လုံခြုံအောင်ဝတ်ဆင်ပါ –ခြင်ကိုက်ခံရတာကြောင့် ငှက်ဖျားဖြစ်တာဆိုတော့ ငှက်ဖျားမဖြစ်အောင် အရင်ဆုံးလုပ်ရမှာကခြင်ကိုက်မခံရအောင် ကာကွယ်ဖို့ပါ။ ဒါကြောင့် ညနေခင်းနဲ့ ညအချိန်တွေမှာ အင်္ကျီလက်ရှည်နဲ့ဘောင်းဘီရှည်တွေဝတ်ဆင်ပြီးခြင်ကိုက်မခံရအောင်ကာကွယ်ပါ။
ခြင်ကိုက်မခံရအောင် လူးတဲ့ဆေးတွေလူးပေးပါ –ခြင်နိုင်ဆေးထွန်းတာ၊ခြင်ဆေးဖြန်းတာတွေလုပ်ပေမယ့် အခန့်မသင့်ရင်ခြင်ကိုက်ခံရနိုင်တာကြောင့် အရေပြားမှာခြင်ကိုက်မခံရအောင်လူးတဲ့ဆေးရည်ကို လူးထားပေးဖို့ပြောပါရစေ။ တစ်နေ့တာ အလုပ်တွေကိုလုပ်ကိုင်နေချိန်မှာ မတော်တဆခြင်ကိုက်ခံရတာမျိုးမဖြစ်ရလေအောင် အရေပြားပေါ်မှာ ခြင်ကိုက်မခံရအောင်လူးတဲ့ဆေးတွေလူးပေးပါ။နေ့ခင်းဘက်လည်းခြင်ကကိုက်နိုင်တာကြောင့်ပါ။
ငှက်ဖျားရောဂါကာကွယ်ဆေးသောက်သုံးပါ –ငှက်ဖျားရောဂါကို ကာကွယ်နိုင်တဲ့ဆေးဝါးတွေရှိနေပြီဖြစ်တာကြောင့် ငှက်ဖျားရောဂါကို ကြိုတင်ကာကွယ်ချင်သူတွေအနေနဲ့ ငှက်ဖျားရောဂါကာကွယ်ဆေးကလည်း ထည့်သွင်းစဉ်းစားဖို့လိုမယ့် အချက်တစ်ချက်ဖြစ်လာပါတယ်။ ဆရာဝန်နဲ့တိုင်ပင်ပြီး ငှက်ဖျားရောဂါကာကွယ်ဆေးကိုသောက်သုံးပေးလို့ရပါတယ်။
ဒီအချက်တွေကြောင့် ငှက်ဖျားဖြစ်နိုင်ပါတယ်
- ရောဂါပိုးရှိတဲ့နေရာမှာနေထိုင်တာ
- ရောဂါပိုးရှိတဲ့နေရာကို သွားရောက်တာ
- ငှက်ဖျားကာကွယ်ဆေးကြိုတင်သောက်သုံးမှုမရှိတာ
- ညနေပိုင်းတွေမှာခြင်ကိုက်နိုင်တဲ့နေရာတွေဖြစ်တဲ့နေအိမ်ပြင်ပ၊ ဖုန်တွေနဲ့ အမှိုက်သရိုက်တွေပေါတဲ့နေရာတွေမှာနေတာ
- ခြင်ကိုက်မခံရအောင် ကာကွယ်ထားတာမျိုးမရှိတာ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။