ကြောင်လျှာသီးကို လူတော်တော်များများက စားကြပေမယ့် ကြောင်လျှာပွင့်လေးတွေ ကိုတော့ စားတဲ့လူက သိပ်မများကြပါဘူး။ တကယ်ကတော့ ကြောင်လျှာသီးက စားကောင်းသလို ကြောင်လျှာပွင့်လေးတွေကလည်း စားလို့ ကောင်းပါတယ်။
ကြောင်လျှာသီးကို လူတော်တော်များများက စားကြပေမယ့် ကြောင်လျှာပွင့်လေးတွေ ကိုတော့ စားတဲ့လူက သိပ်မများကြပါဘူး။ တကယ်ကတော့ ကြောင်လျှာသီးက စားကောင်းသလို ကြောင်လျှာပွင့်လေးတွေကလည်း စားလို့ ကောင်းပါတယ်။
အတို့အမြှုပ်အနေနဲ့ စားလို့ကောင်းတဲ့ ကြောင်လျှာပွင့်လေးက ကျန်းမာရေးအတွက် ဘယ်လို အထောက်အကူပြုပေးလဲဆိုတာကို ဆောင်းပါးလေးထဲမှာ ပြောပြပေးသွားပါမယ်။
ကြောင်လျှာပွင့် ဆိုတာက ကြောင်လျှာပင်ရဲ့ အပွင့်ပါ။ ပန်းပွင့် အတွင်းပိုင်းက အဝါရောင်ဖျော့ဖျော့လေးနဲ့ အပြင်ဘက်ကတော့ အနီရောင် ခပ်ဖျော့ဖျော့လေး ရှိပါတယ်။
အသားထူထူလေးနဲ့ စားလိုက်ရင် ထုတ်ထုတ်နဲ့ စားကောင်းလှပါတယ်။ ပြုတ်ပြီး ငပိရည်နဲ့ တို့လို့ ရသလို ပြုတ်ပြီး ပါးပါးလှီး ဆီချက်၊ မြေပဲထောင်း၊ ကြက်သွန်စိမ်း၊ နှမ်း၊ ပုစွန်ခြောက်မှုန့်တို့နဲ့ သံပုရာရည်လေး ညှစ်ပြီး သုပ်စားရင်လည်း စားလို့ ကောင်းပါတယ်။
ထမင်းနဲ့ တွဲစားလို့ ရသလို အခါး ကြိုက်သူတွေအတွက်ကတော့ အဆာပြေ ရေနွေးကြမ်းလေးနဲ့ တွဲသောက်လို့လည်း ရပါတယ်။
ကြောင်လျှာပွင့်လေးကလည်း ကြောင်လျှာသီး၊ ကြောင်လျှာရွက်တို့လိုပဲ ဆေးဖက်ဝင် အာနိသင်လေးတွေ ရှိပါတယ်။ ဘယ်လို ဆေးဖက်ဝင်တာလဲဆိုတော့ ကြောင်လျှာပွင့်ကို စားပေးတာက
သွေးတွင်းသကြားဓာတ်ကို ထိန်းညှိပေးနိုင်ပါတယ်။ ဆီးချိုရှိသူတွေ စားသုံးပေးလို့ရပါတယ်။ ဆီးချိုကို သက်သာစေနိုင်သလို ကာကွယ်ဖို့အတွက်လည်း စားပေးလို့ရပါတယ်။ သွေးတွင်းသကြားဓာတ် ကျတတ်သူတွေကတော့ အများကြီး မစားသင့်ပါဘူး။
ကျန်းမာနေစေဖို့ဆိုရင် ဇီဝကမ္မဖြစ်စဉ် ကောင်းမွန်ဖို့ လိုပါမယ်။ ဒီတော့ ဇီဝကမ္မ ဖြစ်စဉ် ကောင်းမွန်စေဖို့ ကြောင်လျှာပွင့်ကို စားပေးလို့ ရပါတယ်။ ကြောင်လျှာပွင့်က သွေးတွင်းသကြားဓာတ်ကို ထိန်းညှိပေးသလို ဇီဝကမ္မဖြစ်စဉ်ကိုလည်း တိုးတက်ကောင်းမွန် စေနိုင်ပါတယ်။
ကြောင်လျှာပွင့်ရဲ့ နောက်ထပ်အာနိသင်တစ်ခုက အစာခြေစနစ်ကို ကျန်းမာစေတာပါ။ အူနံရံတွေ၊ အစာအိမ်နံရံတွေက ဆဲလ်တွေကို ကျန်းမာစေပြီး အစာအိမ် အနာဖြစ်တာတွေကိုလည်း သက်သာစေနိုင်ပါတယ်။
အူနံရံတွေကို အာဟာရ ကောင်းကောင်း စုပ်ယူနိုင်စေဖို့ ထောက်ကူပေးပါတယ်။
ကြောင်လျှာပွင့် ကို အရေပြား ဓာတ်မတည့်မှုတွေကိုလည်း သက်သာစေနိုင်ပြီး ဝက်ခြံ အပါအဝင် အရေပြားပြဿနာတွေကြောင့် ရောင်ရမ်းမှုတွေကို သက်သာစေနိုင်ပါတယ်။
ကြောင်လျှာပွင့် ရဲ့ နောက်ထပ် ဆေးဖက်ဝင်မှု တစ်ခုက ဆီးရွှင်စေတာပါ။ ဆီးနည်းနေသူတွေ ဆီးသွားရခက်နေသူတွေ စားသုံးပေးလို့ ရပါတယ်။
သွေးထဲမှာ ကိုလက်စထရော များတာက သွေးကြောကျဉ်းတာ၊ နှလုံး ကျန်းမာရေး ထိခိုက်စေတာတွေကို ဖြစ်စေနိုင်ပါတယ်။ ဒါကြောင့် သွေးတွင်းကိုလက်စထရောတွေကို လျှော့ချဖို့ဆိုရင် သဘာဝဆေးနည်း တစ်ခုက ကြောင်လျှာပွင့် စားပေးတာပါ။
ကြောင်လျှာပွင့် စားပေးရင်း ရရှိမယ့် နောက်ထပ် အကျိုးကျေးဇူးတစ်ရပ်က အူသိမ်ဦးပိုင်းကို သည်းခြေရည်ရောက်ရှိမှု ကောင်းစေဖို့အတွက် သည်းခြေအိတ်ကနေ သည်းခြေရည် များများ ထွက်ရှိအောင် လှုံ့ဆော်ပေးတာပါ။
ဒါတွေအပြင် ကြောင်လျှာပွင့်က
ကဲ …. ကြောင်လျှာပွင့်လေးတွေ ကလည်း အခုလိုလေးတွေ ဆေးဖက်ဝင်ပါတယ်။
ကြောင်လျှာပွင့်က ပုံမှန်အားဖြင့် အသုံးပြုဖို့ ဘေးကင်းပါတယ်။ ရေတိုမှာပေါ့။ ဒါပေမယ့် ကြောင်လျှာပွင့်ကို အခြားကျန်းမာရေးပြဿနာတွေအတွက် ဆေးသောက်နေရတာရှိရင် တွဲသောက်တာမျိုး မလုပ်ပါနဲ့။။
ကြောင်လျှာပွင့်နဲ့ ပတ်သက်ပြီး ကောင်းကျိုး၊ ဆိုးကျိုးတွေကို ဆက်လက်လေ့လာဖို့ လိုပါသေးတယ်။ သဘာဝဆေးဖက်ဝင်ဆိုပေမယ့် အလွန်အကျွံ သုံးစွဲတာ သေချာသန့်စင်တာမျိုး မရှိဘူးဆိုရင် ခန္ဓာကိုယ်ကို ထိခိုက်စေနိုင်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Aye Thi Mon
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။