ဆီးချိုရောဂါဆိုတာသင့်ခန္ဓါကိုယ်ကလုံလောက်တဲ့ အင်ဆူလင်ကိုမထုတ်နိုင်တာ၊ အင်ဆူလင်ကိုအသုံးမပြုနိုင်တာ၊ ဒီနှစ်မျိုးစလုံးဖြစ်တာစတဲ့အခြေအနေပဲ ဖြစ်ပါတယ်။ သွေးထဲကသကြားဓါတ်ဟာအမြဲတက်နေတတ်ပြီးမထိန်းချုပ်ဘဲနေရင် နောက်ဆက်တွဲတွေ ဖြစ်တတ်ပါတယ်။ နောက်ဆက်တွဲဖြစ်နိုင်ခြေတွေဟာဆိုးရွားတတ်ပါတယ်။ ကောင်းတဲ့အချက်ကဒီပြသနာတွေကို ကြိုတင်ကာကွယ်ပြီးသတိထားဂရုပြုပြီးကုသနိုင်ပါတယ်။
ဆီးချိုရောဂါ၏ အစောပိုင်းလက္ခဏာများ
အစောပိုင်းလက္ခဏာတွေဟာသိပ်မပြင်းထန်တာမို့ သတိမထားမိတတ်ပါဘူး။ အောက်ပါလက္ခဏာတွေ တွေ့ရတတ်ပါတယ်။
- ကိုယ်အလးချိန်ကျခြင်း (ပုံမှန်စားနေလျက်)
- မကြာခဏဆီးသွားခြင်း
- အမြင်မကြည်လင်ခြင်း
- ပုံမှန်မဟုတ်ဘဲမောပန်းနွမ်းနယ်ခြင်း
- လက်နှင့်ခြေထောက်ထုံကျင်ခြင်း
- ဒီအဆင့်မှာဆီးချိုကိုမကုဘဲထားရင် နောက်ဆက်တွဲတွေ ဖြစ်လာနိုင်ပါတယ်။
- လိင်အင်္ဂါတောင့်တင်းမှုမရှိခြင်း။ လိင်အင်္ဂါ တောင့်တင်းလာမှုမရှိဘဲ ဖြစ်တတ်ပါတယ်။ ဒီလက္ခဏာဟာသွေးတိုးခြင်း၊ စိတ်ဖိအားများခြင်း၊ ဆေးလိပ်သောက်ခြင်း၊ ဆေးဝါးများသောက်သုံးနေရခြင်း၊ ကျောက်ကပ်ရောဂါ၊ သွေးလည်ပတ်မှုနဲ့ အာရုံကြောရောဂါစတဲ့ ကျန်းမာရေးအခြေအနေမျိုးစုံကြောင့် ဖြစ်နိုင်ပါတယ်။ ဆီးချိုရှိသူအမျိုးသားများဟာဒိပြသနာရှိနိုင်ခြေများပါတယ်။ ဆီးချိုရှိသူ ၂၀ ကနေ ၇၅ ရာခိုင်နှုန်းလောက်အထိ ဖြစ်တတ်ပါတယ်။ တကယ်လို့သင့်မှာဒီပြသနာရှိနေရင် ဆီးချိုကို ဖြစ်နိုင်ခြေအနေနဲ့ စဉ်းစားရပါမယ်။
- အလိုအလျောက်အာရုံကြောစနစ် ပျက်စီးခြင်းဒီပျက်စီးမှုကနေလိင်ပိုင်းဆိုင်ရာ ပြသနာတွေကို ဖြစ်ပွားစေနိုင်ပါတယ်။ အမျိုးသားလိင်အင်္ဂါထဲကသွေးကြောနဲ့ အာရုံကြောတွေကိုပျက်စီးစေရင်လိင်အင်္ဂါတောင့်တင်းမှု မရှိတဲ့ပြသနာ ဖြစ်လာနိုင်ပါတယ်။
- နောက်ကြောင်းပြန်သုတ်ထွက်ခြင်း။ ဆီးချိုရှိသူအမျိုးသားများမှာသုတ်ရည်ဟာနောက်ကြောင်းပြန်ပြီးဆီးအိမ်ထဲထွက်စေတတ်ပါတယ်။ ပုံမှန်ထက်နည်းပြီးသုတ်ထွက်တာနည်းရင် ဒီပြသနာကိုစဉ်းစားသင့်ပါတယ်။
- ဆီးလမ်းကြောင်းပြသနာ။ ဆီးချိုကြောင့် အာရုံကြောထိခိုက်ရင် ဆီးလမ်းကြောင်း ပြသနာတွေ ဖြစ်တတ်ပါတယ်။ ဆီးအိမ်အလုပ်လုပ်လွန်တာ၊ ဆီးမထိန်းနိုင်တာ၊ ဆီးလမ်းကြောင်းမှာပိုးဝင်တာတွေ ဖြစ်တတ်ပါတယ်။
အမျိုးသားတွင် ဖြစ်နိုင်ခြေများသောအရာများ
ဆီးချိုကနေနောက်ဆက်တွဲပြသနာတွေ ဖြစ်လာနိုင်ခြေတဲ့ အကြောင်းအရာတွေ အများကြီးအနက်မှာ-
- ဆေးလိပ်သောက်ခြင်း
- သွေးတိုးခြင်း၊ ကိုလက်စထရောမြင့်ခြင်း
- ကိုယ်အလေးချိန်များခြင်း
- ကိုယ်လက်လှုပ်ရှားမလုပ်ခြင်း
- အသက် ၄၀ကျော်လာခြင်း စတဲ့အခြေအနေတွေ ပါဝင်ပါတယ်။
သင့်မှာသွေးတွင်းသကြားဓါတ်များနေရင်၊ ဆီးချိုဖြစ်နိုင်ခြေများရင် ဆရာဝန်နဲ့ တိုင်ပင်ဆေးနွေးသင့်ပါတယ်။
[embed-health-tool-bmi]
