backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်
မာတိကာ

Tylenol Cold & Cough (Cough Suppressants) (Tylenol Cold & Cough (Cough Suppressants))

မှ အချက်အလက် စစ်ဆေးထားပါသည်။ Dr. Kaung Thar


Dr. Hlaing Min Ko Ko မှ ရေးသားသည်။ · 19/12/2019 တွင် အသစ်ဖြည့်စွက်ခဲ့သည်။

အသုံးပြုပုံများ

Tylenol Cold & Cough (Cough Suppressants) (Tylenol Cold & Cough (Cough Suppressants)) ကို ဘာအတွက်အသုံးပြုကြသလဲ

Tylenol® cold & coughကိုဓါတ်မတည့်ခြင်းနှင့် အအေးမိတုပ်ကွေးတို့ကြောင့်ဖြစ်သောခေါင်းကိုက်ခြင်း၊ ဖျားခြင်း၊ ကိုယ်လက်များကိုက်ခဲခြင်း၊ ချောင်းဆိုးခြင်း၊ နှာရည်ယိုခြင်း၊ နှာချေခြင်း၊ ယားခြင်းနှင့် မျက်ရည်ယိုခြင်းများတွင် အများဆုံးအသုံးပြုကြပါသည်။

ဤဆေးသည် ဆေးလိပ်သောက်ခြင်း၊ ပန်းနာရင်ကြပ်ဖြစ်ခြင်းနှင့် Emphysema တို့ကြောင့် ဖြစ်သောချောင်းဆိုးခြင်းအတွက် ကုသရန်မဟုတ်ပါ။

Tylenol Cold & Cough (Cough Suppressants) (Tylenol Cold & Cough (Cough Suppressants)) ဘယ်လိုသောက်သုံးသင့်သလဲ

အညွှန်းတွင်ပါသည့်အတိုင်းသို့မဟုတ် ဆရာဝန် ညွှန်ကြားသည့်အတိုင်းတိတိကျကျလိုက်နာပါ။ ညွှန်ကြားထားသောပမာဏထက် ပိုသောက်ခြင်း၊ လျော့သောက်ခြင်း၊ သတ်မှတ်အချိန်ကာလထက် ပိုသောက်ခြင်းများမပြုလုပ်ရပါ။ ဤဆေးကိုလက္ခဏာများသက်သာသွားသည်အထိရေတိုသာအသုံးပြုရပါမည်။

ညွှန်ကြားထားသည့်ထက်ပိုမသောက်ပါနှင့်။ Acetaminophen များသွားပါကအသည်းပျက်စီးစေပြီးသေသည်အထိဖြစ်နိုင်ပါသည်။

ဝါးစားရမည့်ဆေးပြားများကိုမျိုမချခင် ဝါးစားပါ။

၇ ရက်ဆက်တိုက်ထက်ပိုပြီးမသုံးရပါ။ ဆေးသောက်ပြီး ၃ ရက်မြောက်နေ့အတိအဖျားမကျလျှင်၊ ၇ ရက် (ကလေးဆိုလျှင် ၅ ရက်) မြောက်ထိတိုင် လက္ခဏာများမသက်သာသေးလျှင်၊ လက္ခဏာများပိုဆိုးလာလျှင်၊ အရေပြားတွင်အကွက်များထလာလျှင်၊ ခေါင်းကိုက်ခြင်း၊ နီရဲရောင်ရမ်းခြင်းများဖြစ်လာလျှင် ဆရာဝန်နှင့်ပြန်ပြပါ။

Tylenol Cold & Cough (Cough Suppressants) (Tylenol Cold & Cough (Cough Suppressants)) ဘယ်လိုသိမ်းဆည်းရမလဲ

Tylenol® cold & coughကိုတိုက်ရိုက်နေရောင်ခြည်မထိုးအောင်နှင့် စိုစွတ်မှုမရှိအောင်ထားခြင်းကအကောင်းဆုံးသိုလှောင်သိမ်းဆည်းနည်းပင် ဖြစ်သည်။ ဆေးအာနိသင်ပျက်ပြယ်ခြင်းနှင့် ဆေးအနေအထားပျက်ယွင်းမှုများမဖြစ်စေရန် Tylenol® cold & coughကိုရေချိုးခန်းတွင်သိမ်းဆည်းခြင်းနှင့် ရေခဲအောင် သိမ်းဆည်းခြင်းမျိုးမပြုလုပ်ပါနှင့်။ Tylenol® cold & coughဆေးအမျိုးအစားနှင့် ဆေးထုတ်လုပ်သည့်ကုမ္ပဏီကွဲပြားမှုပေါ်မူတည်ပြီးသိမ်းဆည်းသောပုံစံကွဲပြားခြားနားမှုများရှိနိုင်ပါသည်။ ထို့အတွက် ဆေးဘူးအခွံ၌ပါသောသိုလှောင်သိမ်းဆည်းမှု ညွှန်ကြားချက်ကို ကြည့်ရှုစစ်ဆေးခြင်းသို့မဟုတ် ဆေးဝါးကျွမ်းကျင်သူအားမေးမြန်းခြင်းကိုအမြဲလုပ်ပါ။ လုံခြုံစိတ်ချရစေရန်အတွက် ဆေးဝါးအကုန်လုံးကို ကလေးများ၊ အိမ်မွေးတိရိစ္ဆာန်များနှင့်ဝေးရာတွင် ထားပါ။

Tylenol® cold & coughအားအိမ်သာထဲပစ်ချခြင်း၊ ရေထွက်ပေါက်များမှ ဆေးချခြင်းမျိုးအားမလုပ်သင့်ပါ။ ဆေးဝါးများကို မလိုအပ်တော့သည့်အခါ ဒါမှမဟုတ် သက်တမ်းကုန်ဆုံးသွားသည့် အခါများတွင် စနစ်တကျစွန့်ပစ်ရန် အရေးကြီး၏။ ဆေးဝါးများကို စနစ်တကျ မည်ကဲ့သို့စွန့်ပစ်ရမည်ဆိုခြင်းနှင့် ပတ်သက်၍ သင့်၏ဆေးဝါးကျွမ်းကျင်ပညာရှင်နှင့် တိုင်ပင်နိုင်ပါသည်။

ကြိုတင်သတိပြုရန်များနှင့် အသိပေးချက်များ

Tylenol Cold & Cough (Cough Suppressants) (Tylenol Cold & Cough (Cough Suppressants)) အသုံးမပြုခင် ဘာတွေသိသင့်သလဲ

ဤဆေးကိုမသုံးခင် အောက်ပါတို့ရှိပါက ဆရာဝန်အား ပြောပြပါ။

  • ကိုယ်ဝန်ရှိလျှင်၊ သို့မဟုတ် နို့တိုက်နေရလျှင်။ အဘယ်ကြောင့်ဆိုသော် ကိုယ်ဝန်ယူရန် ပြင်ဆင်နေစဉ် သို့မဟုတ် ကလေးနို့တိုက်နေရစဉ်၌ ဆရာဝန်ညွှန်ကြားသည့်ဆေးကိုသာသုံးစွဲသုံးရမည်ဖြစ်သည်။
  • တခြားဆေးများကိုသုံးစွဲနေရလျှင်။ ထိုဆေးများတွင် ဆရာဝန်အညွှန်းမပါပဲ ဝယ်ယူနိုင်သည့်ဆေးများဥပမာအပင်ထွက်ဆေးများနှင့် ဖြည့်စွက်ဆေးများ စသည်တို့ပါဝင်ပါသည်။
  • Tylenol® cold& coughတွင်ပါသော active agent များ inactive agent များနှင့် ဓါတ်မတည့်မှုရှိလျှင်။
  • တခြားသောဖျားနာမှုများ၊ ကမောက်ကမရောဂါများ၊ တခြားကျန်းမာရေးအခြေအနေများရှိနေလျှင်။
  • အအေးမိချောင်းဆိုးပျောက်ဆေးများကိုကလေးများအားမတိုက်ခင် ဆရာဝန်ကိုအရင်မေးပါ။ အအေးမိချောင်းဆိုးပျောက်ဆေးများသည် အရမ်းငယ်သောကလေးများတွင် သေသည်အထိ ဖြစ်နိုင်ပါသည်။

    အရက်မသောက်ပါနှင့်။ Acetaminophen သောက်နေစဉ် အရက်သောက်ပါကအသည်းကိုထိခိုက်စေသည့်အပြင် ဤဆေးတွင်ပါသောChlopheniramine ၏ ဘေးထွက်ဆိုးကျိုးများကိုပိုတိုးစေနိုင်ပါသည်။

    ဆေးကြောင့် အမြင်ဝါးခြင်း၊ တွေးတောပုံတုံ့ပြန်ပုံများမူမမှန်ခြင်းတို့ဖြစ်တတ်ပါသည်။ ကားမောင်းလျှင်၊ နိုကြားရန် အမြင်ကြည်ရန်လိုသည့်အလုပ်များကိုလုပ်ပါကဂရုစိုက်ပါ။

    ကိုယ်ဝန်ဆောင်နေချိန် ဒါမှမဟုတ် ကလေးနို့တိုက်နေချိန်မှာ Tylenol Cold & Cough (Cough Suppressants) (Tylenol Cold & Cough (Cough Suppressants)) ကိုသုံးစွဲဖို့ စိတ်ချရပါသလား

    ယခုဆေးဝါးကို ကိုယ်ဝန်ဆောင်နေချိန်နှင့် ကလေးနို့တိုက်နေချိန်တွင် အသုံးပြုလျှင် ဆိုးကျိုးများရှိမရှိဆုံးဖြတ်နိုင်ရန်အတွက် လုံလောက်သောလေ့လာစမ်းသပ်ချက်များမရှိပါ။ ဆေးမသုံးစွဲမီတွင် ဖြစ်နိုင်ချေရှိသောကောင်းကျိုးများနှင့် ဆိုးကျိုးများအားလုံးကိုချိန်ဆနိုင်ရန်အတွက် သင့်ဆရာဝန်နှင့် တိုင်ပင်ဆွေးနွေးမှုပြုလုပ်ပါ။ ယခုဆေးဝါးသည် အမေရိကန်ပြည်ထောင်စုအစားအသောက်နှင့် ဆေးဝါးကွပ်ကဲရေးအဖွဲ့၏ သတ်မှတ်ချက်အရ ကိုယ်ဝန်ဆောင်များတွင် ထိခိုက်နိုင်ချေအဆင့် Nရှိသည်ဟုသတ်မှတ်ထားသည်။

    အမေရိကန်ပြည်ထောင်စုအစားအသောက်နှင့် ဆေးဝါးကွပ်ကဲရေးအဖွဲ့၏ ကိုယ်ဝန်ဆောင်များတွင် ထိခိုက်နိုင်ချေအဆင့် သတ်မှတ်ချက်များမှာအောက်ပါအတိုင်းဖြစ်သည်။

    • A=ဆိုးကျိုးမရှိပါ။
    • B=လေ့လာမှုအချို့အရဆိုးကျိုးမရှိပါ။
    • C=ဆိုးကျိုးအချို့ရှိနိုင်ပါသည်။
    • D=ဆိုးကျိုးများရှိသည့် အထောက်အထားများရှိပါသည်။
    • X=သောက်သုံး၍မရပါ (လုံးဝမတည့်ပါ)။
    • N=အခြေအနေကိုမသိရသေးပါ။

    ဘေးထွက်ဆိုးကျိုးများ

    Tylenol Cold & Cough (Cough Suppressants) (Tylenol Cold & Cough (Cough Suppressants)) ကိုအသုံးပြုခြင်းဖြင့် ဘယ်လိုဘေးထွက်ဆိုးကျိုးတွေဖြစ်နိုင်သလဲ

    အဖြစ်များသောဘေးထွက်ဆိုးကျိုးများ

    • ခေါင်းမူးခြင်း
    • အိပ်ငိုက်ခြင်း
    • ခေါင်းနည်းနည်းကိုက်ခြင်း
    • နှာခေါင်း၊ လည်ချောင်း၊ အာခြောက်ခြင်း
    • ဝမ်းချုပ်ခြင်း
    • ဝမ်းလျှောခြင်း
    • ဗိုက်နာခြင်း
    • အမြင်ေဝဝါးခြင်း
    • ဂဏာမငြိမ်သလိုခံစားရခြင်း
    • အိပ်မပျော်ခြင်း

    အောက်ပါတို့ဖြစ်လာပါကဆေးကိုရပ်ပြီး ဆရာဝန်နှင့် ချက်ချင်းပြပါ။

    • နှလုံးခုန်မြန်ခြင်း၊ နှေးခြင်း၊ မညီခြင်း
    • ရင်ဘတ်အောင့်ခြင်း
    • သွေးခုန်နှုန်းမြန်ခြင်း၊ မေ့လဲတော့မလိုခံစားရခြင်း
    • ပြင်းပြင်းထန်ထန်ခေါင်းမူးခြင်း၊ စိုးရိမ်ခြင်း
    • စိတ်ခံစားမှုပြောင်းလဲခြင်း
    • စိတ်ရှုပ်ထွေးခြင်း
    • ထင်ယောင်ထင်မှားမြင်ခြင်း
    • ဆီးနည်းခြင်း၊ မသွားခြင်း
    • ပျို့ခြင်း
    • ဗိုက်အပေါ်ပိုင်းနာခြင်း
    • ယားခြင်း၊ အစားအသောက်ပျက်ခြင်း
    • ဆီးအရောင်ရင့်ခြင်း
    • ရွံ့စေးရောင်ဝမ်းများသွားခြင်း
    • အသား၊ မျက်လုံးဝါခြင်း
    • အန္တရာယ်ရှိလောက်သည်အထိသွေးတိုးခြင်း (ပြင်းပြင်းထန်ထန်ခေါင်းကိုက်ခြင်း၊ အမြင်ေဝဝါးခြင်း၊ နားအူခြင်း၊ တက်ခြင်း)

    ယခုဖော်ပြပါ ဘေးထွက်ဆိုးကျိုးများကိုခံစားရမှုမှာတစ်ဦးနှင့်တစ်ဦးကွဲပြားခြားနားမှု ရှိနိုင်ပါသည်။ အထက်ဖော်ပြပါ ဘေးထွက်ဆိုးကျိုးများတွင် မပါဝင်သည့် ဘေးထွက်ဆိုးကျိုးများလည်းရှိနိုင်သည်။ ဘေးထွက်ဆိုးကျိုးနှင့်ပတ်သက်၍ စိုးရိမ်ပူပန်မှုများရှိပါကသင်၏ဆရာဝန် သို့မဟုတ် ဆေးဝါးကျွမ်းကျင်ပညာရှင်နှင့် တိုင်ပင်ဆွေးနွေးမှုများ ပြုလုပ်ပါ။

    ဆေးဓါတ်ပြုမှုများ

    ဘယ်ဆေးတွေက Tylenol Cold & Cough (Cough Suppressants) (Tylenol Cold & Cough (Cough Suppressants)) နဲ့ ဓါတ်ပြုနိုင်သလဲ

    Tylenol® cold & coughသည် သင်အခုသောက်သုံးနေသည့် တခြားသောဆေးဝါးများနှင့် ဓါတ်ပြုမှုများဖြစ်နိုင်ပြီး ဆေးဝါးအာနိသင်ပြောင်းခြင်းနှင့် ဘေးထွက်ဆိုးကျိုးဖြစ်လာနိုင်သောပြောင်းလဲမှုများဖြစ်နိုင်ပါသည်။ မလိုလားအပ်သောဆေးဝါးဓါတ်ပြုမှုများမဖြစ်စေရန် သင်လက်ရှိသောက်သုံးနေသော ဆေးဝါးများအားလုံးကို စာရင်းပြုစုထားပြီး (စာရင်းလုပ်လျှင် ဆရာဝန်ညွှန်ကြားထားသည်များ၊ မညွှန်ကြားဘဲသောက်သုံးနေသည်များ၊ သဘာဝဆေးဘက်ဝင်ပစ္စည်းများအားလုံးပါရပါမည်။) ဆရာဝန် သို့မဟုတ်ဆေးဝါးကျွမ်းကျင်သူအားအမြဲပြောပြပါ။ ဆေးဝါးများကို ဆရာဝန်ခွင့်ပြုချက်မပါပဲသောက်သုံးခြင်း၊ ရပ်ဆိုင်းခြင်း၊ ပမာဏပြောင်းလဲခြင်းစသည်တို့ မပြုလုပ်ပါနှင့်။

    အစားအသောက်တွေနဲ့ အရက်က Tylenol Cold & Cough (Cough Suppressants) (Tylenol Cold & Cough (Cough Suppressants)) နဲ့ ဓါတ်ပြုနိုင်သလား

    Tylenol® cold & cough က အစားအသောက် သို့မဟုတ် အရက်သေစာနှင့် ဓါတ်ပြုမှုများဖြစ်နိုင်ပြီး ဆေးဝါးများ၏အကျိုးသက်ရောက်မှုပုံစံနှင့် ဘေးထွက်ဆိုးကျိုးဖြစ်လာနိုင်သောပြောင်းလဲမှုများ ဖြစ်နိုင်ပါသည်။ မလိုလားအပ်သည့် ဓါတ်ပြုမှုများမဖြစ်လာစေရန် အစားအသောက်၊ အရက်သေစာများနှင့် ဓါတ်ပြုနိုင်ချေရှိမရှိကိုမေးမြန်းတိုင်ပင်ပါ။

    ဘယ်ရောဂါအခြေအနေတွေက Tylenol Cold & Cough (Cough Suppressants) (Tylenol Cold & Cough (Cough Suppressants)) နဲ့ ဓါတ်ပြုနိုင်သလဲ

    Tylenol® cold & coughသည် လက်ရှိသင့်ကျန်းမာရေးအခြေအနေများနှင့် သက်ရောက်ဓါတ်ပြုမှုများရှိနိုင်ပါသည်။ သင်၏ ကျန်းမာရေးအခြေအနေအားပိုဆိုးသွားစေခြင်းသို့မဟုတ် ဆေးသက်ရောက်မှုပုံစံပြောင်းလဲသွားခြင်းများ ဖြစ်နိုင်ပါသည်။ ထို့ကြောင့် သင်၏ကျန်းမာရေးအခြေအနေအကုန်လုံးကိုသင့်ဆရာဝန် သို့မဟုတ် ဆေးဝါးကျွမ်းကျင်ပညာရှင်ကိုအသိပေးရန်အရေးကြီးပါသည်။

    သောက်သုံးရန်အညွှန်း

    ယခုအချက်အလက်များသည် ဆေးပညာအကြံပေးမှုကို အစားထိုးရန်အတွက်မဟုတ်ပါ။ သင်သည်သင့်ဆရာဝန်နှင့် အမြဲတမ်းတိုင်ပင်ဆွေးနွေးသင့်ပါသည်

    အရွယ်ရောက်ပြီးသူတွေအတွက် Tylenol Cold & Cough (Cough Suppressants) (Tylenol Cold & Cough (Cough Suppressants)) ရဲ့ အသုံးပြုရမယ့်ပမာဏကဘယ်လောက်လဲ

    နေ့အချိန်သောက်ဆေး (Chlorpheniramineမပါသောဆေး) : နိုးနေသည့်အချိန်တွင် ၆ နာရီခြားတိုင်းဆေး ၂ ပြားသောက်ရန်။

    ညအချိန်သောက်ဆေး: အိပ်စက်ရမည့်အချိန်တွင် ၆ နာရီခြားတိုင်းဆေး ၂ ပြားသောက်ရန်။

    တစ်ရက်လျှင် နေ့ဆေးညဆေးပေါင်း ၈ ပြားထက် မပိုရပါ။

    ကလေးတွေအတွက် Tylenol Cold & Cough (Cough Suppressants) (Tylenol Cold & Cough (Cough Suppressants)) ရဲ့ အသုံးပြုရမယ့်ပမာဏကဘယ်လောက်လဲ

    အသက် ၁၂ နှစ်နှင့်အထက်: နေ့အချိန်သောက်ဆေး (Chlorpheniramineမပါသောဆေး) : နိုးနေသည့်အချိန်တွင် ၆ နာရီခြားတိုင်းဆေး ၂ ပြားသောက်ရန်။

    ညအချိန်သောက်ဆေး: အိပ်စက်ရမည့်အချိန်တွင် ၆ နာရီခြားတိုင်းဆေး ၂ ပြားသောက်ရန်။

    တစ်ရက်လျှင် နေ့ဆေးညဆေးပေါင်း ၈ ပြားထက် မပိုရပါ။

    အသက် ၁၂ အောက်များ : ဆရာဝန်နှင့်တိုင်ပင်ပါ။

    Tylenol Cold & Cough (Cough Suppressants) (Tylenol Cold & Cough (Cough Suppressants)) ကိုဘယ်လိုရရှိနိုင်သလဲ

    Tylenol® cold & coughကိုအောက်ဖော်ပြပါ ဆေးဝါးပုံစံများနှင့် အချိုးအစားများဖြင့် ရရှိနိုင်ပါသည်။

    ဆေးပြား – 325 mg / 2 mg / 15 mg / 30 mgှ

    အရေးပေါ်အခြေအနေ ဒါမှမဟုတ် ဆေးပမာဏလွန်သွားချိန်မှာ ဘာလုပ်သင့်သလဲ။

    အရေးပေါ်အခြေအနေသို့မဟုတ် ဆေးပမာဏလွန်သွားသည့်အခြေအနေများတွင် အရေးပေါ်ဆေးရုံဆေးခန်းများသို့ သွားရောက်ကုသမှုခံယူပါ။

    ဆေးသောက်ရမယ့်အချိန်လွတ်သွားခဲ့ရင် ဘာလုပ်ရမလဲ။

    Tylenol® cold & coughကိုသုံးစွဲဖို့ လွတ်သွားခဲ့ပါက (မေ့ခဲ့ပါက) သတိရသည့်အချိန်တွင် အမြန်ဆုံးသုံးပါ။ သို့သော်လည်းနောက်တစ်ကြိမ်သုံးရမည့်အချိန်နှင့် နီးကပ်နေပြီဆိုပါကလွတ်သွားသောအကြိမ်ကိုကျော်ပြီးပုံမှန်အချိန်၌ပင်သုံးလိုက်ပါ။ ဆေးပမာဏအား နှစ်ဆတိုးတာမျိုးမလုပ်ပါနှင့်။

    Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Kaung Thar


    Dr. Hlaing Min Ko Ko မှ ရေးသားသည်။ · 19/12/2019 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement