ့သို့သောအဆိပ်ရှိအပင်တွေနဲ့ထိတွေ့မိခြင်း၊သာမန်ထိခိုက်ရှနာဒါဏ်ရာရခြင်း၊အကုတ်လွန်ပြီးလက်သည်းပူလောင်ခြင်း၊အပူလောင်ခြင်းအစရှိသောအရေပြားပြဿနာတွေကြောင့် ဖြစ်ပေါ်လာတတ်တဲ့နီရဲယားယံနာကျင်မှုတွေကိုသက်သာပျောက်ကင်းစေဖို့Solarcaine® Aloe Extra Burn Relief ကိုအများဆုံးအသုံးပြုကြပါတယ်။ လိပ်ခေါင်းကြောင့် ဖြစ်ပေါ်လာတဲ့စအိုဝယားယံနာကျင်၊မအီမသာဖြစ်ခြင်းတွေကိုကုသဖို့အတွက်လည်းLidocaineအရေပြားလိမ်းဆေးကိုအသုံးပြုနိုင်ပါတယ်။Lidocaineလိမ်းဆေးကိုအခြားရည်ရွယ်ချက်တွေနဲ့လည်းအသုံးပြုနိုင်ပါသေးတယ်။

Solarcaine Aloe Extra Burn Relief ဘယ်လိုသောက်သုံးသင့်သလဲ

ဆေးညွှန်းမှာဖော်ပြထားတဲ့အတိုင်းဒါမှမဟုတ်ဆရာဝန်ညွှန်ကြားထားတဲ့အတိုင်းသုံးစွဲပါ။ သတ်မှတ်ထားတဲ့ပမာဏထက်ပိုမိုသုံးစွဲတာမျိုးလုံးဝမလုပ်ပါနဲ့။Lidocaineလိမ်းဆေးကိုလွဲမှားစွာအသုံးပြုမိရင်အသက်အန္တရာယ်ကိုပါထိခိုက်စေနိုင်ပါတယ်။Lidocaineလိမ်းဆေးကိုဂျဲလ်၊စပရေးဖြန်းဆေး၊ခရင်မ်လိမ်းဆေး၊လိုးရှင်းလိမ်းဆေး၊အရည်ပုံစံ၊အရေပြားမှာကပ်တဲ့အပြားပုံစံစသဖြင့်ပုံစံမျိုးစုံနဲ့ရရှိနိုင်ပါတယ်။ ဒီဆေးကိုလုံးဝမသောက်ရပါဘူး။Lidocaineလိမ်းဆေးကိုအရေပြားပေါ်မှာသာအသုံးပြုရပါမယ်။ မျက်စိ၊နှာခေါင်း၊စအိုအတွင်းပိုင်း၊ယောနိအတွင်းပိုင်းစတဲ့နေရာတွေနဲ့ဆေးထိတွေ့မိရင်ရေနဲ့အမြန်ဆေးပစ်ရပါမယ်။

သင့်အရေပြားကိုထုံသွားစေဖို့ဒါမှမဟုတ်အနာသက်သာစေဖို့အတွက်အနည်းဆုံးလိုအပ်တဲ့ဆေးပမာဏကိုပဲသုံးစွဲရပါမယ်။ တကယ်လို့သင့်အနေနဲ့ဆေးပမာဏအများအပြားအသုံးပြုမယ်၊အရေပြားနေရာအနှံ့အပြားမှာအသုံးပြုမယ်ဒါမှမဟုတ်ဆေးလိမ်းထားတဲ့အရေပြားနေရာပေါ်မှာပတ်တီးစည်းတာ၊အပူတခုခုကပ်တာ၊ပလတ်စတစ်စကပ်တာမျိုးလုပ်မိမယ်ဆိုရင်သင့်ခန္ဓါကိုယ်ထဲကိုဆေးပမာဏအများအပြားစုပ်ယူရောက်ရှိသွားမှာပါ။ ထိခိုက်ရှနာဒါဏ်ရာရှိနေတဲ့အရေပြားဟာပုံမှန်ကောင်းမွန်တဲ့အရေပြားထက်ဆေးစုပ်ယူမှုပိုများပါတယ်။

ရောင်ရမ်းနေတဲ့အရေပြားနေရာတွေဒါမှမဟုတ်ဒါဏ်ရာနက်နက်ရထားတဲ့နေရာတွေကိုဒီဆေးမလိမ်းပါနဲ့။ အသားနီလန်နေတဲ့နေရာတွေ၊အပူလောင်/မီးလောင်ဒါဏ်ရာခပ်ပြင်းပြင်းရထားလို့အရည်ကြည်ဖု ဖြစ်နေတဲ့နေရာတွေ၊ပွန်းရှနေတဲ့နေရာတွေမှာဒီဆေးကိုအသုံးမပြုရပါဘူး။ ဆေးလိမ်းထားတဲ့နေရာကိုဆရာဝန်ညွှန်ကြားချက်တစုံတရာမရှိဘဲအုပ်ထား၊ကာထားခြင်းမပြုရပါဘူး။Lidocaineလိမ်းဆေးကိုလိမ်းတဲ့အခါလက်ချောင်းထိပ်လေးတွေနဲ့လိမ်းပေးနိုင်သလိုဂွမ်းစလေးနဲ့တို့ပြီးတော့လည်းလိမ်းနိုင်ပါတယ်။ အကယ်၍ဆေးညွှန်းပါလာရင်ဆေးညွှန်းကိုအသေအချာဖတ်ပြီးတိတိကျကျလိုက်နာပါ။ မရှင်းလင်းတာတွေရှိရင်ဆရာဝန်ကိုမေးမြန်းပါ။ အသုံးပြုပြီးသားဒါမှမဟုတ်အသုံးမပြုရသေးတဲ့ဆေးတွေကိုကလေးတွေ/အိမ်မွေးတိရစ္ဆာန်လေးတွေနဲ့ဝေးတဲ့နေရာမှာထားပါ။ ဘာလို့လဲဆိုတော့lidocaineအရေပြားကပ်ခွာမှာပါဝင်တဲ့ဆေးပမာဏဟာ (မတော်တဆ မြိုချမိရင်၊စုပ်မိရင်) ကလေးတွေအတွက်ရောအိမ်မွေးတိရစ္ဆာန်လေးတွေအတွက်ပါအန္တရာယ်ရှိလို့ပါပဲ။ ဒါမျိုးဖြစ်လာခဲ့ရင်အရေးပေါ်ဆေးဝါးကုသမှုအမြန်ဆုံးခံယူရပါမယ်။

Solarcaine Aloe Extra Burn Relief ဘယ်လိုသိမ်းဆည်းရမလဲ

ဆေးအများစုမှာအခန်းအပူချိန်တွင်သိုလှောင်ထားနိုင်ပါတယ်။

Solarcaine® Aloe Extra Burn Relief ကိုတိုက်ရိုက်နေရောင်ခြည်မထိုးအောင်နဲ့စိုစွတ်မှုမရှိအောင်ထားတာကအကောင်းဆုံးသိုလှောင်သိမ်းဆည်းတဲ့နည်းပဲဖြစ်ပါတယ်။ ဆေးအာနိသင်ပျက်ပြယ်တာနဲ့ဆေးအနေအထားပျက်ယွင်းမှုတွေမဖြစ်အောင်လို့Solarcaine® Aloe Extra Burn Relief ကိုရေချိုးခန်းထဲမှာသိမ်းဆည်းတာနဲ့ရေခဲအောင်သိမ်းဆည်းတာတွေမပြုလုပ်ပါနဲ့။ medication ဆေးအမျိုးအစားနဲ့၊ဆေးထုတ်လုပ်တဲ့ကုမ္ပဏီကွဲပြားမှုပေါ်မူတည်ပြီးသိမ်းဆည်းတဲ့ပုံစံကွဲပြားခြားနားမှုရှိနိုင်ပါတယ်။ ဒီအတွက်ဆေးဘူးအခွံမှာပါတဲ့သိုလှောင်သိမ်းဆည်းမှုညွှန်ကြားချက်ကိုကြည့်ရှုစစ်ဆေးတာမျိုးဒါမှမဟုတ် ဆေးဝါးကျွမ်းကျင်သူကိုမေးမြန်းတာမျိုးကိုအမြဲလုပ်ပါ။ လုံခြုံစိတ်ချရဖို့အတွက် ဆေးဝါးတွေအကုန်လုံးကိုကလေးတွေ၊အိမ်မွေးတိရိစ္ဆာန်တွေနဲ့ ဝေးရာမှာထားပါ။

Solarcaine® Aloe Extra Burn Relief ကိုအိမ်သာထဲကိုပစ်ချတာနဲ့ရေထွက်ပေါက်တွေထဲကနေဆေးချတာမျိုးကိုမလုပ်သင့်ပါဘူး။ ဆေးဝါးတွေကိုမလိုအပ်တော့တဲ့အခါဒါမှမဟုတ်သက်တမ်းကုန်ဆုံးသွားတဲ့အခါတွေမှာစနစ်တကျစွန့်ပစ်ဖို့အရေးကြီးပါတယ်။ ဆေးဝါးများကိုစနစ်တကျဘယ်လိုစွန့်ပစ်ရမယ်ဆိုတာနဲ့ပတ်သက်လို့သင့်ရဲ့ဆေးဝါးကျွမ်းကျင်ပညာရှင်နဲ့တိုင်ပင်ပါ။

ဆေးဝါးအများစုကိုရေခဲသေတ္တာထဲတွင်သိမ်းဆည်းနိုင်ပါတယ်။ ရေခဲအောင်သိမ်းဆည်းခြင်းတော့မပြုလုပ်ရပါ။

Solarcaine® Aloe Extra Burn Relief ကိုရေခဲသေတ္တာထဲတွင်သိမ်းဆည်းခြင်းကအကောင်းဆုံးဖြစ်ပါတယ်။ ဆေးအာနိသင်ပျက်ပြယ်နိုင်တဲ့အတွက်ရေခဲအောင်မလုပ်ရပါ။

ကြိုတင်သတိပြုရန်များနှင့် အသိပေးချက်များ

Solarcaine Aloe Extra Burn Relief အသုံးမပြုခင် ဘာတွေသိသင့်သလဲ

အောက်ဖော်ပြပါအချက်တွေရှိနေရင်ဆေးမသုံးစွဲခင်ဆရာဝန်ကိုကြိုပြောပါ။

  • ကိုယ်ဝန်ရှိခြင်းသို့မဟုတ်မိခင်နို့တိုက်ကျွေးနေခြင်း။ ဘာလို့လဲဆိုတော့ကိုယ်ဝန်ရှိချိန်၊နို့တိုက်ချိန်တွေမှာဆရာဝန်ညွှန်ကြားတဲ့ဆေးဝါးတွေကိုပဲသုံးစွဲသင့်တာကြောင့် ဖြစ်ပါတယ်။
  • အခြားသောဆေးဝါးတွေသုံးစွဲနေရခြင်း (ဆေးဝါးတွေဆိုရာမှာဆရာဝန်ညွှန်ကြားထားတာတွေ၊မညွှန်ကြားဘဲသောက်သုံးနေတာတွေ၊သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်)။
  • Solarcaine® Aloe Extra Burn Relief ရဲ့ပါဝင်ပစ္စည်းတွေဒါမှမဟုတ်အခြားသောဆေးဝါးတွေနဲ့ဓါတ်မတည့်ခြင်း။

အခြားသောနာမကျန်းမှုများ၊ရောဂါပြဿနာများရှိနေခြင်းစတာတွေပဲ ဖြစ်ကြပါတယ်။

နာကျင်မှုကိုထုံထိုင်းသွားစေတဲ့ဆေးတွေကိုသုံးစွဲတဲ့အခါဆရာဝန်ရဲ့ကြီးကြပ်ညွှန်ကြားမှုမရှိဘူးဆိုရင် (ဥပမာလေဆာအသုံးပြုပြီးအမွှေးအမျှင်တွေဖယ်ရှားခြင်း) ဆေးလွန်သွားနိုင်တဲ့အတွက်အသက်အန္တရာယ်ကိုပါထိခိုက်စေနိုင်ပါတယ်။ ဒါပေမယ့် mammography လို့ခေါ်တဲ့ရင်သားဓါတ်မှန်ရိုက်တဲ့အခါနာကျင်မှုကိုထုံထိုင်းသွားစေတဲ့ဆေးဝါးတွေကိုအသုံးပြုရင်လည်းဆေးလွန်ခြင်း ဖြစ်ပေါ်လာနိုင်ပါတယ်။ ဘယ်လိုပဲဖြစ်ဖြစ်ဆရာဝန်ပါဝင်ဆောင်ရွက်ခြင်းမရှိတဲ့အလှအပဆိုင်ရာကုသမှုတွေကိုဆောင်ရွက်တဲ့အခါသတိကြီးကြီးထားသင့်ပါတယ်။

ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Solarcaine Aloe Extra Burn Relief ကိုသုံးစွဲဖို့ စိတ်ချရပါသလား

ယခုဆေးဝါးကိုကိုယ်ဝန်ဆောင်နေချိန်နှင့်ကလေးနို့တိုက်နေချိန်တွင်အသုံးပြုလျှင်ဆိုးကျိုးများရှိမရှိကိုဆုံးဖြတ်နိုင်ရန်အတွက်လုံလောက်သောလေ့လာစမ်းသပ်ချက်များမရှိပါ။ ဆေးမသောက်သုံးမီတွင် ဖြစ်နိုင်ချေကောင်းကျိုးများနှင့်ဆိုးကျိုးများအားလုံးကိုချိန်ဆနိုင်ရန်အတွက်သင့်ရဲ့ဆရာဝန်နဲ့တိုင်ပင်ဆွေးနွေးမှုပြုလုပ်ပါ။ ယခုဆေးဝါးသည်အမေရိကန်ပြည်ထောင်စုအစားအသောက်နဲ့ ဆေးဝါးကွပ်ကဲရေးအဖွဲ့၏သတ်မှတ်ချက်အရကိုယ်ဝန်ဆောင်များတွင်ထိခိုက်နိုင်ချေအဆင့် B ရှိသည်ဟုသတ်မှတ်ထားသည်။)

အမေရိကန်ပြည်ထောင်စုအစားအသောက်နဲ့ ဆေးဝါးကွပ်ကဲရေးအဖွဲ့၏ကိုယ်ဝန်ဆောင်များတွင်ထိခိုက်နိုင်ချေအဆင့်သတ်မှတ်ချက်များမှာအောက်ပါအတိုင်းဖြစ်သည်။

  • A=ဆိုးကျိုးမရှိပါ။
  • B=လေ့လာမှုအချို့အရဆိုးကျိုးမရှိပါ။
  • C=ဆိုးကျိုးအချို့ရှိနိုင်ပါသည်။
  • D= ဆိုးကျိုးများရှိသည့်အထောက်အထားများရှိပါသည်။
  • X=သောက်သုံး၍မရပါ (လုံးဝမတည့်ပါ)။
  • N=အခြေအနေကိုမသိရသေးပါ။

ကိုယ်ဝန်ဆောင်နေချိန်နှင့်ကလေးနို့တိုက်နေချိန်များတွင်စိတ်ချရမှုရှိမရှိကိုမသိရသေးသည့် ဆေးဝါးများနှင့်ပတ်သက်၍ကောင်းကျိုးနှင့်ဆိုးကျိုးများကိုချိန်ဆနိုင်ရန်အတွက်သင်၏ဆရာဝန်နှင့်တိုင်ပင်ဆွေးနွေးမှုများအမြဲလုပ်ပါ။

ဘေးထွက်ဆိုးကျိုးများ

Solarcaine Aloe Extra Burn Relief ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

အင်ပြင်ထခြင်း၊အသက်ရှုကျပ်ခြင်း၊မျက်နှာ၊နှုတ်ခမ်း၊လျှာ၊လည်ချောင်းဖောရောင်လာခြင်းစတဲ့ဓါတ်မတည့်ခြင်းဆိုင်ရာလက္ခဏာတွေပေါ်ပေါက်လာရင်အရေးပေါ်ဆေးဝါးကုသမှုကိုချက်ချင်းခံယူရပါမယ်။

အောက်ဖော်ပြပါအခြေအနေတွေ ဖြစ်ပေါ်လာရင်ဆရာဝန်ကိုအမြန်ဆုံးအကြောင်းကြားပါ။

ဆေးလိမ်းထားတဲ့နေရာမှာ ပြင်းထန်စွာအပူလောင်လာခြင်း၊စူးပြီးနာလာခြင်း၊ယားယံလာခြင်း။

ဖောင်းကားနီရဲလာခြင်း။

ဆေးလိမ်းပြီးချိန်မှာအပြင်းအထန်ထိုင်းမှိုင်းငိုက်မျဉ်းလာခြင်း။

စိတ်ရှုပ်ထွေးခြင်း၊အမြင်အာရုံများဝေဝါးခြင်း၊နားထဲမှာအသံများကြားလာရခြင်း။

အပူအအေးထိတွေ့မှုပုံမှန်မဟုတ်ခြင်း။

ဖြစ်လေ့ရှိတဲ့ဘေးထွက်ဆိုးကျိုးတွေကတော့

ဆေးလိမ်းတဲ့နေရာမှာအနည်းငယ်နီရဲယားယံခြင်း၊ကသိကအောင့်ဖြစ်ခြင်း။

ဆေးနဲ့မတော်တဆထိမိတဲ့နေရာတွေမှာထုံထုံကြီး ဖြစ်နေခြင်းစတာတွေပဲ ဖြစ်ပါတယ်။

ယခုဖော်ပြပါဘေးထွက်ဆိုးကျိုးများကိုခံစားရမှုမှာတစ်ဦးနှင့်တစ်ဦးကွဲပြားခြားနားမှုရှိနိုင်ပါတယ်။ အထက်ဖော်ပြပါဘေးထွက်ဆိုးကျိုးများတွင်မပါဝင်သည့်ဘေးထွက်ဆိုးကျိုးများလည်းရှိနိုင်ပါတယ်။ ဘေးထွက်ဆိုးကျိုးနှင့်ပတ်သက်၍စိုးရိမ်ပူပန်မှုများရှိပါကသင်၏ဆရာဝန်သို့မဟုတ် ဆေးဝါးကျွမ်းကျင်ပညာရှင်နှင့်တိုင်ပင်ဆွေးနွေးမှုများပြုလုပ်ပါ။

ဆေးဓါတ်ပြုမှုများ

ဘယ်ဆေးတွေက Solarcaine Aloe Extra Burn Relief နဲ့ ဓါတ်ပြုနိုင်သလဲ

Solarcaine® Aloe Extra Burn Relief ဟာသင်အခုလောလောဆယ်သောက်သုံးနေတဲ့တခြားသော ဆေးဝါးတွေနဲ့ဓါတ်ပြုမှုတွေဖြစ်နိုင်ပြီး ဆေးဝါးတွေအကျိုးသက်ရောက်မှုပုံစံနဲ့ဘေးထွက်ဆိုးကျိုးတွေဖြစ်လာနိုင်ချေပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ ဆေးဝါးဓါတ်ပြုမှုတွေမဖြစ်လာအောင်လို့သင်လက်ရှိသောက်သုံးနေတဲ့ ဆေးဝါးတွေအားလုံးရဲ့စာရင်းကိုလုပ်ထားပြီး (စာရင်းလုပ်တဲ့အခါမှာဆရာဝန်ညွှန်ကြားထားတာတွေ၊မညွှန်ကြားဘဲသောက်သုံးနေတာတွေ၊သဘာဝဆေးဘက်ဝင်ပစ္စည်းတွေအားလုံးပါဝင်ပါတယ်) ဆရာဝန်ဒါမှမဟုတ ဆေးဝါးကျွမ်းကျင်သူကိုအမြဲပြောပြပါ။ ဆေးဝါးတွေကိုဆရာဝန်ခွင့်ပြုချက်မပါဘဲသောက်သုံးခြင်း၊ရပ်ဆိုင်းခြင်း၊ပမာဏကိုပြောင်းလဲခြင်းတွေမပြုလုပ်ပါနဲ့။)

အစားအသောက်တွေနဲ့ အရက်က Solarcaine Aloe Extra Burn Relief နဲ့ ဓါတ်ပြုနိုင်သလား

Solarcaine® Aloe Extra Burn Relief ကအစားအသောက်ဒါမှမဟုတ်အရက်သေစာနဲ့ဓါတ်ပြုမှုတွေဖြစ်ပြီး ဆေးဝါးတွေအကျိုးသက်ရောက်မှုပုံစံနဲ့ဘေးထွက်ဆိုးကျိုးတွေဖြစ်လာနိုင်ချေပြောင်းလဲမှုတွေဖြစ်နိုင်ပါတယ်။ မလိုလားအပ်တဲ့ဓါတ်ပြုမှုတွေမဖြစ်လာအောင်လို့အစားအသောက်၊အရက်သေစာတွေနဲ့ဓါတ်ပြုနိုင်ချေရှိမရှိကိုမေးမြန်းတိုင်ပင်ပါ။

ဘယ်ရောဂါအခြေအနေတွေက Solarcaine Aloe Extra Burn Relief နဲ့ ဓါတ်ပြုနိုင်သလဲ

Solarcaine® Aloe Extra Burn Relief ဟာသင့်ရဲ့နဂိုကျန်းမာရေးအခြေအနေများနဲ့သက်ရောက်ဓါတ်ပြုမှုတွေရှိနိုင်ပါတယ်။ သင့်ရဲ့ကျန်းမာရေးအခြေအနေကိုပိုဆိုးသွားစေတာဒါမှမဟုတ်ဆေးသက်ရောက်မှုပုံစံပြောင်းလဲသွားတာတွေဖြစ်နိုင်ပါတယ်။ ဒါ့ကြောင့်သင့်ရဲ့ကျန်းမာရေးအခြေအနေအကုန်လုံးကိုသင့်ရဲ့ဆရာဝန်ဒါမှမဟုတ် ဆေးဝါးကျွမ်းကျင်ပညာရှင်ကိုအသိပေးဖို့အရေးကြီးပါတယ်။

ဆေးနဲ့အကျိုးသက်ရောက်ဓါတ်ပြုနိုင်တဲ့ကျန်းမာရေးအခြေအနေတွေကအောက်ပါအတိုင်း ဖြစ်ကြပါတယ်။

  • အသည်းရောဂါ။

နှလုံးစည်းချက်မမှန်ခြင်းအတွက်ဆေးသုံးစွဲနေရခြင်း။

သောက်သုံးရန်အညွှန်း

ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

အရွယ်ရောက်ပြီးသူတွေအတွက် Solarcaine Aloe Extra Burn Relief ရဲ့ အသုံးပြုရမယ့်ပမာဏကဘယ်လောက်လဲ

အသေးစိတ်ထပ်မံသိရှိနိုင်ဖို့ဆရာဝန်ထံမေးမြန်းပါ။

ကလေးတွေအတွက် Solarcaine Aloe Extra Burn Relief ရဲ့ အသုံးပြုရမယ့်ပမာဏကဘယ်လောက်လဲ

ကလေးလူနာများမှာဘယ်လောက်အချိုးအစားပေးရမလဲဆိုတာအတည်မပြုရသေးပါ။ သင့်ကလေးငယ်အတွက်သောက်သုံးရန်စိတ်ချရမှုရှိချင်မှရှိနိုင်ပါလိမ့်မယ်။ ဘယ်ဆေးဝါးမဆိုအသုံးမပြုရသေးခင်မှာစိတ်ချရမှုအနေအထားကိုအပြည့်အဝနားလည်ဖို့လိုအပ်ပါလိမ့်မယ်။ အချက်အလက်များထပ်မံရရှိရန်အတွက်သင့်ရဲ့ဆရာဝန်သို့မဟုတ် ဆေးဝါးကျွမ်းကျင်သူနဲ့တိုင်ပင်ဆွေးနွေးပါ

Solarcaine Aloe Extra Burn Relief ကိုဘယ်လိုရရှိနိုင်သလဲ

Solarcaine® Aloe Extra Burn Relief ကိုအောက်ဖော်ပြပါ ဆေးဝါးပုံစံများနှင့်အချိုးအစားများဖြင့်ရရှိနိုင်ပါတယ်။

လိမ်းဆေး။

အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

အရေးပေါ်အခြေအနေသို့မဟုတ်ဆေးပမာဏလွန်သွားတဲ့အခြေအနေတွေမှာအရေးပေါ်ဆေးရုံဆေးခန်းများသို့သွားရောက်ကုသမှုခံယူပါ။

ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

Solarcaine® Aloe Extra Burn Relief ကိုသောက်သုံးဖို့လွတ်သွားခဲ့ပါက (မေ့ခဲ့ပါက) သတိရတဲ့အချိန်မှာအမြန်ဆုံးသောက်သုံးပါ။ သို့သော်လည်းနောက်တစ်ကြိမ်သောက်သုံးရမယ့်အချိန်နဲ့နီးကပ်နေပြီဆိုရင်တော့လွတ်သွားတဲ့အကြိမ်ကိုကျော်ပြီးပုံမှန်အချိန်မှာပဲသောက်လိုက်ပါ။ ဆေးပမာဏကိုနှစ်ဆတိုးသောက်တာမျိုးမလုပ်ပါနဲ့။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ နိုဝင်ဘာ 26, 2018 | နောက်ဆုံးတည်းဖြတ်ခြင်း ဖေ‌ဖော်ဝါရီ 2, 2019

ရင်းမြစ်များ
သင်ဒါလည်း နှစ်သက်နိုင်ပါတယ်။