သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

အပတ်စဉ်အလိုက် ဘေဘီလေးမှာရှိသင့်တဲ့ကိုယ်အလေးချိန် နဲ့ မေမေတို့ လိုက်နာရမယ့်အချက်များ

    အပတ်စဉ်အလိုက် ဘေဘီလေးမှာရှိသင့်တဲ့ကိုယ်အလေးချိန် နဲ့ မေမေတို့ လိုက်နာရမယ့်အချက်များ

    ကိုယ်ဝန်ဆောင်ထားချိန်မှာ ဗိုက်ထဲက ဘေဘီလေးနဲ့ပတ်သက်လို့ မေမေတိုင်းသိချင်နေမယ့်အချက်တွေက အရမ်းများမယ်ထင်တယ်နော်။ ဒီအရမ်းများတဲ့အချက်ထဲကမှ ဘေဘီလေးတစ်ယောက်ဗိုက်ထဲမှာ ကျန်းမာကျန်းမာမာရှိရဲ့လား ကြီးထွားဖွံ့ဖြိုးမှုရောပုံမှန်ရှိရဲ့လားဆိုတာကလည်းတစ်ခုအပါအဝင်ပေါ့။ ဒီအချက်လေးနဲ့ ပတ်သက်ပြီး ဒီဆောင်းပါးလေးကနေတဆင့် ပြောပြပေးပါရစေနော်။

    ဗိုက်ထဲက ဘေဘီလေးမှာရှိသင့်တဲ့ကိုယ်အလေးချိန်

    ဘေဘီလေးတစ်ယောက်ချင်းစီရဲ့ ကြီးထွားဖွံ့ဖြိုးမှုက မတူနိုင်ပါဘူး။ ဒါပေမယ့် အပတ်စဉ်အလိုက်မှာတော့ ဘေဘီလေးတွေက ကြီးထွားဖွံ့ဖြိုးမှုရှိဖို့လိုသလို ကိုယ်အလေးချိန်လည်းတက်လာဖို့လိုပါမယ်။

    • ကိုယ်ဝန်ဆောင်ကာလ ၈ ပတ်မှာ ဘေဘီလေးကိုယ်အလေးချိန်က ၁ ဂရမ်
    • ကိုယ်ဝန်ဆောင်ကာလ ၉ ပတ်မှာ ဘေဘီလေးကိုယ်အလေးချိန်က ၂ ဂရမ်
    • ကိုယ်ဝန်ဆောင်ကာလ ၁၀ ပတ်မှာ ဘေဘီလေးကိုယ်အလေးချိန်က ၄ ဂရမ်
    • ကိုယ်ဝန်ဆောင်ကာလ ၁၁ ပတ်မှာ ဘေဘီလေးကိုယ်အလေးချိန်က ၇ ဂရမ်
    • ကိုယ်ဝန်ဆောင်ကာလ ၁၂ ပတ်မှာ ဘေဘီလေးကိုယ်အလေးချိန်က ၁၄ ဂရမ်
    • ကိုယ်ဝန်ဆောင်ကာလ ၁၃ ပတ်မှာ ဘေဘီလေးကိုယ်အလေးချိန်က ၂၃ ဂရမ်
    • ကိုယ်ဝန်ဆောင်ကာလ ၁၄ ပတ်မှာ ဘေဘီလေးကိုယ်အလေးချိန်က ၄၃ ဂရမ်
    • ကိုယ်ဝန်ဆောင်ကာလ ၁၅ ပတ်မှာ ဘေဘီလေးကိုယ်အလေးချိန်က ၇၀ ဂရမ်
    • ကိုယ်ဝန်ဆောင်ကာလ ၁၆ ပတ်မှာ ဘေဘီလေးကိုယ်အလေးချိန်က ၁၀၀ ဂရမ်
    • ကိုယ်ဝန်ဆောင်ကာလ ၁၇ ပတ်မှာ ဘေဘီလေးကိုယ်အလေးချိန်က ၁၄၀ ဂရမ်
    • ကိုယ်ဝန်ဆောင်ကာလ ၁၈ ပတ်မှာ ဘေဘီလေးကိုယ်အလေးချိန်က ၁၉၀ ဂရမ်
    • ကိုယ်ဝန်ဆောင်ကာလ ၁၉ ပတ်မှာ ဘေဘီလေးကိုယ်အလေးချိန်က ၂၄၀ ဂရမ်
    • ကိုယ်ဝန်ဆောင်ကာလ ၂၀ ပတ်မှာ ဘေဘီလေးကိုယ်အလေးချိန်က ၃၀၀ ဂရမ်
    • ကိုယ်ဝန်ဆောင်ကာလ ၂၁ ပတ်မှာ ဘေဘီလေးကိုယ်အလေးချိန်က ၃၆၀ ဂရမ်
    • ကိုယ်ဝန်ဆောင်ကာလ ၂၂ ပတ်မှာ ဘေဘီလေးကိုယ်အလေးချိန်က ၄၃၀ ဂရမ်
    • ကိုယ်ဝန်ဆောင်ကာလ ၂၃ ပတ်မှာ ဘေဘီလေးကိုယ်အလေးချိန်က ၅၀၁ ဂရမ်
    • ကိုယ်ဝန်ဆောင်ကာလ ၂၄ ပတ်မှာ ဘေဘီလေးကိုယ်အလေးချိန်က ၆၀၀ ဂရမ်
    • ကိုယ်ဝန်ဆောင်ကာလ ၂၅ ပတ်မှာ ဘေဘီလေးကိုယ်အလေးချိန်က ၆၆၀ ဂရမ်
    • ကိုယ်ဝန်ဆောင်ကာလ ၂၆ ပတ်မှာ ဘေဘီလေးကိုယ်အလေးချိန်က ၇၆၀ ဂရမ်
    • ကိုယ်ဝန်ဆောင်ကာလ ၂၇ ပတ်မှာ ဘေဘီလေးကိုယ်အလေးချိန်က ၈၇၅ ဂရမ်
    • ကိုယ်ဝန်ဆောင်ကာလ ၂၈ ပတ်မှာ ဘေဘီလေးကိုယ်အလေးချိန်က ၁၀၀၅ ဂရမ်
    • ကိုယ်ဝန်ဆောင်ကာလ ၂၉ ပတ်မှာ ဘေဘီလေးကိုယ်အလေးချိန်က ၁၁၅၃ ဂရမ်
    • ကိုယ်ဝန်ဆောင်ကာလ ၃၀ ပတ်မှာ ဘေဘီလေးကိုယ်အလေးချိန်က ၁၃၁၉ ဂရမ်
    • ကိုယ်ဝန်ဆောင်ကာလ ၃၁ ပတ်မှာ ဘေဘီလေးကိုယ်အလေးချိန်က ၁၅၀၂ ဂရမ်
    • ကိုယ်ဝန်ဆောင်ကာလ ၃၂ ပတ်မှာ ဘေဘီလေးကိုယ်အလေးချိန်က ၁၇၀၂ ဂရမ်
    • ကိုယ်ဝန်ဆောင်ကာလ ၃၃ ပတ်မှာ ဘေဘီလေးကိုယ်အလေးချိန်က ၁၉၁၈ ဂရမ်
    • ကိုယ်ဝန်ဆောင်ကာလ ၃၄ ပတ်မှာ ဘေဘီလေးကိုယ်အလေးချိန်က ၂၁၄၆ ဂရမ်
    • ကိုယ်ဝန်ဆောင်ကာလ ၃၅ ပတ်မှာ ဘေဘီလေးကိုယ်အလေးချိန်က ၂၃၈၃ ဂရမ်
    • ကိုယ်ဝန်ဆောင်ကာလ ၃၆ ပတ်မှာ ဘေဘီလေးကိုယ်အလေးချိန်က ၂၆၂၂ ဂရမ်
    • ကိုယ်ဝန်ဆောင်ကာလ ၃၇ ပတ်မှာ ဘေဘီလေးကိုယ်အလေးချိန်က ၂၈၅၉ ဂရမ်
    • ကိုယ်ဝန်ဆောင်ကာလ ၃၈ ပတ်မှာ ဘေဘီလေးကိုယ်အလေးချိန်က ၃၀၈၃ ဂရမ်
    • ကိုယ်ဝန်ဆောင်ကာလ ၃၉ ပတ်မှာ ဘေဘီလေးကိုယ်အလေးချိန်က ၃၂၈၈ ဂရမ်
    • ကိုယ်ဝန်ဆောင်ကာလအပတ် ၄၀ မှာ ဘေဘီလေးကိုယ်အလေးချိန်က ၃၄၆၂ ဂရမ်
    • ကိုယ်ဝန်ဆောင်ကာလ ၄၁ ပတ်မှာ ဘေဘီလေးကိုယ်အလေးချိန်က ၃၅၉၇ ဂရမ်
    • ကိုယ်ဝန်ဆောင်ကာလ ၄၂ ပတ်မှာ ဘေဘီလေးကိုယ်အလေးချိန်က ၃၆၈၅ ဂရမ် ဆိုပြီး အသီးသီးရှိရမှာပါ။

    ဗိုက်ထဲက ဘေဘီလေး ကျန်းကျန်းမာမာနဲ့ကြီးပြင်းလာစေဖို့ မေမေတို့လိုက်နာသင့်တဲ့အချက်တွေက ဘာတွေဖြစ်မလဲ……….

    မွေးဖွားမလာသေးတဲ့ ဘေဘီလေးဗိုက်ထဲမှာ ကျန်းကျန်းမာမာနဲ့ ကောင်းကောင်းမွန်မွန်ကြီးပြင်းလာစေဖို့ဆိုရင် မေမေတို့အနေနဲ့ ဒီအချက်လေးတွေကို လိုက်နာဖို့လိုပါမယ်။

    ကျန်းမာရေးနဲ့ညီညွတ်ပြီး အာဟာရပြည့်ဝတဲ့ အစားအစာတွေကိုစားပေးပါ

    ဘေဘီလေးက အာဟာရအတွက်မေမေ့အပေါ်မှာ အပြည့်အဝမှီခိုထားရတာပါ။ ဒါကြောင့် မေမေကကိုယ်တိုင်ကျန်းမာဖို့ရော ဘေဘီလေးပါကျန်းမာစေဖို့ အာဟာရပြည့်ဝအောင်စားသုံးဖို့လိုပါမယ်။ ဒါကြောင့် သစ်သီးတွေ၊ ဟင်းသီးဟင်းရွက်တွေ၊ ထမင်း၊ ဂျုံ၊ အဆီမပါတဲ့ အနီရောင်အသား၊ ကြက်သား၊ နို့နဲ့နို့ထွက်ပစ္စည်းတွေ၊ ငါးတို့ကို သင့်တင့်မျှတအောင်စားသုံးပေးသင့်ပါတယ်။ အငန်နည်းတဲ့ အသီးခြောက်တွေ၊ အစေ့အဆန်တွေနဲ့ အခွံမာသီးတွေကိုလည်း စားပေးသင့်ပါတယ်။

    ကိုယ်ဝန်ဆောင်ဗီတာမင်

    မေမေက အစားရွေးတဲ့သူဖြစ်ခဲ့မယ်ဆိုရင်တော့ ဘေဘီလေးကြီးထွားဖွံ့ဖြိုးမှုကို မထိခိုက်စေဘဲ ဘေဘီလေးကျန်းမာစေဖို့အတွက် လိုအပ်တဲ့ ဗီတာမင် နဲ့ သတ္တုဓာတ်တွေပြည့်ဝစေဖို့ ကိုယ်ဝန်ဆောင်မေမေတွေအတွက် သီးသန့်ထုတ်ထားတဲ့ ဗီတာမင်ဖြည့်စွက်စာတွေကိုစားသုံးပေးလို့ရပါတယ်။

    ရေဓာတ်ပြည့်ဝအောင်နေပါ

    ကိုယ်ဝန်ဆောင်ကာလမှာ မေမေရော ဘေဘီလေးပါကျန်းမာစေဖို့အတွက် ရေများများသောက်ပေးပါ။ ရေဓာတ်ခမ်းခြောက်မှုကကြီးမားတဲ့ နောက်ဆက်တွဲပြဿနာတွေကို ဖြစ်စေနိုင်ပါတယ်။ ဒါကြောင့် ရေများများသောက်ပါ။ သစ်သီးဖျော်ရည်တွေသောက်ပါ။ နို့ အပါအဝင်ရေဓာတ်ပြည့်ဝစေမယ့်သောက်စရာတွေကိုသောက်ပေးပါ။

    ပြည့်ပြည့်ဝဝအနားယူပါ

    ပြည့်ပြည့်ဝဝအနားယူမှုကလည် ကိုယ်ဝန်ဆောင်မိခင်တိုင်အတွက်အရေးပါတဲ့ အချက်တစ်ခုပါ။ ကိုယ်ဝန်ဆောင်ချိန်မှာ ပြည့်ဝတဲ့ အိပ်စက်ချိန်မရှိတာ စိတ်ဖိစီးမှုများတာတွေက ဗိုက်ထဲက ဘေဘီလေးရဲ့ ကြီးထွားဖွံ့ဖြိုးမှုကို ထိခိုက်စေနိုင်ပါတယ်။ ဒါကြောင့် ကိုယ်ဝန်ဆောင်မေမေအနေနဲ့ တစ်နေ့ကို အိပ်ချိန် အနည်းဆုံး ၈ နာရီထားပေးပါ။ ပင်ပန်းခံတာမျိုးမလုပ်ဘဲ ပြည့်ဝတဲ့ အနားယူမှုရှိဖို့လည်း မမေ့ပါနဲ့။

    စိတ်ဖိစီးမှုကင်းအောင်နေပါ

    ကိုယ်ဝန်ဆောင်ချိန်မှာ ဂရုစိုက်သင့်တာက ရုပ်ပိုင်းဆိုင်ရာ ကျန်းမာရေးတင်မကပါဘူး။ စိတ်ပိုင်းဆိုင်ရာကျန်းမာရေးကိုပါ ဂရုစိုက်ဖို့လိုပါမယ်။ ကိုယ်ရဲ့စိတ်ဖိစီးမှုတွေ စိုးရိမ်ပူပန်မှုတွေကြောင့် မွေးဖွားမလာသေးတဲ့ဘေဘီလေးမှာ ထိခိုက်မှုမဖြစ်စေဖို့ စိတ်ရှုပ်စရာတွေကို မတွေးပါနဲ့။ စိတ်ဖိစီးမှုတွေကို တတ်နိုင်သမျှဖြေလျှာ့ပါ။ တရားထိုင်ပေးပါ။

    ကျန်းမာရေးစောင့်ရှောက်မှုခံယူပါ

    ကလေးက အနေအထားမှန်ရဲ့လား။ ပုံမှန်ကြီးထွားဖွံ့ဖြိုးရဲ့လား။ မေမေရော ကိုယ်ဝန်ဆေင်ဆီးချို၊သွေးတိုးတွေခံစားနေရလားဆိုတာကို သိစေဖို့ ပုံမှန်စစ်ဆေးမှုတွေလုပ်သင့်ပါတယ်။ ဆေးခန်းပုံမှန်ပြတာ၊ လိုအပ်တဲ့ ကာကွယ်ဆေးထိုးနှံမှုတွေကို မပျက်မကွက်လုပ်သင့်ပါတယ်။

    မွေးလာမယ့် ဘေဘီလေးကျန်းမာနေစေဖို့ တာဝန်အရှိဆုံးက မေမေဖြစ်သလို ရွေးချယ်ပိုင်ခွင့်ကလည်း မေမေ့လက်ထဲမှာပါနော်……………….

    health-tool-icon

    မွေးဖွားမယ့်ရက် တွက်ချက်ခြင်း

    ဒီတွက်ချက်တဲ့ ကိရိယာကို အသုံးပြုပြီး ကလေးမွေးဖွားမယ့်ရက်ကို တွက်ချက်နိုင်ပါတယ်။ အတိအကျဖြစ်မယ်လို့တော့ အာမမခံနိုင်ပါဘူး။ အနီးစပ်ဆုံး ခန့်မှန်းတွက်ချက်ပေးမှာ ဖြစ်ပါတယ်။ ကိုယ်ဝန်ဆောင် မိခင်အနေနဲ့ ခန့်မှန်းရရှိလာတဲ့ ရက်ရဲ့ မတိုင်ခင် သီတင်းတစ်ပတ်အတွင်း သို့မဟုတ် သီတင်းတစ်ပတ်အကျော်မှာ မွေးဖွားနိုင်ပါတယ်။

    ရာသီစက်ဝန်း ကြာချိန်

    28 ရက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Pregnancy: Nutrition https://my.clevelandclinic.org/health/articles/12593-pregnancy-nutrition Accessed Date 3 October 2019

    How to Increase Fetal Weight while Pregnant https://parenting.firstcry.com/articles/how-to-increase-fetal-weight-during-pregnancy/ Accessed Date 3 October 2019

    Can Certain Foods Increase Fetus Growth? https://www.livestrong.com/article/103422-foods-increase-fetus-growth/ Accessed Date 3 October 2019

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 28/06/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: