သပွတ်သီးရဲ့ဆေးဖက်ဝင် အာနိသင်များ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

သပွတ်သီးဟာ သူ့ရဲ့အာဟာရအာနိသင်ကြောင့် အာရှတလွှားနဲ့ အမေရိကန်မှာ စိုက်ပျိုးစားသုံးနေကြတဲ့ အသီးတစ်မျိုးဖြစ်ပါတယ်။ မြန်မာနိုင်ငံမှာတော့ သပွတ်သီးကို နုတဲ့အချိန်မှာ ချက်ပြုတ်စားသောက်လို့ရပြီး အသီးကရင့်လာတဲ့အချိန်ကျရင် အရောင်ရင့်လာပြီးအမျှင်တွေယှက်နေတဲ့ သပွတ်အူကို ပန်းကန်ဆေး၊ အိုးတိုက်တဲ့ အစအဖြစ် အသုံးပြုကြပါတယ်။

သူ့မှာ ကာဗိုဟိုက်ဒရိတ်နဲ့ ဗီတာမင်အေ အပြင် ပိုတက်စီယမ်၊မဂ္ဂနိစ်၊ကော့ပါး၊ ဗီတာမင် B6၊ ဗီတာမင် စီတို့လည်းပါဝင်ပါတယ်။ဓါတ်တိုးဆန့်ကျင်ပစ္စည်းတွေ၊ ဗီတာမင်တွေ၊ အာဟာရဓါတ်တွေနဲ့ အဆီဓါတ်၊ သတ္ထုဓါတ်တွေပါဝင်တဲ့သပွတ်သီးဟာ စွယ်စုံအသုံးဝင်တဲ့သဘာဝပစ္စည်းဖြစ်ပါတယ်။

အလှအပရေးရာမှာဆို အရောင်ကျစေဖို့နဲ့ အသားအရေအဆိပ်ထုတ်ဖို့ သပွတ်သီးအမှုန့်ကို အလှကုန်ပစ္စည်းတွေမှာသုံးကြပါတယ်။ အမျိုးသမီးတွေမှာ ရာသီသွေး ထိန်ရင်လည်း သပွတ်သီးက အကျိုးပြုပါတယ်။ ကလေးငယ်ရှိတဲ့မိခင်တွေမှာလည်း နို့ထွက်များစေတယ်လို့ ဆိုပါတယ်။ တခါတရံကျရင် သပွတ်သီးအတွင်းသားကို အရေပြားမှာပွတ်ပေးရင် အရေပြားဆဲလ်သေတွေကို ဖယ်ရှားပြီး အသားအရေကို ဝင်းလက်စေတယ်လို့ပြောကြပါတယ်။ သပွတ်အူနဲ့ပြုလုပ်ဖန်တီးထားတဲ့Luffa charcoal ကို မျက်နှာနဲ့ မျက်လုံးတဝိုက်ရေယုန်တွေပေါ် လိမ်းကြတယ်လို့ လည်း သိရပါတယ်။

သပွတ်သီးရဲ့ ကျန်းမာရေးအကျိုးကျေးဇူးတွေကတော့သွေးတွင်းသကြားဓါတ်ကိုလျော့ကျစေပြီး ဝမ်းချုပ်ခြင်းကိုကာကွယ်ပေးတဲ့အပြင် ကိုယ်အလေးချိန်ကိုကျဆင်းစေပြီး ခန္ဓါကိုယ်ထဲက အဆိပ်အတောက်တွေကိုဖယ်ရှားသန့်စင်ပေးပါတယ်။ ကျန်တဲ့ အာနိသင်တွေကတော့ –

  • မျက်စိမြင်လွှာယိုယွင်းခြင်းကို ကာကွယ်ပေးပါတယ်။ သပွတ်သီးမှာပါတဲ့ ဗီတာမင်အေကြောင့် မျက်စိနဲ့ပတ်သက်တဲ့ပြဿနာတွေကို ကာကွယ်ပေးနိုင်ပါတယ်။
  • နှလုံးကျန်းမာရေးအတွက်ကောင်းပါတယ်။ ဗီတာမင်အေကြောင့်ပဲ မကောင်းတဲ့ ကိုလက်စထရောနဲ့triglycerides ကိုလျော့နည်းစေတဲ့အတွက် နှလုံးရောဂါအန္တရာယ်ကိုလျော့နည်းစေပါတယ်။
  • ဆီးချိုရောဂါကိုကာကွယ်ပေးပါတယ်။ မဂ္ဂနိစ်က အစာချေဖျက်ပေးတဲ့အင်ဇိုင်းတွေကို ထုတ်ပေးရာမှာ အရေးပါတဲ့အတွက် gluconeogenesis အင်ဇိုင်းစနစ်အတွက် အသုံးဝင်ပါတယ်။ မဂ္ဂနိစ်ဟာ အင်ဆူလင်စွန့်ထုတ်မှုကိုမြှင့်တင်ပေးပြီးmitochondrial လုပ်ဆောင်ချက်တွေကို တိုးတက်စေနိုင်တယ်လို့ သုတေသနတွေ့ရှိချက်တွေကဖော်ပြပါတယ်။
  • ကြွက်သားနာကျင်ကိုက်ခဲမှုမဖြစ်စေပါ။ သူ့မှာပါဝင်တဲ့ ပိုတက်စီယမ်က အရည်ဓါတ်တွေကိုငြိမ်စေပြီး ကြွက်သားကိုပြေလျော့စေပါတယ်။ ပိုတက်စီယမ်ချို့တဲ့ရင် ကြွက်တက်ခြင်း၊ နာကျင်ကိုက်ခဲခြင်းနဲ့အကြောဆွဲခြင်းတို့ဖြစ်စေနိုင်ပါတယ်။
  • အဆစ်ရောင်နာကိုသက်သာစေပါတယ်။သပွတ်သီးမှာ အရောင်ကျစေတဲ့အာနိသင်ပါရှိတဲ့ ကော့ပါးဓါတ်ကြောင့် အဆစ်ရောင်ရောဂါနဲ့ ပတ်သက်တဲ့တောင့်တင်းမှု၊ နာကျင်ကိုက်ခဲမှုတွေကို သက်သာစေပါတယ်။ ဒါ့ကြောင့်ပဲ အဆစ်ရောင်ဝေဒနာရှင်တွေက နာကျင်မှုသက်သာစေမယ်ဆိုတဲ့ယုံကြည်ချက်နဲ့ကော့ပါး လက်ပတ်တွေဝတ်ဆင်ကြတာဖြစ်ပါတယ်။
  • သွေးအားနည်းခြင်းကို ကုသနိုင်ပါတယ်။ဗီတာမင်B6ကြောင့်သွေးတွင်းဟေမိုဂလိုဘင် ထုတ်လုပ်မှုပိုကောင်းစေပြီးသွေးအားကောင်းစေပါတယ်။
  • အရေပြားအတွက်ကောင်းပါတယ်။ ဗီတာမင်စီက အရေပြားကျန်းမာရေးအတွက်ကောင်းပြီး အသားအရေခြောက်သွေ့မှု၊ အရေးအကြောင်းဖြစ်ခြင်း၊ အရွယ်မတိုင်မီ ရင့်ရော်ခြင်းတို့ကို တားဆီးပေးပါတယ်။ ဗီတာမင် စီဟာ ကြွက်သား၊အရေပြား၊သွေးကြောနဲ့ အရွတ်တို့ ဖွဲ့စည်းတည်ဆောက်ဖို့ ပရိုတင်းထုတ်လုပ်မှုမှာ အရေးပါပါတယ်။နောက်တစ်ချက်ကတော့ အနာကျက်မြန်တာပဲဖြစ်ပါတယ်။
  • ခေါင်းတစ်ခြမ်းကိုက်ဝေဒနာကို သက်သာစေပါတယ်။သပွတ်သီးက မဂ္ဂနီဆီယမ်ကြောင့်ခေါင်းတစ်ခြမ်းကိုက်ဝေဒနာကို သက်သာစေတာဖြစ်ပါတယ်။ မဂ္ဂနီဆီယမ်က ခန္ဓါကိုယ်ထဲကneurotransmittersတွေကို ထိန်းညှိရာမှာ အထောက်အကူပေးတာကြောင့် အခုလိုအစွမ်းသတ္တိရှိစေတာဖြစ်ပါတယ်။
  • ဦးနှောက်ကျန်းမာရေးအတွက်လည်း အကျိုးပြုပါတယ်။ ဦးနှောက်ရဲ့လုပ်ဆောင်ချက်ကောင်းမွန်စေဖို့အောက်ဆီဂျင်လိုအပ်ပါတယ်။ ဒါပေမယ့်သံဓါတ်အလုံအလောက်မရှိရင် ဦးနှောက်ဆီကိုအောက်ဆီဂျင်မရောက်နိုင်ပါဘူး။ ဒါ့ကြောင့်သံဓါတ်ချို့တဲ့ခြင်းကသွေးအားနည်းခြင်းအပြင် စိတ်မငြိမ်ခြင်း၊စိတ်တိုလွယ်ခြင်း၊အာရုံမစူးစိုက်နိုင်ခြင်းတို့ကိုပါဖြစ်စေနိုင်ပါတယ်။
  • အမျိုးအစား၂ ဆီးချိုရောဂါ ။သပွတ်သီးက ဂလူးကို့စ်ရဲ့ဇီဝဖြစ်စဉ်အတွက်လိုအပ်တဲ့ မဂ္ဂနီဆီယမ်ပမာဏ အများအပြားပါဝင်တာကြောင့် အမျိုးအစား၂ ဆီးချိုရောဂါဖြစ်နိုင်ခြေကိုလျော့နည်းစေပါတယ်။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အင်ဆူလင်အာနိသင် ပိုမိုထိရောက်စေမည့် နေထိုင်စားသောက်ပုံများ

အင်ဆူလင်ဟာ ပန်ခရိယကနေ ထုတ်လုပ်လိုက်တဲ့ ဟော်မုန်းပါ။ သွေးတွင်းသကြားဓာတ်ကို ထိန်းညှိပေးဖို့ မရှိမဖြစ်အရေးပါပါတယ်။ သွေးချိုထိန်းပေးတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အအေးမိတုပ်ကွေးနှင့် ဗီတာမင် စီဓာတ်

အအေးမိ တုပ်ကွေး ဗီတာမင်စီ ဖျားနာ ဖြည့်စွက်စာ အားဆေး အချဉ်ဓာတ် ဟင်းသီးဟင်းရွက် အသီးအနှံ ကိုယ်ခံအားစနစ် ရောဂါပိုး အိပ်စက်အနားယူ အရည် အကိုက်အခဲပျောက်ဆေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ဝိတ်မတက်ချင်ရင် ကော့တေးလ် ကို ဝေးဝေးရှောင်ဟေ့

ကော့တေးလ်၊ အယ်လ်ကိုဟော၊ အသီးအနှံ၊ ကော်ဖီ၊ ကိုယ်အလေးချိန်၊ အုန်းရည်၊ အုန်းနို့အနှစ်၊ ဘီယာ၊ ကယ်လိုရီ၊ သံပုရာရည်၊ လိမ္မော်ရည်၊ သကြား၊ Black Tea၊ ဂျင်းပြုတ်ရည်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဆေးဖက်ဝင်တယ်ဆိုတဲ့ ရှီးပဒီး အကြောင်း သိကောင်းစရာ

ရှီးပဒီး ကိုဆေးဖက်ဝင်တဲ့တန်ဖိုးကြီးပစ္စည်းအဖြစ်လူသိများပါတယ်။ သူက အပင်လား၊သက်ရှိလား၊ဘယ်လိုတွေဆေးဖက်ဝင်တာလဲ၊ဘေးကင်းရဲ့လားဆိုတဲ့သိကောင်းစရာတွေဖော်ပြထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

သင့်အတွက် ရွေးချယ်ထားသည်

ကိုဗစ်ကာလမှာ ဆီးလမ်းကြောင်းပိုးဝင်ခဲ့ရင်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 3 mins read

အိမ်မှာနေရင်း နှုတ်ခမ်းသားကို ပန်းသွေးကြွအောင် ဘယ်လိုထိန်းသိမ်းမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read

အစားအစာများမှ ကိုဗစ်ပိုးကူးနိုင်ခြေနည်းကြောင်း ပညာရှင်များပြောကြား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 28, 2020 . 2 mins read

အိမ်မှာနေရင်း အသားအရေမပျက်စီးအောင် ဘယ်လိုထိန်းသိမ်းကြမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 22, 2020 . 2 mins read