home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

မမျိုးပွားအင်္ဂါများ ရောင်ရမ်းသည့်ရောဂါ

မမျိုးပွားအင်္ဂါများ ရောင်ရမ်းသည့်ရောဂါ

လုံခြုံစိတ်ချရမှုမရှိတဲ့ လိင်ဆက်ဆံမှုကတဆင့် သားဥပြွန်သားအိမ်နဲ့ သားဥအိမ်များကို ကလာမိုင်းဒီးယား သို့မဟုတ် ဆီးပူညောင်းကျရောဂါ ကူးစက်ခံရခြင်းကို မမျိုးပွားအင်္ဂါများ ရောင်းရမ်းသည့်ရောဂါ (Pelvic inflammatory disease/ PID) လို့ခေါ်ပါတယ်။

ဒီရောဂါရှိသူတွေဟာ အပျော့စားကနေ အပြင်းစား ရောဂါလက္ခဏာတွေ ခံစားရနိုင်သလို ရောဂါလက္ခဏာ လုံးဝမပြတာမျိုးလည်း ဖြစ်နေနိုင်ပါတယ်။

PID ကြောင့် ဖြစ်လာနိုင်တဲ့ လက္ခဏာတွေကတော့

PID ကို မကုသဘဲထားရင် မမျိုးပွားအင်္ဂါအားလုံးဆီပျံ့နှံ့ပြီး ရေရှည်မှာ အောက်ဖော်ပြပါ ပြဿနာတွေ ဖြစ်လာနိုင်ပါတယ်။

စမ်းသပ်စစ်ဆေးရှာဖွေခြင်း

ဒီရောဂါရှိ၊မရှိ စောစော စမ်းသပ်စစ်ဆေးရှာဖွေခြင်းအားဖြင့် အဆိုပါပြဿနာတွေ ဖြစ်လာနိုင်ခြေကို လျှော့ချနိုင်ပါတယ်။ ခန္ဓာကိုယ်စမ်းသပ်စစ်ဆေးခြင်း၊ မမျိုးပွားအင်္ဂါများ စမ်းသပ်စစ်ဆေးခြင်း၊ ကိုယ်ဝန်ရှိ၊မရှိ စစ်ဆေးခြင်း၊ သွေးနှင့်ဆီး ပိုးဝင်ခြင်းရှိမရှိ စစ်ဆေးခြင်း စတဲ့ စစ်ဆေးမှုများ ပြုလုပ်ပြီး PID ရှိ၊ မရှိ ရှာဖွေအတည်ပြုနိုင်ပါတယ်။ အာလ်ထရာဆောင်း သို့မဟုတ် CAT (CT) scan ရိုက်ခြင်းအားဖြင့်လည်း မမျိုးပွားအင်္ဂါတွေရဲ့ အခြေအနေ၊ သားဥပြွန်နဲ့ သားဥအိမ်များ ပြည်တည်ခြင်း ရှိမရှိ၊ နေရာလွဲမှား သန္ဓေတည်ခြင်းရှိ၊ မရှိ သိရှိနိုင်ပါတယ်။

ကုသခြင်း

PID ဖြစ်ရခြင်းရဲ့ အဓိကတရားခံဖြစ်တဲ့ ပိုးဝင်ခြင်းကို ကုသဖို့ ရက်သတ္တပတ် ၂ပတ်အထိ ပဋိဇီဝပိုးသတ်ဆေးများ သောက်သုံးရဖို့ရှိသလို မိမိသောက်ရမယ့် အကြိမ်ရေနဲ့ ဆေးပမာဏအတိုင်း မပျက်မကွက် အတိအကျသောက်သုံးဖို့ အရေးကြီးပါတယ်။ ဒါ့အပြင် PID ရောဂါရှိသူ အမျိုးသမီးတိုင်း ကုသမှုစတင်ပြီး ၂ရက် ၃ရက်အတွင်း အခြေအနေတိုးတက်မှုရှိမရှိ ပြန်လည်စစ်ဆေးမှုခံယူဖို့ မဖြစ်မနေ လိုအပ်ပါတယ်။ အဖျားတက်ခြင်း၊ အော့အန်ခြင်း၊ ဆေးသောက်ရုံနှင့် ရောဂါမသက်သာခြင်း၊ ကိုယ်ဝန်ရှိခြင်း စတဲ့ အခြေအနေတွေမှာ ဆေးရုံတက်ကုသရမှာဖြစ်ပြီး မမျိုးပွားအင်္ဂါတွေ ပြည်တည်တဲ့အဆင့်ထိ ရောက်လာခဲ့ရင်တော့ ခွဲစိတ်ကုသမှုခံယူဖို့ လိုအပ်နိုင်ပါတယ်။

PID သာမက လိင်ကတဆင့်ကူးစက်တတ်တဲ့ ရောဂါတွေ ရရှိမလာအောင် ကာကွယ်နိုင်မယ့် အကောင်းဆုံးနည်းလမ်းကတော့ လုံခြုံစိတ်ချရတဲ့ လိင်ဆက်ဆံမှု အလေ့အကျင့်များကို လိုက်နာဆောင်ရွက်ဖို့နဲ့ လိင်ဆက်ဆံတဲ့ အဖော်အရေအတွက်ကို တတ်နိုင်သမျှ ကန့်သတ်ဖို့ပဲ ဖြစ်ပါတယ်။ ဒါ့အပြင် သင်ရော သင့်အဖော်ပါ ဆရာဝန်နဲ့ ပုံမှန်ပြသပြီး အဆိုပါရောဂါတွေရှိ၊မရှိ ပုံမှန်စစ်ဆေးဖို့ အလွန်အရေးကြီးကြောင်း အသိပေးလိုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Pelvic inflammatory. http://www.mayoclinic.org/diseases-conditions/pelvic-inflammatory-disease/basics/definition/con-20022341. Accessed August 29, 2016.

Pelvic inflammatory. https://medlineplus.gov/ency/article/000888.htm. Accessed August 29, 2016.

Pelvic inflammatory. http://www.webmd.com/women/guide/sexual-health-your-guide-to-pelvic-inflammatory-disease#1. Accessed August 29, 2016.

Pelvic inflammatory. http://www.cdc.gov/std/pid/stdfact-pid.htm. Accessed August 29, 2016.

စာရေးသူ ဓာတ်ပုံbadge
Dr. Ye Mhan Linn မှ ရေးသားသည်။ 18 နာရီ အကြာက တွင် ပြန်လည်ပြင်ဆင်ခဲ့သည်။
Dr. Kaung Thar မှ အချက်အလက် စစ်ဆေးထားပါသည်။