သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

သွေးအားနည်းရင် ဒါတွေစားပါ

    သွေးအားနည်းရင် ဒါတွေစားပါ

    အမဲသား

    အမဲသားရှောင်တဲ့သူဆိုရင်တော့အောက်မှာဆက်ပြောမယ့် အစားအစာတွေထဲကရွေးချယ်လို့ရပါတယ်။ အမဲသားက သံဓါတ်များများရရှိနိုင်မယ့် အရင်းအမြစ်တစ်ခုဖြစ်တဲ့အတွက် မကြာမကြာစားသုံးပေးသင့်ပါတယ်။

    ကြက်သား

    အမဲသားမစားဘူးဆိုလည်း ကြက်သား၊ဘဲသားနဲ့ ကြက်ဆင်သားတွေကလည်း သံဓါတ်ကြွယ်ဝပါတယ်။ ဘဲသား ခပ်ရွယ်ရွယ်တစ်တုံးမှာ သံဓါတ် ၂.၃ မီလီဂရမ်ပါဝင်ပါတယ်။ ကြက်သားနဲ့ကြက်ဆင်သားမှာဆိုရင် ၁ မီလီဂရမ်ပေါ့။

    အစိမ်းရောင်၊ အရောင့်ရင့်ရင့် အရွက်တွေ

    ကိုက်လန်၊ ဟင်းနုနွယ်၊ မုန်ညင်းစိမ်းစတဲ့ အစိမ်းရောင်အရွက်တွေက သံဓါတ်အားကောင်းစေနိုင်ပါတယ်။ကြော်စားစား၊ ဟင်းရည်ထဲခတ်စားစား၊ သုပ်စားစားကောင်းပါတယ်နော်။

    ငါး

    ပရိုတင်းကြွယ်ဝပြီး အဆီနည်းတဲ့ သံဓါတ်အရင်းအမြစ်တစ်ခုဖြစ်ပါတယ်။း၊ မြစ်ချောင်းထဲကဖမ်းလာတဲ့သဘာဝငါးဖြစ်ဖြစ် မွေးမြူရေးငါးဖြစ်ဖြစ် အချိုးအဆတော့မတူပေမယ့် အာဟာရဓါတ်ပါဝင်မှုချင်းတော့ အတူတူပါပဲ။ တူနာငါး၊ ငါးသေတ္တာငါးနဲ့ မက်ခရယ်ငါးတို့ဆို ပိုကောင်းပါတယ်။

    ပုဇွန်နဲ့ခရု

    အသားငါးတွေမစားချင်လို့ သံဓါတ်မရတော့ဘူး ထင်နေပါသလား။ ပင်လယ်စာတွေစားရင်းနဲ့လည်း သံဓါတ်ရရှိနိုင်ပါတယ်။ ဆန်လုံးညိုလေးစား၊ ပုဇွန်နဲ့ပင်လယ်စာဟင်းလေးနဲ့ဆို သံဓါတ်ပြည့်ဝတဲ့ထမင်းတစ်နပ်ကို ရနိုင်ပါတယ်။

    သက်သတ်လွတ်စားတိုင်း သွေးအားနည်းမှာမဟုတ်ပါဘူး။ အသားမစားရင် သွေးအားနည်းတတ်တာမှန်ပေမယ့် ဟင်းသီးဟင်းရွက်တွေကို မှန်ကန်အောင်ရွေးချယ်စားသုံးတတ်မယ်ဆိုရင် သံဓါတ်အလုံအလောက်ရနိုင်ပါတယ်။ တို့ဖူး၊ပဲပြား စတာတွေစားမယ်၊ ဒါမှမဟုတ် ပဲကတ္တီပါ၊ ကုလားပဲ၊ ဗိုလ်စားပဲ စားမယ်ဆိုရင်အဆင်ပြေပါတယ်။ သံဓါတ်စုပ်ယူမှုကိုအားကောင်းစေဖို့ ကူညီပေးတဲ့ ဗီတာမင် C ကြွယ်ဝတာတွေလည်း စားပေးနိုင်ပါတယ်။

    ကြက်ဥ

    ကြက်ဥကို ပြုတ်စား၊ မွှေကြော်၊ ဟက်ဖရိုက်ကြော်၊ တခြားအစားအစာထဲပဲထည့်ထည့်၊ ဘယ်လိုစားစား သံဓါတ်ပမာဏအတော်အသင့် ရနိုင်ပါတယ်။ တစ်ခုရှိတာက သူ့ကို လက်ဖက်ရည်၊ကော်ဖီအပူနဲ့တွဲစားရင်တော့ အကျိုးအာနိသင်တချို့ကိုရနိုင်တော့မှာမဟုတ်ပါဘူး။ ကြက်ဥဆီကနေ သံဓါတ်စုပ်ယူနိုင်စွမ်းကို အနှောင့်အယှက်ပေးပါလိမ့်မယ်။

    အစေ့အဆန်တွေနဲ့သစ်သီးခြောက်

    သီဟိုဠ်စေ့၊ ပစ်စတာချီရို(စိတ်ပျော်သီး) တို့လိုအစေ့အဆန်တွေနဲ့ ဆီးသီးခြောက်၊စပျစ်ခြောက်၊စွံပလွံသီးခြောက်၊မက်မွန်သီးခြောက်တို့လို သစ်သီးခြောက်တွေက သံဓါတ်ရရှိစေနိုင်ပါတယ်။

    လတ်ဆတ်တဲ့အသီးအနှံ

    ဖရဲသီးတစ်စိတ်ကပဲ သံဓါတ် ဝ.၆၉ မီလီဂရမ် သံဓါတ်ရရှိနိုင်သလို ငှက်ပျောသီးမှာ ဝ.၃၆ မီလီဂရမ်နဲ့ ပန်းသီးမှာ ဝ.၅ မီလီဂရမ် ပါဝင်ပါတယ်။

    ချောကလက်

    အချိုများတာတော့ မစားနဲ့ပေါ့။ အချိုလျှော့ ချောကလက် ၃အောင်စပမာဏမှာ သံဓါတ် ၇ မီလီဂရမ်ပါဝင်ပါတယ်။

    Hello Health Groupသည် ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 27/01/2022 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: