ထွက်မှာ သေချာပြီလား။
ဟေးနော့ရှော်လိန်းအင်ပျဉ်ထခြင်းဆိုတာ ရှားပါးတဲ့ ပြသနာတခုဖြစ်ပြီး အရေပြား၊ အဆစ်များ၊ အူများနဲ့ ကျောက်ကပ်များထဲက သွေးကြောငယ်များ သွေးယိုခြင်းနဲ့ ရောင်ရမ်းခြင်းကို ဖြစ်ပေါ်စေပါတယ်။ သွေးကြောရောင်ရမ်းခြင်းကို ဖြစ်ပေါ်စေတဲ့ အခြေအနေတွေ အများကြီးရှိပါတယ်။ သွေးကြောရောင်ခြင်း ပုံစံတမျိုးစီမှာ သွေးကြောတွေရဲ့ ထူးခြားတဲ့ ဝိသေသတွေ ပါဝင်ပါတယ်။
ဟေးနော့ရှော်လိန်းအင်ပျဉ်ထခြင်းရဲ့ အဓိကပုံစံဟာ ခရမ်းရောင်အပျဉ်တွေဟာ ခြေထောက်နဲ့ တင်ပါးတွေမှာ ဖြစ်ပေါ်ခြင်း ဖြစ်ပါတယ်။ ဒီအခြေအနေမှာ ဝမ်းဗိုက်အောင့်ခြင်း၊ အဆစ်အမြစ်ကိုက်ခြင်း စတာတွေ ဖြစ်တတ်ပါတယ်။ ရှားရှားပါးပါး ကျောက်ကပ်ထိခိုက်တာ ဖြစ်နိုင်ပါတယ်။
ဒီပြသနာဟာ လေးပတ်ကနေ ၆ပတ်ထိကြာရင် ပျောက်သွားနိုင်ပါတယ်။ တခါတရံ ပြန်ဖြစ်တတ်ပါတယ်။ ရေရှည် အကျိုးဆက်တွေတော့ မရှိတတ်ပါဘူး။ ကျောက်ကပ်၊ အူ စတဲ့ ကိုယ်တွင်းအင်္ဂါတွေ ထိခိုက်ရင် ကုသမှုတွေ လိုအပ်ပြီး နောက်ဆက်တွဲပြသနာတွေကို ကာကွယ်ဖို့ ပုံမှန် ပြန်လည်ပြသဖို့ လိုအပ်ပါတယ်။
ယောက်ျားလေးတွေဟာ မိန်းကလေးတွေထက် ပိုဖြစ်တတ်ပါတယ်။ ကလေးတွေမှာ ကျား/မအချိုးဟာ ၁.၅-၂ း ၁ ရှိပါတယ်။ အရွယ်ရောက်ပြီးသူတွေမှာတော့ ကျား/မအချိုးဟာ ၁း၁ ဖြစ်ပါတယ်။
ဟေးနော့ရှော်လိန်းအင်ပျဉ်ဟာ ဘယ်သူမှာမဆို ဖြစ်နိုင်ပါတယ်။ ဒါပေမယ့် အသက် ၂နှစ်နဲ့၆နှစ်ကြား ကလေးတွေမှာ တွေ့ရအများဆုံး ဖြစ်ပါတယ်။
ဖြစ်နိုင်ခြေအန္တရာယ်တွေကို လျှော့ချနိုင်ပါတယ်။
ပိုသိရအောင် ဆရာဝန်နဲ့ တိုင်ပင်ဆွေးနွေးပါ။
အဓိကလက္ခဏာ ၄မျိုး ရှိပါတယ်။
အထက်ပါဖော်ပြချက်တွေမှာ မပါသေးတဲ့ လက္ခဏာတွေလည်း ရှိနေနိုင်ပါသေးတယ်။ လက္ခဏာ တခုခုနဲ့ ပတ်သက်လို့ စိုးရိမ်မှုရှိရင် ဆရာဝန်နဲ့ တိုင်ပင်ပါ။
အထက်ပါ လက္ခဏာတွေရှိနေရင်၊ သိလိုတာတွေရှိရင် ဆရာဝန်နဲ့ တိုင်ပင်ပါ။ တယောက်နဲ့ တယောက် ဖြစ်ပျက်ပုံတော့ မတူနိုင်ပါဘူး။ ကိုယ့်အတွက် ဘယ်အရာက အကောင်းဆုံးဖြစ်မယ်ဆိုတာကို ဆရာဝန်နဲ့ တိုင်ပင်ပါ။
ကိုယ်ခန္ဓါရဲ့ သွေးကြောလေးတွေ ရောင်ရမ်းပြီး အရေပြား၊ ဝမ်းဗိုက်နဲ့ ကျောက်ကပ်တွေမှာ သွေးယိုနိုင်ပါတယ်။ ဒါပေမယ့် ဒီကနဦး ရောင်ရမ်းခြင်းတွေဟာ ဘာကြောင့်လဲဆိုတာ သေချာမသိပါဘူး။ ကိုယ်ခံအားစနစ်ရဲ့ တုံ့ပြန်မှု ဖြစ်နိုင်ပါတယ်။ လည်ချောင်း၊ အသက်ရှူလမ်းကြောင်း၊ အဆုတ် စတာတွေမှာ ဘက်တီးရီးယား၊ ဗိုင်းရပ်စ်ပိုး ကူးစက်ခြင်းတို့ကြောင့် ဖြစ်တတ်ပါတယ်။
တယော်ကကနေ တယောက်ကို မကူးစက်သလို မိသားစုအတွင်းလည်း မျိုးရိုးမလိုက်ပါဘူး။
အောက်ပါအခြေအနေတွေမှာ ဒီရောဂါဖြစ်နိုင်ခြေ ပိုများပါတယ်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
စစ်ဆေးချက်တမျိုးတည်းနဲ့တော့ ဟေးနော့ရှော်လိန်းပြသနာကို အဖြေမထုတ်နိုင်ပါဘူး။ ဒါပေမယ့် တခြားရောဂါတွေကို ဖယ်ထုတ်ပြီး ဒီရောဂါ ဖြစ်နိုင်ခြေရှိကြောင်း အတည်ပြုနိုင်ပါတယ်။
အသားစစစ်ဆေးခြင်း
အရေပြားအစအနည်းငယ်ယူပြီး အနုကြည့်မှန်ပြောင်းအောက်မှာ စစ်ဆေးပါတယ်။ ဆိုးရွားတဲ့ ကျောက်ကပ်ပြသနာရှိရင် ကျောက်ကပ်အသားစယူပြီး စစ်ဆေးပါတယ်။
ပုံရိပ်ဖော်စစ်ဆေးခြင်း
ဝမ်းဗိုက်နာခြင်းရဲ့ တခြားအကြောင်းအရာတွေကို ဖယ်ထုတ်နိုင်ဖို့နဲ့ ဖြစ်နိုင်ခြေပြသနာတွေကို စစ်ဆေးဖို့ အာထရာဆောင်း ရိုက်နိုင်ပါတယ်။
တလအတွင်း ပျောက်နိုင်ပြီး ဝေဒနာတွေ မကျန်ခဲ့ပါဘူး။
အိပ်ရာမှာအနားယူခြင်း၊ အရည်ဓါတ်များများ သောက်ခြင်း၊ မိမိဖာသာ ဝယ်ယူသောက်သုံးနိုင်တဲ့ ဆေးဝါးများ သုံးစွဲခြင်း စတာတွေ ပြုလုပ်နိုင်ပါတယ်။
ဆေးဝါးများ
ပရနီစလုံးလို ကော်တီကိုစတီးရွိုက်ဆေးတွေကို သုံးစွဲရာမှာ အငြင်းပွားစရာတွေ ရှိပါတယ်။ ဆိုးရွားတဲ့ အစာအိမ်အူလမ်းကြောင်းတွေကို ကုသဖို့ အများဆုံး သုံးပါတယ်။
ခွဲစိတ်ခြင်း
အူလမ်းကြောင်းခေါက်ခြင်း၊ ပေါက်ခြင်း စတာတွေမှာ ခွဲစိတ်ကုသဖို့ လိုအပ်ပါတယ်။
ဘယ်လို နေထိုင်မှုပုံစံနဲ့ အိမ်တွင်းကုထုံးတွေက ဆိုးရွားတဲ့ဓါတ်မတည့်မှုကြောင့် အင်ပျဉ်ထခြင်းအတွက် အထောက်အကူ ပြုသလဲ
အောက်ပါအချက်တွေက အထောက်အကူ ပြုပါတယ်။
ဒီပြသနာရှိသူတွေကို သက်တောင့်သက်သာဖြစ်အောင် ပြုလုပ်ပေးရပါတယ်။ အိပ်ရာထက် အနားယူခြင်း၊ အရည်များများပေးခြင်း၊ ဆေးဝါးများသောက်သုံးခြင်း ပြုလုပ်နိုင်ပါတယ်။
သိလိုတဲ့အချက်တွေရှိရင် ဆရာဝန်နဲ့ တိုင်ပင်ဆွေးနွေးတာ အကောင်းဆုံးပါပဲ။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်
အမျိုးသား
အမျိုးသမီး
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Reference:
Henoch-Schonlein Purpura (HSP) http://www.webmd.com/skin-problems-and-treatments/henoch-schonlein-purpura-causes-symptoms-treatment#1. Accessed April 15, 2017
Henoch-Schönlein purpura http://www.nhs.uk/conditions/henoch-schonlein-purpura/Pages/Introduction.aspx. Accessed April 15, 2017
Henoch-Schonlein Purpura (HSP) or Anaphylactoid Purpura http://www.medicinenet.com/henoch-schonlein_purpura/page3.htm. Accessed April 15, 2017
Henoch-Schonlein purpura http://www.mayoclinic.org/diseases-conditions/henoch-schonlein-purpura/manage/ptc-20231424. Accessed April 15, 2017
