အကောင်းဆုံး အစားအစာတွေက –

Probiotics ပါတဲ့အစားအစာ

ဒိန်ချဉ်၊ ပဲပြား၊ ကင်ချီ၊ စတဲ့ အစားအစာတွေမှာ probiotics လို့ခေါ်တဲ့ အကျိုးပြုဘက်တီးရီးယားတွေပါဝင်ပါတယ်။ အဲဒီ probiotics လေးတွေက H. pylori ရောဂါပိုးကို ခုခံတိုက်ထုတ်ပေးတယ် ဒါမှမဟုတ် ကုသမှုတွေ၊ ဆေးတွေကို အာနိသင်ပိုထိရောက်အောင် ကူညီပေးတယ်ဆိုတော့ အစာအိမ်အနာကိုသက်သာစေတာပေါ့။

အမျှင်ဓါတ်ကြွယ်ဝတဲ့ အစားအစာ

ပန်းသီး၊ သစ်တော်သီး၊ အုတ်ဂျုံ စတဲ့အစားအစာတွေမှာ အမျှင်ဓါတ်ပါဝင်မှုများပါတယ်။ အမျှင်ဓါတ်က အစာအိမ်ထဲမှာ အက်စစ်ထွက်ရှိမှုပမာဏကိုလျော့နည်းစေပြီး လေပွခြင်း၊ ဗိုက်အောင့်ခြင်းတွေကို သက်သာစေပါတယ်။ အစာအိမ်အနာကိုလည်း ကာကွယ်ပေးတယ်လို့ သုတေသနတွေက ဆိုပါတယ်။

ကန်စွန်းဥ

ဗီတာမင် A ကြွယ်ဝတဲ့ ကန်စွန်းဥက အစာအိမ်အနာတွေကို သေးငယ်သွားစေနိုင်တယ်၊ မဖြစ်ခင်မှာလည်း ကြိုတင်ကာကွယ်ပေးနိုင်တဲ့ အစွမ်းရှိတယ်လို့ သိရပါတယ်။ ဟင်းနုနွယ်၊ မုန်လာဥနီ၊နဲ့ အမဲအသည်းတို့အပါအဝင် ဗီတာမင် A ကြွယ်ဝတဲ့တခြားအစားအစာတွေဟာလည်း အာနိသင်အလားတူပါပဲ။

ပန်းငရုတ်ပွ

ဗီၤတာမင် C ကြွယ်ဝတဲ့ ပန်းငရုတ်ပွက အစာအိမ်အနာမဖြစ်အောင် ကာကွယ်ပေးနိုင်ပါတယ်။ ဗီၤတာမင် C က အနာကျက်စေနိုင်တဲ့အစွမ်းရှိတာမို့ ဒီဓါတ်မလုံလောက်တဲ့သူတွေမှာ အစာအိမ်အနာဖြစ်နိုင်ခြေပိုများပါတယ်။ ပန်းငရုတ်ပွအပြင် အရည်ရွှ့မ်းတဲ့အချဉ်သီးတွေ၊ စတော်ဘယ်ရီ၊ကီဝီနဲ့ ပန်းဂေါ်ဖီစိမ်းတို့ကိုလည်းစားလို့ရပါတယ်။

နွားနို့

အရင်က အစာအိမ်အနာကိုသက်သာစေတယ်ဆိုပြီး နွားနို့ကို သောက်လေ့ရှိကြပါတယ်။ အခုတော့ နွားနို့ကအနာကို မကာကွယ်နိုင်၊ မသက်သာစေနိုင်ဘူးလို့ သိလာကြပါပြီ။ တကယ်တော့နွားနို့ကြောင့် အစာအိမ်အက်စစ်ပိုထွက်စေလို့ ပိုဆိုးကုန်တာဖြစ်နိုင်ပါတယ်။

အရက်၊ဘီယာ

အဆီများတဲ့ စားစရာ

အပူအစပ်တွေ

အစာအိမ်အနာဖြစ်စေတဲ့အကြောင်းရင်းလို့ အစကယူဆခဲ့ကြပေမယ့် အခုတော့ မဟုတ်ကြောင်း သိခဲ့ရပါပြီ။ ဒါပေမယ့် အစာအိမ်အနာရှိတဲ့သူတွေအတွက်တော့ လက္ခဏာပိုဆိုးစေနိုင်တာသေချာပါတယ်။ အစပ်နည်းနည်းစားတာနဲ့ ဗိုက်အောင့်တတ်တယ်ဆိုရှောင်လိုက်နော်။

သံပရာသီး၊ရှောက်သီးတို့လို အချဉ်သီးတွေနဲ့ ခရမ်းချဉ်သီးတွေလို အက်စစ်ဓါတ်များတဲ့အစားအစာတွေက အနာကိုပိုဆိုးစေနိုင်ပါတယ်။ အမြဲဖြစ်တယ်တော့ မဆိုလိုပေမယ့် ဗိုက်အောင့်တာ၊ အစာအိမ်အက်စစ်များလာတာတွေခံစားရတတ်တယ်ဆို အစာအိမ်သမားတွေလျှော့စားသင့်ပါတယ်။