သီဟိုဠ်စေ့ကို ကလေးလူကြီးမရွေး အကုန်လုံး စားကြပေမယ့် သီဟိုဠ်ရွက် ကိုတော့ လူကြီးတွေလောက်ပဲ စားတာ များပါတယ်။ စားလိုက်ရင် ရှိန်းတိန်းတိန်း မွှေးတေးတေးလေး ဖြစ်တဲ့ သီဟိုဠ်ရွက်က ကျန်းမာရေးအတွက် အထောက်အပံ့ပေးလား …… စားကောင်းရုံ သက်သက်ပဲလားဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။
သီဟိုဠ်ရွက် ကို ဘယ်လို စားကြလဲ …….
သီဟိုဠ်ရွက်ကို အတို့အမြှုပ်အနေနဲ့ စားကြတာ များပေမယ့် ဟင်းချက်စားကြတာမျိုးလည်း ရှိပါတယ်။ ချဉ်ဟင်းတွေထဲမှာ ထည့်ချက်စားတာမျိုးလည်း ရှိပါတယ်။
အရွက် နုနုလေးတွေ ဆိုရင်တော့ အတို့အမြှုပ် လုပ်ပြီး စားတာက အကောင်းဆုံး ဖြစ်မှာပါ။ သီဟိုဠ်ရွက်က တစ်နှစ်ပတ်လုံး ရရှိနိုင်တဲ့ အရွက် တစ်မျိုးပါ။
သီဟိုဠ်ရွက်မှာ ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်နေပါတယ်။ မှိုပိုးတွေကို တိုက်ဖျက်ပေးနိုင်သလို ကပ်ပါးပိုးတွေကိုလည်း တိုက်ဖျက်ပေးနိုင်ပါတယ်။ ဘက်တီးရီးယားတွေ ရန်ကနေ ကာကွယ်ပေးနိုင်ပြီး ပိုးသတ်ပေးနိုင် ပါတယ်။ အရောင်ကျစေနိုင်တဲ့ အာနိသင်လည်း ရှိပါတယ်။
ဒါတွေအပြင်
ဖိလစ်ပိုင်မှာ သီဟိုဠ်ရွက် နုနုလေးတွေကို ရောဂါတွေ သက်သာစေဖို့နဲ့ အရေပြားပြဿနာ အမျိုးမျိုးအတွက် အသုံးပြုပါတယ်။ သီဟိုဠ်ရွက်လေးက အခုလို ဆေးဖက်ဝင်ပါတယ်။
အတို့အမြှုပ်အနေနဲ့ စားလေ့ရှိတဲ့ သီဟိုဠ်ရွက်လေးက အခုလို ဆေးဖက်ဝင်ပါတယ်။
