ဗီတာမင် D၊ ပရိုတင်း၊ ကယ်လ်ဆီယမ်တို့ ကြွယ်ဝစွာပါဝင်နေတဲ့ အဆီထုတ်ထားတဲ့ နို့ ဒါမှမဟုတ် အဆီပါဝင်မှု နည်းတဲ့ နို့ထွက်ပစ္စည်းတွေက အဆာခံနိုင်စေပြီး ကျန်းမာတဲ့ ကိုယ်အလေးချိန် ရအောင် ထိန်းညှိပေးသလို အိပ်-ဟောက်- အသက်ရှူပိတ်ရောဂါ မဖြစ်အောင် ကာကွယ်ပေးပြီး ကိုယ်အလေးချိန် ထိန်းညှိခြင်းအားဖြင့် သက်သာလာစေဖို့လည်း ထောက်ကူပေးပါတယ်။
အဝလွန်တာကို အကြောင်းအရင်း တစ်ချက်က ပြည့်ဝဆီတွေပါ။ တိရစ္ဆာန်ကနေ ရတဲ့ အဆီတွေပေါ့။ ဒါကြောင့် စားသုံးဆီ ရွေးတဲ့အခါ အပင်ကနေ အခြေခံပြီး ထုတ်ထားတဲ့ မပြည့်ဝဆီတွေကို ရွေးချယ်ဖို့ လိုပါမယ်။ ဥပမာ – နေကြာဆီ၊ သံလွင်ဆီ၊ နှမ်းကြတ်စေ့ဆီ၊ ကာနိုလာဆီ၊ ပဲပိစပ်ဆီ စတာတွေပါ။
နှံစားသီးနှံတွေကလည်း သစ်သီးတွေ ဟင်းသီးဟင်းရွက်တွေလိုပါပဲ အမျှင်ဓာတ် ကြွယ်ဝသလို အာဟာရလည်း ကြွယ်ဝပါတယ်။ အမျှင်ဓာတ် ကြွယ်ဝတာကြောင့် အဆာခံနိုင်စေပြီး အလွန်အကျွံ စားမိတာမျိုး မဖြစ်အောင် ကာကွယ်ပေးပါတယ်။ ဒါကြောင့် ဂျုံကြမ်းပေါင်မုန့်၊ အုတ်ဂျုံ၊ ဆန်လုံးညို စတာတွေကို စားသုံးပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။