Liposuction (အဆီစုပ်ထုတ်ခြင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 6, 2017 . 3 mins read
Share now

အဆီစုပ်ထုတ်ခြင်းဆိုတာဘာလဲ။

အဆီစုပ်ထုပ်ခြင်းဆိုတာသင့်အရေပြားအောက်ကအဆီတွေကိုဖယ်ထုတ်ပေးပြီးသင့်ရဲ့ကိုယ်ခန္ဓါကိုပိုမိုသွယ်လျ လှပလာအောင်ဆောင်ရွက်ပေးတဲ့ ပလတ်စတစ်ဆာဂျရီတစ်မျိုးပါ။ အဆီစုပ်ထုတ်ခြင်းကိုအဆီများတဲ့ အောက်ပါနေရာတွေမှာအသုံးပြုနိုင်ပါတယ်။

  • ပေါင်များ
  • တငပါးများ
  • ဗိုက်နဲ့ခါး
  • လက်မောင်းအပေါ်ပိုင်း
  • ကျော
  • ဒူးအတွင်းပိုင်း
  • ရင်ဘတ်
  • ပါး၊ မေးရိုးနဲ့လည်ပင်း
  • ခြေချင်းဝတ်များ

တချို့အခြေအနေတွေမှာအဆီစုပ်ထုတ်ခြင်းကိုတစ်ပိုင်းချင်းစီသက်သက်ခွြဲပီးပြုလုပ်ပါတယ်။ တခြားအခြေအနေတွေမှာတော့တခြားပလတ်စတစ်ဆာဂျရီတွေနဲ့တွဲလုပ်ပါတယ်။ဥပမာ – မေးရိုးပြင်ခြင်း၊ရင်သားသေးခြင်း၊ဗိုက်အဆီလျှော့ခြင်း။ သင့်အနေနဲ့ဒီခွဲစိတ်မှုမပြုလုပ်ခင်အတွင်းကျကျသိထားဖို့လိုပါမယ်။

အဆီစုပ်ထုတ်ခြင်းကိုဘာလို့ပြုလုပ်ကြလဲ။

အဆီစုပ်ထုတ်ခြင်းကိုပြုလုပ်ပြီးတဲ့လူတော်တော်များများကစိတ်ကျေနပ်ကြပါတယ်။ ဒါပေမယ့်လည်းခွဲစိတ်မှုတွေရဲ့ထုံးစံအတိုင်းဖြစ်လာနိုင်တဲ့ဆိုးကျိုးလေးတွေတော့ရှိပါတယ်။ ဒါ့ကြောင့်သင့်အနေနဲ့အဆီစုပ်ထုတ်ခြင်းရဲ့ကန့်သတ်ချက်နဲ့ရှုပ်ထွေးမှုတွေကိုသိထားဖို့လိုပါတယ်။

အဆီစုပ်ထုတ်ခြင်း မစခင်မှာသင့်အခြေအနေအပေါ်မူတည်ပြီးဒီနည်းလမ်းရဲ့ ကောင်းကျိုးနဲ့ဆိုးကျိုးတွေကိုဆုံးဖြတ်ဖို့လိုပါတယ်။ အဆီစုပ်ထုတ်ခြင်း လုပ်ဖူးတဲ့သူငယ်ချင်းတွေရဲစကားကိုဖြစ်ဖြစ်ဆရာဝန်ကိုဖြစ်ဖြစ် နားယောင်ပြီးသူတို့ရဲ့တိုက်တွန်းမှုအတိုင်းမလုပ်ပါနဲ့ဦး။ သင့်အနေနဲ့သင်ကိုယ်တိုင်လက်ခံနိုင်မှသာလုပ်ပါ။ ဒါကအလှအပဆိုင်ရာခွဲစိတ်မှုဖြစ်တဲ့အတွက်ကျန်းမာရေး ဆိုင်ရာ ခွဲစိတ်မှုတွေလိုအလျင်လိုဖို့မလိုပါဘူး။ အဆီစုပ်ထုတ်ခြင်းနဲ့ပတ်သက်တဲ့သတင်းအချက်အလက် တွေများများသင်စုဆောင်းလေဆုံးဖြတ်ချက်ကောင်းကောင်းချနိုင်လေဖြစ်ပါတယ်။ ဆိုးကျိုးတွေကလည်းတခြားသူတွေကိုမှဖြစ်တာလို့စိတ်ထဲမတွေးထားပါနဲ့။ ဖြစ်လာနိုင်တဲ့ ဆိုးကျိုးတွေကိုနားလည်ပြီးမှသင်ဆုံးဖြတ်ဖို့ကအရေးကြီးပါတယ်။

ဖြစ်လာနိုင်တဲ့ ဆိုးကျိုးများ

အဆီစုပ်ထုတ်ခြင်းကြောင့် ဖြစ်လာနိုင်တဲ့ ဆိုးကျိုးတွေက ဘာတွေလဲ။

တခြားခွဲစိတ်မှုတွေလိုပဲ အဆီစုပ်ထုတ်ခြင်းမှာလည်း နောက်ဆက်တွဲဆိုးကျိုးလေးတွေရှိပါတယ်။ သင့်အနေနဲ့သင့်ခွဲစိတ်ဆရာဝန်ကိုဒီအကြောင်းတွေ သေချာရှင်းပြခိုင်းဖို့လိုပါတယ်။

ခွဲစိတ်မှုတွေအားလုံးမှာဖြစ်လာနိုင်တဲ့ဆိုးကျိုးကမေ့ဆေး၊ထုံဆေးနဲ့ပတ်သက်ပြီးမမျော်လင့်ထားတဲ့သက်ရောက်မှုရှိခြင်း၊ သွေးထွက်လွန်ခြင်း၊ သွေးကြောတွင်း သွေးခဲပိတ်ဆို့ခြင်းတို့ပဲဖြစ်ပါတယ်။

အဆီစုပ်ထုတ်ခြင်းရဲ့ ဖြစ်လာနိုင်တဲ့ နောက်ဆက်တွဲ ပြဿနာတွေကတော့

  • ကိုယ်တွင်းအရည်ဓါတ်ဆုံးရှုံးလွန်ခြင်းကြောင့် ရှော့ခ်ရတဲ့ထိဖြစ်ခြင်း
  • ကိုယ်တွင်းအရည်များ စုပုံလာခြင်း
  • ရောဂါပိုးဝင်ခြင်း၊ဒါကအဆိုးဆုံး နောက်ဆက်တွဲ ပြဿနာတစ်ခုပါ။ အဆီတစ်ရှူးတွေမှာ ရောဂါပိုးဝင်ခြင်းကကုသဖို့ခက်ပါတယ်
  • အနာကျက်နှေးခြင်း
  • အရေပြားနဲ့အာရုံကြောတွေမှာပွန်းတိုက်နာနဲ့တခြားထိခိုက်မှုတွေရှိခြင်း
  • အရေပြားမညီမညာဖြစ်ခြင်း
  • အချိုးမညီသောအရေပြားမျက်နှာပြင်ဖြစ်သွားခြင်း
  • အရေပြားခံစားမှုပြောင်းခြင်း၊ထုံသွားခြင်း
  • အရေပြားအရောင်ပြောင်းခြင်း၊ ရောင်ရမ်းလာခြင်း
  • အမာရွတ် ထင်ထင်ရှားရှားကျန်ခဲ့ခြင်း
  • ဆေးတွေအပေါ်ဓါတ်မတည့်ခြင်း
  • အာရုံကြော၊ သွေးကြော၊ကြွက်သား၊အဆုတ်စတဲ့ကိုယ်တွင်းအင်္ဂါတွေထိခိုက်မိခြင်း
  • နာကျင်မှုဆက်ဖြစ်နေခြင်း
  • သွေးခဲခြင်း၊အဆီခဲခြင်းစတာတွေကအဆုတ်မှာ သွားရောက်ပိတ်ဆို့ပြီး သေဆုံးသည်အထိဖြစ်ခြင်း
  • ခြေထောက်တောက်လျှောက် ဖောရောင်ခြင်း
  • သွေးကြောပိတ်ခြင်း၊နှလုံးနဲ့အဆုတ်ဆိုင်ရာနောက်ဆက်တွဲပြဿနာများ

ခွဲစိတ်မှုမလုပ်ခင်ခွဲစိတ်မှုအကြောင်းနားလည်ထားဖို့လိုပါတယ်။ အသေးစိတ်ကိုတော့သင့်ခွဲစိတ်ဆရာဝန်ကိုမေးပါ။

အဆီစုပ်ထုတ်ခြင်းအတွက် ဘာတွေပြင်ဆင်ထားရမလဲ။

ခွဲစိတ်မှုမလုပ်ခင်နာရီအနည်းငယ်အလိုမှာအစာစားလို့ရမရလိုမျိုးညွှန်ကြားမှုတွေကိုခွဲစိတ်မှုမလုပ်ခင်ပေးမှာဖြစ်ပါတယ်။ များသောအားဖြင့်ခွဲစိတ်မှုမလုပ်ခင်၆နာရီအလိုမှာသင်ဝမ်းသွားထားရပါတယ်။ ခွဲစိတ်မှုမစခင်နာရီအနည်းငယ်အလိုမှာ ကော်ဖီလိုအရည်တော့သောက်လို့ရပါတယ်။

သင့်အနေနဲ့သင်လက်တလောဘာဆေးတွေသောက်နေလဲ၊သင့်ဓါတ်မတည့်မှုတွေကဘာတွေလဲ၊သင့်တခြားကျန်းမာရေးအခြေအနေတွေကဘယ်လိုတွေလဲဆိုတာခွဲစိတ်မှုမလုပ်ခင်ဆရာဝန်ကိုပြောပြပါ။ ဘယ်အချိန်စားသောက်တာရပ်ရမလဲဆိုတဲ့ညွှန်ကြားချက်တွေကိုတော့လိုက်နာဖို့လိုပါတယ်။

အဆီစုပ်ထုတ်ခြင်း ခွဲစိတ်မှုအတွင်းမှာ ဘာတွေဖြစ်လဲ။

အဆီစုပ်ထုတ်ခြင်းကိုသင့်ဆီကအဆီဘယ်လောက်ထုတ်မလဲအပေါ်မူတည်ပြီးမေ့ဆေးအောက်မှာပြုလုပ်မှာပါ။၄၅မိနစ်ကနေနာရီအထိကြာမြင့်နိုင်ပါတယ်။

အဆင့်၁ – မေ့ဆေး/ထုံဆေးပေးခြင်း

သင့်ကိုခွဲစိတ်မှုပြုလုပ်နေစဉ်အတွင်းသက်တောင့်သက်သာရှိနေစေဖို့မေ့ဆေးပေးပါလိမ့်မယ်။ အဆီစုပ်ထုတ်ခြင်းကိုမေ့ဆေးဆိုင်ရာအပေါ်အခြေခံပြုလုပ်မှာပါ။

အဆင့်၂ -ခွြဲခင်း

အဆီစုပ်ထုတ်ခြင်းပြုလုပ်ဖို့မြင်နိုင်ဖို့ခက်ခဲတဲ့ခွဲရာသေးသေးလေးပေးကာပြုလုပ်မှာပါ။

ပထမဆုံး သွေးထွက်နည်းစေဖို့ပိုးသတ်ထားသော အရည်ကိုထိုးသွင်းမှာပါ။ ပြီးရင်ပိုက်အသေးစားအလွတ်တစ်ချောင်းကိုအဆီတွေစုပ်ထုတ်ဖို့ထည့်မှာပါ။ သင့်ကိုယ်ထဲကအဆီတွေကိုလေစုပ်စက်နဲ့ပိုက်ကတစ်ဆင့်စုပ်မှာပါ။

အဆီစုပ်ထုတ်ခြင်းကိုပြုလုပ်တဲ့နေရာတွေ

  • ကျောအပေါ်ဘက်၊လက်မောင်းအပေါ်ဘက်၊တင်ပါး၊ပေါင်အတွင်းအပြင်၊ ယောက်ျားလေးဆိုရင်ရင်ဘတ်နဲ့ဗိုက်
  • ဗိုက်အပြည့်၊တင်ပါးနဲ့ ပေါင်
  • လည်ပင်းအောက်

သင်သိချင်တာတွေရှိရင်ဆရာဝန်ကိုအသေးစိတ်မေးနိုင်ပါတယ်။

အဆီစုပ်ထုတ်ခြင်း ခွဲစိတ်မှုအပြီး ဘာဖြစ်လဲ။

ခွဲစိတ်မှုအပြီးသင့်ခွဲစိတ်ထားတဲ့နေရာနဲ့ပမာဏအပေါ်မူတည်ပြီးတစ်နေ့တည်းဒါမှမဟုတ်နောက်တစ်နေ့ရောက်တာနဲ့သင်အိမ်ပြန်လို့ရပါပြီ။ ခွဲစိတ်ပြီး၂ရက်ကနေ၃ရက်ဆိုအလုပ်ပြန်သွားနိုင်ပါပြီ။ လေ့ကျင့်ခန်းတွေအတွက်သင့်ဆရာဝန်ဆီအကြံတောင်းနိုင်ပါတယ်။ ပုံမှန်အားဖြင့်လေ့ကျင့်ခန်းမှန်မှန်လုပ်ပြီးထိန်းထိန်းသိမ်းသိမ်းနေရင်တောင်သင့်ရဲ့ကိုယ်ပုံပန်းသွင်ပြင်အသစ်ဖြစ်ဖို့လအနည်းငယ်စောင့်ရပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စတော်ဘယ်ရီ နဲ့ အလှအပရေးရာ

စတော်ဘယ်ရီ ဝိတ်ကျစေနိုင်တယ် အဆီပို ခန္ဓာကိုယ်အချိုးအစား ဟော်မုန်းတွေ အသားအရေ ဆဲလ်သေတွေ ဝက်ခြံအမာရွတ်တွေ နေရောင်ခြည် ချွေးပေါက်တွေ ခံတွင်းနံ့ဆိုး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
အရေပြားကျန်းမာရေး, အလှအပ ဖေ‌ဖော်ဝါရီ 13, 2020 . 2 mins read

အမျိုးသားတွေက အမျိုးသမီးတွေထက် ဝိတ်ကျတာပိုမြန်တယ်တဲ့လား

အမျိုးသား၊ အမျိုးသမီး၊ အဆီ၊ ကိုယ်အလေးချိန်လျှော့ချ၊ လျော့ကျနှုန်း၊ ကယ်လိုရီ၊ အဆီပို၊ လောင်ကျွမ်း၊ ကျန်းမာရေး၊ ကြွက်သားတစ်သျှူး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

ခန္ဓါကိုယ်အမျိုးအစားအလိုက် diet လုပ်နည်းများ

Strength training Diet cardio ခန္ဓါကိုယ်အချိုးအစား သစ်တော်သီးပုံခန္ဓါကိုယ် အဆီကျခြင်း Gym ကစားခြင်း ကြွက်သားဖွံ့ဖြိုးမှု ခန္ဓါကိုယ်ပုံစံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Yee Mon Lwin

ကိုယ်က ဘယ်လိုဝတဲ့ အမျိုးအစားထဲ ပါနေတာလဲ။ ဘယ်လိုဖြေရှင်းရမလဲ။ ။

အဝလွန်တယ်ဆိုတာ သက်ကြီးပိုင်းလူတွေ တော်တော်များများဖြစ်တတ်တဲ့ ကိစ္စတစ်ခုပါ။ ...

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thin Yadanar @ Frances

သင့်အတွက် ရွေးချယ်ထားသည်

ဥပုသ်စောင့်တာ ဝိတ်ကျစေမလား။

ဥပုသ်စောင့်တာ ဝိတ်ကျစေမလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 10, 2020 . 1 min read

ပါပီလေးနဲ့အတူ လမ်းလျှောက်ထွက်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 6, 2020 . 2 mins read

သက်သတ်လွတ်စားရင်း ကြွက်သားလည်း ဖွံ့ဖြိုးစေမယ့် နည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇူလိုင် 30, 2020 . 2 mins read

ဒိုက်ထိုးတဲ့ အမျိုးသားတွေမှာပဲ ရနိုင်တဲ့ အကျိုးကျေးဇူး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဧပြီ 30, 2020 . 2 mins read