ကလေးက ခေါင်းမခိုင်သေးတဲ့အတွက် အမေ့ဗိုက်ပေါ် တင်ထားတာ အကောင်းဆုံးပါ။ ကလေးရင်ဘတ်အောက်မှာ အဝတ်လိပ်လေး ခံထားပေးလို့လည်း ရပါတယ်။ အမေ့ဗိုက်နဲ့ ကပ်နေတော့ Tummy timeလည်းလုပ်ဖြစ် ကလေးနဲ့ ရင်းနှီးပြီးသား ဖြစ်သွားပါတယ်။
စစချင်းဆိုတော့ တစ်ကြိမ်ကို ၃-၅မိနစ်၊ တစ်ရက်ကို ၂-၃ကြိမ်လောက် လုပ်ပေးရင် ရပါပြီ။ ကလေးက အစပိုင်းမှာ ဂျီကျတာမျိုး ရှိနိုင်ပေမဲ့ နောက်ပိုင်းမှာ အသားကျသွားပါလိမ့်မယ်။
ကလေးရဲ့ ကြွက်သားတွေ သန်လာပြီး သူ့ကိုယ်သူ ထိန်းလာနိုင်ပြီဆိုတော့ ပတ်ဝန်းကျင်ကို စပြီး စပ်စုလာပါပြီ။ လျှောက်ကြည့်ပြီး ပျော်လာပါပြီ။ ဒီအချိန်က သူတို့လေးတွေကို မြှူဖို့ အကောင်းဆုံးအချိန်ပါ။
ဒီအရွယ်ဆို ကလေးက မှောက်နိုင်ရုံတင်မကတော့ပါဘူး။ မှောက်လိုက် လှန်လိုက်နဲ့ ဆော့နိုင်နေပါပြီ။ လက်တွေ ခြေတွေကိုလည်း ပိုပြီး လှုပ်ရှားနိုင်နေပါပြီ။ ဒီတော့ သူတို့အနားမှာ အရုပ်တွေထားပြီး လှမ်းယူခိုင်းတာတွေ ကျင့်ပေးလို့ ရပါပြီ။
၆လနောက်ပိုင်းဆိုရင်တော့ တစ်ရက်ကို tummy time တစ်နာရီလောက် ကျင့်ပေးလို့ ရပါပြီ။ ဒီလိုနဲ့ တဖြည်းဖြည်းကုန်းထပြီး လေးဖက်ထောက်နိုင်လာပါလိမ့်မယ်။ ကလေးတွေ လေးဖက်ထောက်ဖို့ဆိုတာ သူ့ကိုယ်သူတွန်းပြီး ကုန်းထနိုင်မှ ရမှာကိုး။ ဒါကြောင့် tummy timeကျင့်ပေးတာက နောက်ပိုင်းမှာ လေးဖက်ထောက်ဖို့၊ ထိုင်ဖို့၊ လမ်းလျှောက်ဖို့ အများကြီး အကူအညီဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။