ကိုယ်ဝန်ဆောင်ခြင်းနှင့် ကိုယ်ဝန်ဆောင်ကာလမှာရရှိသင့်တဲ့ ဗီတာမင်များ

    ကိုယ်ဝန်ဆောင်ခြင်းနှင့် ကိုယ်ဝန်ဆောင်ကာလမှာရရှိသင့်တဲ့ ဗီတာမင်များ

    ကိုယ်ဝန်ဆောင်နေစဉ်မှာ မိခင်လောင်းတွေကို လိုအပ်တဲ့ဗီတာမင်နဲ့ အာဟာရဓါတ်တွေအလုံအလောက်ရနိုင်ဖို့ အစားအစာအမျိုးမျိုးကိုစားသုံးကြဖို့တိုက်တွန်းကြပါတယ်။ အချို့သော ဗီတာမင်တွေ ဥပမာ ဗီတာမင် A, E သို့မဟုတ် K စတာတွေကိုတော့ အနည်းငယ်လျှော့ပြီးစားသုံးသင့်တယ်ဆိုပေမယ့် သင့်ရဲ့စားသောက်မှုစနစ်ထဲမှာ ပါကိုပါသင့်တဲ့ အမျိုးမျိုးသောအာဟာရဓါတ်တွေလည်းရှိနေပါသေးတယ်။

    မိခင်လောင်းတွေနဲ့ ကိုယ်ဝန်ဆောင်အမျိုးသမီးတိုင်းရဲ့ နေ့စဉ်စားသောက်မှုပုံစံထဲမှာ ပါဝင်ဖို့လိုအပ်တဲ့အရေးကြီးတဲ့ ဗီတာမင်တွေနဲ့ အာဟာရဓါတ်အချို့ကိုဖော်ပြပေးထားပါတယ်။

    • ကယ်လ်ဆီယမ် – ကယ်လ်ဆီယမ်ဟာကလေးငယ်ရဲ့အရိုးတွေနဲ့ သွားဖွံ့ဖြိုးမှုအတွက် အလွန်ကိုအရေးကြီးပါတယ်။ နို့နဲ့ နို့ထွက်ပစ္စည်းတွေဟာ ကယ်လ်ဆီယမ်ဓါတ်ကြွယ်ဝစွာပါဝင်ပြီး မိခင်လောင်းတိုင်း စားသုံးသင့်တဲ့အရာတွေပါ။ ဒါ့အပြင် အုတ်၊ဂျုံ၊ပြောင်းစတဲ့ နံနက်စာတွေနဲ့ သင်္ဘောသဖန်းသီး (figs)တွေ၊ ဘင်္ဂလားဆီးသီးစတဲ့ သစ်သီးခြောက်တွေ၊ အစိမ်းရောင်ဟင်းသီးဟင်းရွက်တွေ (ဥပမာ-ကန်စွန်းရွက်၊ broccoli နဲ့ ကိုက်လန်) စတာတွေကိုစားသုံးခြင်း သို့မဟုတ် အချိုပွဲတွေမှာ ဗာဒံသီးနဲ့ အခွံမာသီးတွေကိုထည့်သွင်းစားသုံးခြင်းအားဖြင့်လည်း ကယ်လ်ဆီယမ်ဓါတ်ကို ရရှိနိုင်ပါတယ်။

    • ဗီတာမင် ဒီ – ဗီတာမင် ဒီဟာ အရိုးတွေ၊သွားတွေနဲ့ကြွက်သားတွေသန်မာစေဖို့ မရှိမဖြစ်လိုအပ်ပါတယ်။ ကိုယ်ဝန်ဆောင်တွေနဲ့ နို့တိုက်မိခင်တွေအပါအဝင် အရွယ်ရောက်ပြီးသူတိုင်းဟာ တစ်ရက်ကို အနည်းဆုံးဗီတာမင်ဒီ ၁၀မီလီဂရမ်လောက်လိုအပ်ပါတယ။် ငါးတွေ၊ အနှံတွေ၊ မှိုတွေကိုစားသုံးဖြင်း သို့မဟုတ် အချိုမပါတဲ့လိမ္မော်ရည်တွေနဲ့ အဆီနည်းနို့တွေကို သောက်သုံးခြင်းအားဖြင့် ဗီတာမင်ဒီကိုပိုမိုရရှိနိုင်ပါတယ်။ ဗီတာမင်ဒီကို အားဆေးအနေနဲ့သောက်ဖို့တော့ မသင့်လျော်ပါဘူး။ လူလုပ်အားဆေးတွေကို ပိုမိုသုံးစွဲခြင်းအားဖြင့် အဆီတစ်သျှူးတွေကို အန္တရာယ်အခြေအနေထိရောက်လာစေနိုင်ပါတယ်။

    • ဗီတာမင် စီ – ဗီတာမင် စီဟာ အန္တရာယ်ဖြစ်စေတဲ့ free radicals တွေကိုတိုက်ထုတ်နိုင်ပြီး ဆဲလလတေါကိုကာကွယ်ပေးကာ ခန္ဓါကိုယ်ထဲကို ကူးစက်ရောဂါဝင်မလာနိုင်အောင်တားဆီးပေးနေတဲ့ antioxidants တွေဖြစ်ပါတယ်။ သင်ဟာ ဗီတာမင် စီကို ဖြည့်စွက်စာ၊ အားဆေးပုံစံနဲ့အလွယ်တကူရရှိနိုင်ပေမယ့် အစားအစာတွေကနေပဲ ဒီအာဟာရဓါတ်ကိုစုဆောင်းတာက အကောင်းဆုံးပါပဲ။ လိမ္မော်ရောင်နဲ့ အနီရောင်ရှိတဲ့ အသီးနဲ့အပင်တွေ ဥပမာ-ဥနီ၊ လိမ္မော်သီး၊ သံပုရာ၊သင်္ဘောသီး၊ အနီရောင်ငရုတ်ပွသီးစတာတွေဟာ ဗီတာမင်စီ ကြွယ်ဝစွာပါဝင်တဲ့ အရင်းအမြစ်တွေပါပဲ။

    • သံဓါတ်- သံဓါတ်ချို့တဲ့ခြင်းဟာ မောပန်းနွမ်းနယ်ခြင်းနဲ့ သွေးအားနည်းခြင်းကိုဖြစ်ပေါ်စေပါတယ်။ ကိုယ်ဝန်ဆောင်အမျိုးသမီးတွေဟာ သာမန်အမျိုးသမီးတွေထက် သံဓါတ်ကို ပိုပြီးလိုအပ်ပါတယ်။ သံဓါတ်ကို အဆီနည်းအသားတွေ၊ အစိမ်းရောင်ဟင်းသီးဟင်းရွက်တွေ၊ သစ်သီးခြောကတွေနဲ့ အခွံမာသီးအမျိုးမျိုးကနေ အလွယ်တကူရရှိနိုင်ပါတယ်။ သင့်မှာ သံဓါတ်အားနည်းနေတာကို သတိထားမိတယ်ဆိုရင် ဆရာဝန်က သံဓါတ်အားဆေးတွေကို တိုက်ကျွေးနိုင်ပါတယ်။

    -အမျှင်ဓါတ် – အမျှင်ဓါတ်ကြွယ်ဝစွာပါဝင်တဲ့ အပင်ထွက်အစာတွေကို နေ့စဉ်စားသုံးသင့်တဲ့အဓိက အကြောင်းရင်း ၄ချက်ရှိပါတယ်။

    • အူလမ်းကြောင်းလှုပ်ရှားမှုကို ထိန်းချုပ်နိုင်ရန်။ အမျှင်တွေဟာ သင့်ရဲ့အူလမ်းကြောင်းလှုပ်ရှားမှုကို ဆေးသောက်စရာမလိုဘဲ ပုံမှန်ဖြစ်စေပါတယ်။ သင်ကဝမ်းချုပ်နေတယ်ဆိုရင်လည်း အမျှင်တွေက ကြီးမားတဲ့မစင်တုံးတွေကို အူမကြီးတစ်လျှောက်အလွယ်တကူဖြတ်သွားနိုင်စေပါတယ်။ ဒါ့အပြင် ဝမ်းသွားရာမှာအရည်တွေများတေနခဲ့ရင်လည်း အမျှင်တွေက ဒါတွေကိုထိန်းချုပ်ပြီး ပါဝင်တဲ့ရေတွေကိုစုပ်ယူထားခြင်းအားဖြင့် ခဲသွားစေနိုင်ပါတယ်။

    • ကျန်းမာတဲ့အစာချေအင်္ဂါတွေကို ထိန်းသိမ်းထားနိုင်ဖို့။ အမျှင်ဓါတ်ကြွယ်ဝစွာပါဝင်တဲ့အစားအစာတွေကိုစားသုံးခြင်းဟာ အူမကြီးထဲမှာ အိတ်ငယ်တွေဖြစ်နိုင်ချေနဲ့ လိပ်ခေါင်းရောဂါဖြစ်နိုင်ချေတွေကိုလျှော့ချပေးနိုင်ပါသလို သင့်ကလေးရဲ့ အစာခြေစနစ်ကိုလည်း ကောင်းကျိုးရစေနိုင်ပါတယ်။

    • သွေးတွင်းသကြားဓါတ်နဲ့ ကိုလက်စထရောကို ထိန်းညှိနိုင်ဖို့။ အမျှင်ဓါတ်ကြွယ်ဝတဲ့အစာတွေကို စားသုံးခြင်းဟာ သွေးတွင်းသကြားဓါတ်ပမာဏကို မျှတစေဖို့ သကြားဓါတ်ကိုစုပ်ယူရာမှာ ကောင်းမွန်စေပြီး အခြားသောအစာတွေကနေ ကိုလက်စထရောပမာဏများများရရှိခြင်းကိုလည်း ကာကွယ်ပေးနိုင်ပါတယ်။

    • ကျန်းမာရေးနဲ့ညီညွတ်တဲ့ကိုယ်အလေးချိန်ရရှိနိုင်စေဖို့။ အမျှင်ဓါတ်များတဲ့စားစရာတွေကိုရွေးချယ်စားသုံးတဲ့အခါမှာ သူတို့ဟာသင့်ကို မြန်မြန်ဗိုက်ပြည့်အေင်လုပ်ပေးပြီး အမျှင်ဓါတ်နည်းတဲ့အစာတွေကိုစားသုံးခြင်းထက် အချိန်ပိုကြာစေတာကြောင့် ကိုယ်အလေးချိန်တက်လာစေတဲ့ ကယ်လိုရီတွေကို လျှော့ပေးနိုင်ပါတယ်။

    ကိုယ်ဝန်ဆောင်အမျိုးသမီးတိုင်းဟာ နေ့စဉ်အာဟာရစားသုံးမှုတွေကို စာရင်းပြုစုထားဖို့လိုပြီး ဖြစ်နိုင်မယ်ဆိုရင်တော့ ဘယ်လိုလုပ်သင့်တယ်ဆိုတာနဲ့ပတ်သက်ပြီးသင့်ဆရာဝန်ထံမှ အကူအညီယူပါ။ အချို့သော ဗီတာမင်နဲ့ သတ္တုဓါတ်တွေကို ပိုမိုစားသုံးမိတာဟာ သင်နဲ့သင့်ကလေးအပေါ် ဆိုးကျိုးတွေသက်ရောက်စေနိုင်တာကြောင့် အစာစားတဲ့အခါမှာ အမြဲတမ်းသတိထားစားသုံးပါ။

    Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Prenatal Vitamin Limits. http://americanpregnancy.org/pregnancy-health/prenatal- vitamin-limits/. Accessed
    January 2, 2017.

    Are there any vitamins I should not take during pregnancy?. http://www.babymed.com/medications/are-there-any-vitamins-i-should-not-take-during-pregnancyAccessed January 2, 2017.

    Vitamins, supplements and nutrition in pregnancy. http://www.nhs.uk/conditions/pregnancy-and-baby/pages/vitamins-minerals- supplements-pregnant.aspx. Accessed January 2, 2017.

    စာရေးသူ ဓာတ်ပုံbadge
    Wathun Myat Chal မှ ရေးသားသည်။ 21/09/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။