သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဗီတာမင် B ကြွယ်ဝဖို့ ဒါတွေစားကြစို့

ဗီတာမင် B ကြွယ်ဝဖို့ ဒါတွေစားကြစို့

ခန္ဓာကိုယ် ကျန်းမာဖို့အတွက် အာဟာရ ပြည့်ဝဖို့ လိုပါတယ်။ နေ့စဉ် စားသုံးမှုမှာ ဗီတာမင် နဲ့ သတ္တုဓာတ်တွေ ပြည့်ဝမှ ကျန်းမာမှာပါ။ ဒီတစ်ခေါက်တော့ ခန္ဓာကိုယ်အတွက် အရေးပါတဲ့ ဗီတာမင် B ပြည့်ဝဖို့ ဘာတွေစားရမလဲဆိုတာ ပြောပြပေးသွားမှာပါ။

ဗီတာမင် B ဘာတွေ လုပ်ပေးလဲ။

ဗီတာမင် ​B က ပျော်ဝင်လွယ်တဲ့ ဗီတာမင် အမျိုးအစားဖြစ်ပြီး ခန္ဓာကိုယ် အတွက်

  • ကိုယ်ခံအားကို အားဖြည့်ပေးတယ်
  • ဆဲလ်တွေ ကျန်းမာစေတယ်
  • မျိုးဗီဇဆဲလ်တွေကို လုပ်ဆောင်မှု ကောင်းစေတယ်
  • အစားအစာတွေထဲက သကြားဓာတ်ကို ဖြိုခွဲပေးတယ်
  • ဦးနှောက်ရဲ့ လုပ်ဆောင်မှုတွေ ကောင်းမွန်စေတယ် စတာတွေကို လုပ်ဆောင်ပေးပါတယ်။

ဗီတာမင် B ပြည့်ဝစေဖို့ ဘာတွေ စားရမလဲ။

ခန္ဓာကိုယ်က ဗီတာမင် B ကို မထုတ်လုပ်နိုင်ပါဘူး။ ဒီတော့ ဗီတာမင် B ပြည့်ဝစေဖို့ ဆိုရင်

ဆယ်လ်မွန်

ဆယ်လ်မွန်မှာ ဗီတာမင် ​ B အမျိုးအစား တော်တော်လေး စုံပါတယ်။ ဆယ်လ်မွန်ငါး ၁၀၀ ဂရမ်မှာ

  • Thiamine (ဗီတာမင် B1)
  • Riboflavin (ဗီတာမင် B2)
  • Niacin (ဗီတာမင် B3)
  • Pantothenic acid (ဗီတာမင် B5)
  • Pyridoxine (ဗီတာမင် B6)
  • Cobalamin (ဗီတာမင် B12) တို့ ပါဝင်နေပါတယ်။

အစိမ်းရောင် ဟင်းသီးဟင်းရွက်တွေ

အစိမ်းရောင် ဟင်းသီးဟင်းရွက်မှာ ဖောလိတ် (ဗီတာမင် B9) ကြွယ်ဝစွာ ပါဝင်နေပါတယ်။ အထူးသဖြင့် ဟင်းနုနွယ်၊ ဆလတ်ရွက်၊ ကိုက်လန် စတာတွေမှာ ပါဝင်နေပါတယ်။

အသည်း နဲ့ ကလီစာ

အသည်းက ဗီတာမင် B ပြည့်ဝတဲ့ အစားအစာ တစ်မျိုးပါ။ ကြက်အသည်း၊ အမဲ အသည်း၊ ဝက် အသည်း၊ ဆိတ်ကလီစာတို့မှာ

  • Thiamine (ဗီတာမင် B1)
  • Riboflavin (ဗီတာမင် B2)
  • Niacin (ဗီတာမင် B3)
  • Pantothenic acid (ဗီတာမင် B5)
  • Pyridoxine (ဗီတာမင် B6)
  • Biotin (ဗီတာမင် B7)
  • Folate (ဗီတာမင် B9)
  • Cobalamin (ဗီတာမင် B12) တို့ ပါဝင်နေပါတယ်။

ဥအမျိုးမျိုး

ဥအမျိုးမျိုးမှာလည်း ဗီတာမင် B ပါဝင်မှုက မနည်းပါဘူး။ ကြက်ဥ အရွယ်တော် တစ်လုံးမှာ

  • Riboflavin (ဗီတာမင် B2)
  • Pantothenic acid (ဗီတာမင် B5)
  • Biotin (ဗီတာမင် B7)
  • Folate (ဗီတာမင် B9)
  • Cobalamin (ဗီတာမင် B12) တို့ ပါဝင်နေပါတယ်။

နို့

နွားနို့ ၈ အောင်စစာ တစ်ခွက်မှာ

  • Thiamine (ဗီတာမင် B1)
  • Riboflavin (ဗီတာမင် B2)
  • Pantothenic acid (ဗီတာမင် B5)
  • Cobalamin (ဗီတာမင် B12) တို့ ပါဝင်နေပါတယ်။

အမဲသား

အမဲသားမှာ ဗီတာမင် အမျိုးအစား တော်တော်လေး စုံစုံလင်လင် ပါဝင်နေပါတယ်။

  • Thiamine (ဗီတာမင် B1)
  • Riboflavin (ဗီတာမင် B2)
  • Niacin (ဗီတာမင် B3)
  • Pantothenic acid (ဗီတာမင် B5)
  • Pyridoxine (ဗီတာမင် B6)
  • Cobalamin (ဗီတာမင် B12) တို့ ပါဝင်နေပါတယ်။
health-tool-icon

အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

အမျိုးသား

အမျိုးသမီး

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

15 Healthy Foods High in B Vitamins https://www.healthline.com/nutrition/vitamin-b-foods Accessed Date 26 June 2020

​​Vitamin B: Best Food Sources and Signs of Deficiency​ https://www.healthxchange.sg/food-nutrition/food-tips/vitamin-b-best-food-sources-signs-deficiency Accessed Date 26 June 2020

စာရေးသူ ဓာတ်ပုံbadge
Aye Thi Mon မှ ရေးသားသည်။ 26/06/2020 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။