အိပ်ရေးမဝကြောင်း သိနိုင်မယ့် လက္ခဏာတွေ 

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ကျွန်တော်တို့တွေက စက်ပစ္စည်းတွေမဟုတ်တဲ့အတွက်ကြောင့် မနားမနေတောက်လျှောက်အလုပ်လုပ်နေလို့ မရပါဘူး။ အသက်အရွယ်အလိုက် သင့်လျော်တဲ့အိပ်စက်အနားယူချိန်ရှိမှ နောက်ရက်တွေမှာ အားအင် ပြည့်ပြည့်၀၀နဲ့ အလုပ်လုပ်ဆောင်နိုင်မှာဖြစ်ပါတယ်။ ဒီတစ်ခေါက်ပြောပြချင်တာကတော့ အိပ်ရေးဝအောင် အိပ်စက်အနားမယူရင် ခန္ဓာကိုယ်မှာ ပြလာမယ့် လက္ခဏာတွေအကြောင်းဖြစ်ပါတယ်။

ရေပြားက မလှပတော့ဘူး

သင်အိပ်ရေးဝအောင် မအိပ်ရတဲ့နေ့တွေများနေပြီလားဆိုတာ သင့်အရေပြားကပြောပြနေပါတယ်။ လေ့လာမှု တချို့အရတော့ အိပ်ရေးမဝခြင်းနဲ့ မျက်နှာဝက်ခြံထွက်ခြင်းတို့ ဆက်စပ်နေကြောင်း ဖော်ထုတ်ခဲ့ပါတယ်။ ဘာကြောင့်ဒီလိုဖြစ်ရသလဲဆိုတာတော့ သေချာမသိရသေးပေမဲ့ အိပ်ရေးပျက်လို့ဖြစ်တဲ့ ကိုယ်တွင်းဟော်မုန်း ပြောင်းလဲမှုတွေနဲ့ ဆက်စပ်နေတယ်လို့တော့ ယူဆကြပါတယ်။ အိပ်ရေးမဝရင် ဝက်ခြံထွက်ရုံတင်မကပဲ အရေပြားပါ စိုစိုပြေပြေမရှိတော့ဘဲ ခြောက်ကပ်ကပ်ဖြစ်သွားနိုင်ပါတယ်။

ပို ‘ဝ’ လာမယ်

အိပ်ရေးဝအောင်အိပ်ထားရင် ခန္ဓာကိုယ်ထဲက ghrelin နဲ့ leptin ဆိုတဲ့ဟော်မုန်းတွေကို ကောင်းကောင်းထိန်းချုပ်ထားနိုင်ပါတယ်။ ဟော်မုန်းတစ်မျိုးက ဗိုက်ဆာအောင်လှုံ့ဆော်ပေးပြီး နောက်တစ်မျိုးကတော့ ဗိုက်ပြည့်ရင်ဆက်မစားချင်အောင် လုပ်ပေးပါတယ်။ အိပ်ရေးပျက်တဲ့သူတွေမှာ ဒီဟော်မုန်း ၂ မျိုး အလုပ်ကောင်းကောင်းမလုပ်နိုင်တော့တဲ့အတွက် စားသင့်တာထက် ပိုစားမိနိုင်ပြီး ဝလာပါတော့တယ်။

Junk food တွေပိုစားချင်လာမယ်

အိပ်ရေးပျက်တာများလေ ဦးနှောက်ရဲ့အလုပ်လုပ်နိုင်စွမ်းကျလေပါပဲ။ ရလဒ်ကတော့ တလွဲတွေဆုံးဖြတ်လာ နိုင်တာပါပဲ။ ဒါ့ကြောင့်လည်း အိပ်ရေးပျက်တဲ့သူတွေက လတ်ဆတ်ပြီး ကျန်းမာရေးနဲ့ညီညွတ်တဲ့ အစားအသောက်တွေထက် ဟမ်ဘာဂါ၊ ပီဇာ၊ အာလူးချောင်းကြော်လို Junk food တွေကို ပိုရွေးချယ်စားသုံး မိကြပါတယ်။ ဒီလိုနဲ့အချိန်ကြာလာတော့ ကျန်းမာရေးပိုထိခိုက်လာတော့တာပေါ့။

ကော်ဖီပိုသောက်မိမယ်

ဒါလည်းသိပ်အံ့သြစရာမရှိပါဘူး။ ကော်ဖီထဲမှာပါတဲ့ ကဖင်းဓာတ်က သောက်သုံးလိုက်ရင် လူကိုပိုပြီးလန်းဆန်း သွားစေတာကိုး။ တစ်ခါတစ်ရံ အလုပ်ပင်ပန်းလို့၊ အိပ်ရေးပျက်လို့ သောက်တာဘာမှမဖြစ်ပေမဲ့ အိပ်ရေးအမြဲပျက်ပြီး ကော်ဖီအမြဲသောက်နေရရင်တော့ လူကအလန်းဆန်းလွန်းပြီး ရင်တုန်တာ၊ စိတ်ဂဏာမငြိမ်တာ တွေဖြစ်နိုင်ပါတယ်။ နောက်ပြီး ကဖင်းဓာတ်က အိပ်မပျော်ဖြစ်စေတာမို့ ကော်ဖီသောက်တာနဲ့ အိပ်ရေးပျက်တာက မုန့်လုံးစက္ကူကပ်ပြဿနာလို့ ဆိုရမှာပါ။

အာရုံစူးစိုက်မှုကျလာမယ်၊ မေ့လျော့မယ်

တစ်ရက် ၈ နာရီအိပ်နေကျသူတစ်ယောက်က ၂ နာရီလောက်လျှော့ပြီးအိပ်လိုက်ရုံနဲ့တင် အာရုံစူးစိုက်နိုင်စွမ်း  ကျသွားနိုင်ပါတယ်။ အိပ်ရေး၀၀မအိပ်ရရင် အလုပ်မှာလည်း အမှားမှားအယွင်းယွင်းတွေ လုပ်မိပြီး ပြဿနာတက်နိုင်ပါတယ်။ ပိုဆိုးတာကတော့ ငိုက်မြည်းရင်းကားမောင်းမိတာပါပဲ။ အသက်အန္တရာယ်ထိခိုက်နိုင်တဲ့ ကိစ္စမို့ “ငိုက်ရင်မမောင်းနဲ့ မောင်းရင်မငိုက်နဲ့” လို့ မှာလိုက်ပါရစေ။

စိတ်ပိုင်းဆိုင်ရာ အပြောင်းအလဲတွေဖြစ်မယ်

ဂနာမငြိမ်တာ၊ စိတ်တိုဒေါသထွက်လွယ်တာ၊ စိတ်ဓာတ်ကျတာ၊ အရာရာကိုသည်းမခံနိုင်တာ စတဲ့အရာတွေ အားလုံးကို အိပ်ရေးပျက်ရင် တွေ့ကြုံခံစားရနိုင်ပါတယ်။ တစ်ပတ်လောက် အိပ်ရေးမဝဖြစ်လာရင်ပဲ ဒီလိုလက္ခဏာတွေပြလာနိုင်ပါတယ်။

ဒါတွေအားလုံးထက်ပိုပြီး အိပ်ရေးဝအောင်အိပ်ဖို့ လိုအပ်တဲ့ တစ်ချက်ရှိပါသေးတယ်။ ခန္ဓာကိုယ်ခုခံအားစနစ်တစ် ခုလုံးပုံမှန်အလုပ်လုပ်နိုင်အောင် အားပြန်ဖြည့်ပေးဖို့ လိုအပ်ပြီး အိပ်စက်ခြင်းက အကောင်းဆုံးနည်းလမ်းပါပဲ။ ခုခံအားစနစ်ကောင်းမှပြင်ပက ရောဂါပိုးမွှားတွေအလွယ်တကူမဝင်အောင် ပြန်တိုက်ထုတ်နိုင်မှာပါ၊ အခုချိန်က ဝူဟန်တွေ၊ ကိုရိုနာတွေ ကြောက်နေရချိန်ဖြစ်လို့ ပြည့်ပြည့်၀၀အနားယူထားဖို့ ပိုလိုအပ်တယ်မဟုတ်လား။ ဒါ့ကြောင့် လူတိုင်းတစ်ရက်ကို အနည်းဆုံး ၇ နာရီ အိပ်စက်အနားယူကြဖို့ မှာကြားလိုက်ရပါတယ်။

ရေးသားသူ – Dr.Htoo Tint

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သွေးတွင်းအချိုဓာတ်ကို များစေနိုင်သည့် လူသိနည်းသော အချက်များ

သွေးတွင်းအချိုဓာတ်ကို များစေတဲ့ အချက်တွေကတော့ စိတ်ဖိစီးမှုများတာ၊ အိပ်ရေးပျက်တာ၊ ဖျားနာတာ၊ ဆေးသောက်ချိန်မမှန်တာ၊ ကဖင်းဓာတ်စတာတွေကြောင့် ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Gym ကစားခြင်းနှင့် လူသိမှားနေသေးသော ဂျင်းတချို့…

Gym ယုံတမ်းစကား ကြွက်သား ကိုယ်အလေးချိန် ကျန်းမာရေး အလှအပ ခန္ဓာကိုယ် ဝက်ခြံ ကျားဟော်မုန်း လိင်အင်္ဂါ လိင်မှုကိစ္စ သုက်လွှတ် လေ့ကျင့်ခန်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

Glass skin လေးဖြစ်အောင် အခြေခံအချက်တွေကို ဂရုစိုက်ကြမယ်။

Glass skin လေးဖြစ်စေဖို့ skin careတွေကိုပဲ သုံးရမှာ မဟုတ်ပါဘူး။ သဘာဝနည်းလမ်းတွေနဲ့လည်း ကြည်လင်တဲ့ အသားအရေလေး ဖြစ်အောင် လုပ်လို့ရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ညဘက်ကောင်းကောင်း အိပ်ပျော် စေဖို့ ဒီအချက်တွေလိုက်နာစို့

ညဘက်မှာ ကောင်းကောင်း အိပ်ပျော်ဖို့၊ အိပ်ရေးဝဖို့ အရေးကြီးပါတယ်။ အိပ်ရေးပျက်ရင် စိတ်မကြည်လင်ဘဲ ကျန်းမာရေးပါ ထိခိုက်လာနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ဘေဘီလေးကို အစေ့အဆန် ကျွေးသင့်ရဲ့လား။

ဘေဘီလေးကို အစေ့အဆန် ကျွေးသင့်ရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 19, 2020 . 2 mins read
ဝက်ခြံအမာရွတ်တွေ သက်သာစေဖို့ ဒါတွေ စားပါ။

ဝက်ခြံအမာရွတ်တွေ သက်သာစေဖို့ ဒါတွေ စားပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 17, 2020 . 2 mins read
အဆီပြန်ပြီးဝက်ခြံပေါက်လွယ်သော T-zone ကို ဘယ်လိုဂရုစိုက်ကြမလဲ။

အဆီပြန်ပြီးဝက်ခြံပေါက်လွယ်သော T-zone ကို ဘယ်လိုဂရုစိုက်ကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 5, 2020 . 2 mins read
ဓာတ်မတည့်ခြင်း

ဓာတ်မတည့်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 5, 2020 . 3 mins read