ကင်ဆာဖြစ်နိုင်ခြေကို ဘယ်လိုနည်းလမ်းတွေနဲ့ လျှော့ချလို့ ရမလဲ!

ကင်ဆာဆိုတာက လူတိုင်း ကြောက်ကြတဲ့ ကျန်းမာရေးပြဿနာကြီးပါ။ ကင်ဆာ ဖြစ်ပြီဆိုတာနဲ့ လူတွေက အလိုလိုနေရင်း စိတ်ဓာတ်ကျသွားကြပါတယ်။ ကင်ဆာက အပြင်းထန်ဆုံး အနေနဲ့ အသက်သေဆုံးသည်အထိ ဖြစ်စေနိုင်တယ် ဆိုပေမယ့် ကင်ဆာ ဖြစ်နိုင်ခြေကို လျှော့ချပေးလို့ ရပါတယ်။ ဒီတော့ ကင်ဆာဖြစ်နိုင်ခြေကို ဘယ်လိုနည်းလမ်းတွေနဲ့ လျှော့ချလို့ ရမလဲ! ဆိုတာကို ပြောပြပေးချင်ပါတယ်။ 

ကင်ဆာဖြစ်နိုင်ခြေကို ဘယ်လိုနည်းလမ်းတွေနဲ့ လျှော့ချလို့ ရမလဲ!

ကင်ဆာဖြစ်နိုင်ခြေကို ဘယ်လိုနည်းလမ်းတွေနဲ့ လျှော့ချလို့ ရမလဲ! ဆိုတော့ – 

• ဆေးလိပ်နဲ့ ဆေးရွက်ကြီး ဖြတ်ပါ

ဆေးလိပ်သောက်တာက အဆုတ်ကင်ဆာ၊ ခံတွင်းကင်ဆာ၊ လည်ချောင်းကင်ဆာ၊ အသံအိုးကင်ဆာ၊ ပန်ခရိယကင်ဆာ၊ ဆီးအိမ်ကင်ဆာ၊ ကျောက်ကပ်နဲ့ သားအိမ်ခေါင်းကင်ဆာတွေကို ဖြစ်စေနိုင်ပါတယ်။

ဒါကြောင့် ကင်ဆာ ဖြစ်နိုင်ခြေကို လျှော့ချဖို့ဆိုရင်တော့ ဆေးလိပ်နဲ့ ဆေးရွက်ကြီးကို ဖြတ်ပါ။ 

နေ့စဉ် စားသုံးမှုမှာ သစ်သီးတွေ ဟင်းသီးဟင်းရွက်တွေ ပါဝင်အောင် စားသုံးပေးပါ။ ဒီလိုမျိုး နေ့စဉ် စားသုံးမှုမှာ နှံစားသီးနှံတွေ၊ သစ်သီးတွေနဲ့ ဟင်းသီးဟင်းရွက်တွေကို စားပေးပါ။ ဒီလို အာဟာရ ပြည့်ဝမျှတအောင် စားပေးတာက ကင်ဆာဖြစ်နိုင်ခြေကို အတိုင်းအတာ တစ်ခုအထိ လျှော့ချပေးနိုင်ပါတယ်။

• ကိုယ်အလေးချိန် ထိန်းပါ

ကျန်းမာတဲ့ ကိုယ်အလေးချိန် ရှိအောင် ထိန်းတာ၊ နေ့စဉ် ကိုယ်လက်လှုပ်ရှားမှု လုပ်ပေးတာက ကင်ဆာ ဖြစ်နိုင်ခြေကို လျှော့ချပေးနိုင်ပါတယ်။ ဒါကြောင့် ကိုယ်လက်လှုပ်ရှားမှုကို ပုံမှန်လေး လုပ်ပေးရင်း ကင်ဆာ ဖြစ်နိုင်ခြေကို လျှော့ချပေးပါ။

• နေရောင်ခြည်နဲ့ ထိတွေ့မှုကို ရှောင်ပါ

နေရောင်ခြည်နဲ့ ထိတွေ့တာက အရေပြားကင်ဆာကို ဖြစ်စေနိုင်ပါတယ်။ နေရောင်ခြည်နဲ့ တိုက်ရိုက် ။ ထိတွေ့တာကို တတ်နိုင်သမျှ ရှောင်ပါ။ အထူးသဖြင့် မနက် ၁၀ နာရီ ကနေ ၄ နာရီ အတွင်းမှာပေါ့။ ဒါကြောင့် နေအပူရှိန် ပြင်းနေချိန်မှာ အရိပ်အောက်မှာပဲ နေပါ။

• ကာကွယ်ဆေး ထိုးပါ

အချို့သော ဗိုင်းရပ်စ် ကူးစက်မှုတွေက ကင်ဆာ ဖြစ်စေနိုင်ပါတယ်။ အသည်းရောင် အသားဝါ ဘီပိုး ကာကွယ်ဆေး HPV ကာကွယ်ဆေးတွေကို ထိုးပေးဖို့ လိုပါမယ်။ အသည်းရောင် အသားဝါ ဘီပိုးကာကွယ်ဆေးက အသည်းကင်ဆာ ဖြစ်နိုင်ခြေကို လျှော့ချပေးနိုင်သလို HPV ကာကွယ်ဆေးက သားအိမ်ခေါင်းကင်ဆာ ဖြစ်နိုင်ခြေကို လျှော့ချပေးနိုင်ပါတယ်။

• ကင်ဆာဖြစ်နိုင်တဲ့ အခြေအနေတွေကို ရှောင်ပါ

ကင်ဆာဖြစ်နိုင်ခြေကို လျှော့ချဖို့ဆိုရင်တော့ ကင်ဆာဖြစ်နိုင်တဲ့ အခြေအနေတွေကို ရှောင်ဖို့ဆိုရင် –

ဘေးကင်းစိတ်ချရတဲ့ လိင်ဆက်ဆံမှုကို ကျင့်သုံးပါ – လိင်ဆက်ဆံဖော် များတာ၊ အကာအကွယ်မဲ့ လိင်ဆက်ဆံတာတွေက ကင်ဆာ ဖြစ်နိုင်ခြေကို တိုးစေနိုင်ပါတယ်။ ဒါကြောင့် တစ်လင်တစ်မယား စနစ်ကို ကျင့်သုံးပါ။ နောက်တစ်ခုက လိင်ဆက်ဆံတိုင်းမှာ ကွန်ဒုံး သုံးတာမျိုး လုပ်ပေးပါ။ 

ဆေးထိုးအပ်တွေ မျှဝေသုံးစွဲတာကို ရှောင်ပါ – ဆေးထိုးအပ်တွေ မျှဝေသုံးစွဲတာက HIV ပိုး ကူးစက်တာ၊ အသည်းရောင် အသားဝါ ဘီပိုး စီပိုး ကူးစက်တာတွေကို ဖြစ်စေနိုင်သလို အသည်းကင်ဆာ နဲ့ အခြားသော ကင်ဆာတွေကို ဖြစ်စေနိုင်ပါတယ်။ ဒါကြောင့် ကင်ဆာဖြစ်နိုင်ခြေကို လျှော့ချချင်တယ်ဆိုရင် ဆေးထိုးအပ်တွေကို မျှဝေ သုံးတာမျိုး မလုပ်ပါနဲ့။

• ပုံမှန် ကျန်းမာရေး စစ်ဆေးမှု လုပ်ဆောင်ပါ

ပုံမှန် ကျန်းမာရေး စစ်ဆေးမှု လုပ်ဆောင်တာ ကင်ဆာ လက္ခဏာတွေ ရှိနေလားဆိုတာကို စစ်ဆေးတာက ကင်ဆာကို စောစော သိရှိ ကုသနိုင်ဖို့အတွက် အထောက်အကူ ပြုနိုင်သလို ကင်ဆာဖြစ်နိုင်ခြေကို အတိုင်းအတာ တစ်ခုအထိ လျှော့ချနိုင်မှာပါ။

အခုပြောပြခဲ့တဲ့ နည်းလမ်းလေးတွေ အလေ့အထလေးတွေကို လိုက်နာပေးတာက ကင်ဆာဖြစ်နိုင်ခြေကို အတိုင်းအတာ တစ်ခုအထိ လျှော့ချပေးနိုင်ပါတယ်။