ရေလမ်းခရီးက သွားတော့မယ်ဆိုရင် ဘာတွေ ကြိုတင်ပြင်ဆင်သွားရမလဲ ။ ။

ဟိုတလောက ကြားလိုက်မယ်ထင်ပါတယ်။ သင်္ဘောတွေ နစ်ပြီး လူတွေ ပျောက်ကြ၊ သေဆုံးကြတဲ့ သတင်းတစ်ခုပေါ့။ ကမ်းမမြင် လမ်းမမြင် ပင်လယ်ထဲမှာ ကူညီမယ့်သူကလည်း မရှိ၊ ခြေချပြေးစရာ ကုန်းမြေကလည်း မရှိဆိုတော့ ရေလမ်းခရီးက အရမ်းအန္တရာယ်များပါတယ်။ ကား လေယာဉ်တွေနဲ့ သွားရင် ဘာတွေ ပြင်ဆင်သွားရမလဲ၊ ဘာတွေ သတိထားရမလဲဆိုတာ အားလုံးသိပြီးကြဖြစ်ပေမယ့် အသွားနည်းကြတဲ့ ရေလမ်းခရီးကသွားရင်ရော ကိုယ့်ဘက်က ဘာတွေကြိုပြင်ဆင်သွားရမလဲ ။ သင်္ဘောတွေ မြုပ်ကြ၊ စက်လှေတွေ ရေနစ်ကြတာကလည်း သိပ်မရှားတော့ ရှောင်လွဲလို့ မရဘဲ ရေလမ်းခရီးကနေ သွားရတော့မယ်ဆိုရင် ဒါမျိုးလေးတွေ ပြင်ဆင်သွားစေချင်ပါတယ်။ ။

ကြို မမြင်နိုင်တဲ့ အရာတွေ အတွက် ပြင်ဆင်ထားရမယ့် အချက်များ ။ ။

ခရီးဆောင်အိတ်ထဲမှာ

• ကိုယ့်ခရီးဆောင်အိတ်ထဲမှာ လှိုင်းမူးရင် သောက်ရမယ့် ဆေးတွေ မပါမဖြစ်ဆောင်သွားပါ။
• အကျီၤကို ပေါ့ပေါ့ပါးပါးပဲ ဝတ်သွားပါ။ ရေစိုရင်လေးမယ့် အကျီၤတွေမဝတ်ပါနဲ့။ ။
• ရေလမ်းခရီးသွားမယ်ဆိုမှတော့ ကိုယ်က ေရကူးတတ်ထားဖို့ အရေးကြီးပါတယ်။
• အရေးပေါ် အဆာပြေစားဖို့ မုန့်ခြောက်တွေလည်း အိတ်ထဲ ဆောင်သွားပါ။ ရေသန့်လည်း ၂ ဘူးလောက်ဆောင်သွားပါ။

သင်္ဘောပေါ်ရောက်လျှင်

• သဘောံပေါ် ရောက်ရောက်ချင်း အရေးအကြီးဆုံးကတော့ သက်ကယ်အင်္ကျီဘယ်မှာထားလဲ၊ သက်ကယ်လှေ ဘယ်မှာလဲဆိုတာ အရင်ရှာထားပါ။
• မတော်လို့ သင်္ဘောနစ်ရင် ဖက်တွယ်ထားရမယ့် ရေပေါ်ေ ပါ်နိုင်တဲ့ ပစ္စည်းတွေ ထားတဲ့နေရာကို ကြိုရှာထားပါ။
• လှိုင်းအရမ်းကြမ်းရင် သင်္ဘောဝမ်းထဲပဲ ဝင်နေပါ။ မထိခိုက်မိစေဖို့ တန်းတစ်ခုခုကို ကိုင်ထားပါ။

အရေးပေါ် တစ်ခုခုဖြစ်လာခဲ့ရင်

• ဥသြဆွဲသံကို သေချာနားထောင်ပါ။ ဥသြအသံ အတို ၇ခု ဆက်တိုက် ဆွဲပြီး အသံရှည်ကြီး ထပ် ဆွဲရင်တော့ ဒါ အရေးပေါ် အခြေအနေဖြစ်နေပြီဆိုတာကို ပြောတာပါ။
• အရေးပေါ် ဖြစ်နေတာ သေချာသွားပြီဆို ကြောက်စိတ်ကို ဘေးချိတ်ပြီး စိတ်ကို အေးအေးထားပါ။

သင်္ဘောမြုပ်ပြီဆိုရင်

ဘယ်လောက်ပဲ ရေထဲမမြုပ်ဘူးလို့ ကြွေးကြော်ထားတဲ့ တိုင်တန်းနစ် သင်္ဘောကြီးတောင် ရေထဲနစ်သွားသေးတာပဲ။ ကိုယ့်တွေစီးနေတဲ့ သင်္ဘောလည်း အခန့်မသင့်ရင် တစ်ခုခုဖြစ်သွားနိုင်တဲ့အတွက် ဘယ်ခရီးပဲသွားသွား သတိတစ်လုံးအစဉ်သုံးပြီး ပြင်ဆင်သွားစေချင်ပါတယ်။ ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။