Abrams Pleural Biopsy (အဆုတ်ဖုံးအမြှေးပါးအသားစ စစ်ဆေးခြင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 8, 2017
Share now

အဆုတ်ဖုံးအမြှေးပါးအသားစ စစ်ဆေးခြင်း ဆိုတာဘာလဲ။

အဆုတ်ဖုံးအမြှေးပါးအသားစ စစ်ဆေးခြင်း ဟာ သင့်မှာ တီဘီရောဂါရှိမရှိ သိရှိဖို့ စစ်ဆေးတဲ့ စိတ်ချရပြီး ထိရောက်တဲ့နည်းလမ်း ဖြစ်ပါတယ်။

ဒီနည်းဟာ အဆုတ်အပြင်ဘက် နံရံတွေကိုကာရံထားတဲ့ အလွှာနှစ်လွှာပါသော အမြှေးပါးကနေ တစ်ရှူးစအချို့ကို ဖယ်ထုတ် စစ်ဆေးခြင်း ဖြစ်ပါတယ်။ သင့်ဆရာဝန်ဟာ အဆုတ်ဖုံးအမြှေးပါး အတွင်းက အရည်အချို့ကိုလည်း စစ်ဆေးဖို့ ထုတ်ယူနိုင်ပါတယ်။

အဆုတ်ဖုံးအမြှေးပါးအသားစ စစ်ဆေးခြင်း တွေကို ဘာကြောင့် လုပ်ကြတာလဲ။

ဒီနည်းကို သင့်မှာ တီဘီရောဂါရှိမရှိ အတည်ပြုဖို့ ပြုလုပ်ကြတာဖြစ်ပါတယ်။ ဖယ်ထုတ်လိုက်တဲ့ တစ်ရှူးနဲ့ အရည်ကို အနုကြည့်မှန်ပြောင်းအောက်မှာ စစ်ဆေးမှာဖြစ်ပြီး သူဟာ ဘာကြောင့် ပြဿနာဖြစ်ရလဲဆိုတာနဲ့ နောက်ပိုင်းကုသမှုတွေကို ဆုံးဖြတ်ဖို့ ကူညီပေးမှာဖြစ်ပါတယ်။

အဆုတ်ဖုံးအမြှေးပါးအသားစ စစ်ဆေးခြင်း ကိုမလုပ်ခင် ဘာတွေ သိထားသင့်သလဲ။

ယခုခေတ်နည်းပညာတွေအရ ဒီနည်းကို စိတ်ချရတဲ့ စစ်ဆေးမှုလို့သတ်မှတ်နိုင်ပါတယ်။ အရေပြားကို ဖေါက်ခြင်း၊ လှီးခြင်းပါဝင်တဲ့ စစ်ဆေးမှုအကုန်လုံးမှာ ရောဂါပိုးဝင်နိုင်ခြေရှိ ရှိပါတယ်။ အပ်ဟာ အဆုတ်ကို ထိုးမိရင် အဆုတ်ပြားခြင်းကို ရှားရှားပါးပါး ဖြစ်နိုင်ပါတယ်။ သွေးလွန်ခြင်းလည်း ဖြစ်နိုင်ပါတယ်။ စစ်ဆေးမှုအပြီးမှာ အောက်ပါ နောက်ဆက်တွဲဆိုးကျိုးတွေ ရှိနိုင်ပါတယ်။ ဥပမာ

  • နာကျင်မှု
  • အသက်ရှူကျပ်ခြင်း၊ ရင်ကျပ်ခြင်း၊ ချောင်းဆိုး ပိုဆိုးလာခြင်း
  • ဓါတ်မတည့်ခြင်း
  • အဆုတ်နှင့် ရင်ခေါင်းကြားလေဝင်ခြင်း
  • အသားစ ယူထားတဲ့နေရာမှ သွေးထွက်ခြင်း
  • အဆုတ်ဖုံးအမြှေးပါးအတွင်း ရောဂါပိုးဝင်ခြင်း

အဆုတ်ဖုံးအမြှေးပါးအသားစ စစ်ဆေးခြင်း နည်းတူ အခြားစစ်ဆေးမှုတွေ ရှိတယ်ဆိုတာလည်း သိထားသင့်ပါတယ်။ X-ray ဟာ သင့် အဆုတ်ဖုံးအမြှေးပါး မှာ ပြဿနာရှိမရှိ ဖေါ်ပြနိုင်ပါတယ်။ X-ray၊ ကွန်ပျူတာဓါတ်မှန်၊ အာထရာဆောင်းတွေကို အသုံးပြုခြင်းက အသားစယူရမယ့်နေရာတွေကို အတိအကျ သိရှိစေမှာဖြစ်ပါတယ်။

ဒီခွဲစိတ်မှုမပြုလုပ်မီ ဖြစ်နိုင်တဲ့ ကောင်းကျိုးဆိုးကျိုးတွေကို နားလည်ထားဖို့အရေးကြီးပါတယ်။

တကယ်လို့ မေးခွန်းတွေရှိရင် သင့်ဆရာဝန် (သို့) ခွဲစိတ်ဆရာဝန်ကို ဆက်သွယ်မေးမြန်းနိုင်ပါတယ်။

အဆုတ်ဖုံးအမြှေးပါးအသားစ စစ်ဆေးခြင်း တွေကို ဘယ်လိုပြင်ဆင်သင့်သလဲ။

ယေဘုယျအားဖြင့် စစ်ဆေးမှုမပြုလုပ်ခင် အစာမစားပဲနေဖို့ မလိုအပ်ပါဘူး။

သင့်မှာသွေးရောဂါ၊ သို့ သွေးကျဲဆေး၊ aspirin နဲ့ အခြားသွေးခဲမှုကို ထိခိုက်စေတဲ့ဆေးတွေ သောက်နေတာရှိရင် ဆရာဝန်ကို ကြိုတင်ပြောပြသင့်ပါတယ်။ ခွဲစိတ်မှုမပြုလုပ်မီ ဆရာဝန်က ဒီဆေးတွေကို ရပ်ခိုင်းနိုင်ပါတယ်။

သင့်မှာ ကိုယ်ဝန်ရှိရင် (သို့) ကိုယ်ဝန်ရှိတယ်လို့ သံသယရှိရင် ဆရာဝန်ကို ပြောပြနိုင်ပါတယ်။

ဒီစစ်ဆေးမှုမပြုလုပ်မီ အခြားစစ်ဆေးမှုတွေဖြစ်တဲ့ ရင်ဘက်ဓါတ်မှန်၊ အာထရာဆောင်း၊ ကွန်ပျူတာဓါတ်မှန် (သို့) chest fluoroscopyတွေ ပြုလုပ်ထားခြင်းဟာ ဒီစစ်ဆေးမှုကို ပြုလုပ်ဖို့အတွက် ရင်ဘတ်ထဲမှာ တိကျတဲ့နေရာကို သိရှိဖို့ကူညီပေးနိုင်ပါတယ်။

သင့်ကျန်းမာရေးအခြေအနေပေါ်မူတည်ပြီး သင့်ဆရာဝန်က အခြားပြင်ဆင်မှုတွေ ပြုလုပ်ခိုင်းနိုင်ပါတယ်။

Abrams pleural biopsy နဲ့ စစ်ဆေးနေချိန်မှာ ဘယ်လို ဖြစ်မှာလဲ။

သင့်ကို တင်းကျပ်မှု ပြေလျော့စေဖို့ စိတ်ငြိမ်ဆေးပေးမှာ ဖြစ်ပါတယ်။

အဆုတ်ဖုံးအမြှေးပါးအသားစ စစ်ဆေးခြင်း ပြုလုပ်ဖို့ မိနစ် ၂၀ အောက် ကြာနိုင်ပါတယ်။ ဒီစစ်ဆေးမှုမှာ ဓါးရာပေးပြီး အသားစယူတဲ့ ကိရိယာကို ဓါးရာမှတစ်ဆင့် ထည့်လိုက်ခြင်း ဖြစ်ပါတယ်။ သင့်ဆရာဝန်ဟာ အသားစယူတဲ့ ကိရိယာကို အသားစယူဖို့နဲ့ အရည်ထုတ်ယူဖို့ အသုံးပြုမှာဖြစ်ပါတယ်။

သင့်မှာ အခြားမေးခွန်းတွေ စိုးရိမ်မှုတွေ ရှိရင် ဆရာဝန်ကို ဆက်သွယ်မေးမြန်းနိုင်ပါတယ်။

အဆုတ်ဖုံးအမြှေးပါးအသားစ စစ်ဆေးခြင်း လုပ်ပြီးသွားချိန် ဘာဖြစ်မှာလဲ။

နာရီအနည်းငယ်ကြာရင် အိမ်ပြန်နိုင်ပြီ ဖြစ်ပါတယ်။

ကျန်းမာရေးစောင့်ရှောက်သူတွေဟာ သင့်ကုသမှု (သို့) ဆရာဝန်နဲ့ ပြန်လည်ပြဖို့ လိုအပ်မှုတွေကို ဆွေးနွေးပေးပါလိမ့်မယ်။

သင့်ကို အထူးတလည်မှာကြားမှုမရှိရင် နောက်တစ်ရက်မှာ အိမ်ပြန်နိုင်ပြီဖြစ်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

သင်ဒါလည်း နှစ်သက်နိုင်ပါတယ်။

တီဘီရောဂါ ကြောက်စရာကောင်းသလား။

တီဘီရောဂါ ကူးစက် အဆုတ်တီဘီ ကိုယ်ခံအားကောင်း HIV/AIDS ဆီးချိုရောဂါ အာဟာရချို့တဲ့ ဆေးယဉ်ပါးတီဘီ ဦးနှောက်အမြှေးရောင်တီဘီ BCG

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ပုခုံးကြပ်ခဲ ခြင်း (Frozen shoulder)

ပုခုံးကြပ်ခဲ frozen shoulder လက်မောင်းကျိုး လေဖြတ် ဆီးချိုရောဂါ သိုင်းရွိုက်ရောဂါ တီဘီရောဂါ ပါကင်ဆန်ရောဂါ ပြန်လည်သန်စွမ်းရေးလေ့ကျင့်ခန်း စတီးရွိုက်ထိုး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ပရန္နဝါရဲ့ ဆေးဖက်ဝင်ပုံက

ကျောက်ကပ်ကျောက်တည်တာ ဖျားနာမှုတွေ ပရန္နဝါ ဆေးဖက်ဝင်မှု အရေပြားရောင်ရမ်းမှု နှလုံးရောဂါ ပန်းနာရင်ကြပ်ရောဂါ အတက်ရောဂါ နာကျင်မှု စိတ်ဖိစီးမှု အသည်း ကျောက်ကပ် မျက်လုံး တီဘီရောဂါ ဂျင်း အရိုးတွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

အဆုတ်မှာ ဖြစ်နိုင်တဲ့ ရောဂါ အမျိုးမျိုး ။ ။

အဆုတ်ရောဂါ တီဘီရောဂါ လေပြွန်ရောင် အဆုတ် ပန်းနာရင်ကြပ် ဓါတ်မတည့် လေပြွန်ပိတ်ဆို့ ကျောက်မီးသွေးမှုန့် အဆုတ်သွေးခဲပိတ် copd

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thin Yadanar @ Frances

သင့်အတွက် ရွေးချယ်ထားသည်

ချွဲသလိပ် အရောင်တွေက ပြောနေတဲ့ ရောဂါများအကြာင်း

ချွဲသလိပ် အရောင်တွေက ပြောနေတဲ့ ရောဂါများအကြာင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဧပြီ 9, 2020
ချောင်းခြောက် လား ချောင်းစိုလား

ချောင်းခြောက် လား ချောင်းစိုလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဧပြီ 9, 2020
ကမ္ဘာ့ကပ်ရောဂါ (Pandemic) ဆိုတာဘာလဲ၊ ကူးစက်ရောဂါအဆင့်တွေဘယ်လိုခွဲခြားလဲ

ကမ္ဘာ့ကပ်ရောဂါ (Pandemic) ဆိုတာဘာလဲ၊ ကူးစက်ရောဂါအဆင့်တွေဘယ်လိုခွဲခြားလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မတ် 30, 2020
အိမ်မွေးတိရစ္ဆာန် လေးတွေကို မွေးတဲ့အခါ ဘယ်လိုမျိုးမှန်ကန်အောင်မွေးသင့်သလဲ

အိမ်မွေးတိရစ္ဆာန် လေးတွေကို မွေးတဲ့အခါ ဘယ်လိုမျိုးမှန်ကန်အောင်မွေးသင့်သလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မတ် 26, 2020