backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်
မာတိကာ

ဆီးကျောက်များကိုဖယ်ရှားနိုင်ရန် ရိုလာကိုစတာစီးပါ

မှ ဆေးပညာပိုင်းဆိုင်ရာ စစ်ဆေးထားပါသည်။ Dr. K Zin Thwe


Dr. Ye Pyae Hein မှ ရေးသားသည်။ · 05/07/2022 တွင် အသစ်ဖြည့်စွက်ခဲ့သည်။

ဆီးကျောက်များကိုဖယ်ရှားနိုင်ရန် ရိုလာကိုစတာစီးပါ

အဓိပ္ပါယ်ဖွင့်ဆိုချက်

ဆီးကျောက်များသည် သေးငယ်မာကျောသော သတ္ထုနှင့်ဆားအမှုန်အခဲများဖြစ်ပြီး

ကျောက်ကပ်ထဲတွင်တည်ရှိသည်။ ကျောက်ကပ်မှသည်ဆီးအိမ်အထိဆီးလမ်းကြောင်း၏ မည်သည့်နေရာတွင် မဆိုဆီးကျောက်ဖြစ်ပေါ်နိုင်သည်။ အချိန်ကြာလာသည့်အခါ ပြင်းထန်သောနာကျင်ခြင်းနှင့်ဆီးလမ်းကြောင်း ပိုးဝင်ခြင်းကိုလည်း ဖြစ်စေနိုင်သည်။ ဆီးကျောက်၏ အရွယ်အစားပေါ်မူတည်၍ ဆရာဝန်ဆီမှ အကြံဉာဏ်နှင့်ကုသမှုကို ခံယူရပါသည်။ ယုံကြည်စိတ်ချရသောအခြားကုထုံးများကဲ့သို့ပင် ဆီးကျောက်ရောဂါကို ကုသရန်သုတေသီများက အခြားနည်လမ်းတစ်ခုကို လေ့လာစူးစမ်းလျက်ရှိသည်။ ဤသို့ဖြင့် ရိုလာကိုစတာစီးခြင်းသည် နည်လမ်းတစ်ခုအဖြစ်ဖြစ်လာဖွယ်ရှိပါသည်။

နည်းလမ်းသစ်အပေါ်သုတေသန ပြုလုပ်ခြင်း

အမေရိကန်အရိုးရောဂါအဖွဲ့မှထုတ်ဝေသောဂျာနယ်တွင် ရိုလာကိုစတာစီးခြင်းကဆီးကျောက်ရောဂါအတွက်အံ့သြဖွယ်ကုထုံးတစ်ခုဖြစ်လာနိုင်သည့် လေ့လာချက်ကိုဖော်ပြထားသည်။ ထိုလေ့လာချက်ကဖြစ်ရပ်မှန်အချို့ကိုအခြေခံထားပါသည်။

ဆီးကျောက်ရောဂါခံစားရသူအမျိုးသားတစ်ဦးကရိုလာကိုစတာစီးပြီးသောအခါ သူ၏ဆီးကျောက်များ ကျသွားကြောင်းအခိုင်အမာဆိုခဲ့သည်။ ထိုဇာတ်လမ်းသည် ဆေးပညာရှင်များကိုလေ့လာမှုပြုလုပ်ရန် ဆွဲဆောင်နိုင်ခဲ့သည်။

လေ့လာမှုဖြစ်စဉ်

သုတေသီများသည် လူနာ၏ကျောက်ကပ်နှင့်တူသောသုံးဖက်မြင်ပုံစံတစ်ခပြုလုပ်ခဲ့ကြသည်။ ထိုကျောက်ကပ်ထဲတွင် ဆီးများဖြည့်ပြီးသောအခါ ဆီးကျောက်အစစ်များကိုဆီးလမ်းကြောင်း၏ အထက်ပိုင်း၊ အလယ်ပိုင်းနှင့် အောက်ပိုင်းတို့တွင် ထည့်သွင်းခဲ့ကြသည်။ လေ့လာချက်ကိုBig Thunder Mountain ဟုခေါ်သောနေရာတွင် ပြုလုပ်ခဲ့ပြီးသုတေသီများကရိုလာကိုစတာအပတ်ရေ ၂၀ ခန့်ဆက်တိုက်စီးနင်း စေခဲ့သည်။

တွေ့ရှိချက်များ

ရိုလာကိုစတာစီးမှုပြီးဆုံးလျှင်လေ့လာမှုပြုသောအခါအံ့အားသင့်စရာပင် ဆီးလမ်းကြေင်းအပေါ်ပိုင်းရှိ ကျောက်များသည် အောက်သို့ကျလာသည်ကိုတွေ့ရသည်။ သို့သော် ဆီးလမ်းကြောင်း၏ အလယ်ပိုင်းနှင့် အောက်ပိုင်းရှိကျောက်များမှာမူထူးခြားမှု မရှိသည်ကိုတွေ့ရသည်။ ထို့ပြင် ပို၍ စိတ်ဝင်စားဖွယ် အချက်မှာရိုလာကိုစတာ၏ နောက်ဘက်တွင် စီးနင်းသောလူနာများ၏ ကျောက်များကရှေ့ဘက်တွင် စီးနင်းသောလူနာများ၏ ကျောက်များထက် ပိုမို၍ အောက်သို့ကျလာသည်ကိုတွေ့ရသည်။ ထိုလေ့လာမှုမှတစ်ဆင့် သုတေသီများကလူနာများသည် ရိုလာကိုစတာစီးရင်းကုသမှုတစ်စုံတစ်ရာမလိုဘဲသေးငယ်သောဆီးကျောက်များကို ကျဆင်းစေနိုင်ကြောင်း အတည်ပြုခဲ့ကြသည်။ ထိုမှတစ်ဆင့် ပိုမိုကြီးမားသော ဆီးကျောက်များတည်ခြင်းကိုလည်းကာကွယ်နိုင်လေသည်။

မကြာသောအနာဂတ်တွင် ရိုလာကိုစတာစီးခြင်းသည်ဆီးကျောက်ရောဂါ၏ အထူးဆန်းဆုံး ကုထုံးတစ်ခု ဖြစ်လာနိုင်ပါသည်။

ဆရာဝန်များက သင့်ကို Disney World ကစားကွင်းသို့ သွားရန် ကုသမှုညွှန်ကြားချက်အဖြစ် စေလွှတ်ပေလိမ့်မည်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။



မှ ဆေးပညာပိုင်းဆိုင်ရာ စစ်ဆေးထားပါသည်။

Dr. K Zin Thwe


Dr. Ye Pyae Hein မှ ရေးသားသည်။ · 05/07/2022 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement