ပိုးဟပ်တွေနဲ့ မိသားစု ကျန်းမာရေးအန္တရာယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 1, 2020 . 2 mins read
Share now

ကျွန်တော်တို့နိုင်ငံမှာတော့ ပိုးဟပ်ကြောက်တဲ့သူတွေရော ပိုးဟပ်ရှိတဲ့နေအိမ်တိုက်ခန်းတွေ အရမ်းများတာ သတိထားမိမှာပါ။ ပိုးဟပ်ကို အကောင်အနေနဲ့ မြင်ရင်ကြောက်တာမျိုးလည်း ရှိသလို ရုတ်တရက် ထပျံလာရင် အားကနဲအော်ပြီး လန့်သွားတတ်တဲ့သူတွေလည်း အများကြီးပါပဲ။ ပိုးဟပ်တွေဟာ လူတွေကို ကြောက်ရွံ့စေရုံသာမက ကျန်းမာရေးရှုထောင့်ကနေ ကြည့်မယ်ဆိုရင်လည်း ဒုက္ခဖြစ်စေနိုင်တဲ့ အရာတွေကို သယ်ဆောင်လာနိုင်တယ်ဆိုတာကို မမေ့ထားသင့်ပါဘူး။

ပိုးဟပ်က ကိုက်နိုင်လား။

တခြားသော အင်းဆက်ပိုးမွှားတွေလိုမဟုတ်ဘဲ ပိုးဟပ်က လူတွေကို ကိုက်တာမျိုးတော့ မလုပ်ပါဘူး။ ဒါပေမယ့် သူတို့ရဲ့ ခြေထောက်မှာရှိတဲ့ ဆူးချွန်လေးတွေက လူ့အရေပြားနဲ့ ထိမိတဲ့အခါ ကုတ်မိသလို ဖြစ်သွားတတ်ပြီး အလွယ်တကူ ပွန်းပဲ့ရှနာဖြစ်စေနိုင်ပါတယ်။ ဘက်တီးရီးယားပေါင်းစုံ သယ်ဆောင်နေတဲ့ ပိုးမွှားအုပ်စုဖြစ်တဲ့အတွက် ဒီကုတ်မိလိုက်တဲ့ ဒဏ်ရာကနေ ပိုးဝင်သွားနိုင်ပါတယ်။

ပိုးဟပ်သည် ဘယ်လိုရောဂါပိုးမွှားတွေကို သယ်ဆောင်နိုင်လဲ။

မြေပြင်နေရာအနှံ့ကို လျှောက်သွားနေတဲ့ ပိုးဟပ်တွေမှာ Salmonella, Staphylococcus, Streptococcus အစရှိတဲ့ ရောဂါပိုးမွှားတွေကို တွေ့ရတတ်ပြီး ဝမ်းပျက်ဝမ်းလျှောဖြစ်ခြင်း၊ ဝမ်းကိုက်ခြင်း၊ သွေးဝမ်းသွားခြင်း၊ ကာလဝမ်းရောဂါ၊ တိုက်ဖွိုက်ရောဂါ အစရှိတဲ့ အစာအိမ်နဲ့ အူလမ်းကြောင်းဆိုင်ရာရောဂါတွေကို ဖြစ်စေနိုင်ပါတယ်။ များသောအားဖြင့် ပိုးဟပ်တွေက အစားအစာတွေပေါ် ဖြတ်ပြေးလိုက်တာ၊ နားနေတာ၊ အညစ်အကြေးစွန့်လိုက်တာ၊ ဥ ဥလိုက်တဲ့အခါမျိုးမှာ ဒီရောဂါပိုးတွေက အစာပေါ်ကို ရောက်သွားပြီး အဲ့ကနေတစ်ဆင့် လူတွေရဲ့ ဝမ်းဗိုက်ထဲသို့ တိုက်ရိုက်ရောက်သွားပါတယ်။

နောက်ထပ်ရော ဘယ်လိုကျန်းမာရေးပြဿနာတွေကို ဖြစ်စေနိုင်လဲ။

လူတွေသတိမထားမိတဲ့ ဓာတ်မတည့်ခြင်း အကြောင်းရင်းတွေထဲမှာ ပိုးဟပ်လည်း ပါဝင်နေပါတယ်။ ပိုးဟပ်ရဲ့ ကိုယ်ခန္ဓာမှာ ရှိတဲ့ အနံ့တွေအပြင်၊ မစင်၊ ကျွတ်သွားတဲ့ အတောင်ပံနဲ့ ကိုယ်လက်အင်္ဂါအပိုင်းအစတွေ၊ ဥတွေ၊ သွားရည်တွေကြောင့် ဓာတ်မတည့်ခြင်းကို ဖြစ်စေနိုင်တယ်။ ရောဂါလက္ခဏာအနေနဲ့ အရေပြားမှာ အနီကွက်၊ အင်ပျဉ်များထခြင်း၊ အဖုအပိမ့်တွေ ထွက်လာခြင်း၊ အလွန်အမင်းယားယံခြင်းတွေ ဖြစ်စေနိုင်ပါတယ်။ ပန်းနာရင်ကျပ်ရှိသူတွေနဲ့ အသက်ငယ်သေးတဲ့ ကလေးငယ်တွေမှာ ဓာတ်မတည့်ခြင်း ဖြစ်နိုင်ခြေ ပိုများပါတယ်။

ကိုယ့်အိမ်က ပိုးဟပ်တွေကို ဘယ်လိုရှင်းထုတ်မလဲ။

၁။ တစ်အိမ်လုံးမှာ ရှိတဲ့နံရံတွေ (အထူးသဖြင့် မီးဖိုချောင်၊ အိမ်သာနဲ့ ရေချိုးခန်းနံရံ) ကို အပေါက်တွေ၊ အက်ကွဲကြောင်းတွေ ရှိမရှိ စစ်ဆေးပါ၊ ရှိတယ်ဆိုရင် အမြန်ဖာထေးပါ။ ပိုးဟပ်တွေက ဒီအက်ကွဲကြောင်းတွေထဲမှာ အမြဲနေထိုင်သွားလာကျက်စားတတ်ကြပါတယ်။

၂။ တစ်အိမ်လုံးမှာ ဆက်သွယ်ထားတဲ့ ရေပိုက်တွေကိုလည်း ရေယိုစိမ့်မှု၊ အပေါက်တွေ ရှိမရှိ စစ်ဆေးပါ။

၃။ အိမ်ကြမ်းပြင်၊ မျက်နှာကျက်တွေကို တတ်နိုင်သလောက် ခြောက်သွေ့အောင် ထားပေးပါ။

၄။ စားစရာတွေ ချက်ပြီးတိုင်း အုပ်ဆောင်းနဲ့ လုံခြုံစွာ ဖုံးအုပ်ထားပါ။ မချက်ရသေးတဲ့ စားစရာတွေကို လေလုံတဲ့ အိတ်၊ အထုပ်၊ ဘူးတွေထဲ ထည့်ပြီး ရေခဲသေတ္တာထဲမှာ သိမ်းဆည်းထားပါ။

၅။ အမှိုက်တွေကို ပုံနေအောင်မထားပါနဲ့၊ နေ့တိုင်းစွန့်ပစ်ပါ။ အမှိုက်ပစ်စရာမရှိရင် အမှိုက်ပုံးကို အဖုံးအုပ်ပေးထားပါ။ စားစရာတွေကိုလည်း အမှိုက်ပုံးဘေးမှာ စုပုံထားတာမျိုး လုံးဝမလုပ်ပါနဲ့။

၆။ စားပြီးသားပန်းကန်ကို ချက်ချင်းဆေးပါ။

၇။ အိမ်မှာ တိရစ္ဆာန်လေးတွေ မွေးထားတယ်ဆိုရင် သူတို့ရဲ့ အိပ်ရာတွေ၊ အစားစားတဲ့ ရေသောက်တဲ့ ပန်းကန်၊ ခွက်တွေကို အမြဲသန့်ရှင်းရေး လုပ်ပေးပါ။

၈။ စားပွဲ၊ ကြမ်းခင်းမှာ ထမင်းဟင်း အစအနတွေ ကျမကျန်ခဲ့အောင် ဂရုစိုက်ပါ၊ အမြဲတမ်း တံမြက်စည်းလှဲပြီး သန့်ရှင်းရေးလုပ်ပေးပါ။

၉။ အိမ်ကို ဖုန်တက်နေအောင် ပစ်မထားပါနဲ့။

၁၀။ အဝတ်ဘီဒိုတွေ၊ ပန်းကန်ထားတဲ့စင်၊ အံဆွဲတွေကို အမြဲဖွင့်စစ်ပါ၊ သန့်ရှင်းရေးလုပ်ပါ။

နောက်ထပ် ဘာတွေသတိထားသင့်လဲ။

ပိုးဟပ်ကို နင်းမိသွားတဲ့အခါ ခြေထောက်ကို ဆပ်ပြာ၊ ရေနဲ့ သေချာပြောင်စင်အောင် တိုက်ချွတ်ဆေးကြောပါ။ ပိုးဟပ်အသေကို အမြန်လွှင့်ပစ်ပြီးတာနဲ့ နင်းမိတဲ့ကြမ်းပြင်ကို ဆပ်ပြာ သို့မဟုတ် အရက်ပြန်နဲ့ ပြန်တိုက်ပြီး ဆေးကြောရပါမယ်။ ဓာတ်မတည့်လက္ခဏာတွေ တွေ့ရပြီဆိုရင်တော့ နီးရာဆေးခန်းကနေ ဓာတ်မတည့်တာ သက်သာစေတဲ့ လိမ်းဆေး၊ သောက်ဆေးတွေကို ဝယ်ယူအသုံးပြုနိုင်ပါတယ်။

ပိုးဟပ်သည် မသန့်ရှင်းတဲ့အိမ်တွေနဲ့ အိုဟောင်းနေတဲ့ တိုက်ခန်းများမှာ အတွေ့များပြီး တစ်အိမ်မှာ ပိုးဟပ်တွေစုပုံနေပြီဆိုတာနဲ့ ကိုယ့်အိမ်ဘေးမှာ ရှိတဲ့တိုက်ခန်း၊ အိမ်တွေဆီကိုပါ လျင်မြန်စွာ ပျံ့နှံ့သွားတာကြောင့် တစ်ရပ်ကွက်လုံး ညီညီညွတ်ညွတ်နဲ့ အိမ်သန့်ရှင်းရေးလုပ်မှသာ ပိုးဟပ်ကင်းစင်တဲ့ ပတ်ဝန်းကျင်တစ်ခု ဖြစ်လာမှာပါ။

Hello ဆရာဝန်ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ ကော်လာဂျင်က ကျန်းမာရေးအတွက် အကျိုးကျေးဇူးတွေ များပေမယ့်  ကော်လာဂျင်ကို အသားအရေအတွက် အဓိက သောက်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အစာဓာတ်မတည့်ခြင်း

အစာဓာတ်မတည့်ခြင်း ဆိုတာ အစားအစာ တစ်ခုခုကို စားပြီး သိပ်မကြာခင်မှာ ကိုယ်ခံအားစနစ်က တုံ့ပြန်တဲ့  တုံ့ပြန်မှု တစ်ရပ်ပါ။ ဓာတ်မတည့်မှု ဖြစ်တဲ့အခါ .....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Pepper Spray နဲ့ ဖြန်းခံထိတဲ့အခါ

Pepper Spray နဲ့ ဖြန်းမိတဲ့အခါ ဘာတွေ လုပ်ရမလဲ။ ဆေးခန်းပဲ ပြေးရမလား။ အိမ်မှာပဲ သက်သာအောင် လုပ်လို့ ရမလား။ ဘာတွေ ဖြစ်နိုင်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read