ကိုဗစ်ကာလ အိမ်မှာလေ့ကျင့်ခန်းလုပ်ဖို့ မိမိကိုယ်ကို စိန်ခေါ်စို့

ရေးသားသူ

Update Date အောက်တိုဘာ 31, 2020 . 3 mins read
Share now

ခုလို ကိုဗစ်ကပ်ဘေးကာလရဲ့ အကျိုးသက်ရောက်မှုတွေထဲမှာ ခန္ဓာကိုယ်နဲ့ ကိုယ်အလေးချိန် ပြောင်းလဲဆုတ်ယုတ်မှုဟာလည်း တစ်ခုအပါအဝင်ဖြစ်ပါတယ်။ ပိန်တဲ့သူတွေဆိုရင် နဂိုကထက် ပိုပြီး ပိန်သွားကြတယ်။ ဝတဲ့သူတွေ၊ Gym ကစားပြီး ကြွက်သားတက်အောင် လုပ်နေသူတွေဆိုရင်လည်း ကြွက်သားထုနေရာမှာ အဆီတွေ ပြည့်ပြီး အသားက လျော့တိလျော့ရွဲဖြစ်လာမှာပါ။

ဘာကြောင့် ဒီလိုဖြစ်ရတာလဲ။

  • အပြင်သွားလာလို့မရတော့တာ၊ Gym တွေ ပိတ်သွားတာ
  • ရောဂါပိုးကူးခံရမှာ ကြောက်တဲ့အတွက် တော်ရုံ စျေးသွားမဝယ်တော့တာ
  • အစာအာဟာရ ပြည့်ဝတဲ့ ထမင်းဟင်းတွေကို သိပ်ပြီးမစားတော့တာ
  • အပြင်စားသောက်ဆိုင်ကနေဘဲ အာဟာရမဖြစ်တာတွေ မကြာခဏ မှာစားတာ
  • စိတ်ညစ်တာ၊ စိတ်ဖိစီးတာ၊ စိတ်ဓာတ်ကျတာ၊ အထီးကျန်တဲ့အခါ ညစ်နေတဲ့စိတ်ကို ပြေစေဖို့ အဆီကြော်တွေ၊ အချိုဓာတ်များတဲ့ မုန့်တွေ အစားများလာတာ
  • ညဘက်တွေ မအိပ်တော့တာ၊ အိပ်ချိန်နည်းလာတာ၊ ညအိပ်ချိန် နောက်ကျလာတာ
  • တစ်နေရာတည်းမှာ ငြိမ်ငြိမ်လေး နေပြီး အထိုင်များလာတာ
  • လှုပ်ရှားမှု၊ ကြွက်သားတွေကို အသုံးချမှု မရှိတော့တာ စတဲ့အချက်တွေကြောင့် ကိုယ်အလေးချိန် ကြီးကြီးမားမား ပြောင်းလဲမှုတွေကို တွေ့လာရတာပါပဲ။

ကိုယ်အလေးချိန်ကို ပြန်ထိန်းဖို့ လိုအပ်သလား။

အလှအပအနေနဲ့ ကြည့်ရင်တော့ သိပ်ပြီးမလိုပါဘူး။ ဘာကြောင့်လဲဆိုတော့ ခုလိုအချိန်မျိုးမှာ ဘယ်သူကမှလည်း အပြင်ထွက်သွားလာလို့ မရသလို လူတိုင်းနီးပါးကလည်း ကိုယ့်လို အခြေအနေမျိုး ဖြစ်နေတာကြောင့်ပါပဲ။ ဒီအတွက် မဖြစ်မနေ ဝိတ်ချအောင်၊ ဝိတ်တက်အောင် အတင်းကြိုးစားဖို့ မလိုပါဘူး။

ကျန်းမာရေးအရ ကြည့်မယ်ဆိုရင်တော့ ကိုယ်အလေးချိန် နည်းလွန်း၊ များလွန်းတဲ့ ကိစ္စဟာ စားသောက်နေထိုင်မှုပုံစံ မှားယွင်းမှုကြောင့် ဖြစ်တဲ့အတွက် ရေရှည်မှာ ကျန်းမာရေးကို ထိခိုက်လာစေနိုင်မှာ မလွဲမသွေပါပဲ။ ဒီအတွက် ကိုယ်ခန္ဓာအချိုးအစားထက် ခန္ဓာကိုယ်ထဲ စုပုံနေတဲ့ ကယ်လိုရီနဲ့ အဆီတွေကို တတ်နိုင်သမျှ လောင်ကျွမ်းသွားအောင် လေ့ကျင့်ခန်း လုပ်ပေးဖို့ လိုအပ်ပါတယ်။

အိမ်မှာနေရင်း လေ့ကျင့်ခန်းလုပ်ဖို့ စိန်ခေါ်မှုကြီး စတင်ကြမယ်။

ကိုယ်က ကျန်းမာရေးကိုလည်း ဂရုစိုက်တယ်၊ ခန္ဓာကိုယ်အချိုးအစားကိုလည်း အလေးအနက်ထားတယ်ဆိုရင်​တော့ Gym သွားစရာမလိုဘဲ ကိုယ့်အိမ်မှာပဲ အလွယ်တကူ လေ့ကျင့်ခန်းလုပ်ဖို့ ဒီနေ့ကပဲ စတင်လို့ ရပါတယ်။

မနက်ခင်း အိပ်ရာနိုးချိန်

  • အိပ်ရာနိုးနိုးချင်းမှာ ရေတစ်ခွက် သောက်ပါ။
  • မျက်နှာသစ်၊ သွားတိုက်ပါ။
  • မိမိရဲ့ အိပ်ခန်း သို့မဟုတ် ဝရန်တာလိုမျိုး အလင်းရောင် ကောင်းကောင်းရတဲ့ နေရာမှာ ဒိုက်ထိုးပါ၊ အိပ်ထမတင်လုပ်ပါ၊ ထိုင်ထလုပ်ပါ။ ပုံမှန် Gym မှာလိုမျိုး အလေးတုံးတွေ ကိုယ့်အိမ်မှာ မရှိရင်တော့ လုပ်လို့ရတဲ့ လေ့ကျင့်ခန်းတွေကိုပဲ အကြိမ်ရေတိုးပြီး ချွေးများများ ထွက်အောင် ကစားပေးပါ။
  • လေ့ကျင့်ခန်း တစ်မျိုးလုပ်ပြီးတိုင်း ၃ မိနစ်လောက်နားပြီး အမောဖြေပါ။ ပြီးတာနဲ့ နောက်တစ်ခုဆက်လုပ်ပါ။ သွေးအေးသွားတဲ့အထိ မနားပါနဲ့။
  • ပြီးသွားရင် ချွေးတိတ်အောင် သုတ်ပြီး ရေတစ်ခွက်သောက်ပါ။ ရေအေးအေးလေး ချိုးလိုက်ပါ။ တစ်နေ့တာလုံး လူက ပေါ့ပါးလန်းဆန်းပြီး စိတ်ကို ကြည်လင်စေနိုင်ပါတယ်။

နေ့လယ်ဘက် အလုပ်လုပ်ချိန်

  • အလုပ်လုပ်ချိန်ဖြစ်တဲ့အတွက် လေ့ကျင့်ခန်းကိုပဲ အချိန်ပေးပြီး လုပ်လို့မရဘူးဆိုရင်တောင် နာရီဝက်ခြား တစ်ခါ ၅ မိနစ်လောက်အချိန်ပေးပြီး လှုပ်လှုပ်ရှားရှား လုပ်ပေးလို့ ရပါတယ်။ အဓိက တစ်နေရာတည်းမှာ အချိန်အကြာကြီး မထိုင်နေရင် ရပါတယ်။
  • ရေကို သတိရတိုင်း တစ်ငုံစီ သောက်ပေးပါ။ ရေပုံမှန်သောက်ပေးတဲ့အခါ ဆီးသွားချင်လာတဲ့အတွက် အလုပ်စားပွဲကနေ အိမ်သာကို လမ်းလျှောက်ရတာလည်း လေ့ကျင့်ခန်းဖြစ်ပါတယ်။
  • အလုပ်လုပ်တဲ့အခါ ခါးကို မကုန်းထားပါနဲ့။ ဇက်ကို အတင်းမငုံ့ထားပါနဲ့။ သက်သောင့်သက်သာလည်း​ဖြစ်၊ ခါးအနေအထားလည်း မှန်နေအောင် သတိထားပါ။
  • တစ်နာရီလောက် အလုပ်လုပ်ပြီးတိုင်း ကွန်ပျူတာရှေ့ကနေ မျက်စိခွာပြီး သဘာဝအလင်းရောင်ရှိတဲ့ အပြင်ဘက်ခြမ်းကို ကြည့်ပေးပါ။
  • ခါးကြော၊ ဇက်ကြောတွေ တင်းနေရင် ဖြည်းဖြည်းချင်း လေ့ကျင့်ခန်းလုပ်ပြီး အကြောလျှော့ပေးပါ။
  • အလုပ်ချိန်အတွင်းမှာ မခိုကပ်ဘဲ မြန်မြန်ပြီးအောင် အလုပ်လုပ်ပါ။

ညနေခင်းနှင့် ညအိပ်ခါနီး

  • အကယ်လို့ ကိုယ်က ရေကိုမနက်တစ်ကြိမ်ပဲ ချိုးတဲ့သူဆိုရင်တော့ ညနေဘက် လေ့ကျင့်ခန်းမလုပ်ဘဲ ကျော်လိုက်လို့ ရပါတယ်။
  • တိုက်လှေကားကို အပေါ်နဲ့ အောက် ပြေးပြီး အတက်အဆင်းလုပ်တာ၊ ခြံထဲမှာ သို့မဟုတ် ကိုယ့်အိမ်ခန်းထဲမှာ ပတ်ပြီး လမ်းလျှောက်တာမျိုး လုပ်ပေးလို့ ရပါတယ်။
  • သီချင်းဖွင့်ပြီး ကနေတာ၊ ကြိုးခုန်တာ၊ ကိုယ်လက်လှုပ်ရှားလို့ရတဲ့ ဗီဒီယိုဂိမ်းတွေ ကစကားတာ၊ Plank ထောက်တာ၊ ယောဂကျင့်တာ စတဲ့ လေ့ကျင့်ခန်းမျိုးတွေကိုလည်း လုပ်ပေးနိုင်ပါတယ်။
  • ချွေးထွက်တယ်ဆိုရင် အိပ်ခါနီး ရေနွေးနဲ့ ချိုးပေးပါ။ ပြီးတာနဲ့ တန်းအိပ်ပါ။

အားလပ်ချိန်

  • အလုပ်ပိတ်ရက် အားလပ်ချိန်မျိုးမှာ အိပ်ခန်း၊ အိပ်ယာတွေကို ဖုန်ခါပြီး သန့်ရှင်းရေးလုပ်ပါ။
  • အိမ်မှာရှိတဲ့ ပရိဘောဂတွေကို တိုက်ချွတ်ပေးပါ။
  • တံမြက်စည်းလှည်း၊ ဖုန်သုတ်၊ ကြမ်းတိုက်၊ အဝတ်လျှော်တာတွေ လုပ်ပေးပါ။
  • မိသားစုနဲ့အတူ ကိုယ်ကာယလေ့ကျင့်ခန်းကို ဆယ်မိနစ်လောက်ဖြစ်ဖြစ် အချိန်ပေးပြီး လုပ်ပါ။
  • ထမင်းဟင်း အတူချက်ပြုတ်စားသောက်ပါ။
  • စိတ်ဖိစီးမှုတွေ လျော့နည်းအောင် နာရီဝက်ခန့် တရားထိုင်ပါ သို့မဟုတ် အသက်ရှူလေ့ကျင့်ခန်းကို ပုံမှန်လုပ်ပေးပါ။

လေ့ကျင့်ခန်းလုပ်ခြင်းဟာ ခန္ဓာအတွက်သာမက စိတ်ကိုပါ ငြိမ်းချမ်းပြီး ပေါ့ပါးလန်းဆန်းစေလို့ ခုလိုကပ်ဘေးကာလမှာ မလိုလားအပ်တဲ့ မကောင်းမြင်စိတ်ဓာတ်တွေ၊ စိတ်ဖိစီးမှုတွေ မဖြစ်အောင် ကာကွယ်ပေးနိုင်ပါတယ်။ အလေးတုံးမရှိလို့၊ Gym ပိတ်လို့ဆိုပြီး လေ့ကျင့်ခန်းမလုပ်ဘဲ နေစရာမလိုပါဘူး။ အဓိက လုပ်ချင်စိတ် ရှိဖို့ပဲ အရေးကြီးတာပါ။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ ဘဝနေ့ရက်များကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မြန်မာနိုင်ငံကို ရောက်လာနိုင်ခြေအရှိဆုံး COVID-19 ကာကွယ်ဆေး (သို့) Sputnik V

မြန်မာနိုင်ငံကို အစောဆုံးနဲ့ ရောက်လာနိုင်ခြေအရှိဆုံး COVID-19 ကာကွယ်ဆေးဟာ ရုရှားနိုင်ငံက Sputnik V ဆေးဝါးဖြစ်လာဖွယ်ရှိတယ်လို့ သုံးသပ်ရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အစာအိမ်နဲ့ အူလမ်းကြောင်းက အစာတွေကို ဘယ်လိုခြေဖျက်ပေးနေသလဲ။

အစာအိမ်နဲ့ အူလမ်းကြောင်းက အစားအသောက်တွေကို အာဟာရဖြစ်အောင်၊ မလိုတာတွေ အပြင်ရောက်သွားအောင် သက်ဆိုင်ရာ တာဝန်တွေကို ထမ်းဆောင်ပြီး အလုပ်လုပ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ဆေးလိပ်ဖြတ်နေတဲ့ သူငယ်ချင်းကို ဘယ်လိုကူညီနိုင်မလဲ

ဆေးလိပ်ကို ကာလကြာရှည်စွာ သောက်နေသူတစ်ယောက်အတွက် ဆေးလိပ်ဖြတ်ဖို့ဆိုတာ လွယ်ကူလှတဲ့ကိစ္စတော့ မဟုတ်ပါဘူး။ ဆေးလိပ်က ဖြတ်ရခက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သဘာဝအလျောက် သန္ဓေတားနည်းလမ်းများ

အမျိုးသမီးတို့အနေနဲ့ သန္ဓေတားရာမှာ ဆေးကတ်တွေသောက်ခြင်း၊ သုံးလထိုးဆေး ထိုးခြင်း၊ သားအိမ်အတွင်းသန္ဓေတားပစ္စည်းထည့်ခြင်း နည်းလမ်းတွေကို အသုံးပြုကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သင့်အတွက် ရွေးချယ်ထားသည်

အသက် ၄၅ နှစ်အထက်တွေမှာ လိင်ကူးစက်ရောဂါတွေ ဖြစ်နိုင်ခြေပိုများ

အသက် ၄၅ နှစ်အထက်တွေမှာ လိင်ကူးစက်ရောဂါတွေ ဖြစ်နိုင်ခြေပိုများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 29, 2020 . 2 mins read
စိတ်ဓာတ်ကျခြင်းရဲ့ ကနဦးလက္ခဏာများ

စိတ်ဓာတ်ကျခြင်းရဲ့ ကနဦးလက္ခဏာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 29, 2020 . 2 mins read
ဆောင်းတွင်းမှာ အဖျားအနာကင်းအောင် ဘယ်လိုအာဟာရဓာတ်တွေ ဖြည့်စွက်ဖို့ လိုအပ်မလဲ

ဆောင်းတွင်းမှာ အဖျားအနာကင်းအောင် ဘယ်လိုအာဟာရဓာတ်တွေ ဖြည့်စွက်ဖို့ လိုအပ်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 29, 2020 . 1 min read
တစ်နေ့ ပန်းသီးတစ်လုံးစားရင် သင်ဘယ်လောက်အထိတောင် ကျန်းမာလာမလဲ

တစ်နေ့ ပန်းသီးတစ်လုံးစားရင် သင်ဘယ်လောက်အထိတောင် ကျန်းမာလာမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 29, 2020 . 2 mins read