ရေနွေးစိမ်ပြီး ရေချိုးတာက ကြွက်သားတွေကို ပြေလျော့စေသလို လေပြွန်ရောင်နေတာကြောင့် အသက်ရှူရခက်တာကိုလည်း သက်သာစေပါတယ်။ ဒီလို ရေနွေးစိမ်တဲ့အခါ ရေနွေးထဲကို ယူကလစ်ဆီ ဒါမှမဟုတ် ပူဒီနံ အဆီစတာတွေကို ထည့်ပေးလို့ ရပါတယ်။
- ချင်း (ဂျင်း) ရေနွေးကြမ်း သောက်ပါ
ရေနွေးထဲကို ချင်း (ဂျင်း) လက်တဆစ်စာလောက်ကို ခပ်ဆတ်ဆတ်လေး ထုထည့်လို့ ၁၀ မိနစ် ကနေ ၁၅ မိနစ်လောက် ထည့်စိမ်ပြီး သောက်ပေးမယ်ဆိုရင်လည်း လေပြွန်ရောင်တာကို သက်သာစေမှာပါ။ အရသာ ရှိရှိလေး သုံးဆောင်ချင်တယ် ဆိုရင်တော့ သံပရာရည်လေး ညှစ်ထည့်လို့ ရပါတယ်။
ရင်ဘတ်နဲ့ လည်ပင်းတဝိုက်ကို ဆေးပူလေး ခပ်ဖွဖွ လိမ်းပေးတာကလည်း ချောင်းဆိုးတာ ချွဲကြပ်တာကို သက်သာစေမှာဖြစ်သလို အသက်ရှူရလည်း လွယ်စေမှာပါ။ ဒါကြောင့် ညဘက် အိပ်ရာမဝင်ခင်မှာ ရင်ဘတ်နဲ့ လည်ပင်း၊ ကျောကုန်းစတဲ့နေရာတွေကို ပရုပ်ဆီလေး ခပ်ပါးပါး လိမ်းပေးပါ။
ပြည့်ပြည့်ဝဝ အနားယူခြင်းက ခန္ဓာကိုယ် ကျန်းမာစေဖို့အတွက် အတော်လေး အရေးပါပါတယ်။ ဒါကြောင့် လေပြွန်ရောင်နေပြီဆိုရင် အိပ်ရေးဝဝအိပ်တာကစလို့ ပြည့်ပြည့်ဝဝ အနားယူဖြစ်အောင် သေချာလေး ဂရုစိုက်လို့ နားပေးပါ။
ဗီတာမင် C က ဓာတ်တိုးဆန့်ကျင်ပစ္စည်း တစ်မျိုးဖြစ်ပြီး ကိုယ်ခံအား ကောင်းစေဖို့ ထောက်ကူပေးပါတယ်။ အရောင်ကျစေနိုင်စွမ်းလည်း ရှိပါတယ်။ ဒါကြောင့် နေ့စဉ် စားသုံးမှုမှာ ဗီတာမင် C ကြွယ်ဝတဲ့ သံပရိုသီး၊ လိမ္မော်သီး၊ ကီဝီသီး၊ စတော်ဘယ်ရီသီး စတာတွေကို စားပေးလို့ ရသလို ပန်းဂေါ်ဖီစိမ်းလိုမျိုး ဗီတာမင် C ပါတဲ့ အသီးအရွက်ကို စားပေးလို့လည်း ရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။