မိုးရာသီမှာ ကလေးတွေကို ဘာတွေကျွေးလို့ ဘာတွေ မကျွေးသင့်ဘူးလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 18, 2020 . 2 mins read
Share now

မိုးလေးလည်းစရွာနေပြီ ကလေးတွေလည်းကျောင်းတက်ရာသီရောက်လာပြန်ပြီနော်။ကျောင်းနေအရွယ်ကလေးတွေအနေနဲ့ ကိုယ်ခန္ဓါကျန်းမာဖွံ့ဖြိုးဖို့အတွက် အာဟာရပြည့်ဝအောင် စားသုံးပေးဖို့လိုအပ်တယ်ဆိုပေမယ့် အသက်ကိုဉာဏ်စောင့်တယ်ဆိုတဲ့ စကားအတိုင်း အာဟာရဖြစ်တာကို စားမှ ခန္ဓါကိုယ်ကျန်းမာသန်စွမ်းမှာပါ။ ဒီတစ်ခေါက်တော့ မိုးစိုစိုမှာ ဘာတွေကို ကျွေးသင့်ပြီး ဘာတွေကိုရှောင်သင့်လဲဆိုတာပြောပြပေးပါရစေ။

မိုးရာသီမှာ သားသားမီးမီးတွေကိုကျွေးသင့်တာလေးတွေက

စွပ်ပြုတ် ပူပူနွေးနွေး – အာဟာရဖြစ်စေပြီး ကိုယ်ခံအားကိုကောင်းစေနိုင်ပါတယ်။ ရာသီဥတုေအးတာကြောင့် အဖျားမဝင်အောင်ကာကွယ်ပေးနိုင်ပါတယ်။ အသားတွေ နဲ့ အသီးအရွက်တွေနဲ့ စွပ်ပြုတ်ချိုချိုလေးပြုတ်ပြီး ခပ်နွေးနွေးလေးတိုက်ပေးပါ။

ကြက်သွန်ဖြူ – ကြက်သွန်ဖြူက ဓါတ်တိုးဆန့်ကျင်အာနိသင်ကြွယ်ဝစွာပါဝင်ပြီး ကိုယ်ခံအားကိုကောင်းမွန်စေတဲ့အတွက် ကြက်သွန်ဖြူကိုလည်း ကလေးအတွက်ပြင်ဆင်တဲ့ အစားအစာတွေထဲမှာ ထည့်သွင်းပြင်ဆင်ပေးပါ။

အယ်လ်မွန်စေ့ – အယ်လ်မွန်စေ့မှာ အမျှင်ဓါတ်ပါဝင်တာကြောင့် အစာခြေစနစ်ကို ကျန်းမာစေပြီး ဝမ်းဗိုက်ပြဿနာကင်းစင်စေမှာပါ။ မိုးရာသီမှာဖြစ်တဲ့ အစာခြေစနစ်ဆိုင်ရာပြဿနာတွေကိုရှောင်ရှားနိုင်စေဖို့အတွက် အယ်လ်မွန်စေ့ကိုကျွေးပေးပါ။

သလဲသီး – သလဲသီးက ကျန်းမာရေးအတွက်တော်တော်လေးအထောက်အကူပြုပါတယ်။ ကလေးကို သလဲသီးကျွေးပေးလို့ရသလို သလဲသီးကို ကြိတ်ပြီးဖျော်ရည်အဖြစ်ဖျော်တိုက်လို့လည်းရပါတယ်။ ဗီတာမင် C ပါဝင်တာကြောင့် ကိုယ်ခံအားကိုကောင်းမွန်စေပြီးရောဂါပိုးတွေကို တိုက်ထုတ်ပေးနိုင်စွမ်းရှိပါတယ်။

ပဲပြား – ပဲပြားမှာ ပရိုတင်း ကယ်လ်ဆီယမ်သံဓါတ် နဲ့ ခန္ဓါကိုယ်အတွက် မရှိမဖြစ်လိုအပ်တဲ့ အမိုင်နိုအက်ဆစ်တွေပါဝင်နေတာကြောင့် ကိုယ်ခံအားကိုကောင်းမွန်စေမှာပါ။

ရေ – ရာသီဥတုကအေးနေတာကြောင့် ကလေးကရေမသောက်မိတာမျိုးဖြစ်နိုင်ပါတယ်။ ဒါပေမယ့် မိဘတွေအနေနဲ့ ကလေးငယ်ကိုရေတိုက်ပေးပါ။ ခန္ဓါကိုယ်မှာရေဓါတ်ပြည့်ဝနေတာကလည်းရောဂါပိုးတွေကို တိုက်ထုတ်ရာမှာ အထောက်အကူဖြစ်စေနိုင်ပါတယ်။

ကြက်ဟင်းခါးသီး – ကြက်ဟင်းခါးသီးက အခါးဓါတ်ရှိတာကြောင့် ကလေးတော်တော်များများကတော့မကြိုက်ပါဘူးဖြစ်နိုင်ရင် နည်းနည်းလောက်တော့ဆေးဖြစ်ဝါးဖြစ်လေးကျွေးပေးပါ။ ကြက်ဟင်းခါးသီးကရောင်ရမ်းမှုကိုလျော့ကျစေနိုင်သလို မှိုပိုးတွေနဲ့ရောဂါဖြစ်စေနိုင်တဲ့ ဗိုင်းရပ်စ်တွေကို တိုက်ဖျက်နိုင်စွမ်းရှိတာကြောင့် ကလေးကို မိုးတွင်းမှာရောဂါကင်းအောင် ကြက်ဟင်းခါးသီးကျွေးပေးပါ။

မက်မွန်သီး – မက်မွန်သီးမှာ ဗီတာမင် A နဲ့ ဗီတာမင် C တို့ပါဝင်တာကြောင့် မုတ်သုံရာသီမှာ ကလေးရဲ့ ဆံသားကို ထိခိုက်ပျက်စီးတာမျိုး မဖြစ်အောင်ကာကွယ်ပေးနိုင်မှာပါ။ ဒါကြောင့် အခုလိုမိုးရာသီမှာ ကလေးကို မက်မွန်သီးကျွေးပေးပါ။

မိုးရာသီမှာ သားသားမီးမီးတို့ကိုပေးမစားသင့်တာတွေက

သရက်သီး – အခုရာသီက သရက်သီးလှိုင်လှိုင်ပေါတာမှန်ပေမယ့် သားသားမီးမီးတို့ကိုတော့ မကျွေးပါနဲ့။ ဝမ်းပျက်ဝမ်းလျှောဖြစ်နိုင်တာကြောင့်ပါ။

ယင်နားစာတွေ – မိုးရာသီမှာ ကလေးတွေကို လမ်းဘေးမှာရောင်းနေတဲ့ ဖုံးအုပ်ထားတာမရှိတဲ့ အစားအစာမျိုးတွေကို မကျွေးပါနဲ့။ မသန့်ရှင်းတဲ့ အစားအစာတွေက ကလေးကိုနာမကျန်းဖြစ်စေနိုင်ပါတယ်။

ဒိန်ချဉ် – ဒိန်ချဉ်က ခန္ဓါကိုယ်အတွက်ကောင်းတယ်ဆိုပေမယ့် မိုးရာသီမှာတော့ သားသားမီးမီးတွေကို မတိုက်သင့်ပါဘူး။ အကြောင်းကတော့ မုတ်သုံရာသီမှာ ကလေးတွေက ဖျားနာတတ်တာကြောင့် ဖျားနာနေတဲ့အခါ ဒိန်ချဉ်တိုက်မိရင်ချောင်းဆိုးတာနဲ့ လည်ချောင်းနာတာတွေကို ပိုဆိုးစေနိုင်တာကြောင့်ပါ။

နို့ နွားနို့နဲ့ နို့ထွက်ပစ္စည်းတွေက အစာကြေခဲတယ်ဆိုတာကိုတော်တော်များများကသိထားပြီးသားပါ။ မိုးရာသီလိုမျိုးအေးမြနေတဲ့ အနေအထားမှာ ကလေးကို နို့နဲ့နို့ထွက်ပစ္စည်းတွေဝယ်ကျွေးမယ်ဆိုရင် အစာကြေခဲတဲ့ပြဿနာကိုရင်ဆိုင်ရနိုင်ပါတယ်။

အချိုရည် -အေးနေတဲ့ရာသီမှာ အလွယ်တကူချွဲကြပ်တာမျိုးဖြစ်နိုင်တာကြောင့် ကလေးကို အခုလိုမျိုး မိုးရာသီမှာ အချိုရည်တွေတိုက်တာ၊ သကြားလုံးကျွေးတာနဲ့ အချိုလွန်ကဲတဲ့ အစားအစာတွေကို မကျွေးသင့်ပါဘူး။

ရေခဲမုန့်၊ရေခဲချောင်း – တစ်ခါတလေအေးနေတဲ့အချိန်မှာမှ သားသားမီးမီးတွေကရေခဲချောင်းစားချင်တယ်၊ရေခဲမုန့်စားချင်တယ်ဆိုပြီး ပူဆာတာမျိုးဖြစ်နိုင်ပါတယ်။ ကလေးစိတ်ချမ်းသာအောင်ကျွေးလိုက်မယ်မလုပ်ပါနဲ့။နေထိုင်မကောင်းတာ၊ချောင်းဆိုးတာ ရင်ကြပ်တာတွေဖြစ်လာနိုင်ပါတယ်။ ဒါကြောင့် မိုးရာသီမှာ ကလေးတွေကို မကျွေးသင့်တဲ့ အစားအစာတွေထဲမှာရေခဲချောင်းနဲ့ရေခဲမုန့်ကိုထည့်ထားလိုက်ပါ။

လက်သုပ်စုံတွေ – လက်သုပ်စုံတွေ လက်လုပ်ချဉ်တွေက ဝမ်းပျက်ဝမ်းလျှောဖြစ်နိုင်ပါတယ်။ ဒီအစားအစာတွေမှာ ရောဂါပိုး ပါဝင်နေနိုင်ခြေက တော်တော်လေးများပါတယ်။ ဒါကြောင့် ကလေးကို မိုးရာသီမှာ လက်သုပ်စုံတွေ လက်လုပ်ချဉ်တွေ မကျွေးပါနဲ့။

လှီးထားပြီးသားသစ်သီးတွေ – ကလေးကို မိုးရာသီမှာ သစ်သီးတွေကျွေးတဲ့အခါသေချာရေဆေးပြီး ကိုယ်တိုင် အိမ်မှာပြင်ဆင်ကျွေးမွေးသင့်ပါတယ်။ အလွယ်တကူဝယ်လို့ရတဲ့ လှီးထားပြီးသားပြင်ဆင်ထားပြီးသားအသီးအနှံတွေကို မကျွေးပါနဲ့။ မမြင်ရတဲ့ရောဂါပိုးတွေ ကပ်ညှိနေနိုင်တာကြောင့်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ပင်ပန်းလာရင် အိပ်သင့်ရဲ့လား အိပ်လိုက်ရင် ဘာတွေ အကျိုးရှိနိုင်မလဲဆိုတာ ပြောပြချင်ပါတယ်။ လုပ်နေကျ အလုပ်တွေကို လုပ်ဖို့တောင် ခက်ခဲလာပြီဆိုရင် သေချာတာကတော့ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြောက်ရွံ့နေတာတွေ ကို သက်သာစေမယ့် အစားအသောက်များ

ကြောက်ရွံ့နေတာတွေ ကို သက်သာစေဖို့ အစားအစာလေးတွေ စားပေးလို့ ရတယ်ဆိုတာကို သိပြီးပြီလား...... ကြောက်ရွံ့တာကို သက်သာစေမယ့် အစားအစာတွေက ဘာတွေ ဖြစ်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

တစ်နေ့တာကို သက်လုံ ကောင်းကောင်း နဲ့လှုပ်ရှားနိုင်စေဖို့

သက်လုံ လို့ဆိုလိုက်ရင် အားကစားသမားတွေနဲ့ပဲ ဆိုင်တယ်လို့ ပြေးမြင်ကြပါတယ်။ သက်လုံကောင်းမှ နေ့စဉ်ဘဝမှာ လုပ်ငန်းဆောင်တာတွေကို အကောင်းဆုံးလုပ်နိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အရေပြား ဓာတ်မတည့်မှု

အရေပြား ဓာတ်မတည့်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 3, 2021 . 2 mins read
အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 2, 2021 . 2 mins read