Orange (လိမ္မော်သီး)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

လိမ္မော်သီး (Orange)

အခွံက လိမ္မော်ရောင် ဒါမှမဟုတ် အနီဘက်ခပ်သန်းသန်းဖြစ်နေတဲ့ လိမ္မော်ရောင်ရင့်ရင့်ဖြစ်တတ်ပါတယ်။ အရသာကလည်း ခံတွင်းရှင်းပြီးစားကောင်းပါတယ်။ ဗီတာမင် C နဲ့ ဓါတ်တိုးဆန့်ကျင် ပစ္စည်းတွေပါဝင်တာကြောင့်ခန္ဓါကိုယ်အတွက်တော်တော်လေးအကျိုးပြုတဲ့ အစားအသောက်တစ်ခုပါ။ လိမ္မော်သီးက ကယ်လ်လိုရီပါဝင်မှုနည်းပြီး အာဟာရဓါတ်လည်းအပြည့်အဝပါဝင်ပါတယ်။ သဘာဝအချိုဓါတ်ရရှိစေနိုင်တဲ့ သစ်သီးတစ်မျိုးလည်းဖြစ်ပါတယ်။

အာဟာရတန်ဖိုး

လိမ္မော်သီးအရွယ်တော် တစ်လုံးမှာ ကယ်လ်လိုရီ ၈၀ ၊ ပိုတက်ဆီယမ် ၂၅၀ မီလီဂရမ်၊ ကာဗိုဟိုက်ဒရိတ် ၁၉ ဂရမ်၊ ပရိုတင်း ၁ ဂရမ်ပါဝင်ပြီး အဆီဓါတ်တော့ လုံးဝမပါဝင်ပါဘူး။ လိမ္မော်သီး တစ်လုံးက တစ်နေ့တာအတွက် လိုအပ်တဲ့ ဗီတာမင် C ၁၃၀ ရာခိုင်နှုန်း၊ ဗီတာမင် A ၂ ရာခိုင်နှုန်း၊ ကယ်လ်ဆီယမ် ၆ ရာခိုင်နှုန်းတိုပါဝင်ပါတယ်။ သံဓါတ် နဲ့ အဆီဓါတ်တော့မပါဝင်ပါဘူး။

ဒါ့အပြင် လိမ္မော်သီးမှာthiamin၊ riboflavin၊ niacin၊ ဗီတာမင် B-6၊ folate၊ pantothenic acid၊ phosphorus၊ မဂ္ဂနီဆီယမ်၊ manganese၊ selenium နဲ့ copper ဓါတ်တွေလည်းပါဝင်ပါတယ်။ ဗီတာမင် Cမြင့်မားစွာပါဝင်မှုက ကိုယ်ခံအားစနစ်ကို တိုးတက်ကောင်းမွန်စေနိုင်ပါတယ်။ လိမ္မော်သီးမှာ choline၊ zeaxanthin နဲ့ carotenoids တို့ပါဝင်ပါတယ်။ လိမ္မော်သီးမှာပါတဲ့ choline က အိပ်ပျော်ဖေို့၊ ကြွက်သားလှုပ်ရှားမှု၊ သင်ယူမှုနဲ့မှတ်ဉာဏ်စွမ်းရည်တွေကိုကောင်းမွန်စေပါတယ်။

လိမ္မော်သီးကနေရရှိနိုင်မယ့် ကျန်းမာရေးအကျိုးကျေးဇူးများ

ကင်ဆာ

လိမ္မော်သီးမှာphytochemicalsတွေပါဝင်တာကြောင့် အရေပြားကင်ဆာ၊ အဆုတ်ကင်ဆာ၊ရင်သားကင်ဆာ၊အစာအိမ်ကင်ဆာနဲ့ အူမကြီး ကင်ဆာဝေဒနာတွေကို ကာကွယ်ပေးနိုင်ပါတယ်။

ကျောက်ကပ်ရောဂါ

လိမ္မော်ရည်ပုံမှန်သောက်သုံးပေးမယ်ဆိုရင်ကျောက်ကပ်ရောဂါတွေကို ကာကွယ်ပေးနိုင်သလိုကျောက်ကပ်မှာကေျာက်တည်နိုင်ခြေကိုလည်းလျော့ကျစေနိုင်ပါတယ်။ လိမ္မော်ရည်မှာ သကြားဓါတ်နဲ့အက်ဆစ်ဓါတ်တွေများစွာပါဝင်တာကြောင့် အလွန်အကျွံသောက်သုံးမယ်ဆိုရင်တော့ သွားအပေါ်ယံကြွေလွှာကို ပျက်စီးစေနိုင်ပါတယ်။

အသည်းရောဂါ

ဂျပန်နိုင်ငံမှာလုပ်ဆောင်ခဲ့တဲ့လေ့လာမှု နှစ်ခုအရ လိမ္မော်သိးစားသုံးပေးတာက အသည်းကင်ဆာဖြစ်နိုင်ခြေကိုလျော့ကျစေနိုင်ပြီး အငည်းရောဂါတွေကို သက်သာစေနိုင်တယ်၊ လို့ဆိုပါတယ်။

ကိုလက်စထရောကျစေနိုင်ခြင်း

လိမ္မော်သီးမှာပါဝင်တဲ့ အမျှင်ဓါတ်ကပျော်ဝင်လွယ်တဲ့ အမျှင်ဓါတ်ဖြစ်တာကြောင့်သွေးတွင်းကိုလက်စထရောကျဆင်းအောင် အထောက်အကူပြုပေးပါတယ်။

နှလုံးကျန်းမာစေနိုင်ခြင်း

လိမ္မော်သီးမှာ ပိုတက်ဆီယမ်ကြွယ်ဝစွာပါဝင်တာကြောင့် နှလုံးရဲ့ လုပ်ဆောင်မှုတွေကောင်းမွန်အောင် အထောက်အကူပြုပေးပါတယ်။ ခန္ဓါကိုယ်ထဲမှာ ပိုတက်ဆီယမ်ပမာဏ နည်းသွားတဲ့အခါ နှလုံးခုန်မမှန်တာမျိုးခံစားရနိုင်ပါတယ်။

ရောဂါတွေဝင်နိုင်ခြေကိုလျှော့ချပေးခြင်း

လိမ္မော်သီးမှာ ခန္ဓါကိုယ်ကို ထိခိုက်စေနိုင်တဲ့ free radicalတွေကို တိုက်ဖျက်ပေးနိုင်တဲ့ ဗီတာမင် C ကြွယ်ဝစွာပါဝင်တာကြောင့် ကင်ဆာ နဲ့ အသည်းရောဂါလိုမျိုး နာတာရှည်ရောဂါတွေ ခံစားရနိုင်ခြေကိုလျော့ကျစေနိုင်ပါတယ်။

ဝမ်းချုပ်တာကို သက်သာစေနိုင်ခြင်း

လိမ္မော်သီးမှာ အမျှင်ဓါတ်ကြွယ်ဝစွာပါဝင်တာကြောင့် အစာခြေရည်ထွက်စေပြီး ဝမ်းချုပ်တာကို သက်သာစေနိုင်ပါတယ်။

အမြင်အာရုံကိုကောင်းမွန်စေနိုင်ခြင်း

လိမ္မော်သီးမှာcarotenoidဒြပ်ပေါင်းကြွယ်ဝစွာပါဝင်တာကြောင့် အမြင်အာရုံထိခိုက်တာမျိုးမဖြစ်အောင်ကာကွယ်ပေးပါတယ်။

သွေးတိုးကျစေနိုင်ခြင်း

လိမ္မော်သီးမှာပါတဲ့flavonoid hesperidin ကသွေးတိုးကျစေနိုင်ပြီး မဂ္ဂနီဆီယမ်ကလည်းသွေးပေါင်ချိန်ကို ထိန်းညှိပေးပါတယ်။

အရေပြား

လိမ္မော်သီးမှာ ဆဲလ်တွေထိခိုက်ပျက်စီးတာကို ကာကွယ်ပေးနိုင်တဲ့ ဓါတ်တိုးဆန့်ကျင်ပစ္စည်းတစ်ခုဖြစ်တဲ့beta-carotene ပါဝင်နေပါတယ်။beta-carotene ကအသားအရေကို free radicalsတွေကြောင့်ပျက်စီးမှုကနေ ကာကွယ်ပေးသလို အဂွယ်မတိုင်ခင် အိုမင်းရင့်ရော်တာတွေ မဖြစ်အောင်လည်း ကာကွယ်ပေးပါတယ်။

သတိထားရမယ့်အချက်များ

နှလုံးရောဂါအတွက်သောက်ရတဲ့ဆေးတစ်မျိုးဖြစ်တဲ့Beta-blockerသောက်သုံးနေသူတွေအနေနဲ့ လိမ္မော်သီးကို အများကြီးမစားသုံးသင့်ပါဘူး။

လိမ္မော်သီးမှာ ပိုတက်ဆီယမ်များစွာပါဝင်တာကြောင့်ကျောက်ကပ်ရောဂါရှိသူတွေအနေနဲ့ အများကြီးမစားသင့်ပါဘူး။သွေးတွင်းမှာ ပိုတက်ဆီယမ်တွေ များတဲ့အခါကေျာက်ကပ်က ခန္ဓါကိုယ်အတွက် မလိုအပ်တဲ့ပိုတက်ဆီယမ်တွေက မဖယ်ထုတ်နိုင်တာမျိုးဖြစ်နိုင်ပါတယ်။

gastro-esophageal reflux disease (GERD) ရှိတဲ့သူတွေမှာ လိမ္မော်သီးအများကြီးစားရင် ရင်ပူတာနဲ့ပျို့အန်တာတွေဖြစ်နိုင်ပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ကိုယ်ဝန်ဆောင်မေမေ Detox Water သောက်လို့ရလား။

ကိုယ်ဝန်ဆောင်မေမေ Detox Water သောက်လို့ ရလား။ ကိုယ်ဝန်ဆောင်မေမေ Detox Water မသောက်ပါနဲ့လို့ ပြောရတဲ့ အကြောင်းအရင်း။ ကိုယ်ဝန်ဆောင်နဲ့Detox Water။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆေးဖက်ဝင်တဲ့ မာလာဖူး ရဲ့ အကျိုးအာနိသင်

အနံ့မွှေးမွှေး အရသာ ရှတတလေးနဲ့ မာလာဖူးရဲ့ သဘာဝ ဆေးဖက်ဝင်အာနိသင်တွေအကြောင်းကို သင်သိပြီးပြီလား။ ကျန်းမာရေးကို ဘယ်လိုအကျိုးပြုသလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

ဆွမ်းမွှေးရွက် ရဲ့ ဆေးဖက်ဝင် အစွမ်းသတ္တိတွေ

ဆွမ်းမွှေးရွက် က မုန့်လက်ဆောင်း ပြုလုပ်ရာမှာ ပါဝင်တာ အပြင် ဘယ်လိုအသုံးဝင်သလဲ ၊ ဘယ်လို ကျန်းမာရေးအကျိုးကျေးဇူးတွေ ပေးနိုင်သလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

စိတ်ဓာတ်ကျခြင်းကို သက်သာစေမယ့် နနွင်း

ဟင်းခတ် ဟင်းချက် ခန္ဓာကိုယ် မီးဖိုချောင် စိတ်ကျန်းမာရေး နနွင်း ဓာတ်တိုးဆန့်ကျင်အာနိသင် ဟင်းလျာ အသားအရေ ရောင်ရမ်းမှု စိတ်ဓာတ်ကျ curcumin

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

ဆေးဖက်ဝင်ကလျာဏီ (Sage) အကြောင်း

ဆေးဖက်ဝင်ကလျာဏီ (Sage) အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read
ကိုယ်ဝန်ဆောင် မေမေ အသားအရေ လှစေဖို့ ဒါတွေ စားဖို့ မမေ့နဲ့နော်။

ကိုယ်ဝန်ဆောင် မေမေ အသားအရေ လှစေဖို့ ဒါတွေ စားဖို့ မမေ့နဲ့နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 17, 2020 . 1 min read
အရေပြား ယားယံတာ သက်သာစေဖို့ ဘာတွေ စားရမလဲ။

အရေပြား ယားယံတာ သက်သာစေဖို့ ဘာတွေ စားရမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 15, 2020 . 2 mins read
ဆေးဖက်ဝင်တယ်ဆိုတဲ့ ရှီးပဒီး အကြောင်း သိကောင်းစရာ

ဆေးဖက်ဝင်တယ်ဆိုတဲ့ ရှီးပဒီး အကြောင်း သိကောင်းစရာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဩဂုတ် 19, 2020 . 3 mins read