ဝက်သက်ကတော့ မျောက်ကျောက်ရောဂါလိုမျိုး အရည်ကြည်ဖုထွက်လေ့မရှိပါဘူး။ ဒါပေမယ့် အနီစက်တွေ၊ အပိမ့်တွေ ထွက်တာကြောင့် မှားနိုင်ခြေ ရှိပါတယ်။ ဝက်သက်မှာ အနီစက်တွေက မျက်နှာ (ဆံစပ်တလျှောက်) မှာ စပေါ်ပါတယ်။ ပြီးမှ လည်ပင်း၊ ကိုယ်လုံး၊ ခြေလက်တွေကို ပြန့်သွားတာ ဖြစ်ပါတယ်။ အနီစက်တွေ ပေါင်းပြီး အနီကွက်လည်း ဖြစ်လာနိုင်ပါတယ်။ အနီစက်တွေအပြင် ခြင်ကိုက်ဖုလို အပိမ့်တွေလည်း ထွက်လာနိုင်ပါတယ်။ အနီစက်တွေ စထွက်တဲ့အခါ အဖျား ၁၀၀ဒီဂရီဖာရင်ဟိုက်ကျော်အထိ တက်နိုင်ပါတယ်။
အရေပြားပိုးဝင်တာ အထူးသဖြင့် ဘက်တီးရီးယားပိုးဝင်တာကြောင့် ဖြစ်တဲ့ အရည်ကြည်ဖုတွေ၊ ပြည်ဖုတွေနဲ့ မှားတတ်ပါတယ်။ Staphylococcusကြောင့်ဖြစ်တဲ့ အနာစက်၊ အနာပဆုပ်၊ ဂနို စတာတွေမှာ အဖုတွေ အပိမ့်တွေ ထွက်တတ်ပါတယ်။ ကွာတာက ပိုးဝင်တဲ့နေရာမှာပဲ တွေ့ရတတ်ပြီး တစ်ကိုယ်လုံးမှာ ဖြစ်တာမျိုး ရှားပါတယ်။ ပိုးတွေက အရေပြားအနှံ့ပြန့်သွားရင်တော့ ခန္ဓာကိုယ်နေရာတော်တော်များများမှာ တွေ့ရနိုင်ပါတယ်။
ဝဲကတော့ အနီရောင်အစက်တွေကို လက်ချောင်းကြား၊ လက်ကောက်ဝတ်၊ တံတောင်ဆစ်၊ တင်ပါး စတဲ့နေရာတွေမှာ တွေ့ရပါတယ်။ မျက်နှာ၊ လည်ပင်း၊ ခြေဖဝါး၊ လက်ဖဝါးမှာ ဖြစ်တာကတော့ ကလေးငယ်လေးတွေမှာပဲ တွေ့ရတတ်ပါတယ်။ ဝဲယားလို့ ကုတ်ရာကနေ အပေါ်က Staphylococcus ပိုးဝင်ပြီး အရည်ကြည်ဖုတွေ ပေါက်လာနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။