သက်ကြီးရွယ်အိုတွေကို နှလုံးကျန်းမာစေနိုင်မယ့် စားသောက်နည်းလမ်းညွှန်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 22, 2020 . 2 mins read
Share now

အသက်ကြီးရင့်လာတဲ့သူတိုင်း နှလုံးရောဂါကိုရှောင်လွှဲလို့မရဘူးဆိုတဲ့ လူတော်တော်များများလက်ခံထားတဲ့ အယူအဆကိုငြင်းပယ်ချင်ပါတယ်။ အသက်ကြီးလာတာနဲ့အမျှ နှလုံးရောဂါခံစားရနိုင်ခြေက ပိုများလာနေတယ်ဆိုပေမယ့် သက်ကြီးရွယ်အိုတိုင်း နှလုံးရောဂါကြောင့်သေဆုံးကြတာမဟုတ်ပါဘူး။ ကျန်းမာတဲ့ဘဝနေထိုင်မှုပုံစံက အသက်ကြီးတဲ့သူတွေကို နှလုံးကျန်းမာနေစေအောင် အထောက်အကူပြုပေးနိုင်ပါတယ်။

နှလုံးရောဂါရှိနေတယ်ဆိုတာကို ဘယ်လိုသိနိုင်မလဲ

နှလုံးရောဂါဆိုတာက နှလုံးကို ထိခိုက်စေနိုင်တဲ့ အခြေအနေတွေကိုဆိုလိုချင်တာပါ။ နှလုံးရောဂါကဖြစ်နေတယ်ဆိုရင်တောင် အချိန်တော်တော်ကြာတဲ့ အထိသတိမထားမိဘဲဖြစ်နေနိုင်ပါတယ်။ လူတော်တော်များများက ရုတ်တရက်နှလုံးရပ်သွားတာမျိုး လက္ခဏာတွေခံစားရပြီးတဲ့နောက်မှ သူတို့မှာနှလုံးရောဂါရှိနေတယ်ဆိုတာကို ရိပ်စားမိကြတာပါ။ ရုတ်တရက်နှလုံးရပ်သွားတဲ့ရောဂါရဲ့ သတိပေးလက္ခဏာရပ်တွေကတော့ အားနည်းတာ၊ခေါင်းထဲမှာ မူးဝေဝေဖြစ်နေတာ၊ အသက်ရှုကျပ်တာ၊ မအီမသာဖြစ်တာ၊အော့အန်တာ၊ အစာမကြေတာ၊ ရင်ဘတ်အောင့်တာ၊သွေးတိုးတာ၊ချွေးထွက်တာ၊ ဇက်ကြောထဲက ပုံမှန်မဟုတ်ဘဲ နာကျင်တာ၊ ပခုံးနဲ့လက်မောင်းနာကျင်တာ၊ နှလုံးခုန်မမှန်တာလိုမျိုးတွေပါ။ တကယ်လို့များ အခုဖော်ပြခဲ့တဲ့ လက္ခဏာမျိုးတွေဖြစ်နေပြီဆိုရင်မြန်နိုင်သမျှမြန်မြန်ဆေးကုသမှုခံယူ ဖို့လုပ်ဆောင်ပါ။ တစ်ချိန်တည်းမှာပဲ အခုဖော်ပြပေးမယ့်အချက်လေးတွေအတိုင်း နှလုံးကျန်းမာအောင်ကာကွယ်နိုင်ပါတယ်။

ကျန်းမာရေးနဲ့ညီညွတ်အောင်စားသုံးပေးပါ

အသက်ကြီးတဲ့သူတွေမှာ ကယ်လိုရီက အများကြီးမလိုအပ်ဘူးဆိုပေမယ့် သူတို့ခန္ဓါကိုယ်က အာဟာရဓါတ်များများရဖို့တော့ လိုအပ်ပါသေးတယ်။ အကြံပြုချင်တာကတော့ လူကြီးမိဘတွေကို အရောင်စိုစိုရှိတဲ့ သစ်သီးတွေ၊ ဟင်းသီးဟင်းရွက်တွေ၊ ကောက်နှံ၊ အဆီမပါတဲ့အစားအသောက်တွေ၊ အဆီနည်းတဲ့အစားအသောက်တွေ၊ ငါး၊အဆီနည်းတဲ့အသား၊ ကြက်သား၊ဘဲသား၊ဥအမျိုးမျိုး၊ ပဲအမျိုးမျိုး၊အခွံမာသီးတွေ၊အစေ့အဆန်တွေစတဲ့ အာဟာရပြည့်ဝစွာပါဝင်နေတဲ့ အစားအသောက်တွေကိုကျွေးမွေးပေးရပါမယ်။ အချိုများတဲ့အစားအစာတွေ၊ အချိုရည်တွေ၊အဆီများတဲ့အစားအစာတွေ၊ဆန်၊ပေါင်မုန့်ဖြူ၊ သန့်စင်ထားတဲ့ ဂျုံအနုနဲ့လုပ်ထားတဲ့ ပတ်စတာတွေကိုတော့ အကန့်အသတ်နဲ့ပဲစားသုံးပေးရပါမယ်။ ကျန်းမာအောင်စားသောက်နည်းလမ်းညွှန်အချို့ –

  • တီဗွီကြည့်နေတုန်း၊ကွန်ပျူတာ သုံးနေတုန်း နဲ့ ဖုန်းသုံးနေချိန်တွေမှာ အစားမစားပါနဲ့၊ အာရုံမစိုက်နိုင်သလို ဘယ်လောက်စားမိလဲဆိုတာကို သတိမထားမိတာမျိုးဖြစ်နိုင်တာကြောင့်ပါ။
  • စားမယ့်အစားအသောက်ထဲမှာ အဆီဓါတ်နဲ့ သကြားဓါတ်ဘယ်လောက်ပါဝင်နေလဲဆိုတာကို သိနိုင်ဖို့အညွှန်းကိုဖတ်ပါ။
  • အစားအသောက်ကိုပြင်ဆင်ချက်ပြုတ်တာမျိုး မလုပ်နိုင်လောက်အောင် အရမ်းပင်ပန်းမယ့်နေ့တွေအတွက် အစောပိုင်းရက်အနည်းငယ်လောက်ကတည်းက ကြိုတင်ပြီး ကျန်းမာရေးနဲ့ညီညွတ်အောင်ပြင်ဆင်ချက်ပြုတ်ထားပါ။ ချက်ပြုတ်ထားတာတွေကိုရေခဲသေတ္တာထဲ ထည့်သိမ်းဆည်းထားပါ။
  • ကျန်းမာရေးနဲ့ညီညွတ်တဲ့အစားအသောက်ကို ခပ်မြန်မြန်ပြင်ဆင်နိုင်စေဖို့ ဟင်းသီးဟင်းရွက်တွေ၊သစ်သီးတွေကို ချက်ပြုတ်ဖို့အသင့်ပြင်ပြီးရေခဲသေတ္တာထဲထည့်ထားပါ။
  • ဆီသွတ်ဗူးထည့်ထားတဲ့အစားအသောက်တွေစားမယ်ဆိုရင်လည်း ဆားတွေကို စင်သွားအောင်ရေဆေးပြီးမှစားပါ။ သကြားတွေအများကြီးစားမိသွားတာမျိုးကိုရှောင်ရှားနိုင်စေဖို့ဆီသွတ်ထားတဲ့သစ်သီးတွေကိုစိမ်ထားတဲ့ အရည်တွေကိုသွန်လိုက်ပါ။

လေ့ကျင့်ခန်းပုံမှန်လုပ်ပါ

ကိုယ်လက်လှုပ်ရှားမှုက အရွယ်သုံးပါးစလုံးအတွက်အရေးပါပါတယ်။နေ့စဉ်လေ့ကျင့်ခန်းမှန်မှန်လုပ်ပေးတာက ကြံ့ခိုင်ကျန်းမာစေဖို့ အထောက်အကူပြုပါတယ်။ အသက်ရှည်စေရုံသာမက ကျန်းလည်းကျန်းမာစေနိုင်ပါတယ်။

သင့်မှာ နာတာရှည်ဝေဒနာတစ်ခုခုရှိနေမယ်ဆိုရင် လေ့ကျင့်ခန်းလုပ်တဲ့အခါ အခက်အခဲဖြစ်နိုင်ပါတယ်။ ဒါပေမယ့် ကိုယ့်ကျန်းမာရေးနဲ့သင့်တော်မယ့် ကိုယ်လက်လှုပ်ရှားမှုမျိုးကိုရွေးချယ်နိုင်ပါတယ်။ တကယ်လို့များ သင့်အနေနဲ့ အချိန်တော်တော်ကြာ ကိုယ်လက်လှုပ်ရှားမှုမရှိဘဲနေခဲ့တာဆိုရင်ဖြည်းဖြည်းချင်းလုပ်တာကနေစတင်ပြီး တစ်နေ့ကိုနည်းနည်းချင်းစီ တိုးလုပ်သွားတာက အကောင်းဆုံးပါ။လေ့ကျင့်ခန်းတစ်ခုခုမလုပ်ခင်မှာ ဆရာဝန်နဲ့တိုင်ပင် ကြည့်ဖို့လည်း မမေ့ပါနဲ့။

တိုးတက်လာတဲ့အခြေအနေကိုစောင့်ကြည့်နိုင်စေဖို့နဲ့ ကိုယ့်ကိုယ်ကို တွန်းအားပေးနိုင်စေဖို့အတွက်နေ့စဉ်မှတ်တမ်းလေးရေးမှတ်ထားပေးလို့ရပါတယ်။ သင့်ကိုစိတ်ပျော်ရွှင်မှုဖြစ်စေနိုင်တဲ့ လှုပ်ရှားမှုကိုရွေးချယ်ပါ။ တစ်နေ့ကို ၁၀ မိနစ်နဲ့ တစ်ပတ်ကို ၃ ရက်လောက် လမ်းလျှောက်တာလိုမျိုး ရည်မှန်းချက်သေးသေးလေးတွေကိုပါရေးမှတ်ထားပါ။ ပြီးရင် တဖြည်းဖြည်းချင်းနဲ့ ကိုယ်လက်လှုပ်ရှားမှုလုပ်တဲ့အချိန်နဲ့ရက်ကိုတိုးသွားပါ။ သူငယ်ချင်းတွေကိုလည်း ကိုယ်နဲ့အတူတူလေ့ကျင့်ခန်းလုပ်ဖို့ခေါ်ကြည့်ပါ။ သူငယ်ချင်းတွေနဲ့အတူတူလေ့ကျင့်ခန်းလုပ်တာက ပိုစိတ်ဝင်စားစရာကောင်းပြီး ပိုလည်းတက်တက်ကြွကြွလုပ်ဖြစ်ပါတယ်။ တစ်ခါတလေ အားကစားလုပ်ဖို့ စိတ်မပါတာမျိုးရှိနိုင်ပါတယ်။ ကိုယ့်ကိုယ်ကို အရမ်းတွန်းအားမပေးဖို့ သတိရပါ။ တကယ်လို့ ကိုယ်လက်လေ့ကျင့်ခန်းလုပ်ရင်းကခေါင်းထဲမှာ မူးနောက်နောက်ဖြစ်လာရင်ပဲဖြစ်ဖြစ် နာကျင်တာမျိုးဖြစ်လာရင်ပဲဖြစ်ဖြစ်လေ့ကျင့်ခန်းလုပ်နေတာကို ချက်ချင်းရပ်လိုက်ပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဓာတ်မတည့်ခြင်း

ဓာတ်မတည့်ခြင်းဆိုတာ ပုံမှန်အားဖြင့် အန္တရာယ် မရှိတဲ့အရာတွေကို ကိုယ်ခံအားက ပုံမှန် မဟုတ်ဘဲ တုံ့ပြန်တဲ့ အခြေအနေပါ။ ဒါကိုဓာတ်မတည့်ခြင်း (ALLERGY) လို့ခေါ်တာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သတိထားရမယ့် နှလုံးပိုးဝင်ခြင်း ပြဿနာ

နှလုံးနဲ့ နှလုံးအပြင်ဘက်က Pericardium ၊ Endocardium အလွှာပါးအကြား ဘက်တီးရီးယား ပိုးမွှားတွေကြောင့် ရောင်ရမ်းတဲ့ ပြဿနာ ကို နှလုံးပိုးဝင်ခြင်းလို့ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
နှလုံးရောဂါ, ကျန်းမာရေးစင်တာ အောက်တိုဘာ 25, 2020 . 2 mins read

အရွတ်အားပြုပြင်ခွဲစိတ်ခြင်း (Tendon Repair Surgery) အကြောင်း

အရွတ်များဟာ ကြွက်သားများနဲ့ အရိုးကို တွယ်ဆက်ပေးထားတဲ့ ခိုင်မာတောင့်တင်းတဲ့ တစ်ရှူးတွေပဲ ဖြစ်ပါတယ်။ အရွတ်များဟာ စုတ်ပြဲခြင်း၊ ပျက်စီးခြင်း ဖြစ်တတ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အရေပြားကျန်းမာရေးနှင့် ရောဂါများ

အရေပြားကျန်းမာရေးက အင်မတန်အရေးကြီးပါတယ်။ ခန္ဓာကိုယ်ရဲ့ ကိုယ်ခံအားခံတပ်ဖြစ်တဲ့အတွက် တတ်နိုင်သမျှ ရောဂါမဝင်အောင် သတိထားသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
အရေပြားရောဂါ, ကျန်းမာရေးစင်တာ အောက်တိုဘာ 14, 2020 . 4 mins read

သင့်အတွက် ရွေးချယ်ထားသည်

သရက်သီးကပေးတဲ့ ကျန်းမာရေးအကျိုးကျေးဇူးတွေ

သရက်သီးကပေးတဲ့ ကျန်းမာရေးအကျိုးကျေးဇူးတွေ

ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
ဒူးဆစ်အစားထိုးခွဲစိတ်ကုသခြင်း

ဒူးဆစ်အစားထိုးခွဲစိတ်ကုသခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
ဘေဘီလေးကို အစေ့အဆန် ကျွေးသင့်ရဲ့လား။

ဘေဘီလေးကို အစေ့အဆန် ကျွေးသင့်ရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 19, 2020 . 2 mins read
ဝက်ခြံအမာရွတ်တွေ သက်သာစေဖို့ ဒါတွေ စားပါ။

ဝက်ခြံအမာရွတ်တွေ သက်သာစေဖို့ ဒါတွေ စားပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 17, 2020 . 2 mins read