နေ့တိုင်းမှာ အချိန် အနည်းငယ်ပေးပြီး ကိုယ့်ရဲ့စိတ်ကို ကိုယ်တိုင် ရှင်းလင်းပါ။ စိတ်တွေ သိပ်ရှုပ်လာတဲ့အခါ ခဏလောက် အသက်ရှူတာကို အာရုံစိုက်ပြီး စိတ်တည်ငြိမ်အောင် ကြိုးစားပါ။ ဒီတော့ တစ်နေ့တာမှာ မကြာခဏ အချိန်လေးပေးရင်း အသက်ဝဝရှူပြီး ကိုယ်လုပ်ဆောင်နိုင်မယ့် အရာတွေပေါ်ကို အာရုံစိုက်ထားပေးပါ။
နေ့ရက်တိုင်းမှာ အသစ်အသစ်သော အရာတွေကို လုပ်ဆောင်ဖို့ အခွင့်အရေး တစ်ရပ် ထားပေးပါ။ ဝါသနာ အသစ်တစ်ခုခုကို ဖြစ်ဖြစ်၊ ဟင်းလျာ အသစ်လေးကို ချက်ပြီး စားကြည့်တာမျိုး ဖြစ်ဖြစ်၊ စာအုပ်အသစ် တစ်အုပ်ကို ဖတ်ကြည့်တာဖြစ်ဖြစ်၊ နေရာအသစ် တစ်ခုကို သွားတာမျိုးဖြစ်ဖြစ် လုပ်ပေးပါ။ ဒါက စိတ်အပြောင်းအလဲ ဖြစ်စေပြီး စားသောက်ပုံမူမမှန်တဲ့ စိတ်ကျန်းမာရေးပြဿနာကို သက်သာစေနိုင်ပါတယ်။
- ကိုယ့်အတိုင်းအတာကို ကိုယ်တိုင် သိပါစေ
ကိုယ်တိုင်ဂရုစိုက်မှု ဆိုတဲ့နေရာမှာ ကိုယ်တိုင်လုပ်ဆောင်နိုင်တဲ့ အတိုင်းအတာကို သိရှိအောင် လုပ်ဆောင်ဖို့ လိုသလို အပြောင်းအလဲလေးတွေ လုပ်ဆောင်ဖို့လည်း လိုပါမယ်။ ဒါကြောင့် စိတ်ထဲမှာ သက်သောင့်သက်သာ ဖြစ်စေမယ့် အပြောင်းအလဲလေးတွေကို လုပ်ဆောင်ပေးပါ။ ဒီနေရာမှာ သတိထားရမှာက ကိုယ်တိုင် စိတ်ပိုင်းဆိုင်ရာရော ရုပ်ပိုင်းဆိုင်ရာပါ ကျန်းမာပျော်ရွှင်မှု ရှိရဲ့လား ဆိုတာပါ။ မနိုင်ဝန်ထမ်းတာမျိုး မဖြစ်စေဖို့ပါ။
- ဆိုရှယ်မီဒီယာတွေကနေ အနားယူပါ
ဆိုရှယ်မီဒီယာ အသုံးများတာက စိတ်ကျန်းမာရေးကို ထိခိုက်စေနိုင်ပါတယ်။ ဒါကြောင့် စိတ်ဖိစီးတာတွေ၊ စိတ်ဓာတ်ကျတာတွေ မခံစားရစေဖို့ ဆိုရှယ်မီဒီယာကို တစ်ချိန်လုံး အသုံးပြုနေတာမျိုး မလုပ်ပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။