ကျန်းမာခြင်းဆိုတဲ့ ပန်းတိုင်ကို လူတိုင်းကြိုးစားလျှောက်နေကြတာပဲ။ ဒါပေမယ့် လူတိုင်း မရောက်ကြပါဘူး။ တချို့က လမ်းတစ်ဝက်မှာပဲ လက်လျှော့သွားခဲ့ကြတယ်။ ဘာလို့လဲဆိုတော့ ကျန်းမာအောင် လုပ်ရတာ ထင်သလောက် မလွယ်ပါဘူး။ နဂိုအကျင့်တွေနဲ့ ဆန့်ကျင်ဘက်ဖြစ်နေရင် ပိုတောင်ဆိုးပါသေးတယ်။ အစားအသောက်တွေ ဆင်ခြင်ရမယ်၊ လေ့ကျင့်ခန်းတွေ ပုံမှန်လုပ်ရမယ်၊ အချိန်ပေးရမယ်။ ရေရှည်သွားနိုင်ရမယ် စတဲ့ စတဲ့ လိုအပ်ချက်တွေ ပြည့်စုံဖို့လိုပါတယ်။