ဆီးချိုရှိလာနိုင်တဲ့အန္တရာယ်တွေ ကိုယ့်မှာရှိနေပြီလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

ဆီးချိုရှိလာနိုင်တဲ့အန္တရာယ်တွေ ကိုယ့်မှာရှိနေပြီလား

ဆီးချိုရောဂါဆိုတာ သွေးတွင်းသကြားဓါတ် မြင့်မားခြင်းကြောင့် ဖြစ်ပေါ်လာတဲ့ရောဂါဖြစ်ပါတယ်။ သွေးတွင်းသကြားဓါတ်ဟာ ခန္ဓါကိုယ်ရဲ့အဓိကခွန်အားအရင်းအမြစ်ဖြစ်ပြီး ကိုယ်စားလိုက်တဲ့ အာဟာရကနေ ရရှိတာဖြစ်ပါတယ်။ ပန်ကိရိယကနေထုတ်ပေးတဲ့ အင်ဆူလင်က အစားအစာကရတဲ့ သကြားဓါတ်ကို စွမ်းအင်အဖြစ်အသုံးပြုနိုင်ဖို့ဆဲလ်တွေဆီရောက်ရှိအောင် ထောက်ကူပေးပါတယ်။ တခါတရံမှာတော့ ခန္ဓါကိုယ်မှာ အင်ဆူလင်အလုံအလောက်မရှိတာ ဒါမှမဟုတ် အင်ဆူလင်လုပ်ဆောင်ချက်မကောင်းတော့တာ ရှိနိုင်ပါတယ်။ အဲဒီအခါ သကြားဓါတ်က သွေးထဲမှာပဲကျန်ရှိနေပြီး ဆဲလ်တွေဆီမရောက်နိုင်တော့ဘဲ ဆီးချိုဖြစ်လာပါတယ်။

အဖြစ်များဆုံးဆီးချိုရောဂါအမျိုးအစားတွေကတော့ အမျိုးအစား ၁ ၊ အမျိုးအစား ၂နဲ့ ကိုယ်ဝန်ဆောင်ဆီးချိုရောဂါ တို့ဖြစ်ပါတယ်။

အမျိုးအစား ၁ ဆီးချိုရောဂါ – အမျိုးအစား ၁ ဆီးချိုရောဂါဖြစ်ရင် ခန္ဓါကိုယ်က အင်ဆူလင်ထုတ်မပေးတော့ပါဘူး။ အင်ဆူလင်ထုတ်ပေးတဲ့ ပန်ကရိယအတွင်းကဆဲလ်တွေကို ကိုယ်ခံအားက ပြန်တိုက်ခိုက်ပြီးဖျက်ဆီးပစ်ပါတယ်။ ပုံမှန်အားဖြင့် အမျိုးအစား ၁ ဆီးချိုရောဂါကိုကလေးတွေနဲ့ လူငယ်ပိုင်းတွေမှာတွေ့ရလေ့ရှိပါတယ်။ ဒီအမျိုးအစားရှိသူတွေက နေ့တိုင်း အင်ဆူလင်ထိုးပေးဖို့ လိုပါတယ်။

အမျိုးအစား ၂ ဆီးချိုရောဂါ – အမျိုးအစား ၂ဆီးချိုရောဂါရှိနေရင် ခန္ဓါကိုယ်က အင်ဆူလင်ကို မထုတ်လုပ်နိုင်၊ ကောင်းကောင်းအသုံးမချနိုင်ဖြစ်တတ်ပါတယ်။ ဒီအမျိုးအစားကိုတော့ အရွယ်မရွေးမှာဖြစ်လာနိုင်ခြေရှိပြီး ကလေးဘဝမှာတောင် ဖြစ်လာနိုင်ပါတယ်။ ဒါပေမယ့် အများစုကတော့ သက်လတ်ပိုင်းနဲ့ သက်ကြီးပိုင်းတွေမှာ ပိုတွေ့ရပါတယ်။ အမျိုးအစား ၂ ဟာအဖြစ်များဆုံး ဆီးချိုရောဂါဖြစ်ပါတယ်။

ကိုယ်ဝန်ဆောင်ဆီးချိုရောဂါ – ကိုယ်ဝန်ဆောင်အမျိုးသမီးတချို့မှာဖြစ်တတ်ပြီး အများစုကတော့ ကလေးမွေးဖွားပြီးနောက်ပိုင်းမှာဆီးချိုပျောက်သွားတတ်ပါတယ်။ ဒါပေမယ့် ကိုယ်ဝန်ဆောင်ဆီးချိုဖြစ်ဖူးခဲ့တဲ့သူ တွေဟာ နောက်ပိုင်းမှာ အမျိုးအစား ၂ ဆီးချိုရောဂါဖြစ်လာနိုင်တဲ့အလားအလာပိုများပါတယ်။

ဆီးချိုရောဂါမှာ အစောပိုင်းရောဂါလက္ခဏာတွေ အများကြီးရှိပေမယ့် ကိုယ်သတိမထားမိလောက်တဲ့ အချက်တွေ ရှိနေပါတယ်။ မသိလိုက်ဘဲ ဆီးချိုကို မထိန်းချုပ်ဘဲကြာလာလေ နှလုံးရောဂါ၊ ကျောက်ကပ်ရောဂါ၊ ခြေလက်အင်္ဂါ ဖြတ်တောက်ရတာ၊မျက်စိကွယ်တာ၊နဲ့တခြားပြင်းထန်တဲ့နောက်ဆက်တွဲပြဿနာတွေရှိလာနိုင်ခြေပိုများလေ ဖြစ်ပါတယ်။
အသက် ၄၀ ကျော်ပြီးသူတိုင်း ဆီးချိုရောဂါရှိမရှိကို သုံးနှစ်တစ်ကြိမ်စစ်ဆေးသင့်ပါတယ်။ အောက်ပါ အန္တရာယ်အချက်တွေထဲက တစ်ခုထက်ပိုပြီးရှိနေပြီဆိုရင် ပိုပြီးမကြာခဏ စစ်ဆေးစမ်းသပ်သင့်ပါတယ်။

  • မိဘ၊ မောင်နှမသားချင်းတွေထဲက တစ်ယောက်ယောက်မှာ ဆီးချိုရှိနေရင်၊
  • ဆီးချိုအန္တရာယ်များတဲ့ လူမျိုးအုပ်စုဝင်ဖြစ်နေခဲ့ရင်(Aboriginal၊ Hispanic ၊ တောင်အာရှ၊ အာရှ၊ ဒါမှမဟုတ် အာဖရိကနွယ်ဖွား )
  • ဆီးချိုရောဂါနဲ့ ချိတ်ဆက်နေတဲ့ ရောဂါတချို့ ကိုယ့်မှာရှိနေရင်၊
  • ကိုယ်အလေးချိန် ၄ ကီလိုဂရမ်ကျော်( ၉ ပေါင်)ရှိတဲ့ ကလေးကိုမွေးဖွားထားရင် ဒါမှမဟုတ် ကိုယ်ဝန်ဆောင်ဆီးချိုဖြစ်ခဲ့ဖူးရင် ၊
  • ဆီးချိုရောဂါအစပျိုးအဆင့်မှာရှိနေရင်၊
  • သွးတိုးရောဂါရှိရင်၊
  • သွးတွင်းကိုလက်စထရောနဲ့ တခြားအဆီတွေများနေရင်
  • ကိုယ်အလေးချိန်များနေရင်၊ အထူးသဖြင့် ဗိုက်အဆီများနေရင်
  • သားဥအိမ်အရည်ကြည်အိတ်တည်တဲ့ရောဂါ (Polycystic Ovary Disease) ရှိရင်၊
  • Acanthosis nigricans အရေပြားရောဂါ( အရေပြားမှာအမည်းကွက်တွေဖြစ်စေ) ရှိရင်
  • စိတ်ကစဉ့်ကလျား၊ စိတ်ကျရောဂါ၊စိတ်အတက်အကျမြန်ရောဂါ စတဲ့ စိတ်ဝေဒနာတွေရှိနေရင်၊
  • အိပ်ပျော်နေစဉ်ခေတ္တအသက်ရှူရပ်တဲ့ရောဂါ(obstructive sleep apnea) ရှိနေရင် ပိုပြီး သတိထား စစ်ဆေးကြည့်သင့်ပါတယ်။

ဆီးချိုရောဂါရှိနေနိုင်တဲ့လက္ခဏာများ

  • မကြာခဏရေဆာ၊ ရေငတ်ခြင်း
  • မကြာခဏဆာလောင်လာခြင်း ( အထူးသဖြင့် အစာစားပြီးနောက်ပိုင်း)
  • ခံတွင်းခြောက်ခြင်း
  • ဆီးခဏခဏသွားခြင်း၊ သို့မဟုတ် ဆီးပိုးဝင်ခြင်း
  • မောပန်းနွမ်းနယ်ခြင်း ( အားနည်းခြင်း၊ ပင်ပန်းနေသလိုခံစားရခြင်း)
  • အမြင်အာရုံဝေဝါးခြင်း
  • ခေါင်းကိုက်ခြင်း
  • ကတုန်ကရင်ဖြစ်ပြီး ဆာလောင်ခြင်း
  • ဆီးလမ်းကြောင်းပိုးဝင်တာ၊ မှိုပိုးဝင်တာ အဖြစ်များခြင်း
  • ခြေထောက်ထုံကျဉ်ခြင်း
  • ထိခိုက်ပွန်းပဲ့ရာတွေ အနာကျက်နှေးခြင်း

ဆီးချိုအစပျိုးအဆင့်

ဆီးချိုအစပျိုးအဆင့်ဟာ သွေးတွင်းသကြားဓါတ်ပုံမှန်ထက်ပိုများနေတာ ဖြစ်ပေမယ့် အမျိုးအစား ၂ဆီးချို အဆင့်တော့မရောက်သေးတာဖြစ်ပါတယ်။ ဆီးချိုအစပျိုးအဆင့်မှာရှိသူတွေမှာ ၅၀ ရာခိုင်နှုန်းနီးပါး အမျိုးအစား၂ ဆီးချိုရောဂါဖြစ်လာနိုင်ပါတယ်။ ဒီအဆင့်မှာရှိသူတချို့မှာ လက္ခဏာမပြတတ်တာကြောင့် ဆီးချိုအဆင့် ရောက်ကာနီးမှ သိသာတတ်ကြပါတယ်။
ဆီးချိုမဖြစ်လာခင် အစပျိုးအဆင့်ရဲ့လက္ခဏာတွေကို သိရှိနိင်မယ်ဆိုရင် အမျိုးအစား၂ ဆီးချိုရောဂါကို ကြိုတင်ကာကွယ်နိုင်မှာဖြစ်သလို နှလုံးရောဂါလိုမျိုး နောက်ဆက်တွဲရောဂါတွေဖြစ်လာနိုင်ခြေလျော့နည်းစေ မှာဖြစ်ပါတယ်။ အစပျိုးအဆင့်မှာ သွေးတွင်းသကြားဓါတ်ထိန်းညှိနိုင်ဖို့ glycemic index (GI) နည်းတဲ့ အစာအာဟာရတွေက အသင့်တော်ဆုံးဖြစ်ပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

တစ်နေ့ ပန်းသီးတစ်လုံးစားရင် သင်ဘယ်လောက်အထိတောင် ကျန်းမာလာမလဲ

ပန်းသီးချိုချိုမွမွလေးတွေ ကြိုက်တတ်သူတွေ ရှိကြလား။ ပန်းသီးတစ်နေ့ တစ်လုံးမှီဝဲပေးမယ်ဆိုရင် နေ့စဉ်လူနေမှုဘဝမှာ အရမ်းကို ကျန်းမာစေတတ်ပါတယ်တဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အစာအိမ်ထွက်ပေါက်ကြွက်သားပြုပြင်ခွဲစိတ်ခြင်း

အူသိမ်အဝမှာ ကျဉ်းမြောင်းပိတ်ဆို့ရင်တော့ အစာအိမ်ထွက်ပေါက်ကြွက်သားကို ပြုပြင်ခွဲစိတ်ခြင်း (pyloroplasty) နည်းလမ်းနဲ့ ကုသနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ကိုယ်ဝန်ဆောင် ဆီးချိုနဲ့ ပတ်သက်ပြီး သိထားသင့်သမျှ

ကိုယ်ဝန်ဆောင်ဆီးချိုဆိုတာက ကျန်တဲ့အချိန်တွေမှာ မဖြစ်ဘဲ ကိုယ်ဝန်ဆောင်ချိန်မှာမှ ဖြစ်တဲ့ ဆီးချို အမျိုးအစား တစ်ရပ်ပါ။ မေမေတိုင်းသတိထားဖို့ လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အိမ်မှာအင်ဆူလင် ဘယ်လိုထိုးမလဲ။

ဆီးချိုရှိတဲ့အခါ ဆေးသောက်တာအပြင် အင်ဆူလင်ထိုးတာကလည်း ဆီးချိုအတွက် ကုသမှု နည်းလမ်းတစ်ရပ်ပါ။ ဒီလို အင်ဆူလင် ထိုးတာကို အမှန်ကန်ဆုံး ဘယ်လိုထိုးမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကိုဗစ်ကာကွယ်ဆေး နဲ့ myths များစွာ

ကိုဗစ်ကာကွယ်ဆေး နဲ့ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 3 mins read
အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
အမျိုးသားတို့ သိထားသင့်တဲ့ ကျန်းမာရေးအခြေအနေများ

အမျိုးသားတို့ သိထားသင့်တဲ့ ကျန်းမာရေးအခြေအနေများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 6, 2021 . 3 mins read
ပြီးပြည့်စုံတဲ့ မျက်စိကျန်းမာရေးအတွက် ဘာတွေဂရုစိုက်သင့်သလဲ။

ပြီးပြည့်စုံတဲ့ မျက်စိကျန်းမာရေးအတွက် ဘာတွေဂရုစိုက်သင့်သလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 4, 2020 . 3 mins read