သွေးအားနည်းလို့ဆိုရင် အားဆေးတွေပဲအားကိုးကြတာများပါတယ်။ ဒါပေမယ့် အမြဲတမ်းတော့ အားဆေးက မကယ်တင်နိုင်ပါဘူးနော်။ ဖြည့်စွက်အားဆေးဆိုမှတော့ ဖြည့်စွက်ရမှာပေါ့။ ကျန်းမာရေးအတွက် အစာအာဟာရနဲ့တွဲကူမှဖြစ်မှာပါ။သွေးအားကောင်းစေမယ့်၊သံဓါတ်ကြွယ်ဝတဲ့အစားအစာတွေ ဆိုတာ ခက်ခက်ခဲခဲရှာဖို့မလိုပါဘူး။ ကိုယ်နေ့တိုင်းစားသုံးနေတဲ့အထဲမှာကို ပါဝင်နေတာဆိုတော့ နည်းနည်းပိုစားပေးရုံပေါ့။ မဟုတ်ဘူးလား။
Hello Sayarwon မှ ထွက်မည်။
ထွက်မှာ သေချာပြီလား။
သွေးအားနည်းရင် ဒါတွေစားပါ
အမဲသား
အမဲသားရှောင်တဲ့သူဆိုရင်တော့အောက်မှာဆက်ပြောမယ့် အစားအစာတွေထဲကရွေးချယ်လို့ရပါတယ်။ အမဲသားက သံဓါတ်များများရရှိနိုင်မယ့် အရင်းအမြစ်တစ်ခုဖြစ်တဲ့အတွက် မကြာမကြာစားသုံးပေးသင့်ပါတယ်။
ကြက်သား
အမဲသားမစားဘူးဆိုလည်း ကြက်သား၊ဘဲသားနဲ့ ကြက်ဆင်သားတွေကလည်း သံဓါတ်ကြွယ်ဝပါတယ်။ ဘဲသား ခပ်ရွယ်ရွယ်တစ်တုံးမှာ သံဓါတ် ၂.၃ မီလီဂရမ်ပါဝင်ပါတယ်။ ကြက်သားနဲ့ကြက်ဆင်သားမှာဆိုရင် ၁ မီလီဂရမ်ပေါ့။
အစိမ်းရောင်၊ အရောင့်ရင့်ရင့် အရွက်တွေ
ကိုက်လန်၊ ဟင်းနုနွယ်၊ မုန်ညင်းစိမ်းစတဲ့ အစိမ်းရောင်အရွက်တွေက သံဓါတ်အားကောင်းစေနိုင်ပါတယ်။ကြော်စားစား၊ ဟင်းရည်ထဲခတ်စားစား၊ သုပ်စားစားကောင်းပါတယ်နော်။
ပုဇွန်နဲ့ခရု
အသားငါးတွေမစားချင်လို့ သံဓါတ်မရတော့ဘူး ထင်နေပါသလား။ ပင်လယ်စာတွေစားရင်းနဲ့လည်း သံဓါတ်ရရှိနိုင်ပါတယ်။ ဆန်လုံးညိုလေးစား၊ ပုဇွန်နဲ့ပင်လယ်စာဟင်းလေးနဲ့ဆို သံဓါတ်ပြည့်ဝတဲ့ထမင်းတစ်နပ်ကို ရနိုင်ပါတယ်။
သီဟိုဠ်စေ့၊ ပစ်စတာချီရို(စိတ်ပျော်သီး) တို့လိုအစေ့အဆန်တွေနဲ့ ဆီးသီးခြောက်၊စပျစ်ခြောက်၊စွံပလွံသီးခြောက်၊မက်မွန်သီးခြောက်တို့လို သစ်သီးခြောက်တွေက သံဓါတ်ရရှိစေနိုင်ပါတယ်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
Ref:
Accessed Jan 7,2019.
https://www.healthline.com/nutrition/11-healthy-iron-rich-foods
Accessed Jan 7,2019.
Share