ညဘက်မှ ဆီးခဏခဏ ထသွားရလို့ စိတ်ညစ်နေပြီလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ဘယ်သူမဆို တစ်နေ့လုံး ပင်ပန်းလာပြီးမှ ညအိပ်ချိန်ကိုတော့ ပြည့်ပြည့်၀၀လေး အိပ်ချင်ကြမှာပါပဲ။ ဆီးသွားတာဟာ ကိုယ်ခန္ဓါထဲမှာ ရှိတဲ့ အညစ်အကြေးတွေကို အရည်အဖြစ်နဲ့ အပြင်ကို စွန့်ထုတ်ပေးတဲ့ ပုံမှန် လုပ်ရိုးလုပ်စဉ်မို့ ပြဿနာမရှိပေမဲ့ ညအိပ်နေတဲ့အချိန်မှ ထပြီး ဆီးသွားနေရရင်တော့ ကိုယ့်ရဲ့ အိပ်ချိန်နဲ့ ကျန်းမာရေးကိုပါ ထိခိုက်လာမှာပေါ့။

လူတစ်ယောက်ရဲ့ တစ်နေ့အိပ်ချိန်ဟာ အနည်းဆုံး ၇နာရီခန့် ရှိဖို့လိုအပ်ပါတယ်။ ညဘက်မှာ ကောင်းမွန်စွာ အိပ်စက်အနားယူမှ မနက်နိုးလာတာနဲ့ အားအင်တွေ ပြည့်ဝနေပြီး စိတ်ရောကိုယ်ပါ လန်းဆန်းတက်ကြွနေတော့မှာပေါ့။ ဒါကြောင့် ညဘက်မှ ဆီးခဏခဏ သွားနေရတဲ့ ပြဿနာကို ဖြေရှင်းလို့ ရမယ့် နည်းလမ်းတွေကို ပြောပြပေးမယ်နော်။

၁။ ညအိပ်ခါနီး ရေမသောက်ပါနဲ့။

ခန္ဓါကိုယ်အတွက် ရေဓါတ်ပြည့်ဝနေမှုဟာ အရေးပါပေမယ့် အိပ်ခါနီးမှ ရေတွေ အများကြီးသောက်လိုက်မယ်ဆိုရင်တော့ ညဘက်တွေမှာ သေချာပေါက် ဆီးထသွားနေရမှာပါ။ ဒါကြောင့် အိပ်ချိန်နဲ့ ၂နာရီလောက် ခွာထားပြီး ရေဝအောင် သောက်ပေးထားပါ။

၂။ ကဖင်းဓါတ် ပါတဲ့ အရည်တွေ မသောက်ပါနဲ့။

ကော်ဖီ၊ လက်ဖက်ရည်တွေမှာ ကဖင်းဓါတ်ပါဝင်လို့ ညဘက်မှာ ကောင်းစွာ အိပ်စက်နိုင်မှုကို အနှောင့်အယှက်ဖြစ်စေတဲ့အပြင် ဆီးသွားချင်စိတ်ကိုလည်း ဖြစ်စေပါတယ်။ ကဖင်းဓါတ်ပါတဲ့ အရည်တွေကို ညအိပ်ချိန်နဲ့ ခွာပြီး မနက်ပိုင်း သို့မဟုတ် နေ့လည်ပိုင်းမှာ သောက်ပေးနိုင်ရင် အကောင်းဆုံးပါပဲ။

၃။ အရက်တွေကို တတ်နိုင်သလောက် ရှောင်ပါ။

ကျန်းမာရေးနဲ့ ကိုယ်ခန္ဓါအတွက် ဘယ်လိုမှ ကောင်းကျိုးမပေးနိုင်တဲ့အပြင် အရက်ကြောင့် ညဘက်တွေမှာ ထပြီး ဆီးသွားရနိုင်ပါတယ်။ ဒါ့အပြင် အရက်ဟာ ခန္ဓါကိုယ်တွင်းမှာ ရှိတဲ့ ရေဓါတ်ကို ခမ်းခြောက်စေလို့ မနက်နိုးလာတဲ့အခါ ခေါင်းမူးခေါင်းကိုက်တာ၊ ကိုယ်လက်မအီမသာဖြစ်တာ၊ ပျို့အန်ချင်တာ၊ အစာစားချင်စိတ် မရှိတာတွေ ဖြစ်စေနိုင်ပါတယ်။ ဒီတော့ အရက်သောက်မယ်ဆိုရင်လည်း နည်းနိုင်သမျှ နည်းအောင် သောက်ပေးပါ။

၄။ အိပ်ခါနီး ဆီးသွားဖို့ မမေ့ပါနဲ့။

ဒါကတော့ လူတော်တော်များများ မေ့တတ်ကြတဲ့ အချက်ပါ။ ကိုယ်က မျက်နှာသစ်၊ သွားတိုက်၊ ကိုယ်လက်သန့်ရှင်းပြီးတာနဲ့ ဆီးသွားဖို့ အရေးကြီးပါတယ်။ အထူးသဖြင့် အသက်ကြီးသူတွေ၊ ဆီးမထိန်းနိုင်တဲ့ သူတွေဆိုရင် ညအိပ်ခါနီး ရေလျှော့သောက်ပေးဖို့နဲ့ ကြိုပြီး ဆီးသွားလိုက်မယ်ဆိုရင် အိပ်ရေးအပျက်ခံစရာ မလိုတော့ဘူးပေါ့။

၅။ ညအိပ်ခါနီး အစာစားတဲ့ အကျင့်ကို ဖျောက်ပါ။

ညဘက်ရောက်ပြီဆိုတာနဲ့ လူလည်း ပင်ပန်းပြီး အိပ်ချင်နေမှာပေါ့။ ဒီလို အိပ်စက်အနားယူရမယ့် အချိန်မှာမှ အစာစားလိုက်တဲ့အခါ ကိုယ်တွင်းအင်္ဂါတွေကလည်း အစာခြေဖို့အတွက် အလုပ်လုပ်နေရတယ်။ ကြာလာရင် ကိုယ်အလေးချိန်တက်ပြီး ကျန်းမာရေးပြဿနာတွေ ကြုံလာမှာပါ။ ဒါ့အပြင် အချဉ်ဓါတ်များတဲ့ အသီးအနှံတွေ၊ ဖျော်ရည်တွေ၊ ပူလွန်းစပ်လွန်းတဲ့ အစားအစာတွေ၊ ခရမ်းချဉ်သီးလို အက်ဆစ်ဓါတ်များတဲ့ အစားအစာတွေဟာ ညဘက်မှာ ဆီးသွားချင်စိတ်ကို ဖြစ်စေနိုင်ပါတယ်။ ဒါကြောင့် အိပ်ချိန်နဲ့ အနည်းဆုံး ၂နာရီခွာပြီး အစာစားပေးရပါမယ်။

ဘယ်လိုအခြေအနေတွေမှာရော ဆီးမကြာခဏ သွားချင်စိတ် ဖြစ်စေနိုင်လဲ။

ညဘက်မှာ ကောင်းစွာ အိပ်မပျော်တဲ့သူတွေ၊ ညနောက်ကျမှ အိပ်ရာဝင်တဲ့သူတွေမှာလည်း အိပ်နေရင်း ထပြီး ဆီးသွားရတဲ့ ပြဿနာတွေ ကြုံလာနိုင်ပါတယ်။ ဒါကြောင့် ညဘက်မှာ စောစောအိပ်ပေးပါ။ ကိုယ့်မှာ အိပ်မပျော်တဲ့ ရောဂါတွေ၊ စိတ်ဖိစီးမှုတွေ ရှိနေရင်လည်း ဆရာဝန်နဲ့ အမြန်ဆုံး ပြသတိုင်ပင်ပြီး ကုသမှုခံယူဖို့ လိုအပ်ပါတယ်။

ညဘက်မှ ဆီးထသွားရတယ်ဆိုတာ စိုးရိမ်စရာ ပြဿနာတော့ မဟုတ်ပါဘူး။ ကိုယ့်ရဲ့ နေပုံထိုင်ပုံကိုသာ ပြင်ဆင်လိုက်မယ်ဆိုရင် ညဘက်မှာ ကောင်းကောင်း အိပ်စက်အနားယူနိုင်ပြီး ဆီးသွားရတဲ့ ဒုက္ခကနေ ကင်းဝေးသွားမှာပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကလေး က ညဘက် ချောင်းထဆိုးနေသလား

ကလေး ကလေးကျန်းမာရေး ချောင်းဆိုး မိဘ ညအိပ်ချိန် ချွဲသလိပ် ရင်ကျပ် ကိုယ်ပူခြင်း အဖျားတက်ခြင်း နောက်ဆက်တွဲပြဿနာ အသက်ရှူလမ်းကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

Screen Timeကို လျှော့ချပါ

Screen Time ဖေ့ဘုတ်ခ် ကွန်ပျူတာ ကျန်းမာရေး ကိုယ်လက်လှုပ်ရှားမှု စိတ်ဓာတ်ကျ စိတ်ခံစားမှု ဇက်ကြောတက် မိသားစု နှိုးစက် ဖုန်း သူငယ်ချင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

မျက်နှာမသစ်ဘဲ Face Mask ကပ်လို့ ရလား

မျက်နှာသစ် Mask အရေပြား ရေချိုး အလှကုန် အိမ်သုံးပစ္စည်း ဆပ်ပြာ ချွေးပေါက် အဆီပြန် အသားခြောက် ထိခိုက်လွယ်အသားအရေ ညအိပ်ချိန် ပျားရည် သကြား ရှားစောင်းလက်ပပ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင် ဘာလို့ ခဏခဏ ဖျားနာနေတာလဲ

ဖျားနာ အအေးမိခြင်း ကိုယ်ခံအားစနစ် ရောဂါပိုး ညအိပ်ချိန် အစာအာဟာရ ရေဓာတ် တစ်ကိုယ်ရေသန့်ရှင်းရေး ခံတွင်းနံ့ စိတ်ဖိစီးမှု ဓာတ်မတည့်ခြင်း ရာသီဥတု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

worry less

စိုးရိမ်ပူပန်စိတ် ကြောင့် အိပ်ရေးပျက်ညတွေ များနေရင် ဒီနည်းလေးတွေ သုံးကြည့်ပါ

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 3 mins read
အိပ်ရာထဲမှာ ဖုန်းမသုံးမိစေဖို့

အိပ်ရာထဲမှာ ဖုန်းမသုံးမိစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဩဂုတ် 28, 2020 . 2 mins read

ကျန်းမာလှပ အသက်ရှည်ဖို့ ညဘက်ကို စောစောအိပ်ရာဝင်ကြစို့

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 31, 2020 . 2 mins read

ညအိပ်မပျော်သူတိုင်း ပြင်ဆင်သင့်တဲ့ ဆောင်ရန်၊ ရှောင်ရန် (၁၀) ချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇူလိုင် 30, 2020 . 2 mins read