ဒီဆေးတွေက ပုံမှန်အတိုင်းပဲ ဆက်သောက်နိုင်ပါတယ်။ SGLT-2 inhibitors သောက်တဲ့အခါ ရေများများနဲ့ သောက်ပေးပါ။ ဥပုသ်ဖြေတဲ့ အချိန်သောက်ပါ။ GLP 1 receptor antagonists က ဥပုသ်မဝင်မီ ၁လခွဲလောက်က ဆေးကို ဆရာဝန်နဲ့ တိုင်ပင်ပြီး ကြိုညှိထားပါ။ ညှိထားတဲ့ဆေးအတိုင်း ဥပုသ်စောင့်ချိန်တောက်လျှောက် သောက်နိုင်ပါတယ်။
အင်ဆူလင်
- အချိန်ကြာကြာခံတဲ့ အင်ဆူလင် (ဥပမာ glargine)
-တစ်နေ့တစ်ကြိမ် ထိုးရင် ဆေးပမာဏကို ၁၅-၃၀% လျှော့ပါ။ ဥပုသ်ဖြေချိန်မှာ ထိုးပါ။
-တစ်နေ့နှစ်ကြိမ် ထိုးရင် ထိုးနေကျ မနက်ဆေးကို ဥပုသ်ဖြေချိန်မှာ ထိုးပါ။ ပမာဏလျှော့ရန် မလိုပါ။ ညထိုးတဲ့ ဆေးကို ဥပုသ်မဝင်ခင်ထိုးပါ။ ဆေးပမာဏ တစ်ဝက်လျှော့ပါ။
- အချိန်တိုတိုပဲ ခံတဲ့ အင်ဆူလင် (ဥပမာ Actrapid, Aspart)
ထိုးနေကျ ပမာဏအတိုင်း ဥပုသ်ဖြေချိန်မှာ ထိုးပါ။ ဥပုသ်မဝင်ခင် ထိုးနေကျ ပမာဏကို တစ်ဝက်ပဲ ထိုးပါ။
- အင်ဆူလင် အရော (ဥပမာ Premixed, အင်ဆူလင် အနောက်)
-တစ်နေ့တစ်ကြိမ်ထိုးရင် ဥပုသ်ဖြေချိန်မှာထိုးပါ။ ဆေးပမာဏ လျှော့စရာ မလိုပါ။
-တစ်နေ့နှစ်ကြိမ် ထိုးရင် ထိုးနေကျ မနက်ဆေးကို ဥပုသ်ဖြေချိန်မှာ ထိုးပါ။ ပမာဏလျှော့ရန် မလိုပါ။ ညနေထိုးတဲ့ ဆေးကို ဥပုသ်မဝင်ခင်ထိုးပါ။ ဆေးပမာဏ တစ်ဝက်လျှော့ပါ။
-တစ်နေ့သုံးကြိမ်ထိုးရင် နေ့လယ်ထိုးဆေးကို ရပ်ပါ။ ဥပုသ်ဖြေချိန်နဲ့ မဝင်ခင် ထိုးတဲ့ ဆေးကို ဆရာဝန်နဲ့ တိုင်ပင်ပြီး ချိန်ပါ။ ၃ရက်တစ်ခါ ပြန်ချိန်ဖို့ လိုပါတယ်။
အစ္စလာာမ်ဘာသာဝင် ဆီးချိုလူနာများ ဥပုသ်စောင့်မယ်ဆိုရင်
ဆီးချိုရှိတဲ့အတွက် ဥပုသ်စောင့် ရတာ သူများတွေထက် အန္တရာယ်များပါတယ်။ ဒါပေမယ့် စားသောက်နေထိုင်ပုံကို ပြောင်းလဲပြီး ဆီးချိုဆေးတွေကို သေချာလေး သောက်မယ်။ ဆီးချိုပုံမှန်ဖောက်မယ်။ ဆရာဝန်နဲ့ ပုံမှန်ပြသမယ်ဆိုရင် ကျန်းကျန်းမာမာနဲ့ ဥပုသ်စောင့်နိုင်မှာပဲ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။